|
|
|
 Re: استمرار الاضراب الشامل للاطباء (Re: الفاتح سليمان)
|
ادت هذه الخطوة الي تكاتف صفوف الاطباء مرة اخري
وستقود الي تعنت من قبل قاعدة الاطباء التي تبدوا لها الصورة واضحة كل يوم
لتقرر
استمرار ما كان
وتتشدد في تنفيذ الكثير من الخطوات قبل التحرك نحو البدء باضراب للاطباء بديباجة توضع علي الصدر ...........
| |
 
|
|
|
|
|
|
|
|
Re: استمرار الاضراب الشامل للاطباء (Re: الفاتح سليمان)
|
Quote: بيان عاجل
يا جماهير الأطباء الصامدة ابدا
لقد سعى نفر من الجمعية الطبية وبحضور الإتحاد لدفع اللجنة لتوقيع اتفاقية , يقضى بموجبها إطلاق سراح المعتقلين في وقت متزامن مع رفع الإضراب ..ولقد عودتكم لجنتكم المواقف الحكيمة والمرنة والمنفتحة على الحوار النزيه والشريف ..ولكن ولقد صارت لكن هذه ديدن لجنتكم في اتفاقيات ينكرها اصحابها حتى قبل ان يصيح الديك ..وهم كانو يظنون ان الجمعية العمومية بالضعف والسذاجة التي يمرر عليها مثل هذه الأكاذيب والآن يتجمهر عدد ضخم من الأطباء بمستشفى الخرطوم ومعهم طلاب كليات الطب وعدد من الأطباء معتصمون بمبنى الإتحاد ..وسنواصل إضرابنا كما هتفنا يوم اعتقل الأبوابي ..سأواصل إضر ابي خلف الأبوابي وسنواصل إضرابي من أجل الأبوابي ..الا فاصبروا وصابروا ورابطوا على ذات الصمود وانا معكم من الصامدين ..وبهذا تقرر لجنتكم استمرار الإضراب لحين رؤية أعضاء اللجنة خارج المعتقل ..وقد كانت تلك الأكذوبة هي آخر الأكاذيب التي ستنساق وراءها اللجنة وسيدفع المهرجون ثمنا غاليا لإستهتارهم بجموع الأطباء والهزء بهم..وهذه المرة حتى لو اطلقوا المعتقلين سيلهثون طويلا قبل ان يجدوا مفاوضا يرفعون معه الإضر اب..فاصمدوا في إضرابكم وادخلوا منازلكم واغلقوها جيدا ..ابتدأ عهد جديد ..نلزم فيه الدعاء والصبر..ثقتنا فيكم انكم الأشراف الأحرار الذين خبرناهم معاركا طويلة ..وسيظهر الله هذا الأمر او نهلك دونه ..
هكذا أقسمنا وهكذا سنبر القسم..
القال قضية وانتهت
ماشافنا نهتف ضدّهنا
والحق مشاويرنا ابتدت
حالفين نوصله حدّها
لجنة إضراب أطباء السودان
من داخل مستشفى الخرطوم
14/6/2010
|
| |
|
|
|
|
|
|
|
|
|
Re: استمرار الاضراب الشامل للاطباء (Re: نجلاء سيد أحمد)
|
نجلاء تحياتنا
غير راض تماما عن ما جري من تفاوض صراحة لانو ما كان مفروض الناس تفاوض وناسك معتقلين ما فكوهم واقولها صراحة لكن كونوا انهم يفوتوا الفرصة بدون اطلاق سراحهم واذا حاولوا اطلاق سراحهم بصورة فردية يكونوا قد اخطاء كل فرد في جهاز الامن المجرم في حساباته
عالم مفترية مغبية جدا
| |
|
|
|
|
|
|
|
|
|
Re: استمرار الاضراب الشامل للاطباء (Re: الفاتح سليمان)
|
شكرا اخ الفاتح ع / التوضيح
حقيقة الاخبار لابد ان تكون بصورة فورية و دائمة لكشف الحقيقية
اليوم وجَدَ بعض الاعضاء تُبّع السُلطان فرصتهم وروجوا لي بضاعتهم الخداعَة
-------------------------
لكن يا أخ الفاتح/ كلامهم وكذبهم ما بيمشي علي زول....
