|
|
 البرادو.... مشوار داليا الكباشي بالخسارة..سي سي تمبس
|
جني وجن حاجة تخرش البرادو البريدة دي..
يلا امبارح جيت الشغل متأخخخخخخخخخخر.. دون ذكر أسباب..
أها ما لقيت باركينج كعادة الناس المتأخرين..
جزاءً بما كسبت أيديهم... عشان تاني يقعدوا يتابعوا في الأفلام والمسلسلات التركية بالليل..
يلا أقرب حتة لقيتها كانت على مسيرة 3 دقائق من المكتب .. علماً بأن المسافة من البيت للمكتب
مسيرة 8 دقائق بخطوات الوجي الوحِلُ..على أنغام أغنية لحسن عطية عديل كدا..
من الصباح قلنا ما مشكلة .. نمشي مشوار دكتورة داليا كباشي دا..
كويس معاكم؟؟
أها الدوام خلص.. وتعالوا شوفوا الجقلبة.. أول حاجة قلبي قرررررب يقيف لما جيت وما لقيت عربيتي في الباركينج..
طبعاً اكتشفت بعد كم ثانية كدا من التوهان .. إني أصلاً ما وقفتها في الباركينج عشان ألقاها آخر النهار زي الموظفين التانيين..
أعراض زهايمر ومبادي شلل أطفال وشوية متلازمة داونز.. المهم أخدت بعضي..ومشيت تاااااااني مشوار داليا الكباشي.. يعوضنا الله..
الساعة كدي اللقيت ليكم البرادو فيها خربشات وكثير من أوراق الشجر وبعض من فضلات الطيور على زجاج الفارهة مع تحذير شديد اللهجة..
"ممنوع الوقوف نهائياً حتى لا تتعرض لتنسيم الكفرات"... قلت لنفسي : هي داليا دي ما عندها طريقة تانية غير المشاوير دي؟؟
باللاي في داعي؟؟
هسي دي أخلاق دي باللاي؟؟
|
|
  
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: أبوعبيدة محمد الأمين)
|
العزيز جداً ..أبو عبيدة محمد الأمين..
أشواقنا ليكم للبلد..سادة الأفق ما ليها حد..
لا عليك الله ما حارة؟؟
مشوار رايح جايي في رطوبة جدة الما بتغباك ديك..
وكمان خربشة وتهديدات .. كلو ما وجعني زي صفق الشجر وخرا الطير..
للمعلومية: أساسي لا يزال مقطع.. لم يفتح الله عليه حتى كتابة هذه السطور بالتجاسر على البرادو..
عملها استشارات هندسية سااااااي مع أحمد التيجاني..
أما بالنسبة للهناي اللي ما يتسماش داك.. فالحال كما هو عليه..
بعدين تعال هنا.. كاذب كيف يعني؟؟ حمل هو؟؟
والله سكري رجال عديييييييييل..
بالمناسبة.. طرحت موضوع إصابتي بهذا المرض لأحد المشايخ بالتلفون.. قال لي السكري دا "مدد"..
قلت ليهو : ما في خيارات؟؟ مدد سكري حتة واحدة؟؟ أنا ما عندي إنجليزي قدر دا يا شيخنا...
فضحك الشيخ حتى قطع الرصيد..
الكلام دا كان أيام "نكران الإصابة"..
هسي يابا نحن بقينا نكابس ياهو في مشاوير داليا الكباشي وغيرها من الميديكال آدفايس
شايف كيف؟؟
فتك بعافية..
| |
|
|
|
|
|
|
|
|
 Re: البرادو.... مشوار داليا الكباشي بالخسارة..سي سي تمبس (Re: Mahmoud Mustafa Mahmoud)
|
| Quote: "ممنوع الوقوف نهائياً حتى لا تتعرض لتنسيم الكفرات"... قلت لنفسي : هي داليا دي ما عندها طريقة تانية غير المشاوير دي؟؟ |
اسي يعني المطلوب شنـو ..؟؟
اقول ليك كلام ,,
خلاس خلاس ,,
حا اكتب ليك شيك بي خمناشر الف قنيه استرليني (بدل الاضرار التي لحقت بي فارهتكم),
بس ما حاتصرفو لحدي ما زميل البورض (تمبس) قروشو تجي من البنك الفي سويسرا ..
ولا يهمك يا ابو حميد ياخ ,
دي حاجه بسيطه خالص 
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: داليا الكباشى)
|
محمود مصطفى محمود
الجاتك في البرادو سامحتك
الحمد لله سيد البيت ما عارف إنك أجنبي
كان كتب ليك عليها بالبوهية الصفراء ممنوع الوقوف يا ....
ما دام المشوار قريب من البيت خلي البرادو في البيت
وشوف ليك هكره أمشي بيها الشغل توقفها في أي حتة ما مشكلة
والبرادو خليها للطلعات العائلية ... العائلية فقط !
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: جعفر محي الدين)
|
الأخ جعفر محيي الدين المطوع الذي لا يُشق له غبار..
السلام عليكم ياخ..
آخر مرة شفناك في إفطار رمضان الفات؟؟ عيييييييييييك..
Quote: ما دام المشوار قريب من البيت خلي البرادو في البيت
وشوف ليك هكره أمشي بيها الشغل توقفها في أي حتة ما مشكلة |
قلت لي أشوف لي هكرة؟؟
هكرة غير كرعيني ديل؟؟ لكن بالطريقة دي مشاوير داليا ما ضربت بيها عرض الحائط...
