كتب الكاتب الفاتح جبرا المتوفرة بمعرض الدوحة
|
|
 رشاشات - صهاينه
|
جمهور فريقي القمة الهلال والمريخ أوالمريخ والهلال لا فرق في الترتيب يشكلان القاعدة الجماهيرية الأعرض في الرياضة السودانية ، جمهور عاشق حتى النخاع الواحد يكون ما عنده حق صحن الفول ويحضر المباراة يوفر من هنا لي هناك عشان يحضر الكورة وتاني يوم يشتري كل الجرائد ويقرأ التحليلات - على علاتها - في شأن المباراة .
الجمهور الأزرق قالو ديل رشاشات والجمهور الأحمر صهيانه ، يعني شنو إذا كان صهاينة عشان النجمة فنجمة داؤود ليست كنجمةالمريخ أما الرشاشات فهذا شأن آخر.
أها ناس الكورة بالله وكل المبدعين يختو لينا الكورة واااااطه ويورنا نحن الدهماء ديل يعني شنو رشاشات ويعني شنو صهاينه ، واى واحد منظراتي ما ناقش يتاوق ويشتت ، هنا ما في هزار لأن المنتدى فيه فطاحلة وناس كورة من زمن قرعم وحسن العبد لا في ناس هنا ناقشنها ومن زمن كانت قون وباك.
|
|
  
|
|
|
|
|
|
|
|
Re: رشاشات - صهاينه (Re: almulaomar)
|
| Quote: أها ناس الكورة بالله وكل المبدعين يختو لينا الكورة واااااطه ويورنا نحن الدهماء ديل يعني شنو رشاشات ويعني شنو صهاينه |
الملا...سلااااام,,
انت كدى اشرح لينا دهماء يعنى شنو وحنتوسط ليك عند ناس الكورة يوروك شنو صهاينة وشنو رشاشات,,
وبعـدين شنو الحقارة مالقيت وقت غير دا وتسال جنس السؤال دا,,?
الصهاينة والرشاشات كووووولهم اعصابهم بايظة,,
| |
|
|
|
|
|
|
|
|
 Re: رشاشات - صهاينه (Re: abas)
|
| Quote: الصهاينة والرشاشات كووووولهم اعصابهم بايظة,, |
غايتو انا اعصابى بايظة من يوم اجتمعتى بالصادق المهدى
ــــــــ
الملا سلامات
الصهاينة حقيقى عشان النجمة
واغنيتنا المفضلة دائما عند هزيمة المريخ
والتى تسر الناظرين >
مغص مغص يا الصهاينه بس تموتوا مغص يا الصهاينه
| |
|
|
|
|
|
|
|
|
|
Re: رشاشات - صهاينه (Re: طارق الكوتش)
|
الليله مالك خليت الكتابة بللحمر؟
ياخي الحكم زاتو ما عندو في جيبو غير اللحمر واللصفر.
هرون دياب، بالله الزول دا أديهو إنذار فقد صبأ إبن معديكرب
أتراه صاهَر بني هلال ؟.
| |
|
|
|
|
|
|
|
|
|
Re: رشاشات - صهاينه (Re: محمد المرتضى حامد)
|
Quote: انت كدى اشرح لينا دهماء يعنى شنو وحنتوسط ليك عند ناس الكورة يوروك شنو صهاينة وشنو رشاشات,,
|
أميرة الشيخ
بحسب شرح قرأته هنا في منتداكم هذا في زمان غير زمانكم هذا ، قال الأديب الأريب الدكتور أبكر آدم إسماعيل أن الدهماء هم الغوغاء وهم السابلة ولما كان تفسيره يمقاييس فهمي التعبان يشبه القول بتفسير الماء بعد الجهد بالماء كان لابد أن أبريهو وبحسب مباراتي لكلام الراجل ومعرفتي بإدخاله البباريهو في حيص بيص كتبت وصيتي وأودعتها تحت الشنطة الحديدية العتيقة ، المهم فهمت أن الكلمةالمراد بها ما يوصلنا لي ناس قريعتي راحت وربما يكون الدهماء هم المتسلبطين الذي لا قريعة لهم أصلاً عشان يفتشو عليها أو يكتبوا لها نعي أليم أو إعلان على طريقة خرج ولم يعد شفتي المشاكل دي كيف.
