|
سيف مساعد قائد لواء المهجر بحركة العدل والمساواة الى الميدان لاقتحام الخرطوم
|
كثفت حركة العدل والمساواة تحركاتها العسكرية فى شمال وغرب كردفان وشرق وجنوب دارفور ودمرت متحرك للقوات الحكومة فى خور شروم بسانى فندو طريق نيالا الضعين مستهدفة قافلة للوقود الحكومى ووقود الطائرات ثم الحقتها بمعركة ام سعونة التى تتبع اداريا للضعين وتجاور حدود شمال دارفور وذكرت مصادر حكومية ان القوة المتحركة للعدل والمساواة يقودها نائب رئيس الحركة محمد بحر حمدين المنحدر من مناطق المسيرية فى جنوب كردفان الذى اطلق سراحه مؤخر ا وفى الاثناء تردد ان كثير من الشباب والقيادات فى الخارج توجهو للميدان للتطوع فى القتال وشوهد البودرابى سيف مساعد حازما حقائبه للعبور
|
|
|
|
|
|
|
|
Re: سيف مساعد قائد لواء المهجر بحركة العدل والمساواة الى الميدان لاقتحام الخرطوم (Re: saif massad ali)
|
Quote: وفى الاثناء تردد ان كثير من الشباب والقيادات فى الخارج توجهو للميدان للتطوع فى القتال وشوهد البودرابى سيف مساعد حازما حقائبه للعبور |
.. شاهدتوا إنت واللا جابو ليك ..؟ يعني شفت سيف دا بي عينك حازما حقائبه واللا قاليك سيف إنو حازم حقايبو وماشي ..؟ عشان نكون على بينه .. وبعدين حدد لينا اقتحام الخرطوم واللا أمدرمان .. ؟ لانو لو ناس سيف ماشين يقتحموا الخرطوم .. يكلموا الناس من بدري يحضرو ليهم (موزم) من بدري في اكياس ويختو ليهم جمب اللفة بتاعت سينمة بانت .. ويقولو ليهم قشة ما تعتر ليكم وإنتو في طريقكم للخرطوم .. لكن الزول البجي يشيل الموز دا يكتب تعهد إنو يرجع معاهو سيف مساعد في ايدو اليمين .. ويصورو لينا جمب برج الفاتح رافع الكلاشنكوف لي فوق وعامل مصابعينو كدا (V) .. .. اها إنت ح تمشي في اقتحام أمدرمان واللا لسة ما اتطوعته ..؟
يا جماعة البيعرف ليهو زول من ناس العدل والمواساة ديل يشوف لينا المراسل الميداني خدر الطيب وووين ..؟ الزول دا طول ما منو خبر ..
| |
|
|
|
|
|
|
Re: سيف مساعد قائد لواء المهجر بحركة العدل والمساواة الى الميدان لاقتحام الخرطوم (Re: tmbis)
|
ولدنا تمبس
كيفك
شايفك الايام دي مقبل علي سيف مساعد
سيف مساعد ما قاعد يقول هو عن نفسو شئ
انت ماتصبر شويه امكن تشوفني في التلفزيون من الخرطوم بتكلم وبطالب بعودتك ايها الوطني الغيور
لمن انا كنت بمشي الميدان ياصاحبي تمبس انت كنت شغال اغاني
والميدان والحرب ما مفخرة
وريني بيتكم في امدرمان وين عشان اتصور ليك جنبو ويا حبذا لو قدامو سبيل عشان نشرب المي البارد
الغالي ده انا ما بعرفه لكن الحق يقال شباب المهجر نزلوا السودان ودارفور بالتحديد
يمكن يكون واحد وصل ليهو المعلومة
اسمع شيل السلاح مع الناس عشان تعيد البسمة للمواطن الشريف المغلوب علي امره
| |
|
|
|
|
|
|
Re: سيف مساعد قائد لواء المهجر بحركة العدل والمساواة الى الميدان لاقتحام الخرطوم (Re: amir jabir)
|
Quote: انت ماتصبر شويه امكن تشوفني في التلفزيون من الخرطوم بتكلم وبطالب بعودتك ايها الوطني الغيور لمن انا كنت بمشي الميدان ياصاحبي تمبس انت كنت شغال اغاني والميدان والحرب ما مفخرة وريني بيتكم في امدرمان وين عشان اتصور ليك جنبو ويا حبذا لو قدامو سبيل عشان نشرب المي البارد |
Quote: اسمع شيل السلاح مع الناس عشان تعيد البسمة للمواطن الشريف المغلوب علي امره |
من الذي يكتب بباصوورد المقاتل سيف مساعد إذن .. الحنك البيش دا ما غريب علي .. على العموم: كدي زح لي اسمك دا شوية يا سيف مساعد .. الجربان البكتب بي اسمك دا يا سيف مساعد قوليهو تمبس قاليك .. اليوم البتتصور قدام بيتم بتشرب في الموية .. بشنق نفسو بي الحزام الاسود اللابسو دا .. واجيب ليكم صورة هنا اعمل ليها اتاشمنت .. هو صاحبك دا قايل اي زول بيعرف يشيل السلاح ويتصور بيهو جمب مزاير الناس .. ؟؟
احي انا ياخ .. من البيرة الباردة ..
