|
|
 ناس الخرطوم القدامى
|
بوست بس للتعارف والونسه الخفيفه وتذكر الاماكن الجميله والخرطوم بالليل
ناس بحري ما بناباكم لكن معليش وما شاء الله عندكم بوستين يسدوا عين الشمش
ناس امدرمان (هههههه) ياخي اقترح عليكم تقلعوا الكباري وشيلوا حديدو (تبرع وكده) و ومع الفوضى
والخرتمية وزير دي حقو تعلنوا عن امدرمان ولاية قائمة بذاتها. شاو
______________________
مقدمة كان لابد منها عشان في ناس (كده) لازم تحسمها من بدري بدري
______________________
الخرطوم المقصودة وبرضو في ناس ح تزعل لكن البوست بقول الخرطوم القديمة وفي عرفنا هي:
1- شمالا الخرطوم غرب والخرطوم وسط (السوق العربي) والخرطوم شرق (او ما يطلق عليها الآن الخرطوم شمال)
اي كل ما يقع شمال خط السكة حديد وفيهم ناس توتي
2- شرقا البراري (المحس، ابو حشيش، الدرايسة، الشريف) والجريف غرب
3- غربا الحلة الجديدة، الرميله، اللاماب، الشجرة، العزوزاب، الكلاكلات
4- جنوبا السجانة، الديوم، العشرة، نمرة تلاتة، نمرة اتنين، نمرة واحد (في ناس ما بعرفوا
انو في حي اسمه نمرة (1) زاتو
____________________
الناس الفاكرين نفسهم من الخرطوم القديمة:
الصحافات، جبرات، منشية، رياض، عمارات، طائف، معمورة، امتداد ناصر، اركويت، وعيييك ناس ازهري
ومجاهدين اوع تكونوا مصدقين هههههههههههه
ياخي انا مع انو بيتنا في الرياض لكن اول ما اخد لفة المطار نفسي بتكتم طوالي
وحمدا الله لمن الوالد (رحمة الله عليه) تم بيتو في الرياض انا كنت مغترب زاتو
تحياتي
|
|
 
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
حبابك يا احمد,,,, اها انا ابوي مولود في السوق العربي
وأنا في الخرطوم غرب ترعرت ونشات ,, شارع الاسبتالية.
ودرست في الخرطوم غرب الاولية والاميرية والمقرن ,,,,
اها انت موقعك وين عشان نبدأ؟
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
هلا يا احمد
كيفك ؟؟؟
انا عاشق للخر(.........)م بكل احيائها و ازقتها و حواريها
و تأسرنى الخرطوم الفديمة بكل مناطقها و امتدادتها المحفورة فى القلب
عن شخصى مولود و ترعرت فى الكلاكلات ..... ابى ولد فى الديوم الشرقية و والدتى تربت و ولدت فى الحلة الجديدة
و اهلى يعيشون فى الكلاكلات و بعضهم فى الديوم الشرقية و الحلة الجديدة و الامتداد و الصحافة و الرميلة
احفظ الخرطوم القديمة جيداً من الكلاكلات و حتى توتى و من المقرن و حتى البرارى ..... و ما بينها من الاماكن و الحياة !
و عسى مع حركة البوست ان نتطرق تدريجياً لاهم معالمها القديمة من الاسواق الى المواقف الى زنك الخضار و اللحمة
مروراً بالمدارس و الاحياء الى ملاعب الكرة و السينمات و اين تذهب هذا المساء و عصابة مصطفى الكضمى من كليزيوم و حتى الوطنية غرب ( قريب من بيت صاحبى و حبيبى سيف الدولة )
و من النيلين و حتى سينما جنوب .... هذا طبعاً قبل دخول سينما القاعة الحديثة
و لاتنسى البصات و الوانها و خطوط سيرها و انواعها
طبعاً يا احمد انا و صاحبى سيف درسنا الثانوى فى مدرسة المقرن الثانوية العريقة و ده موضوع سنتطرق اليه لاحقاً عند التحدث عن المدارس
المهم .... انا حاجز كرسى فى البوست ده بجانب صاحبى سيف عشان الحكى يكون نضيف.
سيف الدولة
تحياتى يا سيف يا فردة ... وينك ؟؟؟
خلينا عليك الله نعيد ذ
| |
|
|
|
|
|
|
|
|
Re: ناس الخرطوم القدامى (Re: احمد خليل)
|
مرحب بالصديق العزيز دكتور صديق( كوستا)
ان شاء الله نعيد الذكريات القديمة للخرطوم
القديمة وفول الفاضل وهيصة الكورة قدام الدكان.
الاخ أحمد خليل ,, حي باريس بتنسي حليل
محمود ود العز وكل أولاد زكريا واولادمامون
حسب الرسول وال الحكيم وكنجاري والفنان
حسن عطية, كنا بنجي من غرب ندخل بالفتحة
في الحيطة بتاعة السكة حيديد ونلعب في
ميدان لولي,,, أيام لها ايقاع ليتها تعود.
مودتي لكم جميعا
| |
|
|
|
|
|
|
|
|
|
Re: ناس الخرطوم القدامى (Re: عمرو كمال ابراهيم)
|
يا عمرو يعني ود حلتنا ومابنعرفك؟
ساكن في دار التوزيع ولاالقرشي للاعلان
ولا جمال عبد الناصر ولا دكان اليماني
يا أخي ما شفناك في حوش العمدة زمن
الزمن زين والشعر مغطي الاضنين,,,,
نحن 45 سنة حوامة في الحلة دي وأبواتنا
مولودين فيها نقوم نلف وين يا منقة؟
بس ورينا انت منو يا عمرو.
مودتي
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
Quote: ولا جمال عبد الناصر ولا دكان اليماني
|
ياتو يمانى بالضبط على ما اذكر كل الحلة يمانية تقريبا
عدا دكان اولاد الزبير الذى تغير غرضه من بقالة لشئ احر لا اذكره الان، وبقالة فريد عبد الله بشارع الحرية
:)
انا فى عمارة سعد جوار الكلية القبطية ونيابة الخرطوم
مقابل
رئاسة سجون العاصمة
فى دكان يمانى كان فى تقاطع على عبد اللطيف والبلدية جنب دكان تشارلس الساعتى( كان مركب علامة ساعات سيتزين المشهورة) وفى البيت ده ورشة اخوه البرت بيصلح عربات السفارات والمنظمات الاجنبية).
بالمناسبة دكان اليمانى مشى البلدية قدام فى المربع بتاع حلويات سلا عمارة المغربى حسى، بعد داك بقت كافتريا جي جى فى نهاية الثمانينيات. حسى تكون تحويل رصيد ولا قدر ظروفك ما عارف.
تانى فى دكان يمانى فى على عبد اللطيف قصاد جمال عبد الناصر(الركن الجنوب الشرقى ) مش كده؟
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
***- ياحليل بيوت الحرس،
***- وقهوة الزيبق،
***- وسوق زنك الخضار،
***- ومحل عبدة تادرس، وميرزا، وقولدنبرج، والطير الازرق،وسويت روزانا،
***- وغردون ميوزيك هول،
***- وشارع نيوبولد،
***- والطابية،
***- والـطرق الشاقيه الترام،
***- وسوق الصاغة،
***- وخـمارة يني،
***- ومحلات باباكوسـتا،
***- والأتيـني،
***- وحديقة الريفيرا،
***- حديقة السطوح بفندق صحاري،
***- جريدة الزمان، والعلم، والاتحادي، والسودان الجديد،
***- والعلم السوداني- الاصل- القديم،
***- وبصات ابورجـيلة،
***- والكيتي كولا،
***- والبزيانوس،
***- وسجائر البحاري في علب الصـفيح،
***- والجنيه السوداني الكان بساوي 3 دورات و24 سنت،
***- وتسريحة ابراهيم عوض "ام بقدو"،
***- والسيرة مرقت عصر ياعديلة،
***- والفنان زنقار،واحمد المصطفي،وامير العود حسن عطية، والكاشف،
***- وابراهيم كبير وسمير محمد علي وابطال نادي الاهلي بالخرطوم،
***- ونواصـل....
| |
|
|
|
|
|
|
|
|
|
Re: ناس الخرطوم القدامى (Re: بكري الصايغ)
|
يا مائة مرحب بشيخ الخرطوم غرب ,,حبيبنا وأستاذنا بكري الصايغ.
اها بعد كده نحن نتفرج يا استاذ بكري وانت اتوهط في سردك الجميل.
وبصات البلوبيرد ولكوندة اصطفهان وفول ابو العباس ومطعم الاخلاص
ورويال والليدو GB ,ولكوندة كردفان وفندق فكتوريا والسواحلي
واللاعب الفنان ود حلتنا المايسترو يوسف مرحوم وما تنسي وانت
ماشي لي فوق شرق من بيوتكم بعد حلواني عبد السيد حيث متنفس
الشباب وهم في طور المراهقة. وسمك علي السيد وعمك علي العجلاتي.
وكلالالالالالالالالالالالالام كتييييييييييير يا استاذ بكري.
| |
|
|
|
|
|
|
|
|
|
Re: ناس الخرطوم القدامى (Re: ماضي ابو العزائم)
|
الاخ \ماضي ,,, سلامات
طبعا المحس كما تعلمهم اهل الخرطوم القدام
ال العمدة كرم الله واهلكم ال ماضي وابو الريش
وأولاد الطاهر السيد وال الدليل واولاد البداني
وبقية العقد الفريد وبالطبع هم وناس توتي وحلة
حمد وحلة خوجلي والفتيحاب والعليفون ذرية الشيخ
ادريس ود الارباب والمقرن والكلاكلة القبة ذرية
الشيخ ود ام مريوم والرميلةوالقوز كلهم اهل وتربطهم
أواصر القرابة والنسب ثم من بعد ذلك بعض القبائل التي
اتت من شتي بقاع السودان ايام الحكم التركي ومنهم من أتي
مع الامام المهدي واستقر بعد فتح الخرطوم الخخخخخخخخخخخخخ.
يعني انتو أهل العضم والجلد والراس.
في انتظار حيدر امين والريس.
تخريمة: يا ماضي هل الاسم ليهو علاقة بالشيخ أحمد ماضي أبو العزايم
شيخ الطريقة العزمية؟
مودتي
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
Quote: طبعا المحس كما تعلمهم اهل الخرطوم القدام
ال العمدة كرم الله واهلكم ال ماضي وابو الريش
وأولاد الطاهر السيد وال الدليل واولاد البداني
وبقية العقد الفريد وبالطبع هم وناس توتي وحلة
حمد وحلة خوجلي والفتيحاب والعليفون ذرية الشيخ
ادريس ود الارباب والمقرن والكلاكلة القبة ذرية
الشيخ ود ام مريوم والرميلةوالقوز كلهم اهل وتربطهم
أواصر القرابة والنسب |
الحبيب سيف
سلامات ومحبة ..
المحس الصواردة والمريوماب في كل الخرطوم من توتي حتى الكلاكلة وبحري
والفتاياب الكواهلة والدباسين والجموعية والجعليين العوضاب
والشايقية (الحجلاب أحفاد المك أبحجل ) ديل أهلنا كلهم بإختلاف قبايلهم
جمعهم جميعاً إنتسابهم للشيخ حمد ود أمريوم وزوج إبنته الشيخ علي (فتاي العلوم)والد الشيخ جادالله أب شرة (سيد قبة الكلالكة)
*
أما آل العمدة كرم الله فهم أسولية أصولهم من (أسوان) ..
