|
|
 بورداب الرياض ( هذه دعوة للمة أسرية شاملة )
|
بورداب الرياض
تحية و سلام
مضى زمن طويل منذ أن تلاقينا
هذه دعوة صادقة لكى يلتئم شمل هذا الجسم في يوم الجمعة القادم
نلتقي و نتفاكر في أمور شتى
هناك أفكار و آراء كثيرة لا تصلح لأن توضع على أرض الواقع إلا بعد أن تنضج على طاولة النقاش الصريح و بعد أن يتم تلقيحها بمداخلاتكم النيرة.
نرجو التداخل هنا حتى اليوم الموعود لنأتي و نحن على بصيرة
دمتم
|
|
  
|
|
|
|
|
|
|
 Re: بورداب الرياض ( هذه دعوة للمة أسرية شاملة ) (Re: ابو جهينة)
|
تحياتي يا ريس ..
جميل أن نجتمع بعد فترة طويلة من الإنقطاع ..
وهي فرصة للم الشمل واللقاء على الهواء الطلق كما كنا نفعل من قبل ..
وكذلك فرصة لتجديد الدماء في اللجنة وتفعيل الكثير من الأنشطة التي توقفت بسبب مشاغل الكثيرين منا ..
وهذه دعوة لجميع الأعضاء للحضور في هذا اليوم للتلاقي والتشاور ..
كما نرجو من الأعضاء المتداخلين إخطار أقرب زول لديه إذا لم يكن متداخل في هذا البوست ..
وكذلك وضع التليفونات لمزيد من التواصل لأن البعض منهم إشتكى في الفترة الماضية من عدم وصول رسائل له ..
اليوم هو الجمعة 28 مايو 2010 بعد الصلاة مباشرةً ..
المكان مخرج 18 الدائري الشرقي موقع الإستراحة يحدد لاحقاً ..
على المحبة نلتقي ..
معتصم دفع الله – اعلام بورداب الرياض ( والله دي من عندي ناجره ساي ) 
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: معتصم دفع الله)
|
نلتقى لنتصافح ونتعارف ونقرب لبعض أكثر وأكثر.. لنعرف اخآ أو اخت لم نلتقيه..ونعرف حال بعض..
نتشايل همومنا بيناتنا..
نتناقش ونفرد مساحات للجمال...
Quote: اليوم هو الجمعة 28 مايو 2010 بعد الصلاة مباشرةً ..
المكان مخرج 18 الدائري الشرقي موقع الإستراحة يحدد لاحقاً ..
على المحبة نلتقي ..
معتصم دفع الله – اعلام بورداب الرياض ( والله دي من عندي ناجره ساي ) |
وزى ماقال الشفيف على المحبة نلتقى..
ليس هناك إرتباط بشىء معين حول ألأكل(الغداء) كل زول يجيب أكل البيت وثيرمس الشاى أو القهوة.
فرصة للأطفال ان ينداحوا..
مزيدآ من المودة...
ما بعرف غايتو مرة شربت قهوة فى إستراحة ماعارف العامللاها منو؟؟غاية فى الروعة ياجماعة ست القهوة دى تجيبه تانى وبنفس النكهة مع العلم بانى لست كييف..
إسماعيل محمد احمد عباس ..وزير إعلام بورداب الرياض((برضو منجورة..أما نجرة معتصم فهو وزير دولة))
تقديرى واحترامى...
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: عبد اللطيف بكري أحمد)
|
| Quote: معتصم دفع الله – اعلام بورداب الرياض (والله دي من عندي ناجره ساي) |
| Quote: إسماعيل محمد احمد عباس ..وزير إعلام بورداب الرياض (برضو منجورة..أما نجرة معتصم فهو وزير دولة( |
صلاح غريبة عمل فيكم خير يا بورداب الرياض.. ياريت الحقوق الأدبية تكون محفوظة..
(أيمن دياب: صاحب معتصم دفع الله اللي صاحب تمبس)..
| |
|
|
|
|
|
|
|
|
 Re: بورداب الرياض ( هذه دعوة للمة أسرية شاملة ) (Re: أيمن دياب)
|
أيمن دياب صاحب معتصم دفع الله اللي صاحب تمبس ..
غريبة داك خارج الحدود لكن نحن ما قاعدين نتعدى الإختصاص لي بره
هسي يجي يقول ليك غريبة الرياض القاهرة الرياض ..
أيمن يا قريبي ..
ألف حمدالله على سلامة العروس ..
ودي فرصة زاتو نحتفي بيك على جنب ..
إن شاء الله يطيب لها المقام ويديم بينكم المحبة والمودة ..
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: معتصم دفع الله)
|
الأخ الريس / ابوجهينة
تحياتي ،
Quote: مضى زمن طويل منذ أن تلاقينا
هذه دعوة صادقة لكى يلتئم شمل هذا الجسم في يوم الجمعة القادم
نلتقي و نتفاكر في أمور شتى |
وإيه الدنيا غير لمة صحاب ؟
نلتقي جميعاً بمشيئة الله في الجمعة المباركة
ونسأل الله أن يجمعنا دوماً في ساعات الخير والفرح والسرور .
شكراً يا ريس ، وعلى الود والمحبة نلتقي بإذن الله .
مودتي ،
( ليمو )
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: حسبو عكاشة)
|
بالنســـبة للغدا و كدا ..
نحن لسع في مرحلة السندوتشـات .. ألا نجيب ليكم مناديل فاين .. او جبنة المراعي ..
