|
Re: معاوية عبيد بيننا .. (Re: Mohammed Ibrahim Othman)
|
مرحب بابو باسل وبشار........ياله من يوم جميل ان يكون بيننا معاوية..... واضيف اليك ياخالد اخوة معاوية اختيار عبيد.....ومعتصم عبيد.....لكن درية عبيد دي جديدة علي والله...... الف مرحب بمعاوية وتحياتي للنجيبة سارة معاوية عبيد .. وداراً ترحب بيك
| |
|
|
|
|
|
|
Re: معاوية عبيد بيننا .. (Re: خالد العبيد)
|
ود العبيد ( الف مرحــب بيــه شقيقكم ( الاكبر / الاصغر ) ..
بــس اوعــه يكون شوايعــى ؟
وكان بقــه شوايعــى ان شاء الله يكون من شوايعة الزمن الجميــل ..
انت يا ريس بتدى الباسويردات ساكت ما بتعايــن الزول ده منو وخبرو شنو وشايت وين
واخو منو وساكن وين ( تحقيق ناس الامن داك ) والله ( نعم الليبراليــة ) ..
Quote: انت معاوية العبيد ده بتاع البوت الاصفر وصاحب ناس سامبا وحافظ خير ولا واحد تانى |
| |
|
|
|
|
|
|
Re: معاوية عبيد بيننا .. (Re: معاوية عبيد الصائم)
|
اقبض واحد ياخالد الجميل وهبه؟بيتهم فى الشعبيه من ناس الزمن الجميل يااخ ده انا وحافظ خير وصوصل وياسرعبد اللطيف طلعنا عينوا وعين ناس بيتهم ظااااااااااااتو اكل وغيار وحق مواصلات واقول ليك مبالغة؟ الجميل عبدالوهاب سابقا ووهبه حاليا عندو قميص شايلو منو غيار ليوم الليله محتفظ بيهو فى اركويت؟؟ وكفارة وسلامات تانى يا وهبه
| |
|
|
|
|
|
|
Re: معاوية عبيد بيننا .. (Re: معاوية عبيد الصائم)
|
مQuote: اقبض واحد ياخالد الجميل وهبه؟بيتهم فى الشعبيه من ناس الزمن الجميل يااخ ده انا وحافظ خير وصوصل وياسرعبد اللطيف طلعنا عينوا وعين ناس بيتهم ظااااااااااااتو
اكل وغيار وحق مواصلات واقول ليك مبالغة؟ الجميل عبدالوهاب سابقا ووهبه حاليا عندو قميص شايلو منو غيار ليوم الليله محتفظ بيهو فى اركويت؟؟ وكفارة وسلامات تانى يا وهبه |
مرحب بيك في المنبر يا معاوية لكن بطًل لفحي البرالمة دا و عاين لي اسم الكاتب كوووويس قبل ما ترد ما تعتمد علي الصورة و تقوم جاري علي الرد هههههه هسة وينو وهبة هنا ؟ بس بالجد باين عليك إضافة للمنبر ورينا يلا كل الحاجات الجميلة القال عليها خالد عشان تبيض ليه وشو .. تحياتي لكل زوار البوست و سلام يا خالد
| |
|
|
|
|
|
|
Re: معاوية عبيد بيننا .. (Re: محمد عبد الماجد الصايم)
|
خالد عبيد : مراحب ومرحبتين بمعاويه الذى حمل معك اللقب ولا ندرى أهو تطابق اسماء أم صلة قرابه. علي كل حال هنيئا ((للعبيد)) بابنائه : رقيه وخالد ومعاويه أيا كان الرابط بينكم.
انشاء الله نسعد بوجوده ويرفع عنا كاهل الهم ونتشارك ونتصافي وتتمحور افكارنا كلها نحو الغد الجميل .
| |
|
|
|
|
|
|
Re: معاوية عبيد بيننا .. (Re: خالد العبيد)
|
معاوية العبيد
اضافة لبورداب
جدة ويظل معاوية
يحمل الزمن الجديد
مبرمج على جمال توقيت
ذاك الزمان لي شكر كبير
للإخوة هندسة صاحب البيت
الكبير وود الصائم صائد النجوم .
..........................حجر.
| |
|
|
|
|
|
|
Re: معاوية عبيد بيننا .. (Re: الرفاعي عبدالعاطي حجر)
|
من أجمل الكائنات الانسانية التي عرفتها
وأكثر الناس سخرية من هذا الواقع
وأكثر الناس الفة ومحبة للآخرين
اوليفر توست ودائماً يدرك ما لايدركه الاخرين
اتمنى ماجدة فوتي في هذا المنبر فهي معك هناك يابكري في اطلنطا وماجدة فردة لمعاوية في حكاوي كتيرة
| |
|
|
|
|
|
|
Re: معاوية عبيد بيننا .. (Re: Rabab Elkarib)
|
Quote: انا ومعاوية ورقية عبيد و درية عبيد برضو!! |
دي قوية
معاوية ام الطيور مراحب يا باشا
---------
ازيك يا خالد تعرف الزول دا كان قاشر بيك و فاكيها فينا انو اخوك لحدي قريبات دي . . تصدق !؟
| |
|
|
|
|
|
|
Re: معاوية عبيد بيننا .. (Re: فيصل محمد خليل)
|
معاوية العدس ياااااااااا
مع عيش فرنسي بالله تخيل يا خالد
العبيد ...آخر تقليعات معاوية .