.................................................
بالمناسبة أين شباب هذا الحي
عصام العمدة كرم الله
وكمان أولاد أستاذ عبدالقادر عثمان (مدير المقرن)
فيصل وسيف وأخوانهم ..؟
محبتي ..
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
***- عيش سيـحة،
***- وباسطة عبدالسيد،
***- والحنطور،
***- وكبكبي تسالي ترمس،
***- وقهوة "قهوتي"،
***- وبيرة ابوجمل (والشراب سكوب..كب ياعلي بالكبابي "الشوب")،
***- وبيوت القشلاق،
***- محلات بيع الدهب " احفظ مالك"،
***- ومجلة الصبيان،وسنـدباد،وسـمير،
***- والكواكب، واخر ساعة،والمصور، وصباح الخير، والبعكوكة،
***- ومكتبة ابوالريش،
***- ومحلات خضرلبيع العجلات،
***- السينما وطنية وافلام شامي كابور..و"من اجل ابنائي" والعرض مستمر للعام التالت،
***- وسينما كلوزيوم وجاري كوبر، والن لاد، واستيف، وكلارك جيبيل، "وذهب مع الريح"، وديجانقو وسرتانا واميقو،
***- وسينما الوطنية جنوب، واسماعيل ياسين، وفريد شوقي وشكوكو وسامية جمال،
***- سينما النيل الازرق للناس الهاي وعندها عربات، وافلام راقية وعالية المستوي،
***- الدخول للسينما بخمسة قروش، والشاي بقرش ،والسندوتش سمك بتلاثة قروش،وقطعة الباسطة بقرش ونصـف، وقرطاس التسالي بقرش،
***- ومحطة "الاسكي" القديمة ومحلها الان قاعة الصداقة،
***- وجنينة الحيوانات،
***- والبنطون بين الخرطوم وتوتي،
***- وتمثال غردون،
***- وتمثال كتشنر،
***- ونصب الجندي المجهول بجوار معمل استاك،
***- وحوض السباحة بمدرسة كمبوني،
***- وبيوت القطاطي،
***- وميدان الليق.
---------------------------------------------------
تمثال غردون
--------------
http://i42.tinypic.com/15couwx.jpg
| |
|
|
|
|
|
|
|
|
|
Re: ناس الخرطوم القدامى (Re: بكري الصايغ)
|
السوق العربي واجهة ميدان النجيلة ( الامم المتحدة) من الغرب للشرق
البنك الصناعي - عمارة شبرقلة- دكان عبد تادرس ثم شارع هاشم بك - جميل كبابة - دكان عم عبدالرحيم للاحذية البلدية -الحاج علي المغربي- حليم شفيق- عبالله سيداحمد - عثمان ملاح- مخازن العامل - زقاق صغير - حسن صالح خضر- باتا- فضل المولي محمد ملاح- شارع الشيخ مصطفي الامين - مكتبة النهضة لمؤسسها عباس ابو الريش- حلواني حمدتو- دكان معمل كريكاب- الزيبق - شارع-
( السنة الفاتت ركبت مع بتاه هايس مشوار خاص قلت ليهو اطلع بالمسلمية لانو عندي غشوة للعداد و بعد داك ماشي بي ميدان عبدالمنعم قريب لي محطة 10 دقائق قام السواق بطل العربية و قال لي و الله القلتو دا كلو ما بعرفو ا انت متأكد ماشي الخرطوم ؟)
يلا حا نجر لينا كرسي و نقعد هنا
| |
|
|
|
|
|
|
|
|
|
Re: ناس الخرطوم القدامى (Re: ابراهيم عدلان)
|
Quote: تخريمة: يا ماضي هل الاسم ليهو علاقة بالشيخ أحمد ماضي أبو العزايم
شيخ الطريقة العزمية؟
|
يعني يا سيف الدولة كبيت المعلومات دي كلها و تفوت عليك دي ؟
الاسم ليهو علاقة بالسيد ( محمد ماضي أبو العزائم) مؤسس الطريقة
و بالمناسبة كان شيخ جدي للوالد و بيت جدي جنب طلمبة العيلفون
و نادي العمال و الشيخ كان ساكن في بري في بيت شيخ الهادي
وهو المقر السابق لنادي بري المحس الاجتماعي و المعروف بنادي العجائز
و الشيخ أحمد ماضي ابو العزائم هو الابن الاكبر و خليفة العارف بالله الشيخ
محمد ماضي أبو العزائم.
تخريمة: أنا اسمي ماضي إبن ابوالعزائم و اكبر ابنائي اسمو محمد و الثاني أحمد
| |
|
|
|
|
|
|
|
|
|
Re: ناس الخرطوم القدامى (Re: ماضي ابو العزائم)
|
الاخ سيف الدولة كامل
ياخي الف تحية واسف جدا لاطراري لمغادرة النت فور فتح البوست
Quote: حبابك يا احمد,,,, اها انا ابوي مولود في السوق العربي
وأنا في الخرطوم غرب ترعرت ونشات ,, شارع الاسبتالية.
ودرست في الخرطوم غرب الاولية والاميرية والمقرن ,,,,
اها انت موقعك وين عشان نبدأ؟ |
الجار العزيز،
الوالد رحمة الله عليه مولود بالشمالية لكن عماتي الاكبر سنا منه ولدوا بالخرطوم
والسوق العربي تحديدا
درست في الخرطوم شرق الابتدائية (الله يجازي الكان السبب) وللذين لا يعرفون كانت
في موقع برج البركة الحالي، اسسها رفاعة رافع الطهطاوي كاول مدرسة اولية في السودان
درس بها والدي بالارعينات ودرست بها في السبعينات
درست سنة في الاميرية وبعدها كان الاغتراب والعودة بعد سنتين الى الخرطوم الجديدة
والجامعة في جامعة الخرطوم، يعني يا سيف اخوي انا لافي حياتي كلها في الحتة الضيقة
والواسعة في آن.
بيتنا كان وما زال (اعتبره) قرب مطبعة التمدن
شقيقي الاكبر درس معاكم بالمقرن الثانوية 85-88
تحياتي يا جاري وابن حلتي يا ود الخرطوم يا اصلي
للمعلومية وشكرا
بالضرورة والدي ووالد الاخ سيف كانوا ينصحونهم ان لا يعدوا خط السكة حديد جنوبا بعد المغرب
كانت خلا وبعض الديوم العشوائية
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
ود عمي طارق جبريل
تحياتي
Quote: يا قريبي ياخي بالغت
الامتداد كله نسيته
الفيك اتعرفت |
مااااااااا فرزتو عيشتكم في بوست ما شاء الله ما شاء الله
اها احنا قلنا يا عمك نفتش ناسنا برضو
Quote: تليشة:
قبل الامتداد اهلي كانوا ساكنين في الرميلة |
بس ياك زولنا
خليك قريب يا قريب
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
الاخ كوستا
الف تحية
Quote: هلا يا احمد
كيفك ؟؟؟
انا عاشق للخر(.........)م بكل احيائها و ازقتها و حواريها |
طالما انت من الخرطوم وجبت سيرة الديوم و الحلة الجديدة والرميلة
فكان لازم تحب الخرطوم وتعشقها وما على كيفك
احكي ليك حاجة عن ناس بتتضايق من الخرطوم
خالي قاعد في المطار وعلى سفر، اها في واحد قاعد جنبو كده وبدأ يتونس معاهو
الزول قال لخالنا: ياخي شفت الخرطوم دي بقت زحمة كيف، يعني الناس الجو الخرطوم
دي بدري بتعبوا تعب شديد خلاص، خالنا قال لي يا زول عاينت كده ومااااا ياقي لي
دا من ناس الخرطوم البنعرفم، لكن النسالو، وانت من بتين في الخرطوم؟ الزول قال ليهو
جينا سنة 1992 ؟؟؟؟؟؟؟؟؟
ياخي معقولة
ليك حق تضايق والله
سلام يا كوستا
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
اولاد قلبا ........... الخرطوم 2
من زمن اوزون كانت نجيلة مفتوحة ......... وبص العشش .......... تمشي الخرطوم تنزل في لفة السكرية .... تمشي شارع الجمهورية ... محلات الصدارة للادوات الرياضية ... والصالون الاخضر للملابس
الجاهزة .......... وشاشتي لالعاب الاطفال .......... والجوهرة للاقمشة ............ وبيمبو للايسكريم ........... وجنبرت للادوات المنزلية ............ ومحلات فندق صحاري ..... وتمشي السوق العربي
محلات العامل للزي المدرسي ............ وناس المغربي للراديوهات والتلفزيونات ........... وتجي سوق نمرة 2 ......... طرمبة شل (عمك حسن القاضي) وبار كيت كات وبنك الخرطوم .... وبار ريمون
وبقالة الجمهورية تخصص مزات ........... والبستان ون والبستان تو ........... ومحلات العشا ..... نادي سودانير ......... ونادي الخليج (مطعم ابودقن) ........... وتجي تنفخ العجلة في الطرمبة الكانت في
محل نادي الضباط الحالي ................. والنادي العربي (النادي الوطني حالياً) ....... والنادي الكاثوليكي والنادي الايطالي (المؤتمر الوطني حالياً) والنادي الارمني (نادي النفط + اتحاد الكرة حالياً)
وتمشي العمارات شارع 1 فندق الارز ........ وفندق كيشو وراء مقابر فاروق ........... وبارات العمارات شارع 41 وفندق افريقيا شارع المطار ................ وعيييييييييييييك
| |
|
|
|
|
|
|
|
|
|
Re: ناس الخرطوم القدامى (Re: ماضي ابو العزائم)
|
الأخ أحمد بن عوف سلام
من خلال مداخلتك ومداخلات الزملاء الأعزاء ، لاحظت أن الخرطوم ظهرت لها عدة ( حقب ) زمنية ..
أولاد ( أبوالريش ) ما عندهم مشكلة ، ممكن يتكلموا ليكم عن حقب الخرطوم المختلفة..
المهم ، حددوا لينا الحقبة المعنية بـ(الخرطوم القديمة)..
صلاح عبدالله
الديوم الشرقية – ديم التعائشة (حالياً)
الديوم القديمة (سابقاً) مناطق جنوب الاستبالية والسكة حديد
| |
|
|
|
|
|
|
|
|
|
Re: ناس الخرطوم القدامى (Re: Salah Abdulla)
|
الاخ احمد خليل
Quote: تحياتى
انت نسيت (حى باريس) ليه,,,
kofi |
ياخي في جماعة عاملين عندهم ريفيرا قلنا خليهم بجهلهم وما عارفين
انو باريس ذات نفسها تقبع غرب كبري الحرية وانت جاي من الخرطوم
ديل اهلي آل كمير، وزي ما ذكر اخونا سيف ناس مامون حسب الرسول
وعشان ناس المقرن برضو ما يزعلوا، ناس المقرن حبابكم
تحياتي
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
ود غرب الاخ عمر كمال ابراهيم
طيب
Quote: المولود فى الخرطوم غرب
وعاش 30 سنو فى شارع البلدية وعلى عبد اللطيف
__
زحوا كده ولا كده |
ياخي نزح ونقش ليك الدرب عدييل كده، تعال بس واحكي لينا
تحياتي
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
العزيز ماضي ابو العزائم
تحياتي
حبابكم ألف
Quote: اول شئ عشان ناس العضم و الراس ما إزعلوا ........
