|
Re: والله شي غريب ..اليابانيون يرون مالا نراه (Re: فيصل محمد خليل)
|
الاخ العزيز فيصل ..سلامات واخبارك؟
انا من زماااااااااااااااان بحب اليابانيين ديل شديد..
لما كنت في تالتة ولا رابعة ابتدائي قريت كتاب صغير كدا اسمو
اليابان بلاد الشمس المشرقة..ومن ديك وعيك وانا مغرمة بيهم
وبطريقة تفكيرهم all or none ما عندهم حاجة نص نص..
رمضان الفات كان في برنامج بتاع خواطر شاب بيتكلم عن الشعب الياباني
ياخي دا شعب راقي جدا..وحتي سيئاته بتكون نتيجة بحثهم ورغبتهم في الكمال
الانساني..يعني الواحد فيهم ممكن ينتحر بكل بساطة لو احس انو مقصر
في عمله او اساء لاشخاص بعينهم ..ما عندهم المفهوم بتاع(كل بن آدم خطاء
وخير الخطائين التوابين) يعني بيحملوا نفسهم اكتر مما تحتمل ..
الناس ديل لو لخبطوهم معانا بنطلع خلطة ما تخلص..
| |
|
|
|
|
|
|
|