الناس واعية في هذا المنبر وغرو من وسائل الإعلام
و الناس وبتاخد الاخبار من اعضاء معينيين , فما تشتغل بالك بكلام الكضابيين.
| |
|
|
|
|
|
|
|
|
Re: استمرار الاضراب الشامل للاطباء (Re: محمد قرشي عباس)
|
محمد قرشي صورك تطمن
وما ممكن الواحد يضيع مع هولاء الشباب
لازم الناس تواصل لانو الدرب واحد وظاهر انو عشان نطلق اخوانا ديل
مفروض بعد دا قبل التفاوض والكلمة واحدة وهي انو مضربين لانو اخوان في المعتقل فكوهم وهم ح يتفاوضوا معاكم كلهم
| |
|
|
|
|
|
|
|
|
 Re: استمرار الاضراب الشامل للاطباء (Re: الفاتح سليمان)
|
Quote: الناس واعية في هذا المنبر وغرو من وسائل الإعلام
و الناس وبتاخد الاخبار من اعضاء معينيين , فما تشتغل بالك بكلام الكضابيين. |
اعجب كلام اقراهــو ..
دا كلام عجيب جدا .. جدا ..
بلاي عليك الله كدي تعال حدد لي أنا اقرا لي منو .. واسيب منـو ..؟
الاعضاء المعينين ديل منو ..؟
يعني ممكن حسع دي اقرا لي الفاتح سليمان دا .. وأمجد .. وعصام جبر الله .. وشعارات خالد عبيد إلخ .. بي فهم أنهم بيجيبو أخبار ما تخرش مية ..؟
والله حاجة تحير لكن .. طيب ياريت تتقدمو لي بكري بي طلب .. يعمل مدخل خاص ورابط لي الأخبار البتجينا من الجماعة ديل .. عشان نكون عارفنها دي اخبارم الصاح مية المية .. ونجري راسنا عديل ندخل ليها عشان هم ما بيكضبو ..
ياريت تدونا مقترح زي دا .. عشان نجي نهتف معاكم ..
| |
|
|
|
|
|
|
|
|
|
Re: استمرار الاضراب الشامل للاطباء (Re: tmbis)
|
بحكم عملي الصحفي متابع بدقة لماتم في الفترة الماضية، وبهذه الخلفية اعلم (واقدر) حجم التضحيات التي قدمها اعضاء اللجنة والناشطين في هذا الملف والعبء الواقع عليهم.
ولكن وفي ظل حالة الحصار الاعلامي المفروضة الآن علي قضية الاطباء والمطاردات والملاحقات التي يتعرضون لها، يفرض عليهم الواقع ابتداع اساليب جديدة للخروج من هذا الحصار، ومن ذلك تدوين ارقام هواتف وايميلات المئات اوالآلآف من الناشطين الاكاديميين والاعلاميين ورموز المجتمع والاطباء انفسهم وموافاتهم بالتفاصيل باستمرار، وزيادة معدل النشر وتحديث الاخبار علي المواقع الالكترونية.
* المقترحات ليس للاماجد الاطباء فقط بل لكل (الشرفاء) اعضاء المنبر
| |
|
|
|
|
|
|
|
|
|
Re: استمرار الاضراب الشامل للاطباء (Re: صالح عمار)
|
Quote: بحكم عملي الصحفي متابع بدقة لماتم في الفترة الماضية، وبهذه الخلفية اعلم (واقدر) حجم التضحيات التي قدمها اعضاء اللجنة والناشطين في هذا الملف والعبء الواقع عليهم.