الدكتورة دي طال عمرك طبيبة بشرية... في زول قال ليك عندها دكتوراة في الميكانيكا يا حبيب؟؟
هي من اقترح المشاوير للمساعدة في العلاج أو الوقاية من مشاكل القلب والكوليسترول والسكري والضغط والحاجات دي..
كان الأجدى والأوقع أن تقترح لي ياعم جعفر أن : خلي البرادو في البيت واضرب مشوار داليا من عتبة بيتكم ساي..
موش؟؟ بعدين العربيتين زي بيكرسوا لظاهرة انفصام الشخصية .. والحاجة دي أن زي مكبر منها اللفة..
أو مصهين منها بمزاجي..
شكرً لك أبو الجعافر..
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: نورالدين الفحل)
|
الحبيب نور الدين الفحل..
| Quote: الجاتك فى الفارهة سامحتك |
نجيك في السمح يابا.. الفارهة شديدة خالص.. ما تقوم تنزل لينا سعرها ياخ..
| Quote: والسكر ما بقتلو زول شريطة ان تستعدل معاهو |
والله أهو... عاملين حسابنا وقاعدين نجرب في مشاوير دكتورة داليا دي..
Quote: يلا جيب العود ونقرش ونحنا مع الايقاع
غلطة كانت شرائى ليك
وا خسارة قروشى فيك |
كيف غلطة ياخ؟؟ دي كانت أكتر قرار صاح في حياتي...
بعدين هي أنا عاملها زي حصالة..تقوم ياخي تطلعها لي خسارة قروش؟؟
غايتو الله يهديك..لا أنصحك بالعمل في السمسرة والكرين.... بل أنصحك بـ "مازا"..
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: اساسي)
|
أساسي يا حبيبنا..
| Quote: تبقي علي اللومينا وصحبتكم!! |
زمان الشيخ حياتي راوي المديح قال:
من سوح مريودي..... (وا لومي انا) ... المانعاني قيودي
شايف يا صاحبي اللومينا دي متأصلة كيف؟؟ فيا أخي لا تحزن..
عسى ربك يفرجها .. لكن بالمناسبة أنا من لقيتك فاتح خط استشارات هندسية
مع المهندس أحمد التيجاني..عرفتك زول ونسة ساكت..
عينك لي ناس المبيعات .. تقوم تمشي للمهندس الكبير وهو بتاع تدريب وأورينتيشن ؟؟؟
قلت في سري: أساسي دا يا يكون عايز يفتح ليهو ورشة كبيرة بالقرب من معرض الخرطوم الدولي...
يا كمان يكون عايز يلهف ليهو توكيل تويوتا حتة واحدة كدا.. وصدقني خايلة فيك خالص..
نايس تراي.. موش؟؟
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: Mahmoud Mustafa Mahmoud)
|
برادو...عديل كدي...ما شاء الله...طيب ما تجينا بي جاي ياخ
عشان كل ما تجي سيرتك في الونسة...يقولوا لي...
متذكر صاحبك بتاع البرادو داك...غني شنو؟؟؟
شخصيا عندي عقده رسمي من البرادو دي...بتهردكني عديل كدي..
وكان لميت فيها...يا الميناء جاك زول...ان شاء الله بي غادي
آكل الصعوط...والعجب في فرناغة شندي الخرطوم ديك
يمين علا ود الصايم يعطس حتين اقيف...
الزول الخرشا دا...يخرشو نمر خلا مركب عيون كديس
في حتتن ما يلقالا...لا قرض لا حكاك
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: nazar hussien)
|
قبل فتره جاءنا لؤي شمت هنا بي برادو...
اصلو لؤي دي ما بتذكروها لي...
بس صاحبك سيد البرادو...
يا راجل دي بتمحي اسم صاحبها...
يعني تجيني واقول ليهم اسمك محمود صاحبي...
ويحفظوك...والبرادو معاك...
ابدا...بس سيد البرادو..
والعجب في السودان...بحرسوها الشفع علا يكوركولن لي الغدا
بتنقلب روضة طوالي...دوام من الصباح لي في الليل...
وكان عندك ود اخت...بنصب نفسو الالفه...
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: nazar hussien)
|
نزار يا صديقي الفنان الجميل..
Quote: يا راجل دي بتمحي اسم صاحبها...
يعني تجيني واقول ليهم اسمك محمود صاحبي...
ويحفظوك...والبرادو معاك...
ابدا...بس سيد البرادو.. |
تصدق يا نزار.. البرادو دي هيبتها في بيوت العزاء بس..
توقفها كدا مع جرة أبنص ..ثم تترجل وتكون لابس مركوب نمر عالي.. وجلابية وعمة وشال..
أي زول بيجي جاري ليك جري عشان يشيل معاك الفاتحة
وبعضهم بيكون خاشي في البقرة طوالي عشان يتأملك أطول فترة ممكنة...
Quote: والعجب في السودان...بحرسوها الشفع علا يكوركولن لي الغدا
بتنقلب روضة طوالي...دوام من الصباح لي في الليل...
وكان عندك ود اخت...بنصب نفسو الالفه... |
قوية والله..
أنا جربتها يا نزار مرة واحدة بس بعربيتي هوندا أوديسي..
رجعت من الإجازة طوالي بعت ليك العربية بي مخاخيت الشفع وبعر السخيلات لواحد باكستاني...
شغال بيها ترحيل مدارس زي الحلاوة هسي.. مرة لقيتو ليك ملصق ليهو إعلان في سوبر ماركت..
