زولــــك رقـــــــــــــد

(عدل بواسطة د.محمد حسن on 06-08-2010, 04:42 PM)

Quote: بوح جميل نص غني بالعاطفة والموسيقي والصدق الطفولي في وتيرة الايقاع الرائع خيال سهل الحدوث وعبقري الحضور.. الي الامام ولك التحية..والشكر

Quote: وهمستي لي هوي يا ولد!! اتفتحت كل النوافذ للهوى... والشوق سحاب .. شايل ندوات المنى الما ليهو حد . وجريت عليك لمن لقيت عينيك ضجت بالهوى وفرحت جد، شلت الضجيج جواي غنيوات وانفعال وسدرت في الليل الموشح بي نسيمات الخريف لا خفت من طول المسافة ولا التباريح التهد وصرخت بين شهقة الفجر الوليد وارتحال باقي النجوم قبال اكمل للعدد يا نيل اقيف يازول ارح والموجة تهمس للضفاف زولك رقد مليان عشق تريان ونديان الكلام فترت قوافي الشوق سفر ودرت خواطر في السهر اتمددت بين الليال كل حكاوي العاشقين سجعت حمامات الحنين رجعت كليمات قلتهن والليل اواخر رفعت ايدي للسما (آه يا معين ) حلق القوافي اتنشق الصوت الصدى اتبلل الشوق الندى ومرقت ليك عشان يغسلني المطر ويعمدني بي الوان قزح يلبسني اطياف من مرح واتدلي لي من القمر هاتف نده ( حجيتك خيرا جاك ما تهتم للشوك النابت في موطاك بحر الدميرة الكان بهدم في البيوت كان لينا فال بحر التحاريق صار لينا زي كابوس مقيم ، يا زول تعال ) النيل جواي ساكن من زمن تشكيلي كان نقطة نُطف النيل جواي هادر من زمن صارت عناويني المنافي وصرت محصور في جوازات السفر يازول زي نفس الدعاش دايما بتديني الحكاوية المستحيلة وليك بتدوزن وتر بتشد من عصب الجنون بمتد ما بين نبضة القلب الصدح وعمق التاوه في مسارت الرؤى ونبض الطنون انا فيك موال توجد احتمال رهق الرحيل بين مقلتيك ورخاوة الحس الشجون مشوار طويل ما ليه حد وانت في جواي اريج مشوار عشم اديني حاجات زي سوسنات قمرة بتهل اديك سر بوح النجوم وكتين تطل

Quote: اعتقد إنك داير تقول (يا زوله) ويمكن يكون مجرد خطأ مطبعي ... مش ؟

Quote: نصيحة يا دكتور : تعامل مع ملحن و فنان فكثير من شعرك غنائي لا يقل عن كلمات تملأ الساحة رغم أن معظمها تتتباعد تواضعا أمام كلماتك بلا أي مبالغة

Quote: الرقد دا وقفوا سريع

Quote: الرقد دا وقفوا سريع

Quote: وفقا للمعايير يبدو انو الشيشة سخنت فجأرت بالشكوى اعلاه عالم تحبو واقف

Quote: هزت نخلة ريد رياحك منها كم اتساقط رطب الشعر