ولكن وفي ظل حالة الحصار الاعلامي المفروضة الآن علي قضية الاطباء والمطاردات والملاحقات التي يتعرضون لها، يفرض عليهم الواقع ابتداع اساليب جديدة للخروج من هذا الحصار، ومن ذلك تدوين ارقام هواتف وايميلات المئات اوالآلآف من الناشطين الاكاديميين والاعلاميين ورموز المجتمع والاطباء انفسهم وموافاتهم بالتفاصيل باستمرار، وزيادة معدل النشر وتحديث الاخبار علي المواقع الالكترونية.
* المقترحات ليس للاماجد الاطباء فقط بل لكل (الشرفاء) اعضاء المنبر |
عين العقل
تشكر علي الراي السديد واوكد لك بان اللجنة ستاخذ الامر كما ذكرت وتعمل به
شكرا لكل من مر هنا
اخر المستجدات وبعد فشل الالتفاف علي الوحدة الكبيرة وسط الاطباء وروكل ما تم تقديمه من حسن نوايا ظل الاطباء يحملون في قضيتهم
لا يزال غباء الامنجية ورفاقهم يضيف مزيد من التعقيد علي وضعهم وتورطهم بعد اعتقال الاطباء وتعذيبهم وضرب الطبيبات امام وداخل مجلس التخصصات الطبية بوسط الخرطوم
| |
|
|
|
|
|
|
|
|
|
Re: استمرار الاضراب الشامل للاطباء (Re: محمد مكى محمد)
|
تحياتي أخي الفاتح
نعم ليبقى عالياً حتى إطلاق سراح الزملاء المعتقلين..و نقول:
Quote:
وبينما كانت حلاقيم مناصري النظام لا تمل من الحديث الضلالي الكاذب أن الإضراب مُسيّس
أو تذرف دموع التماسيح حول حقوق المرضى في حين أن القضية قضية مطلبية عادلة و استجابة
الأطباء متوقعة وأي تعسف أو إرهاب فلن يقابل إلا بتصعيد أشد.. |
Quote:
قد لا يدرى الكثيرون أن مكتب منظمة الصحة العالمية WHO-Sudan قبل عدة أيام
هدد بإعلان السودان منطقة طوارئ صحية إذا لم تعالج الحكومةالأزمة في ظرف اسبوعين |
Quote:
باختصار فإن أي صراع حكومي مع الأطباء خاسر خاصة إذا تعلق الموضوع بقضية عادلة
كتوفير أدنى الإحتياجات الأساسية للبنى آدم مثل الغذاء والكساء والسكن والتنقل |
Re: قضية الأطباء : ... (هذا الطريق مُغلق)
Quote:
النتيجة النهائيةالمتوقعة: انهيار كامل collapse لنظام تقديم الخدمات الصحية
في غضون أسابيع إذا أصرت الدولة على غبائها منقطع النظير..
وهجرة جماعية غير مسبوقة للأطباء إذا استمرت هذه المعاملة لقضاياهم |
Re: المئات من نواب الاختصاصيين يعلنون موافقتهم على رفع الإضراب
| |
|
|
|
|
|
|
|
|
 Re: استمرار الاضراب الشامل للاطباء (Re: tmbis)
|
| Quote: بلاي عليك الله كدي تعال حدد لي أنا اقرا لي منو .. واسيب منـو ..؟ |
مداخلتك كبيرة و قدر اليلة وبكرة يا تمبوس
ومافيها أي تضامن مع الاطباء علي الرغم إنو هدف البوست واضح
و البوست يا سيدي لو إنت متابع ... جاء كرد فعل للأكاذيب التي فتحت بالبوستات في ليلة البارحة
لخمد الثورة بقيادة أطباء السودان و تضليل العامة .... ونحمد الله أنه بعد دقائق قليلة من الكذب الكان مروج هنا
صدر البيان و نقلهُ الدكتور المعروف هنا البورد من اللجنة مباشرة .. لتكذيب الباطل.
إنت من زمان مسجل في البورد يا تمبوس ..