شاحط ليهو ترجمة من قوقل بالعربي: "سائق باكستاني المتاحة مع السيارة"...
قلت في سري: إن شاء الله تضوي ليك الهوندا أم مخاخيت وبعر دي..
عليك الله يا نزار ياخ أظهر..
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: داليا الكباشى)
|
يا دكتورة..
| Quote: والله الا كان (آي آي) بالاسبـاني .. |
أساسي صاحبي مرة كان عايز يعفص ليهو سعودي عشان حاول يخفف دموا ويحاكي السودانيين..
السعودي قال لأساسي: (آي يا زول..داير عليك الله يا زول)...
ويلا عينك ما تشوف إلا النور.. أساسي قام ليك على الشخص الظريف دا..
إنت عبيط ولا شنو؟؟ عوير إنت؟؟ تهظر معاي لشنو؟؟
أساسي لو ما مسكوهو الناس كان الظريف هسي مركبين ليهو أكسجين في كرعينو ليوم الليلة ..
سي سي تمبس بتاعتنا نحن الأفندية دي بتكوني عارفاها : كاربون كوبي أظن.. والله أعلم..
لكن آي آي بالإسباني دي شوية صعبة علينا.. والله دي إلا يجيبو ليها إيكر كاسياس حتى يعرفها..
تحياتي ..
| |
|
|
|
|
|
|
|
|
 Re: البرادو.... مشوار داليا الكباشي بالخسارة..سي سي تمبس (Re: Mahmoud Mustafa Mahmoud)
|
| Quote: باللاي رجاءً ما في داعي تهبشوا الودائع الاستراتيجية ديك.. شايف عندكم اسطول هايسات حسب آخر مشاهداتي.. |
.. يا دكتور كدا إنت ضغطت علي شديد جدا .. والزميلة دي مفترض زاتو ما تجيب ليك سيرة سويسرا دي ولا حاجة يخلوك في الأربعة هايسات ديل بس ..
قلت لي داسي البرادو وعامل نايم ؟؟ وتجي تدق جرس اساسي ..
ياخ اساسي دا انا قايل عندو (برادوتين) أقوليك حاجة ..؟
والله البشوف رفعان قزازو .. والحركات البعمل فيها من شهر وشوية في البورد التقول عندو (روز) مش لومينا .. 
لكن بيني بينك يادكتور .. زي ناس اساسي ديل .. الواحد بيكون خاتيها ليك (صاجات) تحت السرير بتاع غرفة النوم .. الريال البدخل .. عليمك الله تاني يطلع
كدي حسع خلينا في البرادو دي .. انا الأخ ود الصايم عارض علي البرادو دي .. مقابل أمجاد .. والطابق الأرضي الفي العمارة بتاعتي الفي شارع المطار ..أهو استثمار برضو والسودان فوقو طفرة ..
كدي حاول اشحن لينا البرادو دي بالبسامي .. نعمل ليها (جيك) أخوك قلبو واقف عديل الايامات دي .. والأخوان ما بيناتم حساب زاتووو ..
بالمناسبة العرض دا عرضتو على أخوي اساسي لما اشترى اللومينا دي قبل ستة سبعة سنة كدا .. ياخ انا مشيت جدة ولاقيتو .. تتخيل موقف اللومينا بعيد عشان ما تتخدش قال .. مشيت معاهو مسافة تجيب مسافة داليا دي خمسة ستة مرات .. بعدما وصلنا العربية .. جا بتاع ليموزين ماشي .. اشوف ليك صاحبك وقف ليك بتاع الليموزين .. وقالي خارج نفسك
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: nazar hussien)
|
Quote: انا مبوظه اعصابي دي يا تمبس...
دي بتقلبني هندي بواب عماره...كل ما تجي واحده ماره
برفع ليها يدي واقول ليها (سلامو أليكم)...وترجع
برضو سلامو اليكم ومعاها هزة رأس |
.. والله يا نزار لكن بالغته عديل .. يعني طلعت سوداني جدا ..
يا فورشن يا برادو يا كورلا ..
حسع الفورشن الختيته فوق دي بتاعت واحد فاره .. هنا في البوست دا .. خاتيها في نقط .. لكن نقطو دي يعمله لي زول ما عندو حديده
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: جمال السنوسي)
|
| Quote: انا الأخ ود الصايم عارض علي البرادو دي .. مقابل أمجاد .. والطابق الأرضي الفي العمارة بتاعتي الفي شارع المطار |
يا زميل البورض ,
رايك شنو نبدلو بي البيت الفي المعـموره ..؟؟
افتكر بقينا ما محتاجين ليهو ,
الجيان زاتهم هناك سغيلين وبتاعين شــو ..
امبارح بتهم الصغيره عفصت على النجيله بتاعت الباك يارد حقنا .. تخيل !!
النجيله الاستوردناها من الصين بي تمناشر الف دولار ديك ..
بالمناسبه ما تنسى وانت جاي تجيب لي معاك خاتم الالمـاز من الخزنه بتاعت الشركه عشان مارقه بيهو
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: اساسي)
|
| Quote: يا مصطفي محمود اديتني احساس بمدي الحرمان الكنت عايش فيهو قبل البرادو |
مصطفى محمود دا منو؟؟ الدكتور داك؟؟
كاااااااااااك ... والله يا أساسي ريحتني في حناني زاتو..
ياخ البلد دي فيها زول جابوهو استشاري؟؟ ما كلنا ناس معايش ساكت..
