|
كتب الكاتب الفاتح جبرا المتوفرة بمعرض الدوحة
|
|
 Re: تور الله الأنطح أنا .. و لأنتِ حبيبتي (Re: طارق جبريل)
|
زولي اللميض .. أماني مشتاقلك .
يعلم الله آآطارق أسم مزاج واحد يخربني .. و الروقة ياحليلا .
مزاج فوق كم و القيامي الرابطي متحمدانا بكان روّحنا ؟؟
شوف الدنيي دي مسيخي كيفن و الدكاترة قع يبشتنوهم جنس البشتني دي ..
و بهنوك العيانين يا يابا اريتو حالهم حال العدو .. و البنوت كتلوهن في قرايتن , و شفع الملجا ماتوا من المغسي ..
و الشوارع تملا و تفضي بالغبيني و المغبونين ..
الشحاتين ما يدوك الدرب .. البلد وكيلك الله مكنكشي بس في شوية خجلي , إما كدي كان بابورنا صفر و قرعاتنا من الفقر يتطاقشن ..
و هم .. الله يعلم مطنبجين حلاة طنبجي .. قادر الله . و نضاف آآآطارق متمرين و تريانين بس العروس . ماكلين شاربين راكبين متفنكهين و يا دنيي مافيك إلانا .
أكنك راعي كدي يمين شمال .. كضاب إن لقيتلك راكوبي تتشكر في الخريف ..
ناس الغرب حالهم أخير منو سكن الدوكي داك في كعوبيتو .. و الجنوب شال مخلاتو ختاها فوق كتيفو و أدانا قفاهو ..
الشرق داك خلو ساكت .. الله بس من جودو و كرمو خاليهم ماسكين خشومهم و يراعو في الخمج .
و في الشماليي دي , الله يخليلينا بحر النيل غايتو .. إن ما هو , كان واطاتنا أصبحت .
و تلعلع الحيكومي لي يوم الليلي في الفارغة و مقدودي .. كان الهوا يشيل من البلاط شي ..
و ناسك الطيويرات الفي الاحزاب ديلاك سجم رمادهم ده ما قع يسووهو .. بلا النضمي اب شُمارةً منصولة .
هسه الجاب الكلام ده شنو ؟
و أنا حالف يمين آآآطارق تاني بس بت ام روحي دي ..
قت طـظ في السياسي و في الكلام الفقُر و في الهترشة و في الكواريك التجيب الطاش من يوم الله ده خلقنا .. بلا فايدة ..
فتر آآآآ طارق و حيلي برد .. قسمت يمين تاني بس سواة جحا ديك ( بعد أنا أمرق .. أريتو رحم أمي الينسد ) .
إت كيفنك آآآ المسنوح ؟
| |
  
|
|
|
|
|
|
|
|
Re: تور الله الأنطح أنا .. و لأنتِ حبيبتي (Re: ندى عثمان حسن)
|
ندى التي في الشارقة ..
يا بت كيفنك ؟؟ .. مندسية وين وين ؟؟
المرة الجاية جيبي معاك كلام و تعالي ..
محمد المرتضى يشهد و غيره شاهدين .. و أنا ..
مزاج كلماتك لما بحرك يقوم .. مزاج أسطى .
الله يقوم بحرك .. قولي يامين .
ثم شكرا ياخي على هذه الـ ( جنابو ) ..
الله الجن الكلكي ..
تاني قولي يامين .
| |
|
|
|
|
|
|
|
|
 Re: تور الله الأنطح أنا .. و لأنتِ حبيبتي (Re: Emad Abdulla)
|
Quote: أتذكرك تغنين : " يا حبيب ورد الأماني الحلوة في أعماقي فتّتتتتح " ، فيتفتح للدنيا أكمام وردها و ارتعش أنا -
في غربتيَ الأولي - بعد الحب - تفرست في تلك الأغنية التي علكتيها نهارات رفقتنا و لياليها .. كلما التقينا و أوغلت أنا في العته تخرجيني منه بـ ( ورد الأماني الحلوة في أعماقي فتتتتتح ) .. فأفتح .
في فعلان وردي للغنوة تلك تفرست - و كانت ملامحك تحوطها و عليها تسّاقط ، حتى فتستشريها و أصبح بكما جميلاً -
وردي يقول : ( و الزمن ما أظنو بعدك إنت يرجع تاني يفرح ) .. وردي هذا فكي ..! |
نعم، هو كذلك .. وردي فكي!
نفس هذه الأغنية ونفس هذه الـ "فتتتتتح" نغنيها أنا وسيد القلب بصوته العذب وبصوتي الأشتر
حتى يتهمني أو نتهمني كل مرة بعد الفراغ من المقطع بأنني أقطّع نجيلة الغناء!