| |
|
|
|
|
|
|
Re: سيف مساعد قائد لواء المهجر بحركة العدل والمساواة الى الميدان لاقتحام الخرطوم (Re: Mohammed Awad)
|
Quote: يا سارى الليل مأجر باسوردك ليمنو...........؟؟؟ |
.. Quote: يا عمكـ .. أعمل ليكـ غلطة غلطتين ياخ! |
.. دي من ضمن البرتكولات الحربية أو الخطط والتكتيكات الجديدة .. أنا ما عارف الواحد بي باص ووردو واسمو التجاري .. ما عامل حاجة يجي يشيل ليهو باص وورد بتاع مراسل حربي ميداني ناطي في كل المتحركات .. ويدردقو لا ايدو لي كراعو نحو الخرطوم ..؟
Quote: لكن ياتمبس زاتو ربنا حكمتوا بالغة.. ناس يدوهم حزام اسود يقاتلوا بيهو وانت حزامك تنتحر بيهو!! كيف التناقض دا؟؟ |
يا طبنجة .. انا طالع دورة بتاعت حرس شخصية هامة .. عندي تلاتة احزمة .. بلعب اشتباك كويس .. وبنط من العربية بي سرعة ميتين وخمسين درجة فهرنهايت .. لو عندك لي طريقة تعيين .. جزاك الله خير .. لو ما عندك اتوسط لي عند الزول المأجر العدة بتاعت سيف دا .. وعندك كيلو بتاع موز صومالي ..
| |
|
|
|
|
|
|
Re: سيف مساعد قائد لواء المهجر بحركة العدل والمساواة الى الميدان لاقتحام الخرطوم (Re: عصام دقداق)
|
Quote: كثفت حركة العدل والمساواة تحركاتها العسكرية فى شمال وغرب كردفان وشرق وجنوب دارفور ودمرت متحرك للقوات الحكومة فى خور شروم بسانى فندو طريق نيالا الضعين مستهدفة قافلة للوقود الحكومى ووقود الطائرات ثم الحقتها بمعركة ام سعونة التى تتبع اداريا للضعين وتجاور حدود شمال دارفور وذكرت مصادر حكومية ان القوة المتحركة للعدل والمساواة يقودها نائب رئيس الحركة محمد بحر حمدين المنحدر من مناطق المسيرية فى جنوب كردفان الذى اطلق سراحه مؤخر ا وفى الاثناء تردد ان كثير من الشباب والقيادات فى الخارج توجهو للميدان للتطوع فى القتال وشوهد البودرابى سيف مساعد حازما حقائبه للعبور |
.. إنت يا مناضل اسفيري شقيفات ... شاهدت سيف مساعد دا واللا بتجو تكتبو لينا كلام خارم بارم ساااي هنا دا .. من صباحات الله ؟ اي زول يجي يفكها ويكضب ساااي مفترض هو والمكضب عليه .. يدفعوا غرامة .. بعدين اي .. أخبار زي دي .. ما موقعة عليها تراجي أو باصم عليها المستكاوي كخبراء شأن دارفوري .. تعتبر عملية خج .. يمكن أن يتم اعتماد توقيع الاسمو (قريمان) داك في حال عدم وجود تراجي .. شريطة إنو يجيب معاهو اتنين شهود .. يشهدوا إنو (قريمان) دا ايام الانتخابات شاف الناس بي عيونو ديل طالعين من الخرطوم .. انتهى ..
ملحوظة: لو في أي واحد عندو سؤال .. يكتبو في ورقة صغيرة ويديهو لي الزول البيكتب بي باص وورد سيف مساعد دا ..
| |
|
|
|
|
|
|
Re: سيف مساعد قائد لواء المهجر بحركة العدل والمساواة الى الميدان لاقتحام الخرطوم (Re: tmbis)
|
Quote: .. إنت يا مناضل اسفيري شقيفات ... شاهدت سيف مساعد دا واللا بتجو تكتبو لينا كلام خارم بارم ساااي هنا دا .. من صباحات الله ؟ اي زول يجي يفكها ويكضب ساااي مفترض هو والمكضب عليه .. يدفعوا غرامة .. بعدين اي .. أخبار زي دي .. ما موقعة عليها تراجي أو باصم عليها المستكاوي كخبراء شأن دارفوري .. تعتبر عملية خج .. يمكن أن يتم اعتماد توقيع الاسمو (قريمان) داك في حال عدم وجود تراجي .. شريطة إنو يجيب معاهو اتنين شهود .. يشهدوا إنو (قريمان) دا ايام الانتخابات شاف الناس بي عيونو ديل طالعين من الخرطوم .. انتهى ..