نغير إسم الشريف لبري الاماب ( مع حفظ الاحترام ) |
تم التعديل
| Quote: المنشية حي قديم جدا البخلي بري الاماب و الجريف من ناس الخرطوم ( الخرتوم ) و إطلع المنشية شنو ؟؟ |
المنشية القديمة سقطت سهوا، والقاصدم انا انت عارفم، ناس الكونكريت واللازي منو
جاري التعديل ايضا حسب تعليمات الشيخ ماضي
| Quote: بعدين إمتداد ناصر إسمها الحقيقي و الرسمي ( إمتداد البراري ) |
وناصر دا منو؟؟؟؟
| Quote: بعدين كيف نتكلم عن الخرتوم و ننسى منطقة العمدة ود كرم الله آخر عمدة للخرتوم ؟؟ ( المقرن ) |
افو، كيف ننسى بيت العمدة على شارع علي عبداللطيف
الفاتح في المدرسة القبطية، احنا جيل طبعا ما حصلنا عندهم اولاد في سننا
Quote: أعتقد الريس يوسف محمد يوسف و حيدر أمين سيكون لهما حضور جيد في هذا البوست
تحياتي لكل المشاركين
.................................. و صاحب البوست |
في انتظار الريس يوسف محمد يوسف وحيدر امين
وشكرا للتعديلات اخي ماضي
طبعا الصور بنخليها عليك
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
جنابو عمر عثمان
| Quote: اولاد قلبا ........... الخرطوم 2 |
قبل ما نسكن السوق العربي، كنا في البيت الكبير في سوق نمرة 2
انتقل جدنا من السوق العربي لنمرة (2) في 1952 (شوفت يا عمر محن ناس جينا الخرطوم 1992) ههههههه
وحتى بيت جدي لوالدتي في نمرة 2 برضو غرب صينية اشراقة التجاني
بعدين يا خوي ما خليت نادي وللا بار، الشيء شنو؟؟؟؟
واتحاد التنس ما تنساهو
قريت سنتين في مدرسة حي عبدالمنعم الابتدائية وبعدها للخرطوم شرق
وين اراضيك في نمرة 2؟؟
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
الاخ صلاح عبدالله
تحياتي
الأخ أحمد بن عوف سلام
Quote: من خلال مداخلتك ومداخلات الزملاء الأعزاء ، لاحظت أن الخرطوم ظهرت لها عدة ( حقب ) زمنية ..
أولاد ( أبوالريش ) ما عندهم مشكلة ، ممكن يتكلموا ليكم عن حقب الخرطوم المختلفة..
المهم ، حددوا لينا الحقبة المعنية بـ(الخرطوم القديمة).. |
فكرت في اول البوست اقول يا اخوانا زول مافي في الخرطوم قبل الاستقلال بضيع معانا هنا ههههه
كلن قلت خليها مفتوحة، واساسا الناس لو هي فعلا عاشت في زمن الخرطوم الجميل بتعرف بعض
بذكر الاماكن وشكل الامسيات شوف هسه جنابو دا لافي كيف ممكن نقبض عليه متلبسا باعتبار احنا بنعرف
اي حتة ذكرها بالتفصيل
سلام يا جنابو
الأخ أحمد بن عوف سلام
من خلال مداخلتك ومداخلات الزملاء الأعزاء ، لاحظت أن الخرطوم ظهرت لها عدة ( حقب ) زمنية ..
أولاد ( أبوالريش ) ما عندهم مشكلة ، ممكن يتكلموا ليكم عن حقب الخرطوم المختلفة..
المهم ، حددوا لينا الحقبة المعنية بـ(الخرطوم القديمة)..
Quote: صلاح عبدالله
الديوم الشرقية – ديم التعائشة (حالياً)
الديوم القديمة (سابقاً) مناطق جنوب الاستبالية والسكة حديد |
ناس الديوم معانا، ديم سلك، ديم التعايشة، ديم سلمان
جنابو، نمرة 2 دي كانت ديم سلك قبل تخطيط المنطقة وترحيل الديم جنوبا منها (على ما اعتقد)
لكن اخونا صلاح عبدالله بزبط المعلومة
ديامه يا حطب القيامة
ديل الكانو بحذروا ابواتنا ما يمشوا عليهم بعد المغارب هههههههه
تحياتي يا استاذ صلاح
صلاح عبدالله
الديوم الشرقية – ديم التعائشة (حالياً)
الديوم القديمة (سابقاً) مناطق جنوب الاستبالية والسكة حديد
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
الاخ ابراهيم عدلان
تحياتي
Quote: السوق العربي واجهة ميدان النجيلة ( الامم المتحدة) من الغرب للشرق
البنك الصناعي - عمارة شبرقلة- دكان عبد تادرس ثم شارع هاشم بك - جميل كبابة - دكان عم عبدالرحيم للاحذية البلدية -الحاج علي المغربي- حليم شفيق- عبالله سيداحمد - عثمان ملاح- مخازن العامل - زقاق صغير - حسن صالح خضر- باتا- فضل المولي محمد ملاح- شارع الشيخ مصطفي الامين - مكتبة النهضة لمؤسسها عباس ابو الريش- حلواني حمدتو- دكان معمل كريكاب- الزيبق - شارع- |
في طريقي من البيت في شارع 15 او شارع السوق العربي وفي فترة تمت تسميته بشارع سعد ابو العلا
وهسه ما عارف اسمو شنو؟؟؟
في طريقي من البيت لمدرسة الخرطوم شرق باخد اللفه عن البنك الصناعي وبجي ماشي بمحلات المغربي
واتامل العجلات ولكن الوالد كان يرفض شراء عجلة، طبعا بعدين بعد ما بقينا احنا زاتو ابهات
عرفنا سبب الرفض والخوف على الابناء من زحمة الخرطوم، ولازم آخد لي دقيقة دقيقتين قدام اكشاك الجرايد
موش للقراية، لكن في جماعة بجو من صباحت الرحمن للغلاط والشكل في كورة امبارح وشكلهم كان ظريف جدا
بواصل طوالي بحيطة الجامع الكبير لكن بزح شوية لانو كنت بلاوز من مرضى الجذام شفاهم الله، لكن كنت برجع
بالشارع الوراء الجامع عند فندق آراك، ومتعتي كانت الكتب المعروضة في الشمش، ما بشتري لكن بحب اقرأ العناوين
طبعا مع بعض البهجة والفرجة على بسطات الفواكة ومنظر يسر الناظرين.
دكان جدنا الاول كان في هذا الصف وما زال
قلت لي بتاع الهايس اتغابا فيك العرفة هههههههه
تحياتي
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
اخي احمد
رغم اني من اعمدة بحري طراوه
الا ان والدي من مواليد بري المحس
ثم انتقلوا الي القسم الشرقي حاليا القيادة العامة
وتلقي تعليمه الاولي في المدرسة الشرقيه حاليا عمارة البركة
ثم انتقلوا الي مدينة بحري .
ولا ننسي ان اول من عمر منطقة الخرطوم هم المحس
واستوطنوا بري المحس والمقرن وتوتي
ثم انتشروا في شمبات والخوجلاب وغيرها من المناطق
ارجو ان اذكر ببعض المعالم عندما كان الزمن زين والشعر مغطي الاضنين
السليماني في نمره اتنين
وميدان عبد المنعم والكشك المدور
وبابا كوستا
والجزار البلدي "للمارتديللا والسجق" جوار باتا سوق الخضار
وقهوة كابريس واتحدي اي خرطومي ان يتذكرها ؟
| |
|
|
|
|
|
|
|
|
|
Re: ناس الخرطوم القدامى (Re: طارق ميرغني)
|
Quote: اخي احمد
رغم اني من اعمدة بحري طراوه |
الاخ طارق ميرغني
وهل يخفى علينا دوركم في بحري طرواة، ومعاكم زميلي او مديري بالاصح كمال كرار
Quote: الا ان والدي من مواليد بري المحس
ثم انتقلوا الي القسم الشرقي حاليا القيادة العامة |
ولمن لا يعملون اساسا بري موقعها القديم هو الخرطوم شرق حاليا، اي المنطقة الواقعة
شرق شارع القصر، لكن عند اعادة تخطيطها بواسطة الانكليز تم ترحيل اهاليها الى المنطقة
الحالية
| Quote: وتلقي تعليمه الاولي في المدرسة الشرقيه حاليا عمارة البركة |
حيث درس والدي واعمامي وانا من بعدهم
| Quote: ثم انتقلوا الي مدينة بحري . |
يا حظهم
Quote: ولا ننسي ان اول من عمر منطقة الخرطوم هم المحس
واستوطنوا بري المحس والمقرن وتوتي
ثم انتشروا في شمبات والخوجلاب وغيرها من المناطق |
انا وكما وصفني الاخ الاستاذ زمرواي بـ شايحلفاكي اي من اب شايقي وام حلفاوية
وجزء من اهلنا النوبة قدم الى الخرطوم حتى قبل اسرة الوالد وكانوا في منطقة
الخرطوم غرب، ولا ينكر احد ان المحس هم اول سكان الخرطوم
| Quote: ارجو ان اذكر ببعض المعالم عندما كان الزمن زين والشعر مغطي الاضنين |
تذكر المناطق والمعالم دي ياهو البجيب لينا الوجع زاتو
Quote: السليماني في نمره اتنين
وميدان عبد المنعم والكشك المدور
وبابا كوستا
والجزار البلدي "للمارتديللا والسجق" جوار باتا سوق الخضار
|
بابا كوستا رجع فتح تاني قبل كم سنة، ولا ادري ان كان يعمل حاليا ام لا
| Quote: وقهوة كابريس واتحدي اي خرطومي ان يتذكرها ؟ |
ما للدرجة دي كمان، هههههههه احنا اولاد صغار يا طارق ولسه في شعر للاضنين ياخي
شوف ناس سيف الدولة وبكري الصايغ من قهوة كابريس
تحياتي لناس بحري كلهم
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
المكتبات
مكتبة الجامع الكبير
مكتبة السودان او Sudan Bookshop شارع الطيار مراد (الرجاء التصحيح)
مكتبة مروي شارع البرلمان
مكتبة الحسن شارع البرلمان
الدار السودانية للكتب شارع البلدية
كتب سوق الشمش جوار الجامع الكبير من الناحية الشمالية
___________________
بعدين بعدين يا عمر عثمان بنجي لمراكز تغييب الوعي ههههههههه
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
| Quote: مكتبة السودان او Sudan Bookshop شارع الطيار مراد (الرجاء التصحيح) |
صحيح مية مية
وتقع تحديدا فى تقاطع الطيار مراد مع البرلمان
مكتبة سودان بوكشوب وهى لصاحبهاالأستاذ الطيب...ويعرف فى أوساط الخرطوم بالطيب بوكشوب. يقابلها من الشرق مطبعة نوبار ( وكان يشتهر أيضا ببيع طوابع البريد والعملات القديمة نرتاد المحل ونحن فى المرحلة الوسطى بمدرسة الخرطوم الاميرية) . وفى الركن الشمال الشرقى من المكتبة تقع عمارة الميرغينية أشهر وـقدم عمارات شارع البرلمان والطيار مراد تتألف من طابقين ويشتهر بها المحامون وعلى رأسهم عزيزة عصمت المحامية.