بالنسبة للشاي و الحاجات دي اشتراكي مع ود الباوقة ..
الشيرنق بتاع الاستراحة ما بقدر عليهو الايام دي الدنيا نهاية شهر ..
بجي اونسكم لمن تقولوا شكرا .. قصـرت معاكم ..
..
..
محمد حميده - تمامة عدد ..
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: داليا الكباشى)
|
و الله يا ود الباوقة هسع لو كنتو صينين كان الواحد شاف ليكم جرو و لاكديسة من اقرب من ملف ..
..
..
يوسف السماني يا جماعة .. بالله اضربوا ليهو تلفون .. و قولوا ليهو جيب معاك موز ..
منها الناس تعضـي .. و منها نعلنه رئيس العدل و المساواة في الخليج ..
..
..
ود الباوقة .. ما تنسي باقي الخبيز بتاع العقد .. و كان ناس السفارة ختو ليك في الكشف مليونين تلاتة .. جيب لي معاك قميص كاروهات ..
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: ادريس خليفة علم الهدي)
|
معتصم نظم لينا حتة سداسيات خلينا من سباحة ودالصايم الما لقا ليها مايو بمعياره حتى ألأن.
حقو تقسم الفرق عشان اى زول يجى جاهز مايقول ماكلمتونى..
أنا من هسه معاى حسبو عكاشة كان طلع كيشة خلو الطلع كيشة انا رضيان..
توزيع المهام ياجماعة...ياناس اللجنة..لو سمحتم...لازم يتنم تنسيق عبر الهاتف مع بعض..
ألأعضاء الحدد لاتتحسسوا بالله تعالوا والحالة واحدة..خلينا نكسب شوفتكم...
بندى فرصة للناس الما تداخلت لحدى غدآ وبعد ذلك بنتفقده..إن شاء الله..
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: ismeil abbas)
|
| Quote: ألأعضاء الحدد لاتتحسسوا بالله |
ايوه يا جماعة .. الجدد ديل ما تخجلوا .. كل زول يجيب معاهو 200 ريال بالجديد ..
مية تدوها لمعتصم للاستراحة .. و خمسين لود الباوقة دمغة جريح .. و خمسين بعمل ليكم صندوق تختوها فيهم نسميهو صندوق دعم بورداب الرياض .. والله لا حوجك ليهو ان شاء الله ..
..
..
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: ismeil abbas)
|
السداسيات ما بناباها يا سمعة لكن في ناس بخرخرو
غايتو ودالصائم بي معاييرو دي ما معانا ..
| Quote: توزيع المهام ياجماعة...ياناس اللجنة..لو سمحتم...لازم يتم تنسيق عبر الهاتف مع بعض.. |
زي ما إتفقنا يكون في تواصل بالتلفون بين إعضاء اللجنة حتى يوم اللقاء ..
الأسر تجيب غداها معاها حق البيت يعني مافي تكلف ..
الناس الغائبين وبعيدين عن الموقع يتم الإتصال بهم هاتفياً مع إرسال رسائل أيضاً ..
عايزين الأعضاء يجوا بأريحيتهم المعهودة للتلاقي ومناقشة أمر البورداب في ما يهمهم ويساعد على تقوية علائقهم الأسرية وترابطهم ..
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: معتصم دفع الله)
|
الأخ حسبو عكاشة
ســلام... وتحايا
| Quote: و زي ما قال البشاري : العزابة بقسمو معاكم ولا ناكل باسطه |
اولا مرحب بيك في بورداب الرياض وسوف نسعد بالتعرف عليك 
(الأمين العام لعـــزابة بورداب الرياض)
يا أخـــوي العزابة السغيلين ديل زول هببوا ليهم ما في
....
...
_______
النجيضة جيب معاك فــردة الويست وتعال.. ولو حريف بزاملك في التربيزة
شباب حلوين وزي الورد
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: abdulhalim altilib)
|
أخي العزيز / أيمن دياب
تحياتي ،
Quote: للأسف هذه المرة الثانية التي يصادف فيها ارتباطي بالعمرة مناسبة للبورداب..
أعتذر لكم مسبقاً عن عدم الحضور.. |
مافي طريقة تأجيل أو تزويغة كده واللا كده ؟
خاصةً وأن الحكاية مفتوحة و طوال العام وطبعاً (الأعمار بيد الله) ؟!
وده كلو من عشم اللقيا ؟!
مودتي ،
( ليمو )
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: abdulhalim altilib)
|
Quote: مافي طريقة تأجيل أو تزويغة كده واللا كده ؟
خاصةً وأن الحكاية مفتوحة و طوال العام وطبعاً (الأعمار بيد الله) ؟!
|
للأسف الشديد يا(ليمو) مافي طريقة تأجيل..
لأني مرتبط مع واحد بسيارة خاصة مريحة وليس حملة..
جربت الحملات وكانت متعبة جداً والرحلة شاقة..
وان شاء الله نعوض ملاقاتكم في أقرب فرصة..
وآسف مرة ثانية لأني خذلت عشمك النبيل..
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: علي الكرار هاشم)
|
أخي / علي الكرار
تحياتي ،
Quote: يا جماعه
شوفوا لينا زول يغني
عاوزين عرضه مع خالد الارباب |
ما عندي مانع أضحي بمستقبلي الفني (؟!) وأغني ليكم
بس لازم تجيبوا معاكم سماعات أو قطن (لزوم عدم السمع) ؟!
(ويا خوفي من سوط ود المحرب كان