توجهت ارتال من كوادر الحركة الشعبية الى منطقة ابقوتة..وهم يتوجسون خيفة من دخولهم لمنطقة من مناطق تجمع العرب الصرفة...وحين حطو رحالهم استقبلو استقبالا حارا..فى النادى والمدرسة الغربية...ووجدتو شبابا يحدوهم حب الوطن والوحدة والسلام ورياح التغير...فتجمع الناس من كل حدب وصوب لحضور ندوتهم التى بداءت الساعة الثامة مساء وانتهت الرابعة صباحا وكان الحضور جمع حليط من تشكيلة ابقوتة التى تمثل السودان الجديد..كواهلة دناقلة.نوبة.محس..شكرية شلك....نوير.عرب....وكان يوم حافل من النقاش فقال ممثل الحركة..وقد بداء فى تقديم نفسه انه من شباب رومبيك..ابوه شمالى وامه جنوبية همه هم السودان والمناطق المهمشة...ويسعى لتكوين حزبه فى ابقوتة..لانهم هم شركاء المؤتمر الوطنى فى كل شىء... تكلم فى الندوة شباب كثر من الحادبين على مصلحة المنطقة..والمظلومين من الانقاذ المشاركة وقال الاستاذ طارق حسن ادريس نحن ليس منطقة مهمشة..انما نحن منطقة(مهشمة) من جميع الحكومات المتعاقبة...فنحن مع رياح التغير... فالجدير الذكر ان الحركة فتحت مكتبها فى الخرطوم..واجرت مبنى كان لبنك مشهور فى الخرطوم
الأخ ابقوته.. افتتحت الحركة لها مكتبا مؤقتافى عمارة السيتى بنك بشارع البلدية وقد رأيت بأم عينى المواطنين السودانيين شماليين وجنوبيين بالمئات وهم بجلسون على السلالم وحتى مدخل العمارة وذلك للتسجيل فى الحركة.. فلتبل الأحزاب التقليدية روؤسها.
02-05-2005, 11:37 PM
abuguta abuguta
تاريخ التسجيل: 04-20-2003
مجموع المشاركات: 8276
قلقو تصدق سجلو بعض الشباب النشطين وقالو سوف يعضوهم بطاقات ولازم يعملو مس كلو لو هبشهم اى واحد من الكيزان ياخو ود بدر قالو ليه ولدك وحوارك جو قال حباب النافع شكرا على الطلة ولقدام
Quote: وقد بداء فى تقديم نفسه انه من شباب رومبيك..ابوه شمالى وامه جنوبية همه هم السودان والمناطق المهمشة...ويسعى لتكوين حزبه فى ابقوتة..لانهم هم شركاء المؤتمر الوطنى فى كل شىء...
هم ياخوى ناس المؤتمر الوطنى خلوا حاجة ما كوشوا عليها ...
عجبنى صاحبكم القال نحن مناطق مهشمة
ياخى السودان كله مهشم بس مين يشوف ؟؟؟
02-06-2005, 01:57 AM
abas abas
تاريخ التسجيل: 07-26-2002
مجموع المشاركات: 6255
Quote: هم ياخوى ناس المؤتمر الوطنى خلوا حاجة ما كوشوا عليها ...
والله صدقت ياعمدة ..كوشو حتى على موية الترع... دى ترعتى ودا ترعة فلان.. لكن كمان نقسم مع ناس الحركة
عباس
ناس سيدى مسجليننا من زمان لكن ما عندهم قسمة نسوى شنو..نقعد نتفرج زيهم ولا نشوف الناس القسمو ديل ناخد حقنا معاهم ..مش قالو دار ابوك ان تشلعت شيلك فيها قسمة شكرا
02-06-2005, 02:21 AM
almulaomar almulaomar
تاريخ التسجيل: 07-08-2002
مجموع المشاركات: 6485
أخي الكريم أب قوته حملتني ساقاي اللتان ما فتئتا تحملان حملهما الثقيل إلى باب بوستكم العامر هذا ودخلت وأنا أتوجس خيفة وقلت في نفسي يا ربي ناس أب قوته يكون عملوا ليهم صينية حركة وإشارة مرور وتقاطع وبي كده تكون الحركة الفتحت عندكم حركة مرور أو بوليس حركه أتاري المسألة شأن سياسي.
