|
|
|
 Re: معقوووولة ، السودان يهزم 6 ولا يفتح بوست واحد ! (Re: بكري عباس علي)
|
Quote: والله امبارح طبعا مع كورة البرازيل وساحل العاج بعاين ليها كل شوية ولمن النتيجة وصلت 4 خجلت عديل كده وحولت القناة طوالي
وبعدين اظنك لاحظت انه الاستاد زاتو فاضي لانه مافي مقارنة بين الكورة والدافوري |
والله فعلا حاجة تخجل ..
يحمدوا الله انهم لعبوها في وقت كورة البرازيل ، والاستاد فاضي .. والا كان الله يمرقهم غايتو !
تحياتي يا بكري ،
ــــــــــــــــ
تعرف التوانسة زاااااتهم بيكونو ندمو انهم ما حضرو كورة البرازيل ..
كان أخير ليهم من جنس العوارة دي ..
| |
  
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: Hassan Bakri Nugud)
|
| Quote: السودان يهزم 6 ولا يفتح بوست واحد |
يا أخوي هسع كان لعبوا جم باب المطبخ حقنا بعاين ليهم في الأيام دي
غلبوهم سته بثـ ..
يمكن كان في شاشه فيها كورة البرازيل في الملعب اللعبوا فيهو دا !
الايام دي ما أيام بلعبوا فيها زي ناسنا ديل الأيام دي أيام الكورة الجد جد !
عشان كدا كان عندهم شيء ( خيبه) اليسوهو بعد كاس العالم ..
غايتو اضمن ليك الدخل إتنين نفرات بثـ
الحكم الرابع ومراقب المبارة لو فيها مراقب ..
هشام
| |
|
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: nazar hussien)
|
والله انت ذاتك بتاع نصايب لقيت الخبر ده وين السودانVS تونس
خلي بالك هبشت عمك قوقل لانو اخبار زي دي في ايام مونديالة ما بقدر عليها الا السيد / قوقل / المحترم.
وقلت لي المدرب ياباني
والجابو منو
اوع تقولي شركة السهم الذهبي بتاعت النيسان والتايوتا ( ح ازعل منك)..
لكن طالما طلعت 6 ممكن يجبو مدرب من جياد ..( اهي كلها عربيات ياعم)
مفروض يجيبو مدرب من قوات اليمنس ومساعد مدرب من الUN طالما قاعدين ليناوجعة ساكت ..
وجنب الحارس يختو بتاعين شركة الهدف ..
الله يجازي محنك...
نطالب بكري بحذف البوست وايقافك لحدي كاس العالم ما ينتهي ...
| |
|
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: omar alhag)
|
الحبيب omar alhag
| Quote: خلي بالك هبشت عمك قوقل لانو اخبار زي دي في ايام مونديالة ما بقدر عليها الا السيد / قوقل / المحترم. |
والله دي قوقل زااااتو ما فاضي ليها ، كاس العالم بس يا حبيب .
| Quote: وقلت لي المدرب ياباني |
إتخيل!
( إن شاء الله يطلع إسبير أصلي ، ما يكون تايواني في شكل ياباني !)
اللي بالي بالك ! ، الشدّة الأبت تزول دي ياخ ، الله غالب !
Quote:
اوع تقولي شركة السهم الذهبي بتاعت النيسان والتايوتا ( ح ازعل منك)..
لكن طالما طلعت 6 ممكن يجبو مدرب من جياد ..( اهي كلها عربيات ياعم)
مفروض يجيبو مدرب من قوات اليمنس ومساعد مدرب من الUN طالما قاعدين ليناوجعة ساكت ..
وجنب الحارس يختو بتاعين شركة الهدف ..
الله يجازي محنك...
|
| Quote: نطالب بكري بحذف البوست وايقافك لحدي كاس العالم ما ينتهي ... |
أنا هيّن ، ديل البيوقفهم شنو ؟
مودتي،
| |
|
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: nazar hussien)
|
Quote: ياخ الدنيا فيها كاكا وكرستيانو
وفليبي ميلي...وربينو وايلانو
تجيب لينا سيرة...ناس بله جابر؟؟؟
باقي ليك بيكونوا الكورة دي
شوف ساكت شافوها؟؟؟ |
هم ناس بلة جابر لو بشوفو الناس القلتهم ديل كان حالنا انصلح حبة .. إشوفو شنو يا عمك !