يعني ماعارف البورداب و تصنيفاتهم مين فيهم ال دكتور ومين فيهم الطيار وبتاع الحركة و بتاع الونسة وإلخ ...
يعني لمن يكون في إضراب أطباء ... لو عاوز المعلومة الصحية أسأل وأقراء لاعضاء في اللجنة
وأي كلام يتكتب هنا ما بيتصدق , إلا إذا كان من سيد الشئ زاتوو.. سواء ان كان بيان من حركة ولا تصريح ولا غيرو
و المنبر غني بالكوادر و السياسيين بجميع توجهاتهم ,
فحاول أعرفهم وأسألهم لمن يكون في خبر يخص الجهه التي يعملون بها , عشان تلقي الأكيدة وما تضيع زمنك.
إنشاء الله فهمي يكون وصلك ( عشان ما تخت الوش الحزين ده  لمن ترد علي )
| |
|
|
|
|
|
|
|
|
|
Re: استمرار الاضراب الشامل للاطباء (Re: احمد محمد بشير)
|
الزملاء بالمنبر وكل المتداخلين المحترمين
معا حتي يظل الامر كما قلتم عاليا
اخ احمد بالفعل جلست اليوم كما ذكرت لي مع رجل زاد احترامي له
لانشغالي بسفر من سفر لم امر علي المداخلات كلها ولكننا جميعا في خندق واحد
الاضراب مستمر كما كان
الكذب وما حاول تمريره بعض الامنجية باتفاق مع الجمعية الطبية تم الالتفاف حوله
جموع الاطباء من الولايات والعاصمة يصرون علي مواصلة السيرفي هذا الدرب الصعب
قضيتنا واضحة ودربها واضح ولقد اختار الاطباء السير فيه
ملاحظة بسيطة
فشل كل امنجية الدولة وبرغم توجه كل الالة الاعلامية لهذا الامر
ولم ينجحوا في كسر صفنا
توحد الاطباء لا يمكن ان يتاثر بمداخلات سالبة من الاضراب في ارض الواقع بقدر ما تزيد المداخلات المفيدة لحل الاشكال
هنا
لكم الشكر
حتي عودة انشا الله
| |
|
|
|
|
|
|
|
|
|
Re: استمرار الاضراب الشامل للاطباء (Re: احمد محمد بشير)
|
Quote: مداخلتك كبيرة و قدر اليلة وبكرة يا تمبوس
ومافيها أي تضامن مع الاطباء علي الرغم إنو هدف البوست واضح |
يا أحمد بشير
فالنفترض إني ما كتبت لي ديباجة تضامن هنا في البوست دا هل هذا بالضرورة يعني ليك إني ما متضامن .؟ طيب ما إنت قاعد تقرا برضو وحايم في البورد ما تشوف انا اتضامت وين وما اتضامنت ووين .. يعني الواحد لو عندو كلام تاني شرط اساسي يكتبو ويكتب تحتو ديباجة .. ما بتقبلوا الزول ساي كدا ؟ Quote: والبوست يا سيدي لو إنت متابع ... جاء كرد فعل للأكاذيب التي فتحت بالبوستات في ليلة البارحة
لخمد الثورة بقيادة أطباء السودان و تضليل العامة |
لخمد الثورة ..؟ .. وأنا دخلت هنا علشان كلامك الغريب دا .. وبالمناسبة هو اصلو ما ممكن ينفصل من كلام الناس البتكضب وتضلل هنا دا .. وكدي عليك الله زي ما قلت ليك اديني اسما بي عينه علشان اقرا ليها .. احتمال كبير اكون ما عارف الحاجة دي وما عارف الناس البتجيب الاخبار الموثوق فيها دي .. Quote: لو عاوز المعلومة الصحية أسأل وأقراء لاعضاء في اللجنة
وأي كلام يتكتب هنا ما بيتصدق , إلا إذا كان من سيد الشئ زاتوو.. سواء ان كان بيان من حركة ولا تصريح ولا غيرو والمنبر غني بالكوادر و السياسيين بجميع توجهاتهم , |
كوادر شنو يا بشير ..؟ وسياسيين شنو ..؟ وديل دخلهم شنو بي قضية الاطباء ..؟ يعني قصدك اعضاء اللجنة ديل برضو سياسيين وكوادجر واللا شنـو..؟ هنا في كلام كتير كضب بيتكتب ودي المشكلة الكبيرة .. علشان كدا اديني اسماء احتمال كبير جدا اقوم اقرا ليها واعتمده كميزان بتاع قرايه سليمة ..
