كتب الكاتب الفاتح جبرا المتوفرة بمعرض الدوحة
|
Re: بختكم حققتوا الهدف, وجابوكم فى التلفزيون والجرائد!! (Re: Balla Musa)
|
العزيز د.بله والضيوف الكرام تحياتى
Quote: الريس العوض والعزيز معتصم ما فهمته من د. بله غير خالص (أظن) أنه يريد أن يقول أن هنالك عنصرية داخل البلد فلما الاستغرب من عنصرية اللباينة؟
لا يمكن أن يكون مقصدة بورداب الخرطوم الغيورين علي سودانيتهم أبداً
ذلك ما تعشمته في الدكتور ومن خلال كتاباته بالمنبر أنه لا يمكن أن يقلل من شأن زملائه |
واضيف وادلل من مداخلة الدكتور
]Quote: إذا أبوك ببيتك فى زريبة البهايم عايز جارك يفرش ليك أوضة النوم؟ |
وفهمت اذا كان الموطن السودانى يضرب داخل السودان هل نطالب ونرفض ضربنا خارج السودان؟؟
وارد على الدكتور نرفض اهانة الانسان عموما والسودانى مطلقا والحراك بيبداء ويحدث تراكم للتجارب وسوف نتعود على الرفض وهذه تجربه لنا كيف نرفض العنصرية ونحقق حقوق الانسان الذى كرمه الله وان نتوحد ونلتف حوا السودان ولاللقبيلة
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: Balla Musa)
|
بختكم حققتوا الهدف, وجابوكم فى التلفزيون والجرائد!!
دكتور بلة تحياتي واسف جدا واتمني ان اكون فهمت غلط انا, وانك لاتقصد ما فهمته انا !! هل تعتقد ان كل الذي حدث وان الذين خرجوا من بيوتهم وغابوا عن عملهم وخرجوا في حر شديد كان هدفهم هو ان يجيبوهم في التلفزيون والجرائد ؟؟ وهل تعتقد ان الذين خرجوا وانا منهم نكرات هدفنا هو الظهور في التلفزيون والصحف ؟ وهل ظهورنا هذا هدف نسعي لتحقيقه ؟؟ وحتي صورنا التي وضعناها في بروفائلنا نقصد بها اعتزازنا بالمنبر الذي خرجنا نمثله ونمثل عضويته وتحدثنا بما يهدف اليه طرح المنبر .. بالجد لم اجد عذرا لك في هذا العنوان ..
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: العوض المسلمي)
|
عزيزنا دكتور بلة ..
لك التحيات ..
هذه الكلمات لا تشبهك واستغربت ان تصدر عنك انت بالتحديد فما قام به الاخوة والاخوات من بورداب الخرطوم ومن معهم عمل كبير وانجاز ضخم بدليل الصدى الذي يتردد حتى اللحظة في كافة وسائل الاعلام ولم يكن هدفهم الظهور في الفضائيات والصحف كما ذكرت وكان ذلك آخر اهتماماتهم واؤكد لك ان معظمهم تسعى اليه تلك الصحف والفضائيات ولا تجد اليه سبيلا ..
لك الود
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: معتصم محمد صالح)
|
الريس العوض والعزيز معتصم ما فهمته من د. بله غير خالص (أظن) أنه يريد أن يقول أن هنالك عنصرية داخل البلد فلما الاستغرب من عنصرية اللباينة؟
لا يمكن أن يكون مقصدة بورداب الخرطوم الغيورين علي سودانيتهم أبداً
أو أن يكون مهكراً
ذلك ما تعشمته في الدكتور ومن خلال كتاباته بالمنبر أنه لا يمكن أن يقلل من شأن زملائه
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: Balla Musa)
|
Quote: وهل جاءت الحكومة للحكم بتصديق يا بت الشيخ؟ وهل يحتاج ثوار الحق لتصديق؟ وهل ستصدق الحكومة لتعريتها؟ |
يادكتور ..