هم فاضيين من محلات الشيشة، وتظليل العربات !
| |
|
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: Hassan Bakri Nugud)
|
QUOTE
:في مباراة المنتخب الاعدادية
كما تقول ياأخ نقد هى مباراة (اعدادية) لمنتخبنا القومى والمنتخب ملئ بالشباب الموهوب الذين يلعبون للمنتخب للمرة الأولى ولم يحدث التفاهم والأنسجام بينهم بعد..فبدلا من ان نلتف حولهم مؤآزرة وتشجيعا هانحن نتفههم ونحط من قدرهم ونتتريق عليهم.
بالله عليكم اين يحدث مثل هذا الذى نفعله لأن ماأسمعه واٌقرأه هى محاولات تحطيم تطلعات اولئك الشباب وتكسير مجاديفهم ولايمكن بأى حال من الأحوال ان يكون نقدا بناءا هادفا.
بالله عليكم اصبروا عليهم والتفوا من حولهم وشجعوهم وارفعوا من روحهم المعنوية وانا متأكد بأن مواهبنا الكروية يمكن ان تزلزل الأرض تحت كل الأقدام الأفريقية (وكل العاملين لينا فيها سبعة بقرش).
| |
|
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: قلقو)
|
الأخ قلقو ،
تحياتي .
أولا أشكر لك حرصك على تقدّم منتخبنا الوطني شأنك شأن اي مواطن سوداني غيور على منتخب بلاده، وأؤكد لك أننا بذات الحرص ، وما أيرادنا لهذا الخبر الا من نفس الباب.
| Quote: كما تقول ياأخ نقد هى مباراة (اعدادية) لمنتخبنا القومى والمنتخب ملئ بالشباب الموهوب الذين يلعبون للمنتخب للمرة الأولى ولم يحدث التفاهم والأنسجام بينهم بعد.. |
أسمح لي بالإختلاف معك حول هذه النقطة ، فأغلب العناصر الأساسية بالمنتخب تتكون من فريقي القمة( وهذا جزء كبير من المشكلة نفسها ) ، وظلت تلعب مع بعضها البعض لفترة ليست بالقليلة ، وكافية لحدوث هذا الانسجام والتناغم المفترض.
المشكلة ليست في لاعبي الكرة أنفسهم ، فكرة القدم صناعة شأنها شأن اي من الصناعات الأخرى يلزمها إدارة واعية ، ودعم فني مؤهل ، وتنظيم جيد ثم بعد ذلك وفي آخر الأمر يأتي دور اللاعبين أنفسهم !
ما يحدث هنا في السودان وللأسف هو غياب تام للتنسيق بين الأجهزة المفترض بها العمل على ترقية اداء وتطوير المنتخب ( الوزارة ، والإتحاد )، وإنفراد بإتخاذ القرار من ناحية الإتحاد ، وغياب تام لدعم الدولة في توفير المعينات الفنية والمدرب المؤهل والإعداد الجيّد.
وعليه ، فنحن لا نتفههم ونحط من قدرهم بقدر ما ندعو لإزالة تلك الظروف التي تؤدي بنا في نهاية الأمر الى تلقي هذه الهزائم المخجلة ، وفي كثير من الأحيان يكون ( الكي ) العلاج الوحيد الناجع .. قبل أن يضطر الطبيب ال ( البتر ) بإعتباره الحل النهائي ، الا تتفق معي ؟
| Quote: بالله عليكم اين يحدث مثل هذا الذى نفعله لأن ماأسمعه واٌقرأه هى محاولات تحطيم تطلعات اولئك الشباب وتكسير مجاديفهم ولايمكن بأى حال من الأحوال ان يكون نقدا بناءا هادفا. |
هل ترى الآن كيف أنه نقد بنّاء ، وهادف !
| Quote: بالله عليكم اصبروا عليهم والتفوا من حولهم وشجعوهم وارفعوا من روحهم المعنوية وانا متأكد بأن مواهبنا الكروية يمكن ان تزلزل الأرض تحت كل الأقدام الأفريقية (وكل العاملين لينا فيها سبعة بقرش). |
للأسف سيدي الفاضل ، العواطف وحدها لا تصنع فريق كرة قدم ناجح !