02-06-2005, 09:38 PM
abuguta abuguta
تاريخ التسجيل: 04-20-2003
مجموع المشاركات: 8276
حمزاوى ياحبى البداوى شكرا على سؤلك التعريفى طبعا اكيد بتعرف جبل اولياء تتجه بعدها جنوباعلى بعد 10 كيلو بطريق كوستى غرب الزلط هنالك مقاهى على الشارع...قف هنا...تتحه شرقا على الطريقى الترابى بعد 21 كيلو تقع ابقوتة...وسط الحواشات والمزارع..والغابات..تخالها كانها بونا متعلقة فوق هضبة الدكن...بها 15 حى....بها محلية تتبع لها 144 قرية و80 كمبو..بها مكاتب مشروع الرى عبد الماجد...مكتب ابقوته وبجيجة...بها 4 مدارس اساس ومدرساتان ثانوية وواحدة خاصة..معهد كومبيوتر ومعهد قران..كلية تحت التاسيس...مقهى( 0wire less)وير ليس تحت التاسيس بها ثانى سوق فى السودان يوم الاتنين والخميس.تصور هذا الكم الهائل من سكان القرى متدحرجين صوب ابقوتة المدينة وكل يحمل الامل مع بزوغ شمس كل اتنين وخميس...اول السوق كيلو اللحمة ب 10الاف واخره بالفين او ثلاثة...اما الخضار اخر السوق مجان...تخم وتمشى...والبقاقى يحرق ويرمى فى البلدية فها سوق مواشى (جمال _بقر ضان_ماعز_حمير_ حصين_بقال) سوق طيور,سوق سمن وبروش, وطلح سوق عيش وقمح... طبعا الولد الحلفاوى..دا ما قصر..ابوه عبد الرحمن شلبى رطانى من حلفا وصل ابقوتة وتقلقل وسط اهلها الى ان صار سكرتير نادى الاهلى الرياضى وعمر الفاروق كان بتخذها نقطة عبور لما ابوه بكون ماشى غرب المناقل...وهنالك طريقين للمناقل..اما عبر ابقوتة او عبر ام علقة الاخيرة قبل القطينة.... طبعا فى ناس بجو لها عن طريق الحزام الاحضر ..وعن طريق الباقير وعن طريق مشروع سندس الوهمى...وديل ناس التهريب...سكر بنزين او ناس زايغين..من الضرتئب....لكن ضرائب ابقوتة ما منها زوغة...اذا اردت ان تدخل ابقوتة الا عن طريق 4 كبارى ودى محروسة رسمى حتى سيارات الهمر لا يمكن ان تدخل بدون ضريبة المعلمين....والجدير بالذكر ان المعلمين الوحدين الذين تدفع لهم راوتهم يوم 30 من كل شهر ...لان لهم دخل ثابت قد نجى من كلاب الانقاذ بفضل شباب حادبين على المصلة ...هو دخل الكبارى...الاربعة...لجنة من مكتب المعلمين يشرفون عليه شفت كيف
حمزاوي يا راجل يا رايع .. شنو الغيبة دي من ما صليت بينا وعيييييييييييييييييييق ..
ابوقوتة لو ما اخاف الكضب واحدة من ضواحي الجزيرة مدينة طيبة وناسا طيبين انا ما بتزكرا شديد لكن بتزكر لمن نكون ماشين مدينة الهدي في طريق المناقل كانت ابوقوتة هي المحطة الاساسية لتزويدنا بي الفطور من شية وفول وبسكويت عن طريق الاطفال ... يبقا يا حمزاوي ابوقوتة مدينة من مدن الجزيرة ... اها كيف ليك يا ابوقوتة معلوماتي العامة ؟؟؟قادي جغرافيا مش؟؟؟
الحبيب الغالي أبقوتة،، تحياتي ،، مبروك عليكم طلة الحـركة،، ويامرحى لكم بروح السودان الجديد،، لـكن ياالحبيب ( ناس الحركة عرفـوا ابقوته دي كيف؟؟ )
الأخ حـمزاوي،،
Quote: اين تقع ابوقوته ؟
مدينة أبـقوتة ( درة الجـزيره ) تتألف من وسط المدينة (السوق) واحياء متفرقة حول السوق (أشهرها حى التجار) و عدد كبير من القرى المجاورة (الخيران ،كمبو مالك ) وغيرها كثير .. حى ( عشرة بيوت) وحقيقة الامر أنه ( ما عشرة بيوت بس ) نموذج للسودان المصغر بتنوع سكانه و قاطنية الذين قدموا من شتى بقاع السودان (و قد كان للرطانة حضورهم المميز) ، يمثل حى عشرة بيوت المجمع السكني لأسر موظفي مكتبى أبقوتة وبجيجة التابع لمشروع الجزيرة صاحب التاريخ الذهبى والذى أفل نجمة في عهد السلطة الحالية.. وضعنا فيها عصا الترحال حينا من الدهر ، أحتضنتنا بعد ان ضاقت علينا أرض السودان الكبير بمارحبت ، رأت عيناي النور في رحابها و أنا النوبي القادم اليها من أقصى الشمال ، أمضيت فيها طفولتى و بداية عهدي بالمدرسة ، أهلها شرفاء كرماء أهل شهامة ونخوة ، عشنا بينهم أجمل ايام العمر لنزرف الدمع حينما شاءت الاقدار أن نفارقهم.