المسيرة دي كان ممكن ماتصل نهاية الشارع لو ماشة للقصر ... والناس الطلعت فى المسيرة دى اغلبهم ثوار حق وضاقو مر الحكومة بكل اشكالو والوانو وكونهم اتوجهو للسفارة اللبنانية دا مابقلل من مجهودهم,,,
اصلا الهدف كان شنو من المسيرة? مش الناس توصل صوتها وتظهر استنكارها للحصل كووولو? المسج وصلت سواء كان للسفارة اللبنانية او للحكومة ...
المشكلة يادكتور انا حاسة بانو فى تقليل من مجهود الناس فى عنوانك دا..
مع كامل احترامى
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: Amira Elsheikh)
|
Quote: دكتور بلة تحياتي واسف جدا واتمني ان اكون فهمت غلط انا, وانك لاتقصد ما فهمته انا !! هل تعتقد ان كل الذي حدث وان الذين خرجوا من بيوتهم وغابوا عن عملهم وخرجوا في حر شديد كان هدفهم هو ان يجيبوهم في التلفزيون والجرائد ؟؟ وهل تعتقد ان الذين خرجوا وانا منهم نكرات هدفنا هو الظهور في التلفزيون والصحف ؟ وهل ظهورنا هذا هدف نسعي لتحقيقه ؟؟ وحتي صورنا التي وضعناها في بروفائلنا نقصد بها اعتزازنا بالمنبر الذي خرجنا نمثله ونمثل عضويته وتحدثنا بما يهدف اليه طرح المنبر .. بالجد لم اجد عذرا لك في هذا العنوان .. |
الشعب السودانى محبط يا العوض المسلمى
ولو قطعتا من لحمك واديتو لا يعجبوا العجب ولا الصيام فى رجب
وما كاتب البوست هذا الا -- مثالا
ولا املك الا ان اقول اللهم ثبت العقول وعلم الجهول
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: Amira Elsheikh)
|
.
يا بلة يا أخوي مهما كان قصدك نبيل لكن صياغة العنوان بتقلل من العمل الكبير والعظيم الكان قامت بيه المسيرةالمسيرة بتقول انها بتدشن عهد جديد فيه قوي بتنطلق بكل ألوانها السياسية من منبر سودانيزاونلاين تقول أنها بعد ما حصل في مذبحة ميدان مصطفي محمود بالمهندسين والحصل في بيروت ستتولي اعباء محاصرة كل بلد يهين السوداني كونه ليه ما توجهوا للقصر فدا ما بيعني إنهم لازم يقلبوا أو يحتجوا علي الحكومة في الأول ولا مهم أنهم كلهم يكونوا عندهم الطاقة البغيروا بيها الحكومة...في الحد الأدني دي بداية لمسيرة اتوقع منها الكتير تبدأ من سودانيز أون لاين أرجو أن لا نعدمها في مهدها ونعلي سقف المطلوب منها...والله مشكورين بالقاموا بيه وإلي الأمام ومزيد من الاعمال الوطنية
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: معاوية عوض الكريم)
|
التلفزيون و الجرائد بتاعت الحكومة...؟؟؟!!! حققوا بيهم هدف...يا بله؟؟؟ او ربما اهداف اخري.....؟؟؟؟
لكن الصراع قديم والعنصرية... طلعت من مستوي الفرد الي مستوي الجماعات...ناس لبنان ومصر والناس الاكتر بياضا من الشمال... خيخلصوا لي ناس ماريا في الجنوب حقهم... من التفرقة و العنصرة.. والتهميش المارسو الشماليين في الجنوب...منهم من كان يسكن في عريشة من جماجم قتلاهم من الجنوب... وهم الان في تشكيلة الحكومة الجديده...ويفتخرون ب>لك التاريخ الغريب...