إحترامي.
| |
|
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: hassan bashir)
|
العزيز hassan bashir
تحياتي ،
Quote:
الفريق السوداني، ورغم الهزيمة العريضة، استفاد من المباراة اكثر من نظيره التونسي حيث استطاع مدربوه الوقوف على الثغرات الواضحة في الدفاع وحراسة المرمى والوسط والهجوم. معظم اللاعبين الذين خاضوا المباراة هم عناصر جديدة تختبر لأول مرة في مباريات دولية. لا تهم النتيجة مهما كانت طالما كانت البداية صحيحة وطالما ركز مدربي الفريق على اللاعبين الشباب وتجاهلوا الأسماء الكبيرة. بلا شك أن هذا المنتخب سوف يتلقى كثير من الهزائم ولكنه سينصقل ويتحسن بالتجربة والاحتكاك.
المباراة أيضاً أفرزت إيجابيات تدريبية واضحة أهمها التخلي عن اللعب على أجساد الخصوم والإنزلاق الغير مبرر على الأرض لاستهداف سيقان الخصوم مما يعرض اللاعبين للطرد
تجربة مفيدة للغاية ونتيجة منطقية ولكن علينا ان لا نتوقف عندها كثيراً بل نعمل على تلافي الأخطاء والعيوب وأن نضع يدنا على ما يمكن أن يتفوق فيه اللاعب السوداني على نظرائه في مختلف أنحاء القارة (يمكننا مثلاً أن ننمي عنصري السرعة والرشاقة لدى لاعبينا في مقابل التفوق الجسماني الذي تتميز به دول غرب وشمال أفريقيا، وهو نفس الأسلوب الذي تتبعه دول مثل اليابان وكوريا بتبني علاقة طردية بين حجم جسم اللاعب وسرعته) |
كلام زي الفل..
نتمنى أن يستفيد المدرب من الأخطاء ، ويصححها وأن لا يكرر تجربة قسطنطين.
شكرا عى المداخلة الثرّة.
| |
|
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: Hassan Bakri Nugud)
|
Quote
لا تهم النتيجة مهما كانت طالما كانت البداية صحيحة وطالما ركز مدربي الفريق على اللاعبين الشباب
الأخ حسن نقد..
وهذا بالضبط ماكنت اقصده .
وكما قال الأخ حسن بشير البدايات الصحيحة دائما ماتؤدى لنهايات او نتائج صحيحة..
انا اتفق معك تمام الأتفاق بأن العواطف والنوايا الحسنة لا تخلق فريقا قويا, والا لكنا قد طالبنا بضم هيثم والعجب وباقى اللأعبين الذين تخطوا الثلاثينات للمنتخب.
| |
|
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: قلقو)
|
قلقو ، تحياتي..
فعلا البدايات الصحيحة تؤدي بالضرورة الى نهايات صحيحة..
ولكن دعنا نتفق على شكل هذه البدايات الصحيحة أولا ..
في ظني أن البداية الصحيحة لمنتخب قوي تبدأ من الناشئين ، والمراحل السنية أولا ، تعليم النشأ أسس كرة القدم منذ نعومة أظافرهم ( دعني أقول أقدامهم ) بصورة علمية وممنهجة ، كرة القدم الحديثة اليوم أصبحت لا تعتمد في المقام الأول على المهارة الفطرية كما في السابق ، ولكنها ( صنعة ) يمكن إكتسابها وتعلمّها !
ودونك تجربة المدرب القدير أحمد بابكر في منتخبي الناشئين والشباب سابقا ، الذين حققا نتائج جيدة في السابق ، والتي كانت واحدة من إفرازاتها لاعبين أكفاء أمثال هيثم مصطفى نفسه.
البناء يبدأ من أسفل، من القاعدة.. أما لاعبونا الحاليين على كافة مستوياتهم فهم في ظني غير مؤهلين للإستفادة من خبرات أي مدرب أجنبي مهما عظمت تلك الخبرات ، وذلك لأنهم بمجرد نزولهم أرض الملعب ، فكل واحد منهم يلعب بالطريقة التي يعرفها ، لا وجود للعب المنظم والعلمي ، حتى درجة استيعابهم لتلك الخطط فهي إما متدنية أو معدومة !
