|
أزمة الكتاب المدرسي ... خصخصتو المطبعة الحكومية ليييه؟ فكيتوا مركزية الدولة لييييه؟؟
|
بالامس وحها لوجهة في تلفزيون المؤتمر الوطني، اتنين كيزان او على الاقل واحد منهم اللهو السيد الوزير والتاني من لجنة المطابع بالغرفة التجارية
الشكلة لي رب السماء والضحية كالعادة لا هذا لا ذاك
بل هو التلميذ
سعادة الوزير يكذب ويتحرى الكذب بان المشروع الحضاري ناجح جدا، ونجح في انه جعل من وزارة التربية والتعليم وزارة تهتم بالشئون الاكاديمية فقط، وليس لها علاقة بطياعة كتاب ولا يحزنون، ومبسوط جدا في انو المشروع الحضاري نجح في انه كل ولاية ومحليه تهتم بكتاب تلميذها وليس على الحكومة المركزية والوزارة الاتحادية حمل هموم كل السودان
السيد المطبعجي قال، الحكومة كنا بنطبع ليها بعد ما خصخصت المطبعة الحكومية، ولمدة خمس سنوات كانت الوزارة الاتحاية بتدين الولايات الكتب البنسلمها ليها واحنا هسه عاوزين من الحكومة مبلغ 15 مليار جنية (ما بعروفوا قديم ولا جديد) والحكومة ما عاوزة تدفع
وكثير من الغثاء و الكلام الما بودي ولا بجيب، وكان هناك همز زلمز قذر، اسئله كان مقدم البرنامج واتهامات متبادلة بينهم الاثنين، جلاها وما حاول يقيف عليها
مثلا: المطبعجي قال وين هسه اصول وممتلكات الهيئة القديمة
الوزير عمل نايم
وتاني الوزير نكش الزول وقال ليه الكتب دي زاتا انتو ما بتدفعوا حق حقوق الملكية الفكرية كما يجب
صاحبنا المطبعجي برضو عمل نايم
صاحبنا المطبعجي قال يرد ليه بالشلوت، قال للوزير انتو غيرتو في ظرف سنتين عنوان 28 كتاب مدرسي ودي ما حصلت في تاريخ السودان
عواليق وكلام خرام بارم لا بهمنا لا بهم التلاميذ
احدى الاستطلاعات التي قامت بها كاميرا البرنامج افاد فيها معلم بأن هناك كتاب واحد لكل 8 تلاميذ؟؟؟؟؟؟؟
المحصلة شنو يا سعادة وزير التربية والتعليم
النتيجة شنو من وراء المشروع الحضاري بتاعك
BIG ZERO
طيب اذا لم ينجح المشروع الحضاري وخطة عشرية وخطة ربع قرنية وخصخصة وتحول ديموقراطي فيدرالي حقيقي
في انو يوفر كتاب مدرسي للطلاب (بالمجان)
مخصخصين المطبعة الحكومية لييييييييه؟؟
مفرتقين البلد وعاملين 26 ولاية ليييييييييييييييه؟؟
ما كنا كويسين وكان عندنا كتب في المدارس، وكان عندنا مدرسين، وكان عندنا مدارس
الجابكم انتو زاتو شنو ياخي
الله لا كسبكم
|
|
|
|
|
|
|
|
Re: أزمة الكتاب المدرسي ... خصخصتو المطبعة الحكومية ليييه؟ فكيتوا مركزية الدولة لييييه؟؟ (Re: أحمد ابن عوف)
|
شكرا الاخ ابن عوف كما عهدناك
الناس ديل خصخصوا اي حاجة كانت ملك حكومة السودان
تبدأ من وين ولا من وين الاراضي الباعوها للعالم الخارجي
ولا المؤسسات الحكومية الملكوها لروحهم.
اما حكاية التعليم دي حكاية مقصودة مع سبق الاصرار والترصد
لانهم في سعيهم الجاد والحثيث هم عايزين شعب جاهل لا يفقه شيئ
طلاب يصلون الى المرحلة الجامعية ولا يستطيعون ان يفرقوا بين
التحرش والتحريش وهذا ما تراه في برامج تلفزيون المؤتمر اللاوطني.
والله العملواالمؤتمر اللاوطني في السودان الشيطان زاتوا متحير فيه
الله لا كسبهم دبل
| |
|
|
|
|
|
|
Re: أزمة الكتاب المدرسي ... خصخصتو المطبعة الحكومية ليييه؟ فكيتوا مركزية الدولة لييييه؟؟ (Re: أحمد ابن عوف)
|
شكرا الاخ ابن عوف كما عهدناك
الناس ديل خصخصوا اي حاجة كانت ملك حكومة السودان
تبدأ من وين ولا من وين الاراضي الباعوها للعالم الخارجي
ولا المؤسسات الحكومية الملكوها لروحهم.
اما حكاية التعليم دي حكاية مقصودة مع سبق الاصرار والترصد
لانهم في سعيهم الجاد والحثيث هم عايزين شعب جاهل لا يفقه شيئ
طلاب يصلون الى المرحلة الجامعية ولا يستطيعون ان يفرقوا بين
التحرش والتحريش وهذا ما تراه في برامج تلفزيون المؤتمر اللاوطني.
والله العملواالمؤتمر اللاوطني في السودان الشيطان زاتوا متحير فيه
الله لا كسبهم دبل
| |
|
|
|
|
|
|
|