|
|
 جديد أغاني وأغاني في رمضان القادم ...
|
Quote: نجح برنامج (أغاني وأغاني) الذي يبث في شهر رمضان المقبل على قناة النيل الأزرق، نجح في اقناع عدد من الفنانين في الانضمام لزمرة النجوم بالبرنامج ومن بين المنضمين للبرنامج الفنان محمود عبد العزيز والفنانة نانسي عجاج اللذين خاطبتهما القناة رسمياً وحصلت على موافقتهما بالانضمام للبرنامج .
وكانت (أوراق الورد) قد قدمت ترشيحات لادارة النيل الازرق لعدد من الفنانين، ومن بين الأسماء المرشحة كان محمود عبد العزيز ونانسي عجاج. وبلاشك فان هذه الترشيحات الجديدة التي كسبها البرنامج تعتبر اضافة نوعية لمسيرة البرنامج عالي المشاهدة. |
صحيفة الصحافة 10- 6- 2010م
|
|
  
|
|
|
|
|
|
|
 Re: جديد أغاني وأغاني في رمضان القادم ... (Re: فايزودالقاضي)
|
Quote: ياصفوة ...سلام ...
أغاني وأغاني في رمضان ؟!!!!!!!!!!
طيب قرآن وحديث متين ؟!! |
تعرف يافايز كلامك ده بفتح موضوع كبير ...... مرات كتيرة بشعر انو زي عندنا خلط في السودان بين العادات والعبادات ...... اها برنامج اغاني واغاني ده بقي جزء من عادات رمضان زيو زي الحلومر واحد .......
| |
|
|
|
|
|
|
|
|
|
Re: جديد أغاني وأغاني في رمضان القادم ... (Re: omer osman)
|
اخي عمر
والله ختفت البوست من لساني زي ما بيقولوا
لكن يجب ان نشارك واتمني مشاركة الاخوة الفنانين والمستمعين الجيدين
للطرب الاصيل والذين شاركونا البوست في موسم رمضان الماضي
امثال وجن وابوبكر ودكتور احمد قرشي واحمد طراوة وبقية الزملاء الذين
لا استحضر اسماءهم الان
حسب علمي ان اثنين لن يشاركا في البرنامج هم عصام محمد نور ونادر خضر
وقد تاكد مشاركة نانسي عجاج وعاصم البنا وفرفور
ومن ناحية اخري سوف لن يشارك شباب نجوم الغد في البرنامج
اما مشاركة محمود عبد العزيز ونانسي عجاج فهي اضافة ثرة وجميلة للبرنامج
واتمني رجوع اسرار بابكر او الاستعاضة عنها بسميره دنيا
واتمني ان يعطوا فرصه لكبار صغار الشباب ذوي الاصوات الجميله امثال
طلال حلفا
وفوق هذا وذاك اتمني ان يتابع ناس النيل الازرق ما نكتب ويضعوه في الاعتبار
| |
|
|
|
|
|
|
|
|
|
Re: جديد أغاني وأغاني في رمضان القادم ... (Re: طارق ميرغني)
|
Quote: اخي عمر
والله ختفت البوست من لساني زي ما بيقولوا |
والله ياطارق انتو اسياد الجلد والرأس ........... نحن غايتو شلاقة ساكت بنكتب مرات في الغناء
Quote: اما مشاركة محمود عبد العزيز ونانسي عجاج فهي اضافة ثرة وجميلة للبرنامج
واتمني رجوع اسرار بابكر او الاستعاضة عنها بسميره دنيا |
ده كلام سليم ......... بس سميرة مشكلته انها جامدة شوية ما بتتفاعل مع الغناء ............
| |
|
|
|
|
|
|
|
|
|
Re: جديد أغاني وأغاني في رمضان القادم ... (Re: ahmed abdelati)
|
| Quote: ده كلام سليم ......... بس سميرة مشكلته انها جامدة شوية ما بتتفاعل مع الغناء |
اخي عمر
سميره دنيا هذه من اجمل الاصوات النسائية الموجودة في الساحه
هي والفنانه عافيه حسن والتي ان لم تترك الغناء تكون انسب الاصوات لاغاني واغاني
ويتجلي صوت سميره دنيا في اغاني الغير اما اغانيها الخاصة فاعتبرها كلها فاشله
لعدم وجود الملحن الذي يعرف في اي السلالم يلحن لها
اما جمودها فهي بالفعل جامده ولكن طبيعة الاغاني التي تقدمها لا تتطلب اي انفعال او رقص او حتي هزهزه
| |
|
|
|
|
|
|
|
|
|
Re: جديد أغاني وأغاني في رمضان القادم ... (Re: طارق ميرغني)
|
| Quote: والفنانه عافيه حسن والتي ان لم تترك الغناء تكون انسب الاصوات لاغاني واغاني |
طبعا ياطارق زي مابقولوا حب الناس مذاهب ............ انا عافية حسن وافراح وشروق ابوالناس التلاتة ديل برغم الضجة حولهم لكن اصلوا ما دخلوا لي في رأسي ، في واحدة غناية اكتر منهم لكن ما لقت ربع
الشهرة بتاعة الجماعة ديل اسمها (نسرين هندي) ما عارف اذا كنت سمعتها قبل كده والا لا؟
| |
|
|
|
|
|
|
|
|
|
Re: جديد أغاني وأغاني في رمضان القادم ... (Re: طارق ميرغني)
|
يا طارق سلام
| Quote: امثال وجن وابوبكر ودكتور احمد قرشي واحمد طراوة وبقية الزملاء الذين |
انا بقت عندي حساسية شديدة مع الاعلانات البتنظ في حلق كل حلقة من البرنامج .. وبعدين ياريت الضيوف يجو لابسيين كويس
________________________
قصدك "نجوان" ...
| |
|
|
|
|
|
|
| |
omer osman
فايزودالقاضي
abubakr
عفاف الصادق بابكر
فيس بوك
تويتر
انستقرام
يوتيوب
بنتيريست