ايها السادة الكرام انني قد زرت ابوقوته عدة مرات وتنقلت اثناء عملي في مجال التدريس في قرى الجزيرة وكان طريقي بابوقوته والمحيريبا ومكتب 65 والمدينة عرب والشكينيبا والعزازي والمناقل و24 القرشي اخي ود صديق هل يوجد قوت في ابوقوته ؟
02-06-2005, 09:53 PM
abuguta abuguta
تاريخ التسجيل: 04-20-2003
مجموع المشاركات: 8276
حمزاوى ياحبى البداوى انا قلت ليك شكرا لسؤالك التعريفى لان اعلم انك زرت ابقوتة من قبل فى احدى البوستات السابقة..وفطرت فى مطعم عبد العاطى..وشربت البارد من كشك ود المشاى....لانى علمت من سوالك تريد ان تسلط الضوء ..على قرية فى شكل دامر المجذوب ...بين البندر والحضر
اما عن سوؤلك الاخير هل يوجد قوت فى ابقوتة..علمى علمك..وهل يوجد قوت فى السودان ككل لكن السودان بخيروا...عارف كيف امس حضرت حلقة فى النيل الازرق..اختطلت فيها الوجوه والسمرة والحمرة وجانى طيفها عبر للملكة... شفت النيل يجرى من الجنوب للمحس المقدمة بنت من بنات الزاندى...من نوميلى المضافين فرقة نوبية من حلفا بنات زى الصيد فى الجيد ..واصوات زى المندلين..والله قربت اتصل عليك لكن بتكون شفتها
لكن السؤال قائم للعارفين هل سوف تتوفق الحركة فى تكوين حزب فى الشمال؟؟؟؟؟ لك معزتى ولقدام
02-06-2005, 10:09 PM
حمزاوي حمزاوي
تاريخ التسجيل: 10-10-2002
مجموع المشاركات: 11622
Quote: تعال وانا اعطيك واحدة محسية نفس الحلاوة ونفس المقاس واقل كمان لو عايز انت بس شرفنا
خلفت دنقلا جنة النيل وعبرت على عبرى وكرمة النزل
انت خلى العرض...مستمر..ما تقدر تغمض عينيك
حمزاوى انا سودانى قح...زرت حلفا ومحس اسوان عشت معهم 15 يوم فى حى ابو الريش بجد عشقت تلك السمرة النحاسية...نزلت فى فندق البحيرة شهرا كاملا ما زلت اذكر تلك الوجوه سافرت الهند تشعبت علاقاتى بين الشعوب..هنالك تعرفت على السودان اكثر...مشكلتى انا ترحلت كثيرا...وترحل قلبى تبعا
وبقول فى احدى قصائدى
رحماك ياربى فى بلد الهنود فانى لى وطن ياست الجمال كفى عن مغازلتى ما كنت صاحبك فان فتاتى فى تلك القطاطى وحزمة النال فى خلق نعيمة وامى مهيرة وجمال تاجوج فى لفحة الشال تعودت ياهند تغير الاماكن حتى قلبى صار رحال فياعزة قومى وانشدى قومى فقال الخليل كفاية الدلال
دى مشكلتى ياحمزاوى ترحل القلوب وتسلم ياحبيب
(عدل بواسطة abuguta on 02-07-2005, 00:23 AM) (عدل بواسطة abuguta on 02-07-2005, 01:32 AM)
02-07-2005, 00:47 AM
omer almahi omer almahi
تاريخ التسجيل: 03-25-2004
مجموع المشاركات: 1507
العزيز ابوقوتة كل العام وانت بخير والوطن بخير واهلنا في ابوقوتة بخير لاول مرة ادرك رغم توسطنا في قلب هذا الوطن الحبيب اننا (مهمشون ومهشمون ومشوهون ) حين يزور ثوار الحركة الشعبية (ابوقوتة) ويقيمون الندوات ويفتحون دارا هنالك في قلب تلكم المنطقة الطيب اهلها وهذا بالتأكيد اعتراف من اخواننا في الحركة بأن ( قهبونة وكتاحة وعصار) ابوقوتة تدخلها قائمة المناطق المهمشة والتي يقاتل زعيم الحركة الشعبية لاجل اهلها وهو موقف يشفع لطيبة الذكر ابوقوتة وتخرجها عن قائمة المناطق المغضوب عليها والمتهمةبالاستحواذ والاستيلاء علي مقدرات الوطن الحبيب