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: Balla Musa)
|
يا خوانا ما تقهموا الراجل ساي الفهمتو من كلام بلة إنو في اولويات أو إنو المبادئ لا تتجزأ يعني مفروض قبل الناس تهيج و تستنكر الظلم الوقع على السودانيين في لبنان كان يقيفوا ضد الظلم الوقع على الأطباء وقبل موضوع الأطباء يرجعوا لأحداث مصطفى محمود و قبلها لازم كان يقيفوا ضد إعدام شهداء رمضان وقبل كدا إعدام محمود محمد طه وما تنسوا ناس عنبر جودة وهكذا لامن نصل لناس على عبد اللطيف و شهداء ام دبيكرات حدنا انتهاكات الزبير باشا وممارستو لتجارة الرق غير كدا يبقى احتجاجكم الأخير و المسيرة و غيرو عمل غير مبدئي و حب للظهور و مش عارف إيه
قريتك كيف يا بلة ؟ ما تقول لي بالإضنين ___________________________________ يا خوانا القريب من ود جبريل و حبيب نورة اليحدثهم يرسلوا لبلة في إيميلو
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: شول اشوانق دينق)
|
Quote: يا دكتور انا برضو بعرف أكتب بتيشن بالحيل ... فتقدم أنت الصفوف وانا بخاطب بالنيابة عنك الهيومن رايتش ووتش |
شول يا اخوى
أنا جلابى وانت من الهامش فامشى انت وانا بعمل اللازم مع منظمات حقوق الإنسان ومنظمات المجتمع المدنى وسودانيزاونلاين.و إذا حصل أمر الله أوعدك بأن أطالب السياسيين بتدشين حملتهم الإنتخابية من منزلكم.
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: Balla Musa)
|
يا بلة ياخوي كان قراية الإضنين بتكنّب بكري دا إلاّ يلعبها و يحكمها براه الله ورقبتو يعني عامل فيها رايح من سبب قعاد الكنب ياخي إنت الكنبة شكت و بكت من طول قعادك فيها
___________________________
أسمع وقت الليلة رديت و البوست خستك أو كاد ما تكمّل لينا بوستك بتاع الكلمات المسيئة هنا
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: Balla Musa)
|
Quote: أولا أنا مابلعب مع زول احتياطى . |
ما مشكلة يا أنا رجعت التشكيلة يا كمان إنت جايني الكنبة
Quote: وثانيا سياستى البوردية لعام 2010 أن أى بوست عندو إكسيبرى ديت.
ما كنبة إنت جايى تناقش بوست فى الزمن الصايع |
في دي صدقت مع الإكسبيري ديت تنتهي صلاحية البوست و القناع الكان لابسو سيدو
بعدين الزمن دا صاع متين؟ قريبات دي كان ود ناس
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: محمد البشرى الخضر)
|
Quote: شول يا اخوى
أنا جلابى وانت من الهامش فامشى انت وانا بعمل اللازم مع منظمات حقوق الإنسان ومنظمات المجتمع المدنى وسودانيزاونلاين.و إذا حصل أمر الله أوعدك بأن أطالب السياسيين بتدشين حملتهم الإنتخابية من منزلكم. |
طيب يا دكتور متعبني من قبيل ليه ... أضرب تلفون بس ويتحل مشاكل السودان.
تلفون منك بس وأمورنا تكون باسطة
________________ بالله ضمن المكالمة قوليهو شليل أكلو الدودو
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: Sinnary)
|
Quote: هل الطريق للسفارة اللبنانية أكثر (تعبيدا) من الطريق الى مبنى الخارجية السودانية والقصر؟ |
يا دكتور بله ما انت عارف وانا عارفه الطريق للقصر وللخارجيه دا دا بودي وين . بالحيل اكثر تعبيدا وان مغالتني تعال انت امش للقصر ولا الخارجيه السودانيه يا هوي انا وانت فرينا بجلدنا والرويحه الحلوه ودايرن غيرنا يمش هناك للموت اللاحمر والله يا اخوي الناس ديل برضهم اشجع مننا مليون مره نحن لاقين الهبوب البارده دي ونفاقق
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: doma)
|
Quote: إذا أبوك ببيتك فى زريبة البهايم عايز جارك يفرش ليك أوضة النوم؟ |
يا لها من جملة معبرة عن حالنا... كرامة الشعوب تكتسبها من حكامها .... ومن ذلته حكومته وبعثرته فى كل وادى وسرقة أمواله وحولت بلدة الى عٍزبة لمؤيديه، لن يجد الكرامة والإحترام من جيرانه.... سأل أحد زوار القاهرة (القادمين من بلدنا المسلوب) تاجر عملة فى منطقة العتبة عن سعر صرف الجنية السودانى . فكان رد " ببريزة ومش عاوزنه".......
