|
Re: أحمدوا الله ياأخوانا .. شوفوا كنا وين وبقينا وين (Re: خضر حسين خليل)
|
Quote: كنا وين يامحمدفرح ؟
وبقينا وين يامحمدفرح؟ |
ياأخ خضر تجربة الإنقاذ الثره تعتبر قدوة يحتذى بها عند إستلام الإنقاذ للسلطة في ذلك اليوم البهيج الموافق 30 يونيو من العام 89 لم يكن السودان يملك أي من مقومات الدوله بل كانت ميزانية السودان تقل من ميزانيات شركات صغيره بالدول العربيه . بكل بساطه البلد كانت عدمانه (نفاخ النار) . لكن الإنقاذ إستطاعت بالرغم من كل ذلك أن تنهض بالبلد للأمام وأن تجعل السودان يستقل بإقتصاده بالرغم من كل القرارات والمضايقات التي وجدناها من الغرب حتى إستخرجنا النفط وصدرناه كما تم أيضاً تحرير المرأه التي خرجت لساحات العلم والعمل بقوة لتعمل بكل شرف وطهاره كما إنتشر الدين وتحسنت أخلاق الشباب مما إنعكس إيجاباً على إقتصاد البلاد .
مؤونة عام من الود
| |
|
|
|
|
|
|
Re: أحمدوا الله ياأخوانا .. شوفوا كنا وين وبقينا وين (Re: محمد فرح)
|
تنميه سدود طرق مستشفيات إستقرار إقتصادي بترول كباري سلام وووووووو تقدم في كل المجالات الإنقاذ بي صراحه قلبت الهوبه عديييييييل كده وهذا ماأهلها لنيل ثقة الشعب السوداني الذي إختار الشجره ورجالها لكن بعض المعارضين يحيروك عديل كده ياأخوانا عدم شكر النعمه ده حاجه سيئه جداً والله
| |
|
|
|
|
|
|
Re: أحمدوا الله ياأخوانا .. شوفوا كنا وين وبقينا وين (Re: محمد فرح)
|
Quote: ميه سدود طرق مستشفيات إستقرار إقتصادي بترول كباري سلام وووووووو |
محمد فرح اهم حاجة ووووووووووو ديل داخله فيهم الكهرباء ولا ........لا
------- كنا في احسن حال يا محمد ياخوي بس ربنا شاء تمر بينا المحنه دي ربك يلطف ويحفظ البلاد والعباد ويغير حالهم ويزيل الكربه
| |
|
|
|
|
|
|
Re: أحمدوا الله ياأخوانا .. شوفوا كنا وين وبقينا وين (Re: طارق جبريل)
|
الأخ محمد تحياتي أدناه جزء من نص طويل بعنوان (السايقي واصلة) للاستاذ محمدالحسن سالم حميد أهدي لك ولقراء هذا البوست هذه الكلمات
كنا أحسن حالا وإن كان ما إتلقي الحكم اليصلِّح الزمانات كانت أمهل المعايش كانت أسهل كانت المرحات تملح كان قشيش الأرض أخضر والخدار للعين يفرّح كنا من طرف التقاند نملا ماعونا ونروّح كانت المويات حبطرش وما مرق بترول بلدنا بي ضي النجمة الحميرا أو القميرا نسوق نبوق والمتر بي فوق مفرّش بالسواعد شيل نفسنا وختوا واحد وفينا قولة الله يساعد كانت أصدق و اليتم للتاني يلحق كنا نتونس نفاقد و الرقاب تالا التراب عرقن يسابق و العيون بالحر يقطرن والعريريق تلقا لاصق في جسمنا وفينا كدّب بالترابه السودا دابغ بس تبرّد لي بطنا قولة الدارعنو فوقنا ده من قطنا تمرق الإبر المكيني يجيك وطنا ثم تلقي الباقي كلو بصاره ايدينا والله ينصر دين بلدنا وينصر إخلاص الشغيلة علي العفاريت الدخيلة