|
|
 شكرا باشمهندس بكرى ابوبكر ... وبسسسسم الله ، دخلنا الحوش ..
|
شكرا جزيلا باشمهندس بكرى ابوبكر على هذه النسخة من مفتاح حوشك العامر
وأنا بينكم زملائى ( حلوة زملائى دى من قولة تيت ) ... يلا رحبو بى على طريقتكم الخاصة بكل واحد .
ووو أها هادى جرت بنبرى ىمعاكم ....
بالمناسبة ... أنا جاياكم وعاوزة أتخصص فى حركاتكم دى ... طالبة دراسات عليا بجامعة السودان
وبعمل فى ماجستير بعنوان : الإتصال التفاعلى عبر الإنترنت وإنعكاساته على الشباب
دراسة تطبيقية على موقع سودانيز أونلاين ...
اها قلتو شنو
|
|
 
|
|
|
|
|
|
|
|
Re: شكرا باشمهندس بكرى ابوبكر ... وبسسسسم الله ، دخلنا الحوش .. (Re: معزة مصطفى احمد)
|
بنقول الف مرحب
برلوم زيك جديد بهنا لكن عملت لي دريبات ما بطالة
يعني مثلا جيت قبل ود الصايم
Quote: وبعمل فى ماجستير بعنوان : الإتصال التفاعلى عبر الإنترنت وإنعكاساته على الشباب
دراسة تطبيقية على موقع سودانيز أونلاين ... |
جاتك دراسة تاني يا ود الصايم ........... خد
تحياتي اخت معزة
ومرحب بيك في سودانيز
ولو عندك اي استبيان من اجل الماجستير ممكن نعبيهو ليك طوالي
| |
|
|
|
|
|
|
|
|
|
Re: شكرا باشمهندس بكرى ابوبكر ... وبسسسسم الله ، دخلنا الحوش .. (Re: أحمد ابن عوف)
|
الاخت عزة ..ياهلا بيك ومرحباً ..
نورت البورد والله ...ونشكر عبر الاخ بكري لانو ليه فترة عمل لينا زحمة رجال .. حتى نسبة الــ25 % ماكان ملتزم بيها وكويس جابك تدعمي النسبة النسوية في المنبر ...
اخوك في الله فايز ودالقاضي ...من المثقفين القلائل في هذا المنبر ..يصعب دراستي او التعامل معي كمادة دراسية ...
لو عايزة تدرسي حركات مامسئولة فركزي في الهاملين الفوق ديل..ديل لو اختبرتي فيهم ماجستير يدوك شهادة دكتوراة ...
منتظرك في بوست الانطولوجيا الميتافيزيكية ..
| |
|
|
|
|
|
|
|
|
Re: شكرا باشمهندس بكرى ابوبكر ... وبسسسسم الله ، دخلنا الحوش .. (Re: فايزودالقاضي)
|
Quote: اخوك في الله فايز ودالقاضي ...من المثقفين القلائل في هذا المنبر ..يصعب دراستي او التعامل معي كمادة دراسية ...
|
شوفتي النوعية دي ممكن تتخصصي فيها لأنو فعلاً شئ مختلف عن خلق الله جميعاً
قال ليك من المثقفين القلائل ... عارفة دا و في واحد زيو واااااااااااحد كدا
إسمو صديق مهدي بالله شوفي لينا مشكلتهم شنو؟؟
الإتنين طايرة ليهم في راسهم وشايفين نفسهم حاجة كبيرة
و الله إكون في عونك
| |
|
|
|
|
|
|
|
|
|
Re: شكرا باشمهندس بكرى ابوبكر ... وبسسسسم الله ، دخلنا الحوش .. (Re: أحمد ابن عوف)
|
Quote: معزة ... معزة يا ود القاضي
قلت لي انت المثقف واحنا الهاملين |
ولاني من المثقفين القلائل ماكتبتها(معزة) خوفاً من ان تقرأ غير ذلك ...لذلك اسقطت الميم قصداً وهي في محل تقدير معروف للبيب ...