بعدين لو ما الحرمان والتعاسة الشديدة ديك الواحد ما كان حا يشعر بعظمة وحلاوة القرش..
ولا شنو؟؟ والعافية درجات ياخي..يعني تبداها كدا.. كداري..عجلة..موتر..هكرة بيجو.. هكرة يابانية..هكرة أمريكية..
ثم هكرة كورية.. ثم لومينا.. ثم فورشنر..ثم كورولا شعبية.. ثم بعدين خاااااالص برادو..وكدا..
ستاتية يا كبير؟؟ وأنا مشتريها مخصوص عشان في واحد قريبنا قال لي كلام سري جداً في الحتة دي.. إنه بيضمن بيعتها في الخرطوم
بأموال طائلة.. ولوزيرة مرموقة في حكومة الوحدة الوطنية السابقة..
يا أساسي ياخ الكلام دا سر..باللاي حاول ما تخليهو يطلع منك.. أوكي؟؟
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: tmbis)
|
| Quote: الزميلة دي مفترض زاتو ما تجيب ليك سيرة سويسرا دي ولا حاجة يخلوك في الأربعة هايسات ديل بس .. |
إنتو يا تمبس وزميلتو في زول قال ليكم أنا عارض مرايات البرادو بتاعتي للبيع؟؟ شنو هايسات وسويسرا والكلام الجربان دا ..؟؟
Quote: ياخ اساسي دا انا قايل عندو (برادوتين) أقوليك حاجة ..؟
والله البشوف رفعان قزازو .. والحركات البعمل فيها من شهر وشوية في البورد التقول عندو (روز) مش لومينا ..
لكن بيني بينك يادكتور .. زي ناس اساسي ديل .. الواحد بيكون خاتيها ليك (صاجات) تحت السرير بتاع غرفة النوم .. الريال البدخل .. عليمك الله تاني يطلع |
..
منتهى الطعامة واللذاذة والله يا هندسة.. ريال شنو البيطلع من أساسي؟؟ والله إلا ريال مدريد.. الريال البيدخل على أساسي يعتبر نفسو عملة غير قابلة للتداول.. وناس مؤسسة النقد يفكروا مباشرة في طباعة بديل ليهو.. لأنه حتى في السودان ما قاعد "يبدل قروش".. وعندو كمان نظرية صعبة خالص..مفادها يا سيدي إنه : "تعريض العملة للضوء يفسدها ويعرضها للتلف".. عالم ظلامي شديد..
| Quote: انا الأخ ود الصايم عارض علي البرادو دي .. مقابل أمجاد .. والطابق الأرضي الفي العمارة بتاعتي الفي شارع المطار ..أهو استثمار برضو والسودان فوقو طفرة .. |
إنت كدا عصرت على ود الصايم شديد ياخ.. بالرغم من إنه البرادو بتاعتو ما فيها بلوتوث والسنسور بتاعها ضارب والبوصلة بتاعتها خربتها الشيشة..
| Quote: بالمناسبة العرض دا عرضتو على أخوي اساسي لما اشترى اللومينا دي قبل ستة سبعة سنة كدا .. ياخ انا مشيت جدة ولاقيتو .. تتخيل موقف اللومينا بعيد عشان ما تتخدش قال .. مشيت معاهو مسافة تجيب مسافة داليا دي خمسة ستة مرات .. بعدما وصلنا العربية .. جا بتاع ليموزين ماشي .. اشوف ليك صاحبك وقف ليك بتاع الليموزين .. وقالي خارج نفسك |
الوشوش الخدرا البتدردق دي أعملها كيف أنا؟؟
كااااااااااااااااك
| |
|
|
|
|
|
|
|
|
 Re: البرادو.... مشوار داليا الكباشي بالخسارة..سي سي تمبس (Re: جمال السنوسي)
|
شنو شنو ا إيا اساسي؟
اذعا إيه ؟
بالله الستاتي يعني اذعان ؟
سممممممممممممممممممح
ـــــــــــــــــــــــــــــ
سلامتك يا عربي
وسلامة عربيتك
لكن مشامير داليا دي الا تمشوها في الشارع يعني
انت يا خوي بعد دا اغشى فرع شركة انتر وود الفي جده
وجيب الجهاز داك الليل المشي البجيبو دعايتو في قنوات التسوق
ــــــــــــــــــــــــــ
نزار حسين
ان شاء تفوز بجايزة الحلم حقت ام بي سي
وتجينا بالعربية الستاتية في صنعا
ـــــــــــــــ
اشواق ليكن كلكن كدي والله
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: الجندرية)
|
يامحمود يعنى عامل رايح وماعارف انه الكلام دة ح يحصل
مع انى كلمتك قلت ليك الكرامة اهم من القسط الاول ياخ
لكن عملت نايم... كيف مايخربشوها يعنى؟
طيب الخرباشين ديل لو ما الناس البيخالفوا النصايح
زيك كدة وين يمارسوا خربشتهم؟
المهم هسة مافاتت حاجة بنقبل الكرامة والخربشة خليها تكف العين
والعربية ياها مكانها الشارع والناس ياها اخلاقها احتسب بس
العزيز ابوعبيدة
ياخ هنئيا لك بمغادرة جدة
وان شاء الله الشجاعة صامدة والامور تمام
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: احمد التجانى احمد)
|
حبيبنا أحمد التجاني يا هندسة..