تنكسر ريح العوارض وتبقي كل الدنيا هيلا وما يصح تملاها عافي وتحيا في أحوال عليلا هي البتستاهل رحيق مرقاتا روقاتا وعديلا وفي الحقيقة هي أولي بالخير من فقر شيخ القبيلة و الجلاليب الرهيفة ولمعة الكاب العميلة بتنا لمن نقول لا نستغفر كأنو كفرنا بالله بعدنا عنو مع أنو عارفين الله عادل ومافي ظلماً جاي منو والرسالات السمويات جميعن عادن الجوع حرمنو كنا ننضم زي فياقة في ضليل منقاي نفطر والقراريص حار فراقها قمحة سمحة ومو إغاثه من زارعتا للعواسة جمبنا الجدول شرابنا جاي من نيلنا اليطمن ونيلنا مدعوم من سحابنا صن و الشاي بي رواقا وحيو دارفور يارفاقا سنتطا ونبقا الدقاقا الجنوب الارضو عاقا الله يديها اليخارج زولا من مطموسا ضاقا وكب نعكم في الطواري ونلقي نفسنا في هجير بلا المراكبية التمقدف والبحر فاير دميري بتنا في حالة طواري وحظر هاري وطن تجاري ونيلنا جاري من الزفاري الفي الكباري كرم جروفو عقاب صحاري قرف يمين ووجع يساري
| |
|
|
|
|
|
|
Re: أحمدوا الله ياأخوانا .. شوفوا كنا وين وبقينا وين (Re: خضر حسين خليل)
|
ياأخ خضر الحنين للماضي شيء أساسي في الطبيعة البشريه حتى ولو كان الماضي غابراً سيظل له نكهة محببه قبل الإنقاذ كان التموين الموجود يكفي حاجة البلاد لثلاثة أيام فقط ... أما خزنة البنك المركزي فمحصلة ماكان بجوفها فقط 100 ألف دولار أمريكي ... ولك الحق في أن تضحك .. الآن السودان وبعون الله وبعد أن كان يسمى (رجل أفريقيا المريض) أصبح قبلة للأنظار والإستثمار . إستخرجنا البترول بعون الله وبفضل الخبرات الصينيه بعد أن تخلصنا م نالشركات الأمريكيه التي كان لها ترخيص العمل بحقول البترول وكانت تمارس (جرجره) غريبه حيث ماتنفك تعلن أن العمل غير ممكن بسبب سوء الأوضاع الأمنيه لكن بحمد الله تخلصنا من قذارتهم واستخرجنا البترول وصفيناهو وصدرناهو كمان . الا تذكر صفوف العيش والبنزين والسكر وصل وماوصل والدقيق جا وماجا والباخره قالوا حتتأخر وألم خرافي كان يعانيه الشعب السوداني . بحمد الله اليوم أصبحنا حاجه تانيه لذا لزاماً علينا اليوم ان نحمد الله على هذه النعم
مؤونة عام من الود
| |
|
|
|
|
|
|
Re: الإنقاذ فعلآ قلبت الهوبه عديييييييل كدا بإتجاه خلف دور! (Re: محمد فرح)
|
Quote: تنميه سدود طرق مستشفيات إستقرار إقتصادي بترول كباري سلام وووووووو تقدم في كل المجالات الإنقاذ بي صراحه قلبت الهوبه عديييييييل كده وهذا ماأهلها لنيل ثقة الشعب السوداني الذي إختار الشجره ورجالها لكن بعض المعارضين يحيروك عديل كده ياأخوانا عدم شكر النعمه ده حاجه سيئه جداً والله |
يا محمد فرح غايتو يا أخوي كان ما كنت بريدك لوجه الله تعالى كان فرجت فيك الله وخلايقو في حكومة نفاقك الوطني دي وكمان كان سميتك المنافق! .. أها بس حمدو في بطنو!
مؤونة عشرة أعوام من الود
.....