هسي دا كله لم يفسر معني الرشاشات ومعني الصهيانة.
ويا هلالاب هوي أنقرعوا يقوم اليهود يسمعوا كلامكم دا بعد أن يهزمكم المريخ أو تهزموه يسوا فيكم السوهو في الألمان وأوروبا بصفة عامة بشأن المحرقة.
خليت الكتابة بالأحمر عشان أكون محايد لغاية يوم الجمعة.
| |
|
|
|
|
|
|
|
|
|
Re: رشاشات - صهاينه (Re: almulaomar)
|
بحسب ما سمعته عند سؤالي عن معني صهاينة التي تطلق علي مشجعي المريخ روى لي احدهم واشك في زمته انها تعود الي زمان سحيق هذه التسمية حينما كان بالسودان جالية يهودية تتركز في وسط الخرطوم , كانت هذه الجالية تشجع فريق المريخ وعند المباريات التي طرفها المريخ تحمل الاعلام الحمراء ووسطها النجمة التي تذكرهم بنجمة داؤد ومن هنا جاءت تسمية مشجعي المريخ بالصهاينة هذا وصحبي القال لي الكلام دا زمته وااااسعة .
بخصوص مصطلح رشاشات , عندما سالت صديقا اخر وللمعلومية هو ليس كسابقه فسابقه زمته واسعة اما صديقي هذا فليس له زمة علي الاطلاق , وذكر لي فيما ذكر عند سؤالي عن معني رشاشات ان ادارة الهلال اشتهرت برشوة الحكام عند المباريات ( الامر المشاهد حتي اليوم ) ومن هنا جاءت تسمية الرشاشات الذين يرشو الحكام بالضحاكات
| |
|
|
|
|
|
|
|
|
|
Re: رشاشات - صهاينه (Re: اساسي)
|
أساسي
شكراً للإضاءة
ويبدو أنك من الفئة القليلة في السودان التي لا إلى هؤلاء "الرشاشات" ولا إلى أولئك "الصهاينة" يعني يمكن أن يطلق عليك لقب "غياظابي" تماماً مثل مريخابي وهلالابي أى أنك متخصص في غيظ مشجعي الفريقين زي واحد في حلتنا ، تفسيرك بروايات أصحابك أب ذمة إستريتش والآخر التيوب لس يسوق الواحد كويس لغاية ما يقرب يقتنع بالتبرير وفجأة تجي تلكنا لينا وتقول الكلام على ذمة الراوي والراوي غير معتد براوية لخراب ذمته عني شويتين تقول لينا كضبا كاضب .
أنا غايتو شايف أن قصة الراشي دي مقبولة إلى حد ما ومن ثم أتى مصطلح رشاشات وضحاكات. لكين صهاينه دي شوية كده فيها قول وأكيد ليها حل وخلينا نشوف يمكن واحد يتنازل عن شهادة التسنين بتاعتو ويولع اللمبه في الحته دي بالذات.
شكراً على مرورك
| |
|
|
|
|
|
|
|
|
|
Re: رشاشات - صهاينه (Re: almulaomar)
|
| Quote: ويبدو أنك من الفئة القليلة في السودان التي لا إلى هؤلاء "الرشاشات" ولا إلى أولئك "الصهاينة" يعني يمكن أن يطلق عليك لقب "غياظابي" تماماً مثل مريخابي وهلالابي أى أنك متخصص في غيظ مشجعي الفريقين زي واحد في حلتنا |
للالالا ياملا كدا عوقتنا,,,
دا اكبر صهيونى هنا وبنخوف بيهو الرشاشات..
كل شئ ولا النيل من صهينة اساسينا
| |
|
|
|
|
|
|
| |
almulaomar
abas
محمد المرتضى حامد
اساسي
عادل خياري
فيس بوك
تويتر
انستقرام
يوتيوب
بنتيريست