شفتي ابن عوف ده ياعزة سقط مني سهواً فياريت تضيفيهو لثنائي النغم الهملي الفوق ..
السيدح ومحمد فرح ديل خليهم براهم في الدراسة...عشان ماتلخبطي الكيمان مع الكيزان ...
| |
|
|
|
|
|
|
|
|
|
Re: شكرا باشمهندس بكرى ابوبكر ... وبسسسسم الله ، دخلنا الحوش .. (Re: عبدالله ود البوش)
|
Quote: طالبة دراسات عليا بجامعة السودان وبعمل فى ماجستير بعنوان : الإتصال التفاعلى عبر الإنترنت وإنعكاساته على الشباب
|
ومنو القال ليك انه ده حقل تجارب ؟؟
ومنو القال ليك هنا في شباب زاتو عشان يتفاعلو ؟؟
يابتي دراستك دي بتنفع لو كنتي قاعده في حته مافيها تراب وكتاحه وشوارعه نضيفه والزهور من كل ناحيه ..والبيئة مساعده ..
يعني لو مشيتي السويد ممكن دراستك تنجح وتعتمد كدراسه يستفيدو منها الناس ..
اما هنا صدقيني اساتذتك زاتم بكونو بس دايرين يتخارجو ولا همهم كتبتي شنو ولا قلتي شنو ..المهم السنه تنتهي ويقولو ليك الله معاك ..
والورق ده اخر السنه بلموهو ويمشو بيه حته اسمها محطة القوز للنفايات ..دي لو مشيتي هناك بتلقي حاجات الناس كلها لامنها فيها ..
يعني لا في شركه حتشيلو تقول تطبقو ... ولا الحكومه حتقول ليك كتر خيرك ..
غايتو بعد تنتهي بتجيك اكياس حلاوه وصناديق بارد ..وناس زعاطين يتلمو في حوشكم يكملو ليك لبنكم وبسكويتكم ..
غايتو الله يعوضنا ..ويعوضك ..
ويعوضني انا خصوصا ..تعويض شديد ..
ما تزعلي يا بتي البورد ده اساسا امتحان صبر ..
ــــــــــــــــــــــــــــــــــــــــــــــــــــــــــــــــ
تلات ارباع الخلق البدخلو النت في السودان من النت كافيه ..وبدخلو النت كافيه لانه مكيف وبارد ..
| |
|
|
|
|
|
|
|
|
|
Re: شكرا باشمهندس بكرى ابوبكر ... وبسسسسم الله ، دخلنا الحوش .. (Re: بدر الدين اسحاق احمد)
|
Quote: بالمناسبة ... أنا جاياكم وعاوزة أتخصص فى حركاتكم دى ... طالبة دراسات عليا بجامعة السودان
وبعمل فى ماجستير بعنوان : الإتصال التفاعلى عبر الإنترنت وإنعكاساته على الشباب
دراسة تطبيقية على موقع سودانيز أونلاين ...
|
معزٌة....
يابتى إسمك سمح بالحييييييل
ومعناهو بنفتش عليهو بالماكرسكوب اليومين ديل و ما لقيناهو!!!
دحين بدل التضهب معانا هنا عشان ماجستير
أخير تشيلى دفاترك وشنطة فطورك من كل صباح
وتمشى راسك عديل أكاديمية عمو وهبة فى بحرى الشعبية
وماجستيرك دة فى شهر يكون خلص....
والدكتوراة فى شهرين كان ما كنتى مركزة كويس
مرحباً بك....
| |
|
|
|
|
|
|
|
|
|
Re: شكرا باشمهندس بكرى ابوبكر ... وبسسسسم الله ، دخلنا الحوش .. (Re: معزة مصطفى احمد)
|
حبابك يا معزة ..
إقامة سعيدة إن شاء الله..
Quote: الملف الشخصي ل معزة مصطفى احمد
اللقب: معزة مصطفى احمد
: .