بعدين يا زوز الكليل خليك خفيف
عليهو يعني مشاركاتك اتنين اتنين
.....
بالله قريت شكراً حجر قعدت اتلفت
قوووووووووووووووم لف القهوة .
,,,,,,,,,,,,,,,,,,,,,,,,,,,,,,,,,,,,,,,,,,,,,,حجر.
| |
|
|
|
|
|
|
Re: معاوية عبيد بيننا .. (Re: الرفاعي عبدالعاطي حجر)
|
امين يا محمود امين المفقود محمودانا ياااااخ ؟؟ انااخر مرة سمعت اوليفر من ياسر عبد اللطيف ماما زينب واستاذ عبد اللطيف0ايام مرض ياسر00 ؟؟؟؟وحات كفيلى الشوق فى محلوووووو ؟؟؟ على الملا ساره سادس باسل رابعه ساريا تانيه ال######## ال######## بشار اولى بعد تلاتة شهور بلا بلا بلا مساعدة كما يحلو لك يا######## الانسانيه مع تحيات كفتريا ينبوع وحات كفيلى الشوق مخزن برضو على الملا 00966557210565 بره 0نزير 0ازهرى راشد اميمه0فيصل 0تهانى 0ياسر 0ماجدة 0امين 0وشخصى المحترررررم يا خالد ورقيه عبيد؟؟ ساااااااااااااااارة فى سادس كترررررررر خير ود الصائم 0محمد ود عبد الماجد لقدام
| |
|
|
|
|
|
|
Re: معاوية عبيد بيننا .. (Re: Rabab Elkarib)
|
تعرفي يابت الكارب
والله اول مرة منذ 86م
في اول 1986م لكن اول
مرة اكتشف ان البني آدم
دا زول جميل تخيلي ؟؟؟؟
عموما هو الان بيحكي لي
عن كل متداخل من ود العبيد
الانا بيني وبينو في خطوط
رمادية ... هاهاها... انا
بهزر وبس ياخالد العبيد .
معاوية عبيد دا كان عندو شنطة
في كتفو وبنطلون الجينز وقميص
دائري مش فيهو دوائر لا القميص
ظاتو دائر مرة في الكلاكلة ومرة
في ام درمان ومرة في الزهور من
الزمن داك تخيلي لليلة محتفظ بيهو
معاوية ما القميص ... بالله شيلو
الزول دا معاكم
...............................حجر.
| |
|
|
|
|
|
|
Re: معاوية عبيد بيننا .. (Re: كمال عباس)
|
معاويه عبيد لفح شبطي ياخالد العبيد بعد يوم عمل طويل في المركز العام دخلت للاستحمام كانت الساعه قد تجاوزت العاشرة والنصف وأنا ماشي الحاج يوسف طلعت من الحمام لقيت شبطي مافي, المواصلات الزمن داك صعبه جدا أها أعمل شنو بقيت اخر زول طالع اتوكلت بي كرعي وقلت لمن الاقي معاويه ده حأتصرف معاه بما يستحق الموقف الذي وضعني فيه, جيت يوم السبت لاجتماع التحرير ما لقيت معاويه يعني زاغ يوم الخميس لقيت معاويه نص النهار خالط مع مجموعة ناس المسرح مما شافني طوالي وقف على طولوا وقال والله ياجماعه لو الزول عندهم حفله وشبطوا اتقطع وقام لبس شبط زميلوا فيها حاجه؟ كل الجماعه قالوا ليه الموضوع عادي قام قلدني وحكى لي نكته بقيت أنا أضحك على روحي . وعدني معاويه بشبط وجزمه وبعدها بأيام نعق البوم واطل طائر الشؤم. فيا خالد العبيد أنا طالب معاويه عبيد شبط ودي وصيه والوصيه في الذمه. لمن لقيت ترحيبك ياخالد تذكرت باردوس وابراهيم بخيت ونادر محجوب وبحيري وازهري حميدة ومجدي السر وميسرة وبدرالدين عبدالرازق ومحمد سيداحمد باشا وزيدان والخاتم وابوطالب صلاح الدين وقصصه الطويله ذات القوافي منها الاستكير وشريف مطر فسقيا لتلك الايام. وياخالد العبيد فعلا فقد أخرجت الارض أثقالها حبابك مليون معاويه عبيد
| |
|
|
|
|
|
|
Re: معاوية عبيد بيننا .. (Re: معاوية عبيد الصائم)
|
خالد العبيد & معاوية العبيد وجه الشبه باين
الزول الجميل ده كان معاي في القهوة قبل شوية
حتي كمان البرازيل ضربت كوريا 2/1
وقام مشي مع أبوالزهور وناااس رفاعي معاي بكره نكمل الباقي
حبابو ود العبيد معاوية جده كسبت قلم جميل وشخصية بشبط وهبه
وقميص عامر .