الكتابة الكتيرة دي لو ما قدرت عليها اقرا جزو واقسم الباقي مع الفاتح سليمان . اهو الاتنين كوادر .. وبتصدقوا بعض .
| |
|
|
|
|
|
|
|
|
|
Re: استمرار الاضراب الشامل للاطباء (Re: tmbis)
|
هذا جزء من حوار اجري مع نائب رئيس لجنة الاطباء د.عبدالعزيز علي جامع (المعتقل).
المطالب واللغة المطروحة فيها مشروعة وقمة في المنطق والعقلانية، وبالحيثيات والوقائع والمبررات التي تستند عليها اللجنة؛ والتي نعايشها في حياتنا اليومية، اضم صوتي لاصوات الشرفاء الاخرين واقول انها حقوق مشروعة، بل ان عدم الاستجابة لها تدخل في عداد (الجرائم)، وادعو ليس لاطلاق المعتقلين من قيادات الاطباء بل تقديم من قام باعتقالهم لمحاكمة لمخالفته للقانون (الذي خطه بيده !).
كامل احترامي للاطباء الذين اعطوا درسا في المهنية والعمل النقابي الراشد، وبالطريقة التي اداروا بها تفاوضهم (اوفي الحقيقة صراعهم) فانا واثق من ان النصر سيكون حليفهم :
د.عبدالعزيز : ماهي مطالبكم بالتحديد؟
توفير العلاج المجاني للمواطن، لااننا لانستطيع العمل في جو لايستطيع المريض ان يلبي مايطلب منه من فحوصات وادوية وغيرها من متطلبات، ونحن نشدد علي هذا المطلب ونؤكد أننا منحازون للمواطن وهذا جزءٌ اساسي واصيل من رسالتنا الإنسانية.
مراجعة وتحسين الهيكل الراتبي للاطباء وصرف مستحقات الاطباء فالبعض لم يتقاضي راتبه لثمانية أشهر وهذا يدخل في تعريفات بعض المعاجم ضمن العبودية التي يدخل ضعف الاجور وعدم المساواة فيها كواحدة من معانيها، ونحن نطلب فقط ان يتم مساواتنا برصفائنا في القضاء والدفاع والامن. كما نطالب بتحسين بئية العمل والمسكن والطبيب الآن لايشعر بالامان والحماية ويمكن أن يتم الإعتداء عليه في مكان عمله. هناك أيضاً الجانب الاكاديمي وتأهيل الاطباء المنعدم حالياً والبعثات الخارجية والدورات التي إن وجدت يتمتع بها أشخاص معينين.