بالجمبة كدا نهديك هذه الطفولة البائسة
من هذا البوست: . . لمتــــــيـــــن ! ! ! ؟
_
| |
|
|
|
|
|
|
Re: الإنقاذ فعلآ قلبت الهوبه عديييييييل كدا بإتجاه خلف دور! (Re: Hadeer Alzain)
|
أخت هدير أولاً نشكر ليك الريده اللي لله دي وبالجد مافي أجمل منها أسأل الله أن يحبب فيكي كل خلقو إن شاءالله
بوست لمتين ده ذكرني أغنية عثمان حسين (لمتين يلازمك في هواي مر الشجن)
المهم أجراس الحريه دي بالجد نقطة سوداء في تاريخ الصحافه السودانيه تخيلي صحيفه تحتفي بممثل أفلام جنسيه وتخصص نصف صفحه لتاريخه وأعماله الـ(عظيمه)
بالله عليك هل ترضين أن تدخل صحيفه مثل هذه لبيتك
من بدري جداً كنت أتمنى (تغور) هذه الصحيفه وللأبد
بالعوده لي موضوعنا الصوره لطفله جميله جداً ولاأدري أين موقع الطفوله البائسه هنا وأثق إنو مستقبل الطفله دي حيكون زاهي ومشرق بإذن الله بس لازم نتكاتف كلنا برضو و(نحمد الله) اول حاجه عشان بكره يكون أحلى وأحلى والحمد لله أمور البلد ماشه كويس جداً وكل يوم بنتقدم للأمام بخطى حثيثه سفينة الإنقاذ لن يوقفها شيء بإذن الله
مؤونة عشرة أعوام من الود
| |
|
|
|
|
|
|
Re: الإنقاذ فعلآ قلبت الهوبه عديييييييل كدا بإتجاه خلف دور! (Re: محمد فرح)
|
بالله يا محمد فرح
راجع وزارة المالية
وبنك السودان وكلمنا
عن التضخم وبالله ضروري
تورينا المديونية كم على السودان ؟؟؟؟؟؟؟؟؟؟؟
* زول قاعد يحمد الله قدر شعب السودان مافي
دي خليها ورينا كم المديونية ؟؟؟؟؟؟؟؟؟؟؟؟
عشان ما تدخل الناس في ضيف من ايمانهم .
........................................حجر.
| |
|
|
|
|
|
|
Re: الإنقاذ فعلآ قلبت الهوبه عديييييييل كدا بإتجاه خلف دور! (Re: السيد المسلمي)
|
تحياتى ياسلام يافرح 1-انشاء ثانى اكبر شيكة سكة حديد فى افريقيا(قيلها السفر بالحمبر) 2- انشاء نظام تعليمى راقى (قبلها) كتاتيب ماتجيب هنها 3- انشاء جامعة راقية (قبلها) !!!!!؟؟؟ 4-انشاء جهاز دولة حديث وقبلها !!!!!! 5- انشاء مستشفيات وتاهيل قابلات وقبلها !!!!!!!؟؟؟؟ 6= كبارى متينه فى الخرطوم وعطبرة وكوستى وقبلها !!!!!! 7- انشاء مشروع الجزيرة كاكبر مؤسسة انتاجية وقبلها !!!!!! @@@@الآشراف على انشاء مؤسسات مجتمع مدنى حى ونظام سياسى متقدم وقبلها كنا !!!!!! *****نظم وقوانين حديثة تدير المجتمع بنظام ودقة وقبلها !!!!! ياسلام يافرح على الحكم بالانجاز!!!