***
(الطيار مراد يمتد من الجنوب قرب محلات حسن صالح خضر بالسوق العربى وينتهى شمالا بشارع النيل، اهم ما به محازاته لسور ميدان الامم المتحدةالشرقى . به أيضا طلمبة شل المحطة الوسطى الخرطوم وكذلك صيدلية كمبال(تقاطع امراد والجمهورية) . به أيضا عمارة السيد على حسبما أذكر والتى صارت الوحدة الادارية لمحلية الخرطوم وبها بالطابق الارضى معرض لمبيعات الاسواق الحرة حاليا
_____ لقطة____
آيييييييييييييييييييييييك
| |
|
|
|
|
|
|
|
|
|
Re: ناس الخرطوم القدامى (Re: عمرو كمال ابراهيم)
|
تحياتي لصاحب الخيط، والمتداخلين..
| Quote: مكتبة سودان بوكشوب وهى لصاحبهاالأستاذ الطيب...ويعرف فى أوساط الخرطوم بالطيب بوكشوب. |
عمنا الطيب محمد عبد الرحمن ، الشهير بالطيب بوكشوب كما تفضلتم ..
جارنا بحي السجانة العريق ، رجل أنيق ومرتّب ، وذو إنضباط ونظام قل أن يوجد مثيله في أيامنا هذه..
ظل ، وحتى يومنا هذا يحافظ يوميا على إرتداء البدلة الكاملة ، وقيادة السيارة المارسيدس !
حتى مواعيد فتح وإغلاق المكتبة ظلت كما هي عليه منذ زمن إنشاءها ، تفتح ابوابها عند الساعة السابعة والنصف ، وتغلق ابوابها عند الساعة الثانية والنصف تماما !
الطيب بوكشوب من أهالي حي السجانة القدامى .. وهو والد الأستاذ وليد الطيب المحامي المعروف وسكرتير الأتحاد العام للكرة الطائرة ، ووالد محمد الطيب حارس مرمى نادي المريخ السابق والنادي الأهلي حاليا..
أعطاه الله الصحة والعافية.
ـــــــــــــــ
بي المناسبة وين ناس السجانة ، ذلك الحي المتفرّد..
أنا الوحيد في المنبر ده ولا شنو ؟
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
بمناسبة البصات دي
واحد قريبي جاد من البركل جديد لنج
اشتغل كمساري في البصات
وطبعا زمان الكمساري بيكورك قبل المحطة بي شوية
لمن قرب محطة النجيلة نسى الكلمة دي
قام قعد يكورك: السِعدِي السِعدِي السِعدِي
| |
|
|
|
|
|
|
|
|
|
Re: ناس الخرطوم القدامى (Re: طارق جبريل)
|
الصحافة قيافة و فايتة الناس مسافة
انا كان كلمت ناس الصحافة الموجودين فى المنبر هنا والله الا نحتل ليك المكان ده
بعدين يا احمد مافى مدرسة ( قديما ) اسمها المقرن الثانوية بنات
دى وين اول مرة اسمع بيها ، تحت كبرى الحرية بتوجد الاميرية المتوسطة بنات
ومتلاصقة معاها مدرسة الحلة الجديدة بنات
لما تفتحو سيرة مدرسة المقرن الثانوية بنين بجيكم
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
اخونا عبد الدائم
تحياتي
والف يلام لناس الصحافات
| Quote: بعدين يا احمد مافى مدرسة ( قديما ) اسمها المقرن الثانوية بنات |
اها شايف كيف
استلم يا بكري الصايغ ويا سيف الدولة
| Quote: لما تفتحو سيرة مدرسة المقرن الثانوية بنين بجيكم |
مرحب بيك يا حبيب، بس انا ما من ناس المقرن الثانوية، في الانترفيو، طبعا
المعلم مدير المدرسة استاذ عبدالقادر على ما اظن كان بعمل انترفيو لطلبة المقرن
(للبجو متأخرين شوية في التسجيل) كنا في سلطنة عمان، والعام الدراسي بنتهي
في وقت تكون فيه الدراسة بدات في الخرطوم، اها انا سقطت
في الانترفيو لحماقة مني لا اكثر لكن قبل بي الاستاذ المربي رحمة الله
عليه عبدالحميد مدني في مدرسة الخرطوم الثانوية الجديدة،
اها كمان عندكم كلام يا اولاد المقرن
عشان ما ندقدق الصفايح ونطلع الفضايح
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
Quote: المدارس
مدرسة الخرطوم غرب (2) الابتدائي بنين شارع علي عبداللطيف
مدرسة الخرطوم شرق الابتدائية (موقع برج البركة الحالي
مدرسة الخرطوم عرب الايتدائية بنات (خلف داخلية كلية الطب)
مدرسة الخرطوم الاميرية المتوسطة بنين
مدرسة الخرطوم الاميرية المتوسطة بنات
مدرسة الخرطوم الاهلية المتوسطة بنين السوق العربي وامام كمبوني
مدرسة النيل الابيض المتوسطة بنات
مدرسة المقرن الثانوية بنين
مدرسة المقرن الثانوية بنات
مدرسة الخرطوم القديمة الثانوية اولاد
مدرسة الصناعات
|
مدرسة الخرطوم الثانوية القديمة بنات
| |
|
|
|
|
|
|
|
|
|
Re: ناس الخرطوم القدامى (Re: ابراهيم عدلان)
|
Quote: ( السنة الفاتت ركبت مع بتاه هايس مشوار خاص قلت ليهو اطلع بالمسلمية لانو عندي غشوة للعداد و بعد داك ماشي بي ميدان عبدالمنعم قريب لي محطة 10 دقائق قام السواق بطل العربية و قال لي و الله القلتو دا كلو ما بعرفو ا انت متأكد ماشي الخرطوم ؟)
|
صحى انت كنت ماشى الخرطوم!!؟؟
:shy: :shy: :shy:
كتر خيره الما قام جارى والله، يعنى ده كان قلت ليه ماشى حى باريس كان وداك المطار ولا شنو؟
____ لقطة____
ياخ الناس بتقول لى شارع الجمهورية والبرلمان..السوق العربى
عجبى!!
| |
|
|
|
|
|
|
|
|
|
Re: ناس الخرطوم القدامى (Re: عمرو كمال ابراهيم)
|
Quote: المكتبات
مكتبة الجامع الكبير
مكتبة السودان او Sudan Bookshop شارع الطيار مراد (الرجاء التصحيح)
مكتبة مروي شارع البرلمان
مكتبة الحسن شارع البرلمان
الدار السودانية للكتب شارع البلدية
كتب سوق الشمش جوار الجامع الكبير من الناحية الشمالية |
مكتبة النهضة السودانية لمؤسسها محمد عباس ابوالريش بداية من ثلاثينات
القرن و كانت في أوقاف الجامع الكبير قرب قهوة الزيبق و حلوانى حمتو
ثم إنتقلت في ركن مربع الاوقاف في الجزء المقابل محلات أولاد ملاح
و ظلت إلي ان ازيلت لبناء سوق الذهب.
بعدين مكتبة مضوي كانت فاتحة زمان و اغلقت ثم اعيدت تحت إدارة
مامون سليمان مضوي في نهاية سبعينيات القرن السابق و كانت
غرب البرلمان و ظلت مفتوحة إلي ان إستقل مامونسليمان و أنشاء دار المامون
| |
|
|
|
|
|
|
|
|
|
Re: ناس الخرطوم القدامى (Re: ماضي ابو العزائم)
|
ناس البوست سلام ....
صراحة أنا عندي مشكلة مع المسميات في الخرطوم .....
يعني لحدي هسة بعرّف الأماكن بأسماءها القديمة، وما قادر أواكب. يعني مثلا، بدون ما أحس ألاقي نفسي بتكلم عن نادي الخريجين وأبو جنزير، والمصيبة الأكبر .. كل مرة أجي أصف شئ، ألاقي نفسي قلت (المديرية) ... يقولوا لي ياخ بقت (محافظة) وبقت (معتمدية) وبقت (ولاية) ... صراحة لي هسة ما واقعة لي حكاية (الولايات المتحدة السودانية) دي.
في بوست قديم .. حأبحبت الأرشيف وأحاول أجيبو، لأنو فيهو برضو مجهود مقدر من عدد من الناس، وهو تقريباً في نفس الإتجاه.
أرقدوا عافية
| |
|
|
|
|
|
|
|
|
|
Re: ناس الخرطوم القدامى (Re: محمد أبوالعزائم أبوالريش)
|
ابو الريش
تحيايا متجددة
البوست البتقول عليه ده تقريبا اخر ايام لى فى البورد منتظم، الكلام ده كان عيد الضحية اخر ايام 2008
قدر ما قعدت بحتاالارشيف فى نهايات 2008
بداية 2009
مافى
حتى مداخلاتى فتشت مافى
__
البوست داك كان قوى ،، كدى جرب حظك
| |
|
|
|
|
|
|
|
|
|
Re: ناس الخرطوم القدامى (Re: عمرو كمال ابراهيم)
|
انا من مواليد المقرن
البيت القصاد الحديقة النباتية
ومن المقرن الى بري اللاماب
ثم امتداد ناصر بعد اكتمال بناء البيت
كل دراستي في هذه المنطقة
الابتدائي بري اللاماب
الثانوي العام بري الاميرية
الثانوي العالي القديمة
الجامعة الفرع
وسلام يا ناس لخرطوم
| |
|
|
|
|
|
|
|
|
|
Re: ناس الخرطوم القدامى (Re: محمد أبوالعزائم أبوالريش)
|
شكرا استاذ ماضي ابو العزائم على الاضافة
Quote: مكتبة النهضة السودانية لمؤسسها محمد عباس ابوالريش بداية من ثلاثينات
القرن و كانت في أوقاف الجامع الكبير قرب قهوة الزيبق و حلوانى حمتو
ثم إنتقلت في ركن مربع الاوقاف في الجزء المقابل محلات أولاد ملاح
و ظلت إلي ان ازيلت لبناء سوق الذهب.
بعدين مكتبة مضوي كانت فاتحة زمان و اغلقت ثم اعيدت تحت إدارة
مامون سليمان مضوي في نهاية سبعينيات القرن السابق و كانت
غرب البرلمان و ظلت مفتوحة إلي ان إستقل مامونسليمان و أنشاء دار المامون |
الآن تذكرتها (مكتبة النهضة)
ولكنني لا اذكر مكتبة مضوي، لم نلحق عليها
تحياتي
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
وسلام وتحية للاستاذ خالد العبيد ولناس بري كلهم
Quote: انا من مواليد المقرن
البيت القصاد الحديقة النباتية
ومن المقرن الى بري اللاماب
ثم امتداد ناصر بعد اكتمال بناء البيت
كل دراستي في هذه المنطقة
الابتدائي بري اللاماب
الثانوي العام بري الاميرية
الثانوي العالي القديمة
الجامعة الفرع
وسلام يا ناس لخرطوم |
غايتو يا خالد مشوارك اليومي بقى معروف
تمسك شارع الجامعة من بدايتة في النيل الازرق وتمرقها في الفرع جنب النيل الابيض
لا تلف يمين لا شمال
عندك علاقة باسرة الراحل عبدالرحمن العبيد؟ كان في الثمانينات
سكرتير او رئيس مكتب القبول
ولكن للحقيقة والتاريخ وكما عرفت عن هذه الاسرة
انها كانت من الاسر التي انشأت خلوه في الخرطوم غرب
الرجاء من لديه معلومة عن هذه الخلوة توثيقها هنا وعن كل الخلاوي في الخرطوم القديمة
خلوة الجامع الكبير معروفة وعلى ما اعتقد انها ما زالت تستقبل الطلبة
| |
|
|
|
|
|
|
|
|
|
Re: ناس الخرطوم القدامى (Re: محمد أبوالعزائم أبوالريش)
|
تحياتى
دفرة بسيطه
الجامعة الشعبية!!!!
