|
|
 ( علقة ) في وسط الخرطوم لشاب تخصص في سرقة ادوات المكياج من حقائب البنات .. !!
|
أمسكت ثلاث فتيات امس بموقف المواصلات الجديد - الخرطوم بخناق شاب عشريني ، ولولا تدخل الاجاويد لحدث ما لايحمد عقباه ، حيث أصرت إحداهن بعد ان خلعت حذائها ذا الكعب الحاد على ضرب شاب في أم راسه مالم يتب ويستغفر من عمليته ال########ة هذي –على حد تعليقها- وأضافت (هدى الضو) ذات الحذاء ان الشاب درج على سرقة ادوات المكياج من حقائب ممتطيات مواصلات الصحافة زلط (السوق المحلي) ، وعلقت : الغريبة انو يخلي الموبايل والقروش ويخم في البودرة والروج والكريمات . من ناحيتها قالت (نوال السيد)- احدى اللاتي تهجمن على الشاب واحكمن عليه الخناق – انها شعرت الخميس الماضي بشئ مايعبث داخل حقبيتها التي خلت من اي شي سوى ادوات المكياج ، لكنها استبعدت ان يكون الشاب اللطيف الذي في مقعد النص المجاور (حرامي) ، وعلقت: وحرامي شنو؟ (صباع روج)!! وأضافت لما عدت للمنزل وراجعت محتويات حقيبتي وجدتها ناقصة صباع روج . وفي السياق قالت ثالثتهن التي فضلت حجب اسمها ان بنات كثيرات فقدن ادوات مكياجهن في مواصلات الصحافة ، وبدأت هذه الظاهرة منذ ثلاثة أشهر تقريباً لكنا قررنا ثلاثتنا مراقبة الشاب الذي ينتظر في اخر محطة ويراقب البنات تم يتبعهن الي داخل الحافلة او الهايس التي يفضلها لضيقها – ثم يشرع بحرفية عالية وباصابع ماهرة ومدربة في فرز محتويات الحقيبة وأخذ البدرة او الروج او صباعات الكريمات وترك الموبايلات والنقود . الي ذلك قالت الشابات الثلاث انهن لسن بصدد فتح بلاغ ضد الشاب ، لأنو عيب في حقهن ان يجررن في المحاكم بسبب بلاغ سرقة مكياج لكنهن بصدد ايقافه عند حده بما يرينه مناسباً من اساليب .
|
|
 
|
|
|
|
|
|
|
 Re: ( علقة ) في وسط الخرطوم لشاب تخصص في سرقة ادوات المكياج من حقائب البنات .. !! (Re: محمد عبد الماجد الصايم)
|
يا ود الصايم قال ليك ضربتو بكعب عالى حــاد شفت كيف
مرة واحد من اولاد الامتداد ديل ركب حافلة الصحافة وقعد ليهو جمب بت شديدة
من بناتنا ، دفع ليها قالت ليهو شكرا" ، نزلت فى المحطة نزل وراها
عزمها بيبسى فى الكشك اللفى المحطة ودخل فى الونسة ، قال ليها جاية من وين ..
قالت ليهو من مركز شباب السجانة ..
قال ليها تمثيل ولا غــنا ...
قالت ليهو .. لا والله بلعب كاراتيــه ....
صاحبك بالله جـقمـة البيبسى لسه فى خشمو تلب فى اول حافلة راجعة الخرطوم ...
| |
|
|
|
|
|
| |
awad okasha
عبد الدائم سيد أحمد
طارق جبريل
محمد عبد الماجد الصايم
omar arbab
Hisham Ibrahim
مزمل خيرى
فيس بوك
تويتر
انستقرام
يوتيوب
بنتيريست