Quote: يعنى عامل رايح وماعارف انه الكلام دة ح يحصل
مع انى كلمتك قلت ليك الكرامة اهم من القسط الاول ياخ
لكن عملت نايم... كيف مايخربشوها يعنى؟
طيب الخرباشين ديل لو ما الناس البيخالفوا النصايح
زيك كدة وين يمارسوا خربشتهم؟
المهم هسة مافاتت حاجة بنقبل الكرامة والخربشة خليها تكف العين
والعربية ياها مكانها الشارع والناس ياها اخلاقها احتسب بس |
ياخ أسمع.. إنت فتحت ليك محل لبيع الخروف السواكني؟؟
يا أحمد ياخ الكلام دا بجيب ليك الهوا..
بكرة تلقى في الجرايد في الصفحة المثيرة ديك: "مهندس سوداني يمارس الشعوذة
ويبتز الزبائن بتحريضهم على شراء الخراف السواكني من محله المشبوه"..
عاين.. الكرامة دي ما بتنفع بيتزا؟؟ لأنه البرادو دي الخرفان الضبحتهم ليها
في سمابات أولادي الخمسة ما ضبحتهم..
تحياتي و " لما تشتاق للمشاعر تملا دنياك بي عبيرا.. ولما تشتاق للعواطف تنسجم تلبس حريرا..
أبقى أسأل عن قلوبنا .. بتلقى فيها كنوز محبة.. وتلقى فيها بحور حنان.. وتلقى فيها الشوق يغني..
وتلقى فيها الريدة فاردة جناحا تشتاق للربيع...
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: الجندرية)
|
أماني بت خالتي..
كيفك يا اللوخوت؟؟
أبشرك..نحن شديدين تب الحبة دي ما علينا..
Quote: انت يا خوي بعد دا اغشى فرع شركة انتر وود الفي جده
وجيب الجهاز داك الليل المشي البجيبو دعايتو في قنوات التسوق |
نصيحة جميلة برضو.. لكن ما لقيتي لأخوك غير انتر وود المنتجاتها غالية ديك؟؟
هنا المنتجات كتييييييييرة وطبعاً بنشوفها على الطبيعة في المعارض مباشرة..
طبعاً عندكم في اليمن السعيد الحاجات دي إلا في التلفزيون موش؟؟
ثم ثانياً : خلي عثمان يجيب ليكن رسيفر جديد ياخ..
إنتو من زمن انتر وود؟؟
كُرْ علي يا بت أمي..
بالمناسبة.. عندي جهاز مشي شايلو من جمال السنوسي..
عليك أمان الله بيصرف زيرو كهربا.. كهربتو منه وفيهو..
وحات خوتك..ليوم الليلة الله ما فتح علي أدفع لجمال ريال واحد..
نصيحة أخيرة:
أوعك تحاولي تتجندري لي في البوست دا عشان ما أدعيك: "الجندراني الـ......" عارفاها موش؟؟
سلامي وتحياتي لمن معك..
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: Mahmoud Mustafa Mahmoud)
|
Quote: نزار حسين
ان شاء تفوز بجايزة الحلم حقت ام بي سي
وتجينا بالعربية الستاتية في صنعا
|
ههههههههه
صنعاء القريبة دي...
وبعدين مش السيارة معاها بيت...وقسما عظما...وايمان كملا يا قول جدي...
من هسي البيت اديكم ليه غييييييييييييغ...وغتاس عشان الدعوة السمحه
دي...
وتانيا بالسيارة زاتا...اجيكم في صنعاء...واركبكم وبي برادونا
ويا جنوب افريقيا جوك ناس...ونحضر نهائي كأس العالم...
بين اسبانيا والارجنتين...ونقوم نملا عربيتنا بنزين ويا
السودان جوك ناس...ونغشي جوبا نسلم علي سلفاكير
ونشتري لينا قطعتين ارض...ونقول ليهم علي حساب ام بي سي
ومن الجنوب...تاني ما نفرمل الا في ديم لطفي...نكرم لي البرادو
والبيت...بي خروفين من سوق رفاعة...ونجيب اللمين ود المصطفي
يضبحن...وعمنا علي بتاع الكهرباء طباخ...وغير الغنا والزغاريد
ما عندنا شي...اها بعد داك...نمشي الصحافة وبرضو نضبح خروفين
للبيت والبرادو...ونتصل بي رئيس جهاز المغتربين الدكتور كرار
التهامي نقول ليه بلاي لو سمحت رسل لينا موظفين واحد بتاع مساهمات
اجبارية والتاني بتاع جوازات...يخلص لينا الجوازات دي...وياخدو
حقهم...ومن ما نستلم جوازاتنا...نشق بي عطبرة علي بورتسودان...
ويا البشاير جوك ناس...ونمشي جده...لي اساسي في بيتو...نوريه
الستات الجد...ونضرب لي محمود نقول ليه لاقينا بالحديده في الشارع
لأنو برادويين ما بقيفو جنب بعض...خوف العين وكدي...ومن جده نمشي
العمره...مكه والمدينة...ونصلي صلاة شكراخشع منهاما حصل
وبعداك نسأل لينا كم يمني في الدرب...عن سكة صنعاء...وتاني يا صنعاء
وصلوك ناس...اقضي يومين معاكم...وانكشح بي برادوي لي محلي
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: nazar hussien)
|
Quote: وبعدين مش السيارة معاها بيت...وقسما عظما...وايمان كملا يا قول جدي...