المكتبه اليهودية شرق سينما كلوزيوم (تم تدميرها 1967)
مقابر اليهود شارع الحرية
مدافن الكمونولث فى الخرطوم شرق
حى الغجر جنب كوشة الجبل
لسان طلعت (دى مسابقة عديل)
الباخرة نوير 0حليل ايامها.!!!!
المصيف __شجرة محو بك
يتبع
kofi
| |
|
|
|
|
|
|
|
|
|
Re: ناس الخرطوم القدامى (Re: احمد خليل)
|
سلام يا معروف
تحياتي
وحباب ناس امردمان
Quote: يا سلام يا أحمد
يا حليل بيتكم
الغفير الظريف داك الكان قاعد في الصايد البي غادي اسمو منو؟ |
يا حليلو ساكت
قبل كم سنة في اجازة مشيت عليه بالنهار، المهم لقيت الشارع مليان بصات
لليفه، واحد كمساري كورك فيني وقال لي يا زول انت زاتك غلطان، قلت ليه
كيف يا زول؟ قال دا موقف بصات وممنوع مرور العربات الصغيرة، قلت ليه يا زول والله واليك هو الغلطان
دا بيتنا باي مشيئة هذا الوالي يقلب شارع بيتنا موقف بصات؟؟؟!!!!!!!!
قصدك مكي وللا جمال الارتري؟ كلهم كويسين
تحياتي
| |
|
|
|
|
|
|
|
|
|
Re: ناس الخرطوم القدامى (Re: محمد أبوالعزائم أبوالريش)
|
Quote: مرحب بالصديق العزيز دكتور صديق( كوستا)
ان شاء الله نعيد الذكريات القديمة للخرطوم
القديمة وفول الفاضل وهيصة الكورة قدام الدكان. |
الاخ استاذ سيف الدولة
يا سلام على دكان الفاضل و اخوه عصام
الناس الصفوة عشاق المريخ حتى الثمالة
و لا انسى ان دكانهم كانت كل جدرانه الداخلية و ابوابه مزينة بمانشيتات هزائم المريخ للهلال خاصة فترة الثلاثيات الخطيرة
حيث كان المريخ لا يفوز على الهلال الا بالثلاثة... وين الناس ديل يا سيف الفاضل و عصام ؟؟؟ Quote: كنا بنجي من غرب ندخل بالفتحة
في الحيطة بتاعة السكة حيديد ونلعب في
ميدان لولي,,, أيام لها ايقاع ليتها تعود. |
ذكرتنى حاجتين:
1- ميدان لولى لعبنا فيه ماتش تاريخى مع اولاد السكة حديدو كان الحكم زميلنا فى المقرن الثانوية حمزة
2- فتحة حيطة السكة حديدكنا حصة الفطور بالمقرن الثانوية نتسلل منها لفوال السكة حديد الشهير لتناول وجبة فول مدنكلة و رخيصة الثمن و بالعودة
| |
|
|
|
|
|
|
|
|
|
Re: ناس الخرطوم القدامى (Re: KOSTA)
|
الاستاذ محمد ابو العزائم ابو الريش
ياخي شكرا على اللينكات الجبتها دي
يبدو فعلا ان موضوع الخرطوم قد قتل بحثا في هذا المنبر، ولكن لا باس بتجدد
التعارف والتحايا
تحياتي
انا حاليا عندما انزل اجازة، مشكلتي موش بتكون اسماء الاماكن
بتكون انك تقدر تصل الخرطوم ذااااتا كيف؟؟
بقى في Ring حول الخرطوم قاتل بزحمة العربات لاختراقة تحتاج لاكثر من ساعة
وبرضو قالوا بتحدوك لو بتقدر توقف عربيتك في شارع الحرية من غير ان يصيبها سوء
من عصابات منتشرة في ازقة شارع الحرية
والعمل كيف؟؟
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
الاخ احمد خليل
| Quote: المكتبه اليهودية شرق سينما كلوزيوم (تم تدميرها 1967) |
وين تراجي هههههههههه
| Quote: لسان طلعت (دى مسابقة عديل) |
دي ما عرفتها
ننتظر باقي الشباب
تحياتي
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
كوستا
| Quote: - فتحة حيطة السكة حديدكنا حصة الفطور بالمقرن الثانوية نتسلل منها لفوال السكة حديد الشهير لتناول وجبة فول مدنكلة و رخيصة الثمن و بالعودة |
دا بنجيهو من الجديدة، وفي هذا اليوم يعني قطعا الغياب من الحصة التالتة
حقيقة فول عبدالوهاب في ناصية الجديدة امام بوبة نادي الاسرة لا يعلى عليه في اي مكان في الخرطوم
تحياتي
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
الاعزاء ,,, سلام ,, واسف علي التأخير كنت مضيوف شديد في الويك اند.
حبيبنا كمال الزين,,, حبابك الف وشكرا علي الاضافة الثرة.
عصام كرم الله موجود في غرب ولسه في جنه ,فاتحين كافتيريا في شارع الجمهورية
جنوب بيتهم زلصق دار التوزيع,, دايما متواجد هناك لكن كبر شوية ,ربنا يمتعه
بالصحة والعافية , طبعا نحن اصدقاء واولاد حلة.
اما اولادالناظر عمنا عبد القادر عثمان عليه رحمة الله متواجدين في بيتهم مقابل
السفارة الامريكية وجميعهم بخير وعافية.
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
العزيز \ أحمد ,,,مليون سلام
اكيد عرفتك وعرفت أهلك كلهم يا أحمد,, اذا جدك ابنعوف سليمان؟
اولا ,, الاستاذ بكري الصايغ ما ولد عوض الصايع ,اولاد عوض الصايع
عماد صديقي ودفعتي ثم علاء ثم أحمد,, دكتور بكري الصايع ساكن في
شارع الاسبتالية قبل فرن سيحة ومدرسة الاميرية وغادر السودان في منتصف
الستينات وكان بيدرس في جامعة القاهرة الفرع والان يعمل منسق للاجئين
في المانيا وروسيا.
طبعا يا احمد في مدرسة ثانوية للبنات بالمقرن وكان اسمها مدرسة الاماني
ومديرتها من أول النساء الامتلكوا سيارات في السودان. قليل البعرفها.
يا أحمد بالله درست في الجديدة مع استاذنا الحبيب عبد الحميد محمد مدني
عليه رحمة الله,,, طيب يا أحمد أنا كنت معلم الاحياء ورئيس شعبة العلوم بمدرسة
الخرطوم الجديدة الثانوية ,, وحليل فول عبد الوهاب بسلطة الروب ,,كانت ايام.
وغادرتها والسودان سنة 1985 وعملت عام واحد باليمن,,,, وتانيا انت كنت وين
في عمان؟ انا اشتغلت في عمان من سنة 1986 وحتي 2007 كنت مشرف تربوي أحياء بمنطقة
الباطنة جنوب 0 الرستاق- المصنعة - بركاء - نخل - وادي المعاول,,
برجع ليك بعدين لاهلك.
مودتي
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
اخي عبد الدائم فعلا المدرسه هي الاميريه بنات
وفي زمن نميري وفي عيد العلم تم عمل نشيد للعلم ووقع علي فرقتنا الموسيقيه ببحري الثانويه عزف النشيد مع بنات الاميريه الخرطوم بنات "كنت باعزف ساكسفون "حينها كان يوجد بص التربيه والتعليم الرمادي الكبير وكانوا يقلونا من المدرسه برفقة الممثل الكبيرالمرحوم يسن عبد القادر لنوقع معهم النشيد وكان يعزف معنا علي العود حينها الفنان المرحوم هاشم ميرغني (لا ادري ما صلته بالمدرسه) وقمنا باداء النشيد بحدائق البلديه بحري لن انسي هذه المدرسه لانو اتعلمنا فيها بدايات الجكيس.
اخي ابراهيم عدلان
السنة الفاتت ركبت مع بتاه هايس مشوار خاص قلت ليهو اطلع بالمسلمية لانو عندي غشوة للعداد و بعد داك ماشي بي ميدان عبدالمنعم قريب لي محطة 10 دقائق قام السواق بطل العربية و قال لي و الله القلتو دا كلو ما بعرفو ا انت متأكد ماشي الخرطوم ؟
يا ابراهيم
في نهاية الستينيات وكنا حينها لسه" ننو " بامشي لي ابناء عمتي اولاد تميم الدار في نمره اتنين جيران ناس دكتور محي الدين مهدي.
النجيله بعد محطة العداد وقبل فندق دوللي كان فيها مراجيح ممتعه كنا نستمتع بها نهاية الاسبوع وابيت مع اولاد عمتي
تاني يوم الصبح نقوم بدري لمحل المرجحانيات نجد كميه ضخمه من القروش و"الفريني" عرفت الفريني ده؟؟؟
منثوره في الارض فنبدا بجني المحصول كميه من الدراهم نظفر بها تكفي للعشاء لعدة ليالي.
اخي ابو العزائم
والله دي عقدتنا لي هسع نقول ابوجنزير والمحطه الوسطي ولمن يقولوا لينا ميدان جاكسون واشياء زي دي نقعد نتلفت .
عشان كده خليناها ليهم
| |
|
|
|
|
|
|
|
|
|
Re: ناس الخرطوم القدامى (Re: طارق ميرغني)
|
الاستاذ طارق ميرغني
تحياتي
| Quote: لي ابناء عمتي اولاد تميم الدار في نمره اتنين |
اسرتنا تربطها علاقة وثيقة باولاد تميم الدار
والنجيلة دي طبعا ياما ركلسنا فيها لانها كانت جنب البيت تماما
مؤخرا خلال قرائتي للتاريخ السوداني مجددا، عرفت ان كبري المسلمية
دا اسم قديم جدا
اساسا كانت بوابة المسلمية وهي احدى البوابات الرئيسية لمدينة الخرطوم ايام
العهد التركي وخصوصا بعد تحصين الخرطوم بواسطة غردون ايام الحصار
وهناك حدثت اول محاولة لقوات الانصار لاختراق البوابة والجنوب من ناحية جنوب الخرطوم
الا ان الهجوم فشل فشلا ذريعا (ساحاول ان احصل على التفاصيل الدقيقة) المهم حدثت بلبلة وسط
الانصار لسببين:
1- لانها اول معركة يخسرونها
2- ان الامام المهدي وحسب الاعتقاد ان العناية الالهية دائما بجنب الانصار في قتال الكفار
لذلك تم تغيير الخطة وانتظار انحسار النيل فانكشفت الارض عند الكلاكلة حيث الخنادق والمتاريس
لم يكن هناك طريقة لاعادة بنائها
فاسم المسلمية وكبري المسلمية اسم عريق جدا بل وتاريخ نضال وتحرير ودماء سالت عنده
ويجب على الناس ترميز هذه المعالم التاريخية وتعريف الناس بها
تحياتي
| |
|
|
|
|
|
|
|
|
|
Re: ناس الخرطوم القدامى (Re: طارق ميرغني)
|
العزيز \عمرو ,,, الف تحية,, يا أخي انت كنت ساكن في عمارة المعاشات؟
جيرانكم في الوش صديقي ودفعتي ناصر احمد صادق واخوانه نزار ونيازي.