(يا أعز الناس) السلام الجمهوري لحبنا
أو قل، السلام "الجهوري" له ..
| |
|
|
|
|
|
|
|
|
|
Re: تور الله الأنطح أنا .. و لأنتِ حبيبتي (Re: محمد المرتضى حامد)
|
العماد
سلام ماكن
تخرجيني منه بـ ( ورد الأماني الحلوة في أعماقي فتتتتتح ) .. فأفتح .
في فعلان وردي للغنوة تلك تفرست - و كانت ملامحك تحوطها و عليها تسّاقط ، حتى فتستشريها و أصبح بكما جميلاً -
وردي يقول : ( و الزمن ما أظنو بعدك إنت يرجع تاني يفرح ) .. وردي هذا فكي ..!
إذ كيف يتفق أن أعود مساءات غربتي كلها غريبٌ لغرفة رقيعة في بلدٍ أجرد أغرب > و بقلبي سقم الدنيا .. ثم أستحضر وردي فأصبح بني آدماً صحيحا ؟؟
كلامك دة ذاتو ينفع حجاب في الضراع
| |
|
|
|
|
|
|
|
|
|
Re: تور الله الأنطح أنا .. و لأنتِ حبيبتي (Re: تيسير عووضة)
|
تايسا يا صاحبة ..
( تم ترفيعك من صاحب إلى صاحبة .. و لا أحلى ) .
الله يريحك بركة النبي ..
و يا تايسا تقعدي تسمعي في جنس الغنا ده لامن من فداحة الحنين و العشق تقومي تقوقي قمرية .. .
و سيد القلب ده إن شا الله تنفيعهو ..
و تقطعوا نجيلة الغنا بعرق المحبة .
حبي يا زولة حبك و اسمعي غناك و افرحي قدر ما الله اداك .. فرحات سغيرونات يسمنن من جوع في الزمن الفقر ده ...
( أنا قبلك الأيام قضيتا سراب يسلمني لسراب ) ..
شفتي الفكي دي منعول كيفن ؟؟
| |
|
|
|
|
|
|
|
|
|
Re: تور الله الأنطح أنا .. و لأنتِ حبيبتي (Re: عزام حسن فرح)
|
يا أخى يلعن ...
.. يا حبيب ورد الأمانى الحلوة .. فى أعماقى فتح .
زولتك يا عماد لملمت الفطنة والحذاقة حقت الفكى وردى كلها .. هى برضو
فكى وفكى كارب كمان ساعة أنبهلت .
يا أخى فى ناس ناس ربنا بيديهم رهافة فى الحس وأنفتاح فى التفكير بالجملة .
..
سلامات
| |
|
|
|
|
|
|
|
|
|
Re: تور الله الأنطح أنا .. و لأنتِ حبيبتي (Re: محمد البشرى الخضر)
|
وردي وحب وبزيانوس وسينما ونيل أزرق
وغربة
وشجني
إنت ظنيتك من بشر ما قبل الحداثة
ولا من ناس الحداثة ذاتها
هي الحداثة ذاتها خرفوها
المهم
مع إنه جرستك لذيذة زي غضب الزولة الفي الغنية ديك
برضو نقول
رد الله غربتك
أو غربتها
أو غربتنا
.
.
.
كان لقينا سينما ونيل أزرق وبزيانوس
والناس العسل
.
.
والتيران النطح؟؟؟؟
| |
|
|
|
|
|
|
|
|
|
Re: تور الله الأنطح أنا .. و لأنتِ حبيبتي (Re: Nasr)
|
إيماد أبدووولا ؟؟
دا منو دا؟؟
ياخ أمشي ياخ.. أقول ليك حاجة؟؟ أجري جري عديل..
أنصحكم بحاجة ؟؟ غير مازا... أنصحكم بعدم التعود على قراءة هذا الشخص المجنون..
لا تجربوا ذلك البتة... حلوة البتة دي؟؟
حاجة من أجمل ما يكون يا عماد..
إنت وين يا رماد؟؟
هسي باللاي دا بورتريه نصاح دا؟؟
علي بالأيمان البلد دي قاعدة أمفكو ساااااااااي..
| |
|
|
|
|
|
|
|
|
|
Re: تور الله الأنطح أنا .. و لأنتِ حبيبتي (Re: الشفيع محمد صادق)
|
عماد !!!
عماد؟؟؟
عماد
عمااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااد
عمااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااد
حديقة نيويورك المركزية ___شتاء 2010
| |
|
|
|
|
|
|
| |
Emad Abdulla
الصادق صديق سلمان
ندى عثمان حسن
طارق جبريل
محمد عبد الماجد الصايم
محمد على طه الملك
أيمن الطيب
محمد المرتضى حامد
ابو جهينة
البدري عبد الله
عمر سعد
Adil Osman
عزام حسن فرح
Osman Musa
أبو عبيدة البصاص
عبدالعزيز الفاضلابى
محمد البشرى الخضر
Nasr
Mahmoud Mustafa Mahmoud
عمر عشاري
salah ismail
دينا خالد
فادية اليمني
omer osman
فيس بوك
تويتر
انستقرام
يوتيوب
بنتيريست