من هسي البيت اديكم ليه غييييييييييييغ...وغتاس عشان الدعوة السمحه
دي... |
خليك قدر الكلام دا يا نزار... أنا بظبط ليك أمورك مع مصطفى الآغا..
وحا أخليهو يستضيف في ليلة السحب..فوزي التعايشة عشان تفيض الحلقة بعوارة السودانيين من كل جوانبها..
Quote: وتانيا بالسيارة زاتا...اجيكم في صنعاء...واركبكم وبي برادونا
ويا جنوب افريقيا جوك ناس...ونحضر نهائي كأس العالم...
بين اسبانيا والارجنتين...ونقوم نملا عربيتنا بنزين ويا
السودان جوك ناس...ونغشي جوبا نسلم علي سلفاكير
ونشتري لينا قطعتين ارض...ونقول ليهم علي حساب ام بي سي
ومن الجنوب...تاني ما نفرمل الا في ديم لطفي...نكرم لي البرادو
والبيت...بي خروفين من سوق رفاعة...ونجيب اللمين ود المصطفي
يضبحن...وعمنا علي بتاع الكهرباء طباخ...وغير الغنا والزغاريد
ما عندنا شي...اها بعد داك...نمشي الصحافة وبرضو نضبح خروفين
للبيت والبرادو...ونتصل بي رئيس جهاز المغتربين الدكتور كرار
التهامي نقول ليه بلاي لو سمحت رسل لينا موظفين واحد بتاع مساهمات
اجبارية والتاني بتاع جوازات...يخلص لينا الجوازات دي...وياخدو
حقهم...ومن ما نستلم جوازاتنا...نشق بي عطبرة علي بورتسودان...
ويا البشاير جوك ناس...ونمشي جده...لي اساسي في بيتو...نوريه
الستات الجد...ونضرب لي محمود نقول ليه لاقينا بالحديده في الشارع
لأنو برادويين ما بقيفو جنب بعض...خوف العين وكدي...ومن جده نمشي
العمره...مكه والمدينة...ونصلي صلاة شكراخشع منهاما حصل
وبعداك نسأل لينا كم يمني في الدرب...عن سكة صنعاء...وتاني يا صنعاء
وصلوك ناس...اقضي يومين معاكم...وانكشح بي برادوي لي محلي |
يا سيد..
يعني الوراك ما يلقى نقطة محلبية ؟؟
حلمك جميل والله.. أضحكني وأبكاني في آن معاً..
البوست دا بقى ظريف والله.. وجاب ناس جميلين فعلاً..
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: Mahmoud Mustafa Mahmoud)
|
Quote: ما عندنا شي...اها بعد داك...نمشي الصحافة وبرضو نضبح خروفين
للبيت والبرادو...ونتصل بي رئيس جهاز المغتربين الدكتور كرار
التهامي نقول ليه بلاي لو سمحت رسل لينا موظفين واحد بتاع مساهمات
اجبارية والتاني بتاع جوازات...يخلص لينا الجوازات دي...وياخدو
حقهم...ومن ما نستلم جوازاتنا...نشق بي عطبرة علي بورتسودان...
ويا البشاير جوك ناس...ونمشي جده...لي اساسي في بيتو...نوريه
الستات الجد...ونضرب لي محمود نقول ليه لاقينا بالحديده في الشارع
لأنو برادويين ما بقيفو جنب بعض...خوف العين وكدي...ومن جده نمشي
العمره...مكه والمدينة...ونصلي صلاة شكراخشع منهاما حصل |
ده كلام يا نزار
معقولة بس
امانة في ظمتك دي ما جيتك انا في بيتك في البحرين
ما لقيتني وحلفت علي طلاق ومشيت معاك البيت
وشربت معاك الشاهي بي لبن من يد حرمكم الدكتورة
وبعدين طلعت جارنا في الصحافة
يعني ما قلت جايينا في الصحافة
ولا قلت جايينا في جدة
يعني جاي لي محمود ولي اساسي
كنا نحن منتظرينك
بالكرامة دي
لكن عوقتنا
طييب شوف الحليفة
الما بتعرفها
علي بالطلاق ما تجي جدة ظااتو
وكان للصحافة ديك
علا تجيها ونحن برة البلد
خلي خالك الامين جارنا يعمل ليك برقية
نحن موجودين ام لا
عشان تخش الصحافة والاعلام
عالم عجيبة
عالم برادين جنس برادو
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: جمال السنوسي)
|
| Quote: عالم برادين جنس برادو |
يا جمال يا سنوسي...يا جار يا حبيب
أمسحا لينا في قزاز البرادو...
لكن نحن لو تلاحظ مشينا لي اساسي عشان نفهمو حاجه..
في كلامو بتاع الستات وضربنا لي محمود ...وما مشينا
ليه...عشان نوريه البرادو ...بمشو بيها وين؟؟؟
مش مشوار داليا الكباشي...بتاع الخطوتين ديل...
سفرتنا دي ما فيها اخوان وجيران...(شو بس)\
لكن وقت جابت ليها ايمان مغلظ بنغشاك...ونبيت
عديل كدي...انت عارف نوعنا دا كان لقي ليه حته كويسة
ببقي سيد بيت... وبتغطي بي الملاية وبتلقاه من الصباح
يسوي في جبنتو
في المطبخ...وكركرررررب وناس البيت نايمين...