وخلفكم ابناء عمي حسن محمد حسينالعمرابي عليه رحمة الله واولاده التيمان عصام
والان مقدم بالقوات المسلحة وأخوهم الاصغر الصادق, وجيرانكم بالخلف
دكتور جمال واخوه رؤوف وان عمهم سعادة العميد ايمن حسين ابو شنب الروب.
فغلا دكان اليماني في الركن الجنوبي الشرقي ودار الطابع العربي في الركن
الشمالي الشرقي. ورينا دفعتك منو في غرب؟
محبتي
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
الاستاذ سيف الدولة
تحياتي
عشان كده ما حصلتك انا (اولاد صغار يا عمك) قريت في الجديدة من 86 - 89 وهي السنة 86 التي عدنا فيها من
عمان، مكثنا بها سنة واحدة فقط، كنا في روي، والسكن كان في وادي كبير
ولابد وانك زاملت عمنا وقريبنا الشيخ رحمة الله عليه المعلم محمود ابن عوف امام مسجد
اللاماب بحر ابيض، وهو زوج عمتي في نفس الوقت
ونعم ابن عوف سليمان هو جدي.
وشكرا لتعريفنا بالتفريق بين عمنا (قلت لي الستينات) بكري الصايغ وآل الصايغ
الاقرب الى عمرنا كان علاء وبحكم العمر كان صديقا لاخي الاكبر، لكنهم اهل في النهاية
امتحان:
في زول بعرف السر وراء اسم اللاماب شنو؟؟
تحياتي
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
العزيز ود الاعزاء\ ماضي ,,, مليون تحية وتقدير ومددددد يا حبيبنا,
والله انا عاوز اسأل السؤال ده من مدة طويلة وعلي يقين من الاجابة ولكن ليطمئن
قلبي,, أولا جدودي واعمامي تربطهم علاقة قوية ومجبة مع جدودك واعمامك, فجدي
من الوالد وجدي خال الوالد تتلمذوا علي سماحةالشيخ محمد ماضي ابو العزايم
ومعهم تلميذه المدلل الشيخ كامل الارزهلي (سمي عليه والدي) حينما كان الشيخ
محمد ماضي استاذا للشريعة في كلية غردون. وبعد سفره نهائيا لمصر خلف جدي
خال الوالد الشيخ محمد أحمد محمد علي شيخا للطريقة العزمية في السودان
حتي وفاته عام 1965 وخلفه عمي الشيخ سيف الدين أبو العزايم ووالدي عليه رحمة
الله وعمي الشيخ سيف الدين علي علاقة حميمة بال ماضي وابو الريش ببري ومشيت معهم
أكثر من مرة لبيوتكم ببري وشقيقي الاكبر الفاضل كامل علي صلة كبيرة بأهل بري لانة
مقيم في السودان.واولاد مولانا حسن البداني في الحساب أعمامي لانه أمهم خالة الوالد.
وبيت جدي حيث ولد الوالد خلف بيتكم في السوق العربي في الركن الجنوبي الغربي لمدرسة
الخرطوم الاهلية( محمد حمزة) انا سعيد يا ماضي مدددد يا حبيبي مدددد.
محبتي
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
طيب يا احمد ,, جدك وجدي زملاء في التجارة في سوق الخرطوم.
وعمتك علوية كانت جارتنا واولادها دكتور عاطف وبروف عاصم برهان
صديقي وزميل دراستي وود حلتي وود عمتك ايضا دكتور علي شريف زميلنا,
وعمك متزوج بت حلتنا سهير بت عمنا محمد عبد الحلم عليه رحمة الله واخوها
المرحوم طيار حربي معتصم محمد عبد الحليم كان متزوج عمتك ايضاوعمك اكبر
بروف أخصائي اطفال في السودان,, اها كفاية ولا ازيد؟
معزتي
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
صديق الزمن الجميل \ دكتور كوستا,,, تحياتي يا صديق.
أيام جميلة والله ,, تعرف يا صديق كل اجازة انزل فيها السودان
لازم أمشي أزور الفاضل وعصام,, نقعد نجتر الذكريات الجميلة,
ان شاء الله نتحدث عن كل الزملاء في تلك الفترة.
مودتي
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
وصلت تب يا سيف الدولة اخوي .... اقول اخوي طالما دفعة ابناء عمتي
رحمة الله تعالى على روح عمتنا علوية
البروف عاصم لسه في امريكا وما ظنيتو برجع تاني، عاطف وبعد اغتراب طويل
في السعودية رجع السودان وافتتح سلسلة صيدليات باسم صيدلية برهان في الرياض
ودكتور علي شريف لم يغادر السودان
البروف دكتور جعفر ابن عوف الآن معاش، ولكن تمت تسمية مستشفى حوادث الاطفال بالخرطوم
باسمه (مستشفى الدكتور جعفر ابن عوف)
وبالضرورة بتعرف آل شورة، وحاتم طقس وعادل كدنكه (المقرن) ابن السفير عثمان عبدالله
ومنير حمد (المقرن)
احنا طبعا لمن كبرنا كانت تجارة جدنا توقفت، لذلك توقفت علاقتنا بابناء السوق العربي
الذين واصلوا التجارة
جدنا اصر ان ابناءه كلهم يتعلموا تعليما جيدا، لذلك واجه موقف صعب ان لا احد من ابناءه
مهتم بامور التجارة. زمن كان فيه الخدمة الميري والحكومة تعتبر مكسب كبير لذلك الجيل
اها جينا احنا لا لقينا حكومة ولا ميري ولا تجارة ولا يحزنون، فما كان الا خيار السفر والاغتراب
وعارف يا استاذ سيف، ودي دائما من الملاحظات البشير ليها
ابناء الخرطوم، لا مهن لهم كبقية السودانيين، اعني لا زراعة ولا تربية ماشية، فكان ان امتهنا التعليم
وساعدنا في ذلك امور كثيرة، والوظيفة الحكومية هي كانت الملاذ الوحيد لابناء الخرطوم لكسب المعايش
وقله قليلة مارست العمل الحر وكان محصورا في الاسواق والمناطق الصناعية.
وجاءت الطامة الكبرى، حكومة وراء حكومة، وفشل وراء فشل وراء فشل، الا ان وصل بابناء الخرطوم
الهجرة بعد ان احتكرت السلطة الجديدة الوظائف الحكومية والاسواق كذلك
ياخي نمرة اتنين على تلاتة واولاد السجانة والديوم كلهم سافروا، البيوت بقت فاضية عدييل كده
من اولاد الخرطوم
ودي حقيقة واحدة من المشاكل المفروض ناس الخرطوم ينتبهوا ليها، الى متى لا يجدون وظائف في مدينتهم
بمئات السنين؟ الحنك بتاع عاصمة قومية وجيبوا ناس الهامش وشغلوهم ما عندنا اعتراض عليه، لكن احنا نسوي
شنو؟؟ ناكل من وين؟؟ نعيش كيف، لا عندنا بقر ولا شجر
هسع موش المسيرية ادوهم 2% من بترول ابيي ومعاهم ناس دينكا نقوك برضو 2%
اها، احنا زاتو دايرين 2% من وظائف الدولة لابناء الخرطوم، وعندنا ما يثبت اننا جدودنا وجدود جدودنا
خدموا هذه المدينة وحكومتها لعشرات بل ولاكثر من 100 سنة
جد والله، حقو الناس تمشي للوالي دا وتتفاهم معاهو، هو جاي من وين زاتو؟؟ ونمشي للوزراء ديل واحد واحد
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
تسلم يا أحمد,,,,, ال شورة ودقس جيرانا ونحن علي تواصل مع بعض
كلنا في امريكا موافي شورة ودقس وعاصم برهان ,,,وكدنكة في بريطانيا ومعاه
سا مي القرد, وايضا منير حمد في بريطانيا, ربنا يرد غربتنا جميعا
تقديري
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
اها يا استاذ سيف
شوف جنس الحالة دي
Quote: كلنا في امريكا موافي شورة ودقس وعاصم برهان ,,,وكدنكة في بريطانيا ومعاه
سا مي القرد, وايضا منير حمد في بريطانيا, ربنا يرد غربتنا جميعا |
خليتوها خلا
والتتار كبسو بي وراكم
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
Quote: لسان طلعت (دى مسابقة عديل)
|
أحمد ابنعوف ... بالغت ياخ
الزول ده وصل بري عديل كده.
لسان طلعت: هي قطعة أرض ممتده في النيل قدّام بوابة وزارة التربية (يعني بينها والوزارة شارع النيل). وأصل الإسم إنو (طلعت فريد) أيام كان وزير، كان واقف قدام الوزارة، ويبدو أنو عندو عادة الإشارة باللسان، فأشار على قطعة الأرض بلسانو وقال: الحتة دي (وأشار) تنفع موقع لمنتزه.
تدور الأيام ويقام في (الحتة دي) على ما أظن إسمو المطعم العالمي.
ياخ بس ما قلتو لينا المسابقة دي جائزتها شنو؟
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
صباح الخير اخ سيف
طبعا الناس البتقول عليهم ديل... اعمامك يعنى
:)
انا اكتر اصدقائى ودفعتى فى الاميرية من اولاد غرب: وليد كمال من حوش العمدة
احمد كمال الطاهر والده كان عميد معاش ويسكن فى البيت المقابل السفارة الامريكية من الجنوب ( فى الثمانينات كان فى جزء منه كوافير سيدات
ايضا من اولاد ناس شرونى صديقنا هيثم وكنا احيانا بندفر فى حوشهم ( رغم قلة اهتمامى بالكرة).
| |
|
|
|
|
|
|
|
|
|
Re: ناس الخرطوم القدامى (Re: عمرو كمال ابراهيم)
|
Quote: قلبي,, أولا جدودي واعمامي تربطهم علاقة قوية ومجبة مع جدودك واعمامك, فجدي
من الوالد وجدي خال الوالد تتلمذوا علي سماحةالشيخ محمد ماضي ابو العزايم
ومعهم تلميذه المدلل الشيخ كامل الارزهلي (سمي عليه والدي) حينما كان الشيخ
محمد ماضي استاذا للشريعة في كلية غردون. وبعد سفره نهائيا لمصر خلف جدي
خال الوالد الشيخ محمد أحمد محمد علي شيخا للطريقة العزمية في السودان
حتي وفاته عام 1965 وخلفه عمي الشيخ سيف الدين أبو العزايم ووالدي عليه رحمة
الله وعمي الشيخ سيف الدين علي علاقة حميمة بال ماضي وابو الريش ببري ومشيت معهم
أكثر من مرة لبيوتكم ببري وشقيقي الاكبر الفاضل كامل علي صلة كبيرة بأهل بري لانة
|
مدد
الفاضل كامل
الشيخ سيف
حسن البداني
يازول إنت لجمتني عديل
لكن أظرف ما في الموضوع إنو كل الاسماء دي من سكان الخرطوم
حتي مولانا الارزهلى وهو جد أولاد مراد ببري الدرايسة
تخريمة:
عارف قصة الارزهلى بالامام محمد ماضي ؟؟
| |
|
|
|
|
|
|
|
|
|
Re: ناس الخرطوم القدامى (Re: ماضي ابو العزائم)
|
سلام يا احمد
| Quote: عندك علاقة باسرة الراحل عبدالرحمن العبيد؟ |
ابدا ليست لنا علاقة بهذه الاسرة الكريمة
تصدق انا امدرمان دخلتها تقريبا مرتين بس " وانا صغير " قبل ما امشي اخطب!!