وهي تقع ضمن منطقةما يسمى (المثلث الذهبي) (الخرطوم كوستي سنار وبالعكس) كما يصنفها احد رواد هذا الفكر الجهوي المأزوم حيث جلب لنا توسطناالعفوي هذه التهمة البغيضة تهمة الاستحواذ من قبل مجموعات جهوية كثير من اصحابها كانوا الى حين قريب في ركب الانقاذ (اللاميمون) حداة وطغاة وبغاة الى ان طال اذاها ديارهم وخرجوا عنها لقتالهاحينما كانوا يقصدون بالوطن مجرد جهاتهم ومناطقهم وما غيرها (ياكل نارو)وقد صارت لغة سائدة هذه الايام لها مروجوها ومشجعوها حتى صرنا نشكك في نضالاتنا ونضالات كثير من ابناء الوطن والذين لم يحسبوا يوما بأنهم مهمشون بل مستفيدون ومنعمون ومدللون بذات مفردات اللغة الركيكة المأزومة فهل ياترى كان الرائع مصطفى سيد احمد يصدح حتى الموت لود سلفاب ام لديار الشايقية ام لهذا الوطن الكبير وهل يا ترى سقط الشهيدالقرشي لاجل عشيرته في ( القراصة) وعموم بحر ابيض المنعم اهله ام لاجل هذا الوطن الكبير ام سقط الشهيد سليم ابوبكر بن بحري المدلل لاجل خرطوم بحري ( الطراوة والزول حلاوة)ام لاجل هذاالوطن الكبير وهل يغني العملاق وردي للمحس والسكوت ام للوطن الكبير ومحجوب شريف هل كان امدرمانيا بحتا ام هو الوطن الكبير في نبض شعره الدفيق وهو ينشد كما غنى الخليل (عزة في هواك) وهي ليست حلفااو امدرمان بل الوطن الكبير وووو التحية لاخواننا في الحركة الشعبية في هذا التمدد الوطني المشروع في كل اركان البلاد لان اسمها الحركة الشعبية لتحرير السودان وليس جنوب السودان ولانها تضم في احشائهاأشاوس من كل ابناء السودان ودماء ابطال عمدوا مسيرتها بالدم الحر الشريف من كل بقاع السودان لان الوطن في وعيهم لا يقبل القسمة على اثنين فلا فرق بين (طابت) ومريدي والفاشر وحلفا وكسلا عند اخي (عرمان) عندما قرر ان يدخل الرهان وهو رهان الوطن الكبير ليس رهان الاقزام والجهويين الصغار؟؟؟ وقريبا اتوقع اخي ابوقوتة ان يمدد الرفيق قرنق حدود الجنوب الجديدة بعد هذه الزيارة الميمونة لوفد الحركة الشعبية حتى سوق ابو قوتة الحبيبة من ضمن المناطق المهمشة في سياق مفهوم الحركة الشعبية المتجدد في ضم المهمشين والمهشمين لتنعموا بحقكم في حكم ذاتي و( شوية جازولين وبمبر سلطة)بس خارج قسمة المرفعينين الشريكين و(الريد قسم يا عينيّ).
اخوك هباني
02-07-2005, 02:26 AM
abuguta abuguta
تاريخ التسجيل: 04-20-2003
مجموع المشاركات: 8276
ود هبانى الليلة جانى اهل النظارة العمودية والصالة الافندية طبعا كلامك لا يجتاج لتعقيب منى الناظر خوجلى هبانى ..معانا فى ابقوتة وابنائه وبناته وفى الرياض اعرف عمر هبانى واخوه شغالين فى البان الصافى لكن ياتو هبانى ما عارف شكرا للاستنارة والاضافة الحقيقة فلقد اعطيت الموضوع بعدا اخر ولك معزتى وليس مزتى....كما علق عليها الجميل صاجب اليراع المشقوق... خالد الايوبى حين سقطت منى العين
(عدل بواسطة abuguta on 02-07-2005, 02:30 AM) (عدل بواسطة abuguta on 02-07-2005, 02:34 AM)
وبدأ التنين يتمدد وينفث دخانه الكثيف فى كل الديار ويضحك على عقول البسطاء وهو مزهوا مثل الطاؤؤس وواثق من أن ضحاياه لا يعرفون سره ولا يعرفون أيضا أنهم وجبة التنين مساء اليوم التالى!