عدد البوستات: 0
تاريخ التسجيل: 14-06-2010
محل الاقامة:
:
عنوان مكتبتى بسودانيزاونلاين دوت كم :
اكلات مفضلة:
الاسم الحقيقى: معزة مصطفى احمد
التلفون:
الجامعة/المعهد:
الحالة الاجتماعية: Single
العنوان الدائم:
الفنان المفضل:
اللون السياسى:
النوع: Male
الهوايات المفضلة:
|
ـــــــــــــ
معليش قلنا ليك معزة حاف كده ، لكين النصيحة ما عرفت أقول ليك أخت معزة ، ولا أخ معزة ( على حسب بروفايلك ! )
* بي المناسبة دي المرة التانية أنزّل الرد ده ، الأول إختفى في ظروف غامضة .. شكلك وااصلة 
| |
|
|
|
|
|
|
|
|
|
Re: شكرا باشمهندس بكرى ابوبكر ... وبسسسسم الله ، دخلنا الحوش .. (Re: محي الدين جبريل)
|
اولا مبروك المفتاح بس ابقي عليه عشرة
تانيا ما جستير الجن الفي الانترنت ده طالما فيه ود الصايم
جليه
ولو اصريتي
Quote: حبابك عشرة ياأخت معزه
طيب وبعد تخلصي الماستر حتقنبي طوله ولاحتمشي
عموماً أرجو أن يطيب لك المقام هنا وأن تخلصي بنتائج مفيده
القصه طويله ومعقدة وأرجو ختاماً أن تنشري البحث بتاعك هنا
مؤونة عام من الود B] |
اخونا محمد فرح من قبيلة رادم فرع المؤتمر الوطني هم وقبيله حيكرهوك التفاعل
لذا انصحك بالاتي
1- عشان حتشربي ما تروي صاحبي وزير الري
2- ولو عايزة الرقة عليك بالشفيف
3- ولو عايزة تمرضي سكي بوستات حميضة
4- بعداك عند طارق جبريل رايح ليه حرف قراصة بي ملاح اخدر
5- بوستات البنات بتلقيها ملانة رجال ما تقعي البكان الهش
6- بصراحة شديدة لو مامذاكرة ما تتداخلي في بوستات ود الصايم
7- لو عايزة الكلام السنة ناعمة اقعي بوستات محمد المرتضي ومن لف لفهم
8- ابقي عشرة على روحك
جزا الله بكري كل خير
| |
|
|
|
|
|
|
|
|
|
Re: شكرا باشمهندس بكرى ابوبكر ... وبسسسسم الله ، دخلنا الحوش .. (Re: صديق الموج)
|
الاخت معزه
سلامات ومرحب بيك
اول حاجه اعملى حسابك شديد وانتقى كلمتك مع الجماعه ديل
ناس كايسه فلته وبس يشبوا فى حلقك ...
جاهزين ممكن نساعدك باى معلومات
| Quote: ولو عندك اي استبيان من اجل الماجستير ممكن نعبيهو ليك طوالي ] |
ولم ما عمليتهو ممكن نساعدك فى الفيريا بولزvariabules
وانصحك ابحثى عن ..محمد عبدالله مختار من كتاب هذا المنبر
وهو استاذ كبير فى عالم الانترنت
****
???
| |
|
|
|
|
|
|
| |
ABUHUSSEIN
محمد عبد الماجد الصايم
أحمد ابن عوف
عبد اللطيف السيدح
طارق جبريل
فايزودالقاضي
محمد فرح
عبدالله ود البوش
احمد محمد بشير
Faisal Elrasheed
مهيرة
بدر الدين اسحاق احمد
Hassan Makkawi
Mohammed Awad
الشامي الحبر عبدالوهاب
بكرى خليفة صديق
خالد العبيد
نادر النور آدم
Hisham Amin
عزالدين عباس الفحل
معتصم مصطفي الجبلابي
هيثم درار
Hassan Bakri Nugud
محي الدين جبريل
د.محمد حسن
صديق الموج
شرفى عبدالقادر
ياسر بيناوي
مزمل خيرى
ASHRAF MUSTAFA
فيس بوك
تويتر
انستقرام
يوتيوب
بنتيريست