اخوي ماشي معاي للخطوبة واهل زوجتي في الثورة بالشنقيطي
اخوي سايق العربية اتلفت علي :
انت ما لقيت غير الحتة البعيدة دي !!
| |
|
|
|
|
|
|
|
|
|
Re: ناس الخرطوم القدامى (Re: بكري الصايغ)
|
الزول زاتو
تحياتي ياخي
Quote: العزيز احمد بن عوف
بالمناسبة اليوم 21 يونيو عيد ميلادي حقو الواحد يمشي يحتفل في مركز صحي المقرن |
كل سنة وانت طيب وعقبال عمر مديد ان شاء الله، مركز صحي المقرن يحول لعناية خالد العبيد
وما بقصر معاك، بزبط ليك حديقة المقرن زاتا
Quote: بي مناسبة المخابز ذكر الاخ بكري الصائع مخبز سيحه والمخبز العربي وكان في مخبز في حلتكم قريب لي مطبعة التمدن
هذا الفرن كان قاطع لي نومة الصباح |
كنت ساكن وين يا ابوبكر؟؟ لانو الفرن دا كان لصق بيتنا اسمه فرن الزمزمي، مافي ناس كتير بعرفو الاسم
زي فرن بانقا وفرن سيحه
Quote: بعدين كان في الشارع ده في ###### ما شاء الله خروف بتاع بيت مريسة بس هاهاها
الظاهر بتاع اقباط |
الكلمة اللطشتها السنسره دي جهجهتنا
لكن على ذكر الاقباط، طبعا كل الشباب الهنا لابد وان جاروا القباط، وكانو اعز جيره، ديل بشيلوا معانا
الفاتحه عديل في البكيات
| Quote: بعدين برضو قريب ليكم فلفلة وعلي السيد الكوباني ( باسطة ولبن بس ) لوووولز |
قلت لي بس هههههههههههههههه
| Quote: ابن عوف سليمان وولده عبده على ما اعتقد ديل تجار بسوق امدرمان مقابل استديو الوادي ومحلات التلج |
اسم ابن عوف منتشر كتير خاصة في الشمالية، لكن ما عندنا علاقة بناس امدرمان نوهاااااااااااااائي
Quote: ايام لها نعناع
تحياتي |
تسلم يا حبيب
لكن قول لي تحديدا كنت ساكن وين، في البيت القديم الطابقين المبني بالطين؟؟ دا المكان الوحيد البتخيلو
تحياتي
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
Quote:
ودي حقيقة واحدة من المشاكل المفروض ناس الخرطوم ينتبهوا ليها، الى متى لا يجدون وظائف في مدينتهم
بمئات السنين؟ الحنك بتاع عاصمة قومية وجيبوا ناس الهامش وشغلوهم ما عندنا اعتراض عليه، لكن احنا نسوي
شنو؟؟ ناكل من وين؟؟ نعيش كيف، لا عندنا بقر ولا شجر
هسع موش المسيرية ادوهم 2% من بترول ابيي ومعاهم ناس دينكا نقوك برضو 2%
اها، احنا زاتو دايرين 2% من وظائف الدولة لابناء الخرطوم، وعندنا ما يثبت اننا جدودنا وجدود جدودنا
خدموا هذه المدينة وحكومتها لعشرات بل ولاكثر من 100 سنة
|
احمد ابن عوف
سلامات ،،
وتحياتي
غايتو (تراجى ) كان شافت الكلام بتاعك الفوق دة ، ناس الخرطوم يشيلوا شيلتهم مع ناس الهامش !!!
تخريمة :
راجع الماسنجر الداخلي
| |
|
|
|
|
|
|
|
|
|
Re: ناس الخرطوم القدامى (Re: ابوعبيدة حسن محمد)
|
سلام للاخ حسن بكري
وسلام خاص لناس السجانة اهلي
تحياتي
وشكرا على الاضافة دي ومن اجل التوثيق
Quote: عمنا الطيب محمد عبد الرحمن ، الشهير بالطيب بوكشوب كما تفضلتم ..
جارنا بحي السجانة العريق ، رجل أنيق ومرتّب ، وذو إنضباط ونظام قل أن يوجد مثيله في أيامنا هذه..
ظل ، وحتى يومنا هذا يحافظ يوميا على إرتداء البدلة الكاملة ، وقيادة السيارة المارسيدس !
حتى مواعيد فتح وإغلاق المكتبة ظلت كما هي عليه منذ زمن إنشاءها ، تفتح ابوابها عند الساعة السابعة والنصف ، وتغلق ابوابها عند الساعة الثانية والنصف تماما !
الطيب بوكشوب من أهالي حي السجانة القدامى .. وهو والد الأستاذ وليد الطيب المحامي المعروف وسكرتير الأتحاد العام للكرة الطائرة ، ووالد محمد الطيب حارس مرمى نادي المريخ السابق والنادي الأهلي حاليا..
أعطاه الله الصحة والعافية.
|
Quote: ـــــــــــــــ
بي المناسبة وين ناس السجانة ، ذلك الحي المتفرّد..
أنا الوحيد في المنبر ده ولا شنو ؟ |
زي ما قلت ليك ديل اهلي
ناش شريف التهامي (ليس الوزير) وآل سكران وآل سابل وآل عبدالدائم
والعلاقة الوثيقة التي تجمع بين اهلي والسادة العجيمية
وانت ماشي على محطة الغالي ناس فتوتة و آل مكوار
وياما لعبنا في مركز شباب السجانة المدرسة الاولى في السودان للكرة الطائرة بلا منازع
يا زول، افو
خليك قريب
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
يا سلاااام السجانة ..
السجانة الفن والعلم والثقافة..
السجانة يعني الراحل إسماعيل حسن الشاعر المعروف..
السجانة يعني الراحل عثمان حسين الفنان المعروف..
السجانة يعني محمد علي جبارة ( يامعاين من الشباك )
السجانة يعني عبد الفتاح الله جابو ..
السجانة يعني علي الله جابو..
السجانة يعني الجيلاني الواثق..
السجانة يعني بشير عبد العال ( بشير سلوى )..
السجانة يعني علي عثمان محمدطه..
السجانة يعني الصافي جعفر..
وغيرهم ، وغيرهم .. القائمة بلا شك تطول.
| |
|
|
|
|
|
|
|
|
|
Re: ناس الخرطوم القدامى (Re: انعام حيمورة)
|
سلام يا ابوعبيدة
ياهو زاتو وشكرا على الماسنجر
كيف احوالك يا رجل
ايام يا صديقي ايام
Quote: احمد ابن عوف
سلامات ،،
وتحياتي
غايتو (تراجى ) كان شافت الكلام بتاعك الفوق دة ، ناس الخرطوم يشيلوا شيلتهم مع ناس الهامش !!! |
مرحب بتراجي، تراجي دي فردة يا صديقي
وانا فوق شاغلتها بانو ناس الخرطوم كانت عندهم علاقة بالجالية اليهودية قبلها بزي خرتمية سنة كده
تحياتي
وشكرا لسودانيز التي جمعتنا
| |
|
|
|
|
|
|
|
|
|
Re: ناس الخرطوم القدامى (Re: أحمد ابن عوف)
|
هلا هلا ببنات السجانة ومدرسة الام
| Quote: اها نحن من ناس السجانة وزكرياتها |
سلام للناس الحلوين
ياخي من امبارح لمن قلت لي يا احمد انا راصه القنوات السودانية في الاول وبعدها الامبيسيهات
قلت يا اخوانا اكيد في قاسم مشترك بيني وبين بت الناس دي لانو دا نفس الوضع بتاع الرسيفر عندي
هلا بناس شارع النص، والسوق وزريبة العيش، هلا بناس محطة الغالي وما جاورها
ومدرسة الاتحاد 1 والاتحاد 2، ومدرسة الام وابناء نادي حلفا، ونادي جلاس
وميدان الليق وساحة المولد وحلاوة المولد
وكيف كانت ساحة المولد في السجانة مرتبة ومنظمة ونظيفة، ياخي مرة قلت امشي اشتري
حلاوة المولد من امدرمان، لا حولا، والله مرقوني كرعيني بس، لا عرفت كوعي من بوعي
اها يا بكري، سالت من ناس السجانة وجاك انعام حيمورة شخصيا
ودي ملاحظة، اول انثى تزورنا في بوستينا بتاع اولاد الخرطوم دا، ونتمنى ان لا تكون الاخيرة هههههههه
تحياتي
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
العزيز \ أحمد ابن عوف ,,, سلام
فرن الزمزمي والعجلة الفيها القفة من قدام.
ومقابل الفرن حوش مصلحة الارصاد الجوي, ومعدات
قراءة الطقس.
الزولزاتوووووووووووو حيرني لامن اتكلم عن تيس القشلاق
الزول حاضر ما داير يورينا كان وين ؟ افصح يا أبوبكر.
مودتي
| |
|
|
|
|
|
|
|
|
|
Re: ناس الخرطوم القدامى (Re: سيف الدولة كامل)
|
للتاريخ ........... والدي محمد عثمان عبدالحليم أو (عثمان عبدالحليم) كما يعرفه اهل الديم والسجانة ...... هو صاحب فكرة قيام نادي جلاس وبمساعدة نفر كريم من اهلنا في الديم والسجانة
تم إنشاء النادي ومقره الأول تقريباً كان في منطقة غرب محطة الغالي وليس موقعه الحالي في الديم قرب جامعة السودان ........... قاموا يايجار المنزل الذي اختير كمقر للنادي ورفض مفتش
الصحة التصديق لهم لوجود بعض الملاحظات الفنية ....... وعدوهو بان هذه الملاحظات ستكون جاهزة غداً ........ وبالفعل اخبر مجموعة من اهل البلد العاملين في السكة حديد حضروا بعد
نهاية الدوام وقبل مغيب الشمس كانت كل ملاحظات المفتش جاهزة ..........
| |
|
|
|
|
|
|
|
|
|
Re: ناس الخرطوم القدامى (Re: omer osman)
|
اخي احمد
ياخي من الصباح ما تقول انك حفيد ابنعوف سليمان
وهو كما سمعنا ونحن صغار كان شريك في مواد البناء مع عمنا تميم الدار وطبعا تميم الدار كان عندو مغلق
كبير في صناعية الخرطوم.
هسع موش المسيرية ادوهم 2% من بترول ابيي ومعاهم ناس دينكا نقوك برضو 2%
اها، احنا زاتو دايرين 2% من وظائف الدولة لابناء الخرطوم، وعندنا ما يثبت اننا جدودنا وجدود جدودنا
خدموا هذه المدينة وحكومتها لعشرات بل ولاكثر من 100 سنة
انا معاك لانو تم تمييز ابناء كل الاقاليم بمنحهم نسب في البترول او الوظائف
لماذا لم يمنح ابناء الخرطوم تلك الميزه...ومن منناس الخرطوم الان يحتل أي وظيفه عليا ؟؟؟
يا احمد يا اخوي نحن احالونا للصالح العام يعني قدر الفضل ما خلوهو تقول لي اتنين في الميه
اخي خالد العبيد
تصدق انا امدرمان دخلتها تقريبا مرتين بس " وانا صغير " قبل ما امشي اخطب!!