لك كل التحايا والأشواق أخى د.بله.....
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: أسامة خلف الله مصطفى)
|
يا دكطوووور ...
انا قاعد فى امريكا دى .... كل يومين بكون فى نشاط لمناصرة أو مساعدة ضحايا ازمة دارفور أو شجب نوع من انواع الظلم والقهر والإضطهاد البيتعرّضوا ليهو ... ونفس الشى فى كندا واستراليا واوروبا وآسيا وامريكا اللاتينية والخليج وروسيا ...
وكل نشاط .... لازم "السوادنة" (ولامؤاخذة) يشاركوا فيهو ... وتمشى تلقى "منان" و "كوستاوى" و "جورج بوك" (لو نزل أرض الوطن اجازة) و "محمد سليمان" (فى كوريا "أنور كينج" بجيبوهو متحدّث عديييل) و جماعة الهامش (الله يكرم القرّاء) والمثقفين (حمانا الله) ورجرجة الفن ودهماء السياسة بدون فرز ....
يوم واااااحد .... ما سمعت لى بى مسيرة فى الخرطوم .... من أجل دارفور وضحايا أزمة دارفور .... ليه؟ ما بشر؟
... المهم ....
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: تبارك شيخ الدين جبريل)
|
د بله سلام عليكم كيفك صديقى العزيز اخونا العوض فهم العنوان زى ما انا مافهمته الظبط المهم انا ارى ماقامو به الزملاء فى الخرطوم مجهود يشكروا عليه ووصلوا رساله الى السفاره اللبنانيه كامله بالصوت والصوره والحضور اما ما تصبو اليه انت ان تكون فى احتجاجات ومسيرات شجب واستنكار على الحاصل والبحصل كل يوم.... دا بطول شرحو سميهو ياس سميهو الخواف ربى عيالو سميهو انا مالى يوجع امى ... شكرا تحياتى
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: بدر الدين اسحاق احمد)
|
Quote: هــل يحاكم هـذا البوســت حراك بورداب الخرطــوم ؟ |
الأخ بدرالدين
من الواضح إن الدكتور كاتب البوست شخصيه
تجد الإحترام من الناس الهنا لمواقف سابقه له
وذلك لأن أغلب من شارك في المسيره جاء للرد بنفس بارد جداً
رغم إن عنوان البوست وبعض مضمونه به إستفزاز كبير حتى بالنسبه لي أنا الذي لم يكن لي شرف المشاركه في تلك المسيره
ثم تحول البوست لونسه وهزار ولعب وضحك أو أشياء من هذا القبيل
ومن ضمن من خرجت به من قرأه البوست والردود
إن القصد هو إحداث فرقعه إعلاميه بالعنوان
وأخيراً
إن لله في خلقه شئون
| |
|
|
|
|
|
|
Re: بختكم حققتوا الهدف, وجابوكم فى التلفزيون والجرائد!! (Re: فدياس نجم الدين)
|
Quote: الأخ بدرالدين
من الواضح إن الدكتور كاتب البوست شخصيه
تجد الإحترام من الناس الهنا لمواقف سابقه له
وذلك لأن أغلب من شارك في المسيره جاء للرد بنفس بارد جداً
رغم إن عنوان البوست وبعض مضمونه به إستفزاز كبير حتى بالنسبه لي أنا الذي لم يكن لي شرف المشاركه في تلك المسيره
ثم تحول البوست لونسه وهزار ولعب وضحك أو أشياء من هذا القبيل
ومن ضمن من خرجت به من قرأه البوست والردود
إن القصد هو إحداث فرقعه إعلاميه بالعنوان
وأخيراً
إن لله في خلقه شئون |
اضافة لكلامك اعلاه اخ فدياس "التبخيس حرفة سودانية اصيلة"
| |
|
|
|
|
|
|
|