وكان قامو مخلوعين زاتو ما بهمو...دحين بتستحملنا
؟؟؟؟؟؟؟
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: nazar hussien)
|
Quote: وتانيا بالسيارة زاتا...اجيكم في صنعاء...واركبكم وبي برادونا
ويا جنوب افريقيا جوك ناس...ونحضر نهائي كأس العالم...
بين اسبانيا والارجنتين...ونقوم نملا عربيتنا بنزين ويا
السودان جوك ناس...ونغشي جوبا نسلم علي سلفاكير
ونشتري لينا قطعتين ارض...ونقول ليهم علي حساب ام بي سي
ومن الجنوب...تاني ما نفرمل الا في ديم لطفي...نكرم لي البرادو
والبيت...بي خروفين من سوق رفاعة...ونجيب اللمين ود المصطفي
يضبحن...وعمنا علي بتاع الكهرباء طباخ...وغير الغنا والزغاريد
ما عندنا شي...اها بعد داك...نمشي الصحافة وبرضو نضبح خروفين
للبيت والبرادو...ونتصل بي رئيس جهاز المغتربين الدكتور كرار
التهامي نقول ليه بلاي لو سمحت رسل لينا موظفين واحد بتاع مساهمات
اجبارية والتاني بتاع جوازات...يخلص لينا الجوازات دي...وياخدو
حقهم...ومن ما نستلم جوازاتنا...نشق بي عطبرة علي بورتسودان...
ويا البشاير جوك ناس...ونمشي جده...لي اساسي في بيتو...نوريه
الستات الجد...ونضرب لي محمود نقول ليه لاقينا بالحديده في الشارع
لأنو برادويين ما بقيفو جنب بعض...خوف العين وكدي...ومن جده نمشي
العمره...مكه والمدينة...ونصلي صلاة شكراخشع منهاما حصل
وبعداك نسأل لينا كم يمني في الدرب...عن سكة صنعاء...وتاني يا صنعاء
وصلوك ناس...اقضي يومين معاكم...وانكشح بي برادوي لي محلي |
وتجوا غاشين الجريف شرق ,
تفطروا معانا بي قراصه وملاخ اخدر وبصل ,
ونكب ليكم كركديه بااارد بي روح المانجا ,
واركب معاكم , نقطع كبري الفتيحاب ,
تزورو بيت زميل البورض دا ,
ونمشي المورده , نعزمكم سمك عند عوضيه ,
وتضربوا الشامبيووون ,
ونمشي الخرطوم , نشرب جبنه عند حليوه,
واودي جوازي معاكم لي كرار التهامي ,
ويأشر لي معاكم , واسافر معاكم جده ,
اسلم على اساسي واساسيه , واركب الطياره ارجع السودان !! الرياض زاتوو ما ماشه, موش على كيفي ..؟؟
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: داليا الكباشى)
|
Quote: وتجوا غاشين الجريف شرق ,
تفطروا معانا بي قراصه وملاخ اخدر وبصل ,
ونكب ليكم كركديه بااارد بي روح المانجا ,
واركب معاكم , نقطع كبري الفتيحاب ,
تزورو بيت زميل البورض دا ,
ونمشي المورده , نعزمكم سمك عند عوضيه ,
وتضربوا الشامبيووون ,
ونمشي الخرطوم , نشرب جبنه عند حليوه,
واودي جوازي معاكم لي كرار التهامي ,
ويأشر لي معاكم , واسافر معاكم جده ,
اسلم على اساسي واساسيه , واركب الطياره
ارجع السودان !! الرياض زاتوو ما ماشه
, موش على كيفي ..؟؟ |
وبالمره نمشي معاك سويسرا نطل علي رقم الحساب بتاعكم هناك
ونشوفو بالعين المجرده...ونحن راجعين نغشي مصطفي الأغا في
الام بي سي...ونديه فاتورة الرحلة من ما اتحركنا لامن رجعنا...
بما فيها ملاحكم الاخدر والقراصه والكرديه وروح المنقه...
بما لا يقل عن مية الف دولار...نصيبكم منهابجي زي خمسين الف دولار
بلاي عليك الله اسألي زميل البورض دا عن رقم السويفت كود بتاع الحساب
الفي سويسرا عشان نحول ليه حق سمك عوضية والملاح الاخدر والقراصه
انتو قايلين الرحله دي فيها عيزمات مجان ساكت...ما كلو علي
الام بي سي...بي خرفانا الضبحناهن ديل كلهن...
لكن عليكم الله يا اخوانا وقفوا العيزومات دي ...عشان ناس ام بي سي
ما يعتبروه عملية نشاف اموال.
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: nazar hussien)
|
الاخ العزيز محمود اس محمود + مصطفى
كيفك يا اخى وانشاء الله المدد الجاك ما يجيك فى البرادو
وتانى فتح عينك امام الحيط والبواب عشان ما تجيك كبيرة اكبر الخبرشة
وواوصيك عاد تاوق عليها بالليل كل ساعة عشان زوار الليل اقل حاجة المسجل المجبهز وتعباعتوا حتى يرضو طبعا بعد التكسير وما ادراك ما التكسير .
حفظك الله مع برادوك من شر ومن كل هاى وى
Quote: حا اكتب ليك شيك بي خمناشر الف قنيه استرليني (بدل الاضرار التي لحقت بي فارهتكم),
بس ما حاتصرفو لحدي ما زميل البورض (تمبس) قروشو تجي من البنك الفي سويسرا .. |
وانت يا دكتور ما خربتى بيت تمبس كان بديتو فى ارصدة سويسر ا
حرام عليك قروش الهايسات مشن وين
عالم ما صدق يديها تقع فى شى تخليها على الحديدة
كان الله فى عونك حبيبنا تمبااااااا
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: Yousif A Abusinina)
|
الحبيب يوسف أبو سنينة..
