|
|
 الي محمد في اماراته العربية المتحده . لمتد
|
شمال وجنوب نعيش سوا سوا
بعيش بيام ببفرة ودا
قبل أيام كنا برفقة شاعر الشعب محجوب شريف والزول كعادته صامد صمود الأولين ووناس لدرجة استغفر الله العظيم ، ما ان أذهب الي حيث محجوب حتي إزداد قناعة في إن كل الذي يحدث و(سيحدث) الي نهاية فالتاريخ علي علاته لا يظلم المضطهدين وفي نهاية الأمر يكون النصر حليف المعدمين والبسطاء وأبناء السبيل ، ذهبت اليه حاملاً دعوة عادية من اناس عاديين رأوا أن يكرموا الرجل ويحتفوا به في وطن لا يحتفي بالقامات من أمثال محجوب فكان عند حسن ظني الأول به (موش في حاجة كدة نظرية بتقول إنو الانطباع الأول هو الأخير) بس ياهو ده الصل معاي منذ أن عرفت لمحجوب درباً .
كانت أمسية جميلة والحق يقال يامحمد إنني إفتقدتك جداً وافتقدت تعليقاتك اللازعة وضحكاتك المجلجلة حد أن تدمع عيناك .
أذكر جيداً ونساتنا حول مفهوم أن يبقي هذا الوطن واحداً موحداً وأذكر موقفاً كلما عدت اليه تجدني مصراً (لسع عند رأيي) والله سلفاكير ده يديني منصبوا ده تلاتة يوم أظبط ليهو حلم السودان الجديد ده وأقول ليهو بعد داك تعال هاك أمسك .
أذكر تعليق حليم في امسيتنا تلك واحتفائك الشخصي بتعليقه وربما كان صادقاً حليم في تعليقه غير انه تجدني مصراً حتي الان لموضوع تظبيط السودان ده وترتيب أوضاعه الداخلية منها والخارجية في التلاتة يام اياها . المهم يامحمد قيل أن الأفعي لا تلدغ ما لم تحس بالخطر لكن والله أخوك متحير ايما تحير في حكاية أفاعي هادي البلاد البتلدغ من طرف الشئ شنو يا شاب ؟ عملنا ليهم شنو مثلاً عشان يعملوا العمايل دي كلها ؟ لالالا يامحمد ثعابينا دي ماعندها الحق بتاتاً .
محجوب كعادته مهموم بالآخرين حتي إنني أشفق عليه كثيراً وكعادته يقضي يومها متتبعاً لاشكالات الناس وحوائجهم التي لا تنضب واعتقد انه يقوم بمعاونة بعض النبلاء بدور وزارات بحجم الرعاية الاجتماعية والصحة والتعليم . مؤسسةٌٌ هذا الرجل يامحمد حتي انني أفكر كثيراً تري لو كان عندنا في السودان اربعة خمسة (محاجيب) لكنا وطأنا القمر منذ قرون أو يمكن كنا نكون ساكنين في زحل عديل .
الخواجات أولاد الايه ديل قالو في أجواء سمحة بهناك يعني ممكن تقول (كرمبسن تنو)الا وما أدرك ما كرمبس تنو) .
بالأمس شاهدت التلفزيون (مجبراً أخاك لا بطل) المهم أنني شاهدت سيلفا يقول (حركة شعبية وييييي شراكة وييييييي مؤتمر وطني ويييييييي) فإستغفرت الله الذي لايحمد علي مكروه سواه ووويييي بتاع شنو يا سيلفاكير . قلت لربما القصة دي تباشير الوحدة (الجذابة) والوحدة الجذابة دي طبعاً بتذكرني بالخاصية المغنطيسية يعني حاجة كدة تجرك جر فهل نحنا مثلاً وصلنا لهذا الحد من التنافر ؟ ومن المسؤول عن ذلك حتي نفهم للدنيا والزمان ؟
المهم انني انسحبت والمذيع يثرثر بمفردات دراب دراب من شاكلة (تحديات المرحلة القادمة) موش عارف ايه وسئيلي الله انا كان فهمت حاجة لي تحديات مرحلتم الجاية ولا حتي تحديات مراحلهم الفاتت .
ياخ نحن بحوجة ماسة لوطن عادي يملانا بــ الحياة والأمل وماعايزين اكتر من كدة ؟ هو بالله في أجمل من الحياة دي .
الحياة المرقتك من هذا الوطن الذي تحب ورمت بك الي نواحي الامارات الحياة التي انتزعتك انتزاعاًمن كرمبس تنو الي شوارع الامارات الحياة التي انتزعت من ناس كيف (حال يابوي كيف حال ياخال) لنواحي ويش لونك وعساك بخير وش تبغي؟
تكالبت ظلم الغبينة
تآلبت عتماتها
ضدي
وطامتها علي
قلت تخرج ماخرجت
أذكر ان حيدر علي الحسن كان يقرأ لنا هذه القصيدة كثيراً ورغماً عن سوداوية المشاهد التي فيها الا اننا كنا نحتفي بالقصيد ايما احتفاء . حيدر بتاع ترجمة ان كنت ذكره انتهي به السودان لمعلم بناء ماهر التقول شغال ليهو مية سنة . وحيدر كان افضل من يقرأ الشعر ليتحول بقدرة هذا الوطن لمعلم بناء (هو طبعاً ما فارقة كتير مع حيدر اذ انه وهب نفسه من بدري جداً لحكاية بناء الوطن)وبالتالي مافرقت اذ ربما تنجح المسطرينة فيما فشلت فيه الترجمة ولا اسفاً علي زمنه التي قضاها في مقاعد الدراسة .
ـ
انشغلت ياصاحب
أفضي بس وأرجع ليك ولو ما رجعت ارجوا ان تجد لي العذر
|
|
  
|
|
|
|
|
|
|
|
Re: الي محمد في اماراته العربية المتحده . لمتد (Re: خضر حسين خليل)
|
| Quote: معاً من أجل قيام سدي دال وكجبار عشان ما تكون في حاجة سمحة نتذكرها زاتو |
بقيت ماشي كويس....زمان قلنا ليكم بيعوا القضية لحدي ما القضية بقت Expired ولامن بقت ما بتتباع
وأنا كعضو في النادي داك اقوم بواجباتي... اطالب انوالخميس الجاي عايزين خالد شقوري وقيقم كفنان عربي...عشان الغنا بالنوبية برضو تاني ما عايزين
| |
|
|
|
|
|
|
| |
خضر حسين خليل
GamarBoBa
خالد طوكر
فيس بوك
تويتر
انستقرام
يوتيوب
بنتيريست