نتمنى أن يستطيع هذا المدرب الجديد أن يصتع من( فسيخ ) لاعبينا( شربات ) نحس معه بطعم الفوز ولو لمرة واحدة في حياتنا.. وأن يركّز الإتحاد في نفس الوقت على إعداد ناشين بصورة سليمة تسهم في رفد المنتخب مستقبلا بالعناصر الجيدة.
وحتى نكون منصفين ، بدرت مؤخرا بعض الإجتهادات من المجلس الأعلى للشباب والرياضة متمثلا في مسؤل الناشئين أبو هريرة حسين في الإهتمم بالناشين وإفتتاح عدد من الإستادات للناشين. نرجو أن يستمر هذا الجهد المقدر تجاه الناشئين فهم العماد الأساسي لتطور الكرة السودانية.
مودتي،
| |
|
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: قلقو)
|
قلقو ،
| Quote: ولم انه الأمر شوية صعب الا انه ليس بمستحيل.. |
ومابين صعوبة الأمر ، وإمكانية تحقيقه حيكون في كم هزيمة تقيلة زي دي ؟
أنا لو الموضوع في يدي بوقف المشاركات بالنسبة للمنتخب على الأقل 10 سنين لحدي ما نبني تيم جدير بالمشاركة بإسم السودان خارجيا.
مودتي ،
| |
|
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: قلقو)
|
صباح الخير الأخ قلقو ،
Quote: لقد جربت اثيوبيا من قبلنا هذا الحل وفى النهاية وجدت نفسها خارج التاريخ.والبيجرب المجرب ندمان .
|
أرجح أن أثيوبيا لم تطبق الفكرة بصورة منهجة ومدروسة وممرحلة إبتداء من أكاديميات تدريس أصول اللعبة للبراعم ،ثم الناشئين ، ثم الشباب وصولا للمنخب الأول( وهذا ما عنيته بالتوقف ) ، وإلا كانت النتيجة ستكون مختلفة بلا أدنى شكّ.
لا تنسى أننا إتفقنا سابقا ان البدايات الصحيحة تؤدي بالضرورة الى نهايات صحيحة.
مودتي،
| |
|
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: لؤى)
|
Quote: ياخوي ياخي بالرغم من هلاليتي إلا إني ما بعتقد إنو مازدا هو السبب
لأنو قبل كده إجتهد ووصل الفريق لنهائيات البطوله الأفريقيه
وتونس دي زاتها درنا معاها في بلدها وهزمناها في السودان
تقوم تجي تغلبنا سته إتنين
وافضيحتنا
لكن السبب أعتقد في الإتحاد السوداني لكرة القدم
وعلى راسه الدكتور كمال شداد
يبدو إنو الناس دي دايره تكرهنا كورة القدم زاتها وفريقنا القومي |
كمال حسن
| |
|
|
|
|
|
|
|
|
|
Re: معقوووولة ، السودان يهزم 6 ولا يفتح بوست واحد ! (Re: لؤى)
|
Quote: طبيعي جدا ما يحدث .... .. بدون تخطيط .. بدون مدرب ثابت مره الياباني ومره مازدا... تتعاقد اتحادات الكرة مع مدربين بناء علي خطط خمسية او موسمية و نحن نتعاقد فرادي بالمباراة او البطولة معقولة بس فى وقت وصلت فيه كرة القدم قمة الهرم الاستثماري ما زلنا نهزم ب٦ و في ارضنا كمان ؟؟؟
رسالة للقائمين علي الآمر
استثمروا فى منتخب جديد وناشي اصلو كان ستة فى ستة اافضل ستة الآن و منتخب واعد مستقبلا |
Sayed Bekab
| |
|
|
|
|
|
|
| |
Hassan Bakri Nugud
بكري عباس علي
غباشي
الفاتح شلبي
Elawad Eltayeb
Hisham Ibrahim
nazar hussien
omar alhag
قلقو
ياسر بيناوي
لؤى
فيس بوك
تويتر
انستقرام
يوتيوب
بنتيريست