عارف مرات كدا الواحد بيفكر يشتري هكرة مخصوص للعوارض وكافة أنواع المدد المشاتر..
لكن كمان أخوك خايف من حكاية الانفصام دي.. وزي ما قلت ليكم .. أنا مصهين منها بمزاجي..
بعدين حكاية أخونا تمبس دي طويلة.. هو القال ليهو يفك آخرو منو؟؟ يعني نوع الولد كاتلاهو الشفافية..
طبعا النسوان أصلهم كدا... الواحدة توريها أي أرصدة ووووب... ولو كمان عملت فيها ظلامي زي أساسي كدا.. ووووبين طبعاً..
طوالي حا يقوموا يدينوك تحت مواد الخيانة العظمى.. وإنه بطنك غريقة.. ويا ضامن الرجال أضمن الموية في الغربال..
موضوع تمبس مستحمي يا حبيب.. صاحبك كان عايش في أمان الله.. الراتب يمسكو من هنا.. ويا حساب سويسرا جاك تحويل..
غير قروش الاستشارات الخارجية القاعد يقبضها حديدة في حتتها.. دي طبعاً يا داليا أنا مفروض ما أتكلم بيها ولا حاجة..
لكن إعمالاً لمبدأ الشفافية ..أهو الواحد قال يهمس ليك بيها.. والحتة الشفافة شديد إن شاء الله ما تتلتق..
مرحب بيكم والله.. شرفتونا..
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: داليا الكباشى)
|
Quote: واودي جوازي معاكم لي كرار التهامي ,
ويأشر لي معاكم , واسافر معاكم جده ,
اسلم على اساسي واساسيه ,
واركب الطياره ارجع السودان !! الرياض زاتوو ما ماشه, موش على كيفي ..؟؟ |
لا لا .. ما زعلانين كان كدي يا دكتورة ..
طالما حتى الرياض ما ماشة ليها.. أنا وجمال السنوسي هدا طرفنا..
لكن للضمان كدا.. حا نعتبر إنه دا خطأ طبي عادي جداً..
البيقنع تمبس شنو؟؟
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: nazar hussien)
|
Quote: نت عارف نوعنا دا كان لقي ليه حته كويسة
ببقي سيد بيت... وبتغطي بي الملاية وبتلقاه من الصباح
يسوي في جبنتو
في المطبخ...وكركرررررب وناس البيت نايمين...
وكان قامو مخلوعين زاتو ما بهمو...دحين بتستحملنا
؟؟؟؟؟؟؟ |
افووووووو يا نزار
ننوم نحن وانت معانا
عييب الشوم
حرم تقوم من الصباح
تلاقي داك يالفطور
العصيدة
والسكسانية
والفطير
والشاهي والقهوة
ونوديك درة العروس
عارف يا نزار اول مرة ركبت مع صاحبي محمود البرادو حقتو
مشينا درة العروس سوا
المشوار يعني فوق الخمسين كيلو
مشينا مشوار فني كده
هو سايق في المشية
وانا جيت سايق في الرجعة
قلت اجرب البرادو دي
عشان يمكن اغير العتب
والله بيني وبينك كده ما عجبتني في الهاي واي
خفيفة خفة العروس الفي عرسها بترقص زي باقي البنات
اها قلت قديمك نديمك
وقررت أن ابقى على العتب
وزي ما قال المثل
العتب ولا التعب
شوف جنس مسكة الدركسون دي كيف
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: Mahmoud Mustafa Mahmoud)
|
| Quote: أطعم ناس إنتو والله.. |
اصلو تعليق اسياد البرادو كدي...الواحد يوقف عربيتو ويخلي الناس كلها
تطربق تطربق تطربق...وهو يسمع ويهوزز في المفتاح...وكان فتح
خشمو بقول نعم نعم...اتذكر...ويواصل في هوزيز مفتاح عربيتو
والباقين يطربقو...هسي نحن حا نبقي ليك الباقين ديل زاتم...
انت كل ما تجي تلقانا مهرجلين في البوست دا بس هوزز مفتاحك
ماك سيد برادو...
| |
|
|
|
|
|
|
|
|
|
Re: البرادو.... مشوار داليا الكباشي بالخسارة..سي سي تمبس (Re: nazar hussien)
|
Quote: انت كل ما تجي تلقانا مهرجلين في البوست دا بس هوزز مفتاحك
ماك سيد برادو... |
يا نزار يا حبيب..
أنا سيد برادو...وإنت سيد بيت.. طبعاً قاصد ليك سيد بوست.. عشان ما أم العيال تزرزرك هسي البيت في ياتو حتة
وفيهو كم أوضة ؟؟ ومالك ما كلمتني؟؟ وتطير عيشتك قبل مباراة الشجرة والحماداب يوم 10 يونيو الجاري جري شديد دا..
مخارجة: برادو أخوك برادوك..
| |
|
|
|
|
|
|
| |
Mahmoud Mustafa Mahmoud
أبوعبيدة محمد الأمين
داليا الكباشى
جعفر محي الدين
جمال السنوسي
نورالدين الفحل
اساسي
tmbis
الجندرية
احمد التجانى احمد
Yousif A Abusinina
فيس بوك
تويتر
انستقرام
يوتيوب
بنتيريست