ملحوظة: لو في أي واحد عندو سؤال .. يكتبو في ورقة صغيرة ويديهو لي الزول البيكتب بي باص وورد سيف مساعد دا .. |
.............
الكل يعرف من يكون علاء "تمبس"[/red]
| |
|
|
|
|
|
|
Re: سيف مساعد قائد لواء المهجر بحركة العدل والمساواة الى الميدان لاقتحام الخرطوم (Re: على محمد على بشير)
|
Quote: الكل يعرف من يكون علاء "تمبس |
Quote: على الغرابة من أبناء كردفان و دارفور ان يقفوا مع انفسهم و يتخذوا قرارا بان يكون لهم دور محورى فى كل قضايا السودان عموما و قضايا الغرب تحديدا |
.. احاديث .. قريمان في قضايا أهل السودان .. دا كتاب جديد ح يصدر قريبات دي في المنتدى العام لسودانيزاونلاين .. تاليف الكاتب والصحفي .. والمحلل .. قريمـان باشا .. ..
سلامات يا علي .. الزول البكتب بي حساب سيف .. من أمس مشى اخد نومتو .. البيره الكان بيضرب فيها دي .. صدعت بيهو .. خليها بعدما تفك .. تاني عقب بيجي صادي ..
| |
|
|
|
|
|
|
Re: سيف مساعد قائد لواء المهجر بحركة العدل والمساواة الى الميدان لاقتحام الخرطوم (Re: Faisal Elrasheed)
|
Quote: الجزء الاول اسمه قريمان والاقباط المشكله والحل .. الجزء التاني اسمه كيف تصنع كذبه وتصدقه .. الجزء الثالث قريمان والكذب المباح واستجداء الاجاويد .. |
بي صراحة يا فيصل كدا .. قريمان دا بيزعل منك كان حللت ليهو التحليل الكتابي حقو دا .. هو زعلان مني من المرة الفاتت بتاعت الانتخابات ديك .. وكلما يلقاني في حتة مطرف .. يقول لي ما عايز معاك كلام .. لذلك .. الزول دا ما تزعلو .. عشان ما يقرر مقاطعتك لمقاطعته أهل السودان .. يا إما يجيك في مكانك زي ما قال لي لو عايز توجه ليهو اي سؤال أو نقد في التحليل حقو دا .. أرجو أنك توجهو لي مباشرة .. وأنا بي دوري بقوم بوجهو ليهو .. علشان يوجهو لي تاني .. وأنا أوجهو ليك .. يعني بي صراحة كدا: أنا مسؤول الأمن الخاص بي قريمان .. وطبنجة .. ماسك وزارة الري والازيار في التشكيل الوزاري الجديد بعدما الناس تطلع من الخرطوم في قوافل منظمة .. زي طلعته بتاعت المرة الفاتت .. كان عندك سؤال لي .. ممكن عادي تسالني .. عندك سؤال لي قريمان .. ممكن تسالني بي شكل مباشر ..
| |
|
|
|
|
|
|
Re: سيف مساعد قائد لواء المهجر بحركة العدل والمساواة الى الميدان لاقتحام الخرطوم (Re: محمد عبد الماجد الصايم)
|
Quote: الزول دا ما تزعلو .. عشان ما يقرر مقاطعتك لمقاطعته أهل السودان .. يا إما يجيك في مكانك زي ما قال لي |
مره الزول ده يا تمبس لقيته في ملف ضيق ..كان عامل محطة المشتل في بوست بتاع الاقباط .. جا شبكنا الاقباط مظلومين .. والاقباط ما لاقين جنسيات .. والاقباط حرمتوهم الفسيخ واكل الباسطه .. والحكومة قاصداهم وبتحارب فيهم .. والحقو الاقباط في شندي مانعنهم المرقه من البيت ,,وطردوا اولادهم من المدارس .. ياخ انا حست بانه شندي دي بقت زي قد الابره لأخوانا القبطه ديل.. .. قمنا جبنا العده من الورشه وفرتقنا مكنة البوست ولقيناها مخرخه زيت بي تحت وبالجنبات .. غيرنا ليها طقم الاوشاش ..والسبايك ..ووزنه البلوفه .. وبعد التعب ده كله طلعنا معادين للساميه .. واعداء للحقيقه .. واعداء للسودان ... واعدء للامم المتحده .. وحاجات تانيه كده زي شوالين ورق كبار .. وانا واحد من الناس مشي اشتكاني للألفه بتاع الفصل ده .. وشكاني للفرد ..واترسلت فيها ماسنجرات وعملو منها كمية من ال CC ــهـــات ..
ـــــــــــــــــــ ياتمبس بما انك هنا بالانابه عن صاحبنا فخليني اسألك سؤال ميتفيزيقي كلمبظوني كده .. ليه ما عملته بوست في موضوع مياه النيل وازمة المويه الحاصله دي والمصريين المساكين ديل ؟؟ وانت الخبير في الموضوع ده
| |
|
|
|
|
|
|
|