02-08-2005, 10:01 AM
مهاجر مهاجر
تاريخ التسجيل: 11-23-2002
مجموع المشاركات: 2997
Quote: انا رجعت من الهند لقيت في فداسي كنيستين وفيها اوربيين وكلوا وقالوا كمان مسجلة لديهم
انتو ما ناس الحضارة ساكنين الزلط وما عندكم غلط نحن ذاتنا يامهاجر نزلنا الطوب وقرنق حبوب
سالت من هذا التمدد احد العارفين بخبايا الكيزان قال لى دى من ضمن خطط ثقافة السلام واغلب الدعاة لها انقاذين عشان يودرو ليهم الدرب لكن بتجيهم بالساحق والماحق اسى فى دائرتنا لو نزل ملاك من السماء وترشح الفائز اما ود العمدة امة او ود المنقا اتحادى شنو ليك ولقدام
02-09-2005, 08:02 PM
abuguta abuguta
تاريخ التسجيل: 04-20-2003
مجموع المشاركات: 8276
الحبيب احمد ابوقوته سلام هذه الزياره وإن أثمرت شيئـًا فستكون زياره الذئب للحمل we live and see ، فمواطن ابوقوته يدرك أن بينه وبين الحكومات المتعاقبه عقبات مستحيلة الحل ،وقد مارست الاحزاب التي شاركت في الحكم حاليا او سابقا خداع و تمثيلية فاشلة وهي تمثيلية الوعود والتسويف بدون تنفيذها علي ارض الواقع و كانت النتيجة احتقان مزمن لمواطن ابوقوته ناتج من تراكمات اليأس التي سببتها التمثيلية وبالرقم من ذلك فقد انجز مواطني ابوقوته ماعجزت عنه الحكومات التي كانت تتملق عن الدعم لان الحكومات ممثله في شخصيات تقدم مصالحها الشخصيه والحزبيه علي العمل الوطني .
Quote: تشكيلة ابقوتة التى تمثل السودان الجديد..كواهلة دناقلة.نوبة.محس..شكرية شلك....نوير.عرب
لوووووول ابوقوته فيها كواهله .
انور احمد
02-10-2005, 01:34 AM
abuguta abuguta
تاريخ التسجيل: 04-20-2003
مجموع المشاركات: 8276
الاخ انور عالم الاحصاء ومعجم اللغة فى النحو والاملاء تحليك لسياسى محنك من العلماء ابقوتة فيها القوقاء والدهماء وحكومات لم تزدهم غير عماء دواتك لنجدتهم من رب السماء
Quote: لوووووول ابوقوته فيها كواهله
طبعا سكان ابقوتة قديراب حسنات كواهلة جدهم الكبير اسمه قدير ود سليمات ود ابراهيم ود( عرمان) شفت ناس الحركة جابن لينا منو....يقال انهم جعلين سكنو ديار كواهلة وتكوهلو لكنهم جاووا من منطقة الذايداب ...مبارين النيل...الى ان استقروا فى منطقة ابودريش جنوب الخرطوم...يتقلقلون ايام الخريف الى ابقوتة الحالية...وموسم الجفاف يرجعون الى الضفاف..وعندى مجى مشرع الرى عبد الماجد وامتداد المناقل ..فضلو حياة الاستقرار والزراعة فكان لهم نصيب الاسد من حواشات المشروع .الذى كان فى قمة الانتاج الى وقت قريب يعنى قبل الحكمتبن العسكريتين....لكن بعد كدا شكلهم سوف يرجعون الى حياة البداوة...لكن حتى البداوة..فقدو مقوماتها المواشى...والكلا...وان وجدو الاخير فاين لهم بالاول..لذلك عليهم الصبر على العولمة مدارس كهرباء مع الاحتفاظ بالفقر...والوعود الكاذبة شكرا انور شكرا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abuguta
قلقو
قرشـــو
abas
almulaomar
omer almahi
هشام هباني
nour tawir
مهاجر
فيس بوك
تويتر
انستقرام
يوتيوب
بنتيريست