اخوي ماشي معاي للخطوبة واهل زوجتي في الثورة بالشنقيطي
اخوي سايق العربية اتلفت علي :
انت ما لقيت غير الحتة البعيدة دي !!
تصدق يا خالد عمي شقيق والدي رحمه الله كان يسكن الثوره بحكم زواجه من ابنة عمه عائشه بنت محمد مصطفي العالم ويقال له العالم لتدريسه القران عنما توفي بالثوره والدي رخمة الله عليه ايضا في الفراش
وانا راجع بحري جاء يركب معي العربيه عشان يبيت في بحري.
قلت ليه: يابا انت ماشي ليه.. بكره الناس الصباح بدري بيجو يشيلوا معاك الفاتحه
قال لي: يا ابني انا عمري ما بت يوم واحد في امدرمان ولا يمكن ؟؟؟
تقول لي العاصمه الوطنيه !!!
| |
|
|
|
|
|
|
|
|
|
Re: ناس الخرطوم القدامى (Re: طارق ميرغني)
|
الاخباء
احمد ابنعوف سلبمان*
و العقيد الفريد من ابناء الخرطوم ..
قرأت اسمائكم براها ترد الروح .. اما حديثكم فيعيد العافية للجتا ..
جايكم بس .. خلونى شوية .. مشغول مع الحزب الاتحادى الديمقراطى ..
الجماعة ديل عايزين " يودونا الخور " كما قال صديقى فتحى مأمون معلا " قرد مأمون " .. بعد ان اشترينا الكونياك الروسى من بار " قوتس " الايطالى - سوق نمرة (2) فى نهاية الستينات .
شوقى لكم
يوسف ابوصلعة
نمرة (3)
-----------------------------
* احمد ابنعوف .. انا دفعتى الوجيه عبد الحميد ابنعوف ( الخرطوم الثانوبة القيمة )
| |
|
|
|
|
|
|
|
|
|
Re: ناس الخرطوم القدامى (Re: احمد خليل)
|
الأخ/ أحمد...
أهنئك على البوست الذي بدأ خفيف الظل دسم المعلومات...
الله يوفقك... وكمساهمة بسيطة مني.. عايز أنقر نقرات خفيفة في ذاكرة البعض
بذكر بعض المواقع التي أنحفرت في ذاكرتي عندما تذكر الخرطوم...
- سويت روزانا ربما تكتب Sweet Rosana or Rozana
- محلات عطية للأسلحة النارية...
- أستديو غردون سابقا- أستديو النيل الأزرق...
- عادل ميرزا...
- صيدلية أبو نخلة...
- مطعم الجمهورية...
تخريمة:-
لاعب بحري طراوة "طارق ميرغني" حريف في التوثيقات الغير صارمة..
أمسكوا فيه قوي... بس أدفعوا لينا حق الإعارة...
تحياتي
| |
|
|
|
|
|
|
|
|
|
Re: ناس الخرطوم القدامى (Re: احمد خليل)
|
يوسف اب صلعة واسكندر وميدان عبدالمنعم وفريق الدينمو ...
حبيبنا كوفى..
يوسف اب صلعة كان من أخطر هدافى رابطة الخرطوم 3 التى كانت تلعب فى ميدان عبدالمنعم قبل انتقاله لميدان الليق بالحلة الجديدة ومدرسة الخرطوم الأميرية ان لم تخنى الذاكرة وفيما يبدو لى انه قد التحق بالكلية الحربية بعد ذلك (الرجاء تأكيد المعلومة)وقد فوجئت به حقيقة بأنه عضو بالبورد..
نرجع للخرطوم 3 وميدان عبدالمنعم وبه كان دكاكين المولد وبوفيه عمنا عبده دهب اشهر شيوعى بالسودان (وموقف عشرة دقايق) ايام بصات البدفورد والفيات (البعيو)والمارسيدس والهنقارى...(تعال شوف الأنحطاط الحالى).ولاتنسى سوق نمرة 3 والمرحوم كبروس الذى كان يصلح العجلات وؤأجرها للأطفال ومنه تعلمنا قيادة العجلات ثم اتجه جنوبا لقسم البوليس الجنوبى واشلاق البوليس وسوق السجانة وتلك الأحياء التى كان تقطنها كثير من الأسر الكريمة لأخوتناالأقباط والأثيوبيين جنبا الى جنب مع الأسر المسلمة فى تآلف ومحبة حقيقية.وقد كانت علاقاتنا وصداقاتناتمتد من منطقة الخرطوم الجديدة (ميدان جاكسون حاليا بعد ان صارت تلك المنطقة اثرا بعد عين وتعيش انت)وحتى منطقة سينما النيلين جنوبا. (لكن بينى وبينك ياكوفى الناس كانوا بخوفونا من الديم والديامة(ديل ناس ابوساندرا) ولكن الديم والحق يقال اخرجت الكثير الكثير من الأفذاذ فى شتى ضروب الحياة الفنية والرياضية والأجتماعية والسياسية فلهم التحية والأعزاز.
| |
|
|
|
|
|
|
|
|
|
Re: ناس الخرطوم القدامى (Re: قلقو)
|
قلقو الظريف
غايتو حنسرق ليك البوست من ولدنا(احمد) نصو من ( عندينا) يعنى حلال علينا!!!!!!!
انا كتبت قبل كده عن (اولاد الخرطوم) والكسل كان بالمرصاد !!!البركه فى الشباب!!!
انا ايضا فوجئت باللاعب الفنان (يوسف) بيننا !!!واكيد اضافة جميله!!ولا زلت اذكر حتى (امير) شقيق (سمير) حارس مرمانا الدولى الذى (تمصر)!!!!!
واكيد هاجت الذكرى فقد درسنا معا (مدرسة الخرطوم غرب 1 ) واسمتعنا بعمك سليمان موسى وهو (يمرمط ) اصحاب العربات (الفاشلة) ونصفق للفائزين من على السور!!!
اكيد اكلت معنا فول العم ( طبيز)!!!!هنااااك خلف مخبز الخرطوم الجديد!!!
هامش
ياابو حميد ابو العزائم من ناس برى واكيد (بيعرف) لسان طلعت فالجائزة محجوبه لأنو فى اللجنة!!!
تحياتى
kofi
| |
|
|
|
|
|
|
|
|
|
Re: ناس الخرطوم القدامى (Re: قلقو)
|
Quote: يوسف اب صلعة كان من أخطر هدافى رابطة الخرطوم 3 التى كانت تلعب فى ميدان عبدالمنعم قبل انتقاله لميدان الليق بالحلة الجديدة ومدرسة الخرطوم الأميرية ان لم تخنى الذاكرة وفيما يبدو لى انه قد التحق بالكلية الحربية بعد ذلك (الرجاء تأكيد المعلومة)وقد فوجئت به حقيقة بأنه عضو بالبورد..
|
الحبيب قلقو *
يانى انا ذاتى بشحمة اضانى كما يقولون ..
بعد ما كنا بتشوت بالرجلين .. و نرعب اى حارس بما فى ذلك سبت دودو..
بقينا نشوت بالايدين على الكيبورد ..
اعدتنى الى ماضى جميل نفخر به ..
الجراب مليان .. بس الوقت ..
مودتى
يوسف ابوصلعة
-------------------------------------
* بالاحمر لون فنايل الدينمو .. يا حليلو
| |
|
|
|
|
|
|
|
|
|
Re: ناس الخرطوم القدامى (Re: يوسف محمد يوسف)
|
يايوسف اذكر انو انا وحبيبنا كوفى كنا بنجيب ليكم الكورة من ورا القون..اياما كوفى كان فى خلوة شيخ محمد بابكر وانا كنت فى روضة دار الحنان .ولا الكلام ده ماصاح ياكوفى ؟
لكن ماأكدت يايوسف هل المرحلة الوسطى كنت فى الأميرية ولا الخرطوم الأهلية مع ناس ماضى ابوالعزائم؟
| |
|
|
|
|
|
|
|
|
|
Re: ناس الخرطوم القدامى (Re: قلقو)
|
| Quote: لكن ماأكدت يايوسف هل المرحلة الوسطى كنت فى الأميرية ولا الخرطوم الأهلية مع ناس ماضى ابوالعزائم؟ |
الحبوب قلقو
الخرطوم الاهلية الوسطى " محمد حمزة " .. لا تذكر مدرسة الخرطوم الاهلية و الا يذكر اسم ناظرها الفذ محمد حمزة عليه رحمة الله .
ناس ماضى ديل بالنسبة لينا شفع - مع الاعتذار لاخى ماضى - .. نحن دفعة : 1962 - 1966
عارق يا قلقو .. خارج اسوار المدرسة الاهلية من الجهة الغربية كانت الجهة الشرقية لموقف باصات السجانة و الحلة الجديدة .. هذه الجهة
من الموقف محاطة باكشاك العدة .. اعمامك اصحاب الاكشاك كانوا مابفتحوا الا لما يتأكدوا انو المدرسة ما فيها تمرين كورة .. سألهم بعض الطلبة عن السبب فى تواجدهم على سور المدرسة اثناء المباريات و التمارين فكان ردهم :
منتظرين كورتكم دى تنتهى و الطالب الفقر الاسمه ابوصلعة يخش فصلوا عشان نفتح اكشاكنا .. دا كسر لينا عدتنا كلها !!
بالله يا ماضى تذكر قهوة الواثق و شايها الصاموطى .. و محلات سمارة .. و اكشاك الليمون و الشعير الباااااااااااااااارد
وعلى النوباوى بتاع التسالى ..
اكيد فى رجعات
ابوصلعة
| |
|
|
|
|
|
|
|
|
|
Re: ناس الخرطوم القدامى (Re: يوسف محمد يوسف)
|
حبيبنا يوسف ..
اذن تخرجنا من مدرسة وسطى واحدة زمازالت سيطان استاذ مصرى بتوجعنى لغاية الليلة. (انا دفعة ماضى ابوالعزائم) بس انا دخلت وانا صغير السن (عشان ماضى ابوالعزائم مايقول انا قدرو وكدة).
بالمناسبة الأخ ماضى كان فاتح ليه بوست عن الخرطوم الأهلية الوسطى (التى صارت عبارة عن دكاكين ومخازن وكوشة) ياريت لو يقدر يجيبو لينا من الأرشيف .
| |
|
|
|
|
|
|
| |
أحمد ابن عوف
سيف الدولة كامل
طارق جبريل
KOSTA
عمرو كمال ابراهيم
ماضي ابو العزائم
ابراهيم عدلان
omer osman
Hassan Bakri Nugud
عبد الدائم سيد أحمد
ليلى عز الدين
محمد أبوالعزائم أبوالريش
خالد العبيد
Marouf Sanad
ALZOLZATOO
ابوعبيدة حسن محمد
انعام حيمورة
يوسف محمد يوسف
Kamal Karrar
قلقو
فيس بوك
تويتر
انستقرام
يوتيوب
بنتيريست