|
Re: ست ريدي في ذاتك عبدت الله زادإيمان قليباً لى قبلك تاه غايتوالشوايقةديل دلعوا البنوت جنس دلع (Re: منصوري)
|
صديقي والمتذوق للفن من جزيرة شري . الأخ سليمان محمود توم. لمان ظهرت هذه القصيدة في أوائل السبعينات.. كان وقتها طالباً بمدرسة كريمة الثانوية.. قال لى كنت مهتم جداً اقابل السر عثمان الطيب لأقول له انطباعي عن هذه القصيدة.. قال يوم بالعصر كدة لقيت ليك السر عثمان الطيب يشرب في شاي في قهوة ود عمتنا محمد سليمان بكريمة. قال جريت كرسي وقعدت جنبو قلت ليهو إنت ما بتعرفني لكن أنا معجب ياخي يا السر ده شعر ختري خالص.. بالطريقة دي إنتو بي تخربوا البنوت ديل .. يتغن ويتكبرن.. ويابن الخدمي والعواسة وورود الموية من البحر.. وراسن يكبر .. قال السر يضحك لامن يدور يقع على الأرض.. ومن يومها قال السر بقى يعرفني وأعرفو .. سليمان توم رجل يقرض الشعر ويحفظ الشعر ويعزف الطمبور وهو رجل عابد جداً وحكيم ومهذب للغاية وهو الآن موجه تعليم.. نسأل الله له العافية.. وللسر ولعيسى ولكل الأخوة والأخوات..
| |
|
|
|
|
|
|
Re: ست ريدي في ذاتك عبدت الله زادإيمان قليباً لى قبلك تاه غايتوالشوايقةديل دلعوا البنوت جنس دلع (Re: منصوري)
|
سبب تعلقنا بهذه القصيدة بالذات.... لو فتفتها شعرياً.. تجدها من القصائد الخوالد وجدانياً.. ليه تتعلق القصيدة بالمعاني الكبيرة.. جنة فردوس .. طيبة أهل الخير... تحفيز الشباب للزواج.. وليس الغزل( ما داير براكي عروس)... تقديس الجمال العام.. وشكر الخالق على هذا الابداع في لوحة فنية بشرية.. تنم عن عظمة الصانع..... تعالى الشاعر عن المعاني الشعرية المحسوسة القريبة التي يتناولها معظم الشعراء .. وهي شعرا كيف؟ عيونا كيف.. ( الحواجب تقول هلال).. تعالى الشاعر هنا عن الوصف الحسي .. وهو هم صغير.. ولكن الشاعر قفز للفردوس والجنان والعبادة والدير.. والزهد والتصوف.. وتعالى نبض الشعر عنده عن المحسوسات الغزلية المجردة.. وفي ما نعرفه عن الشاعر السر عثمان الطيب وما نسمعه..هو شاعر مرهف محسوس ملئ بالخير ومحبة أهله.. معطون في بيئة صوفية مبلول في تفل أوراد الدين عامة.. منقوع في دن الخمرة الإلهية.. محب للناس كلهم..d
| |
|
|
|
|
|
|
|