هل خاطبتم الجهات الرسمية وأخطرتموها بقرار الإضراب قبل تنفيذه؟
قضيتنا ليست وليدة اليوم ولها تراكمات من سنين طويلة، وقد قام نواب الاختصائيين بإرسال مذكرة للسيد رئيس الجمهورية في العام 2002 تحوي نفس المطالب التي نطرحها الآن وتمت بعض التحسينات وقتها إلاان تعقيدات الحياة المادية وغلاء المعيشة قلل من أهمية تلك الخطوة بعد مرور عدد من السنين عليها وجريان الكثير من المياه تحت الجسر، ويكفي فقط ان نذكر ان راتب نائب الإختصاصي 635 جنيه فقط، ونحن توصلنا لإتفاق مع وزارة الصحة إلاانها لم تلتزم به وأعطيناها فترة زمنية كافية لحل المشكلة إلاأنها لم تلتزم بالحل
هل تعتقدون ان الإضراب وسيلة مثلي للحصول علي الحقوق؟ الم يكن ممكناً اللجؤ لوسيلة أخري بالنظر لتعلق ماتقدمونه من خدمات بحياة المواطن؟
ثبت تاريخياً انه مامن حق حصل عليه الاطباء إلاوكان عبر الإضراب، ولقد عودونا علي الايعطونا حقوقنا إلابسلسلة من الإجراءات، ونحن كما اوضحت لك لم ندخل في الإضراب إلابعد إستنفاد كل الطرق والوسائل الاخري والصبر عليها لفترة زمنية طويلة. اما فيما يتعلق بالمرضي فنحن لم نتركهم والاطباء يعملون في مجالات الطوارئ، وتحسين بئية المرضي والدواء المجاني هو واحد من أسباب إضرابنا الاساسية ومانقوم به هو من اجلهم ايضاً
وزارة الصحة وبعض المسؤولين يتهمونكم بوجود أجندة سياسية وراء مطالبكم؟
هذا مردود عليه ويمكنك الرجوع لمطالبنا ولتنظر إن كنا قد تحدثنا فيها عن مشاكل الاطباء والمرضي ام كان حديثنا عن إعطائنا نصيب في السلطة والثروة اوتغيير نظام الحكم؟، مطالبنا واضحة وعادلة ونحن نطالب المسؤولين إن كانوا مسؤولين فعلاً أن يستمعوا لها بدلاً من تضييع الوقت في إصدار بيانات التهديد والوعيد لان الوقت يمضي في غير صالحهم، ونحن لسنا ضد جهة سياسية بعينها نحن نطالب بحقوقنا وحقوق المرضي المشروعة
| |
|
|
|
|
|
|
|
|
 Re: استمرار الاضراب الشامل للاطباء (Re: محمد فرح)
|
| Quote: أقعدوا هيجوا فيهم كده لحدي ماتودهم التوج |
توج اكتر من الهم فيها دي يا محمد فرح؟
ما اعتقد في (اتوج) من الحاصل عليهم دا..
وكلمة تهيجوا دي بتوري طريقة تفكير المؤتمر الوطني فيما يختص بالشعب السوداني
اسلوب الوصاية الانتو بتمارسوهو علي الشعب السوداني ما تحاولوا تسقطوهوا علي كل الناس
الاطباء المضربين ديل كلهم ناس درسوا في جامعات ومتخرجين وشاقين المقابر وعارفين
مصلحتهم وقادرين يقروا الواقع الصحي والاقتصادي في البلد ويقرروا انهم يكونوا في
ياتوا خندق..
| |
|
|
|
|
|
|
|
|
|
Re: استمرار الاضراب الشامل للاطباء (Re: رشا سالم)
|
Quote: الوزاره أمهلت المضربين حتى العاشره من يوم غد لمزاولة العمل
وكل من يتخلف ستتم معاقبته
أقعدوا هيجوا فيهم كده لحدي ماتودهم التوج |
سلامات يا رشا
زي ما بقولو. "خطفت الكلام من كيبوردي"
لكن لا يضير إرسال "الرسائل القصيرة" التالية:
للأطباء:ولا يهمكم.. "لايضير الشاة سلخها بعد ذبحها"
للحكومة وكل من ناصرها في هذه القضية:
"من يهن يسهل الهوان عليه.. ما لجرحٍ بميتٍ إيلام"
محمد فرح..
أقعدو هيجو في الحكومة و الوزارة لغاية ما تودوها "فرن دقس"..
| |
|
|
|
|
|
|
| |
الفاتح سليمان
نجلاء سيد أحمد
احمد محمد بشير
خالد العبيد
محمد قرشي عباس
tmbis
ombadda
معتز تروتسكى
محمد مكى محمد
Emam Hassan
محمد فرح
رشا سالم
فيس بوك
تويتر
انستقرام
يوتيوب
بنتيريست