| |
|
|
|
|
|
|
Re: الإنقاذ فعلآ قلبت الهوبه عديييييييل كدا بإتجاه خلف دور! (Re: Khalid Saeed)
|
صباح الخير كمال حسن بخيت الوزير.. أسامة عبد الله.. سلامات...فرحت بك الحارة التاسعة الثورة.. لكن إدارة الكهرباء اغتالت فرحتهم
استقبل المواطنون خبر تعيين الوزير صاحب الإنجاز الكبيرأسامة عبد الله الذي عين وزيراً للكهرباء بقطوعات في التيار الكهربائي في عدد من أحياء أمدرمان.. وقد تركزت هذه القطوعات في الحارة التاسعة بمدينة الثورة.. إذ توالت القطوعات قبيل تعيين الوزير أسامة عبدالله في مسافات زمنية طويلة تبدأ الصباح وأحياناً في الظهيرة القاتلة.. وأكثرها حرجاً قطوعات الليل مع ارتفاع مهول في درجات الحرارة.. ولا أدري لماذا تركزت القطوعات في الحارة التاسعة بالتحديد في مساحة محددة من المساكن.. وكأن هناك مشكلة بين سكان هذه الحارة والعاملين في الهيئة القومية للكهرباء ويهرول معظم سكان الحارة الى مكاتب الهيئة القومية للكهرباء للتبليغ.. وكان الرد دائماً أنهم أمامهم أكثر من عشرة بلاغات قطوعات، انتظروا. ويطول الانتظار.. إلى أن يصبح الصباح ويعود التيار ويبدأ الأطفال في النوم وسرعان ما تقطع. الغريب في الأمر أن عدداً من الحارات المجاورة لا تعرف انقطاع التيار. وأعتقد أن هذه المنطقة من الحارة التي يتواصل فيها انقطاع التيار ظلت تعاني من الانقطاع منذ مدة طويلة.. وقد فشلت الهيئة القومية تماماً في معالجة الأمر. واستبشرنا بدخول كهرباء السد.. ولكن ظل الحال في حاله.. والغريب أن يستمر بعد تعيين وزير السد وزيراً للكهرباء. السيد الوزير.. لقد خسرت أنا شخصياً مبالغ كبيرة من فساد الأنسولين الذي اشتريته بكميات لأن انقطاعه من السودان متواصل مثل انقطاع الكهرباء من منزلي.. ولم يعوضني أحد.. خاصة أنني أشتري مثل بقية المواطنين الكهرباء بالدفع المقدم.. يعني أدفع فلوسي في الكهرباء ولا يوجد تيار، وقبل أيام احترقت ثلاجة في منزلي بسبب عودة التيار وبقوة أكثر من المطلوب ولايسأل أحد عن الخسائر. السيد الوزير.. أنت تعلم أن كل الخسائر التي تصيب المواطنين في معظم دول العالم من جراء قطوعات الكهرباء أو تذبذب التيار، تدفع وزارة الكهرباء على دائرة المليم إلا في بلادنا. بل عندما تكتب عن انقطاع الكهرباء تواجه بحملة انتقامية ويتواصل الإنقطاع من منزلك بشكل مستمر. أكتب هذا وأعلم ماذا سيحدث.. وأنا أكتب هذا المقال وجاء مولانا الصافي جعفر لزيارتي.. وانقطعت الكهرباء.. ولم تأت حتى خروجه وتناولنا طعام الإفطار والعرق يتصبب منا.. وخرج وبعد ساعتين بدأت في إكمال المادة الصحفية هذه والكهرباء لم تأت بعد. السيد الوزير.. لقد استبشرنا خيراً بكهرباء السد التي كانت إنجازاً لم يسبق له مثيل في بلادنا.. واستبشرنا كثيراً بتعيين وزير السد والكهرباء الفائضة وزيراً للكهرباء بل فرحنا أكثر بوجود وزارة للكهرباء والسدود ونأمل أن لا تشغلك السدود عن الكهرباء خاصة أن العلاقة بين السدود والكهرباء مثل العلاقة بين الدجاجة والبيضة. سيدي الوزير.. قطوعات الكهرباء في الحارة التاسعة بمدينة الثورة أمر غير طبيعي ولا أعرف الأسباب.. لكن الأمر يحتاج منك الى وقفة قوية وتحرٍ دقيق لمعرفة أسباب هذا الانقطاع المتواصل.. وكيفية معالجته. أنا لا أتهم أحداً بافتعال أسباب الانقطاع ولا أتهم أحداً بمعاداة سكان هذا الجزء من الحارة.. لكن كثرة القطوعات توحي بأن في الأمر عجباً.. أي في الأمر شئ ما. أعرف همة الوزير. وأعرف اهتمامه بالتفاصيل الصغيرة.. وأرى في الأفق حلاً جذرياً لهذا الأمر المثير والمحير. وانتهز الفرصة لأرفع القبعة مع التهاني القلبية للوزير أسامة عبد الله بموقعه الجديد متمنياً له التوفيق والنجاح في مهمته الكبيرة وهو جدير بها. والله الموفق وهو المستعان http://www.rayaam.info/Raay_view.aspx?pid=652&id=50757
| |
|
|
|
|
|
|
|