،،،،أبوقصي،،،،ِ
| |
|
|
|
|
|
|
Re: معاوية عبيد بيننا .. (Re: مجدي عبدالرحيم فضل)
|
احكي ليكم موقف يوم 30 يونيو: المركز العام لاتحاد الشباب السوداني في بري المحس فاتح على ميدان بري صحيت من النوم يوم 30 يونيو على موسيقى الانقلاب قبل ما افتح عيني كويس اتذكرت المركز العام والوثائق .. الصور .. المحاضر .. الارشيف .. الخ وجري بالجلابية على المركز العام لتامين ما يمكن تامينو عشرة دقايق بس كنت في امام المركز العام عايز انط بالباب لانو مافي زمن سمعت واحد بينادي بي اسمي .. اتلفت .. لقيت من بعيد معاوية عبيد ومعاهو واحد تاني اشرو لي من بعيد انو كل الوثائق والمحاضر تم تأمينها وان علي ان اذهب حتى لا اعتقل لانو ما اتعرف لون الانقلابيين شنو قلت ليهم طيب انا ماشي .. لفيت بي شارع جانبي متجه نحو سوق بري المحس وقفت هناك نص ساعة ورجعت المركز العام مرة تانية لانو اتذكرت انو في آلة طابعة وترابيز وكراسي لازم تتلما مشيت نقرت باب زميل قريب جدا من المركز العام قمنا بتأمين ما استطعنا نقله على وجه السرعة
لاحظو معاوية سجل حضور الساعة كم وهو ساكن اركويت طبعا جا كداري .. نقل الاشياء كيف ووين دي ما تسألوا منها !
| |
|
|
|
|
|
|
Re: معاوية عبيد بيننا .. (Re: خالد العبيد)
|
نحو حركة شبابية ديمقراطية غنية المحتوى ومتعددة المنابر
الف مرحب بالأخ معاوية عبيد, وياحبذا بعد الترحيب ان تكتبوا لنا تجربة اتحاد الشباب السودانى لان تم اهمالها فى التوثيق, ومتطلبات المرحلة تحتاج لهذه التجربة كأرث للشباب .
| |
|
|
|
|
|
|
Re: معاوية عبيد بيننا .. (Re: معاوية عبيد الصائم)
|
Quote: رباب بت الكارب ازيك اريت الحال زين الوليدات انتى وين فى الدنيا ام بنيان قش اريت امال والحاجة بخير ضارب الحجاز 00وحات الكفيل مشتاقين كتير تحياتى |
ترانا عايشين يا معاوية في بلاد الصقيع العيال بخير انت اخبار وليداتك شنو سلام واشواق وحاول ابعد من الكفيل
| |
|
|
|
|
|
|
Re: معاوية عبيد بيننا .. (Re: Rabab Elkarib)
|
الحبوبه رباب الوليدات بخير لكن بقيت زول كتشب سااااااااااااااى والراس شيب ساااى من كترت الخلع من خلعه الى خلعه يعنى شدة ما مخلوع الغنمايه تاكل عشاى ؟وتسمعنى كلام فاضى0غنم اخر زمن الود قرفه0شايفو حائم مع الخال اوباما؟؟ ربنا يستر على عليهو من قرفه ده كنت فى السودان الشقيق قبل فترة وقابلت خنساء عند ناس عشه الكارب رسلى تلفونك فى ما يسمى بالخاص التحية للوليدات وود طه الراعى الرسمى للوليدات اتخيلى ساره بتى الكبيرة 0ده اسما لى؟؟التربية حاااااااااااااااااااره اى دعوات من مكه جاااااهزين سلام
| |
|
|
|
|
|
|
Re: معاوية عبيد بيننا .. (Re: معاوية عبيد الصائم)
|
عبدالوهاب سلام
Quote: لقيت ترحيبك ياخالد تذكرت باردوس وابراهيم بخيت ونادر محجوب وبحيري وازهري حميدة ومجدي السر وميسرة وبدرالدين عبدالرازق ومحمد سيداحمد باشا وزيدان والخاتم وابوطالب صلاح الدين |
ياخ انت نسيت زول مهم شديد يومو اليغيب ما تنجدنا الا عالية بت الثورة الحارث .. الحارث يا همت !! ياخ ده كان بيقعد يطبع لمن يقع
وبشرى عبدالكريم وعبدالوهاب بابكر و
| |
|
|
|
|
|
|
Re: معاوية عبيد بيننا .. (Re: عفاف الصادق بابكر)
|
مرة معاوية عبيد دا لاقتو نجاة بشرى الله يطراها بالخير
في المواصلات ركب معاوية البص وشاف نجاة سلم عليها من
بعيد وقال ليها وينك ؟؟ قالت ليهو نجاة بشرى ويني أنا
واللا وينك انت عمك بيكوس في شبشبو من يوم طلعت من البيت
وناس بيتكم بالمناسبة عازمينك غداء.
دا معاوية عبيد الزول السمح .
....................................................حجر.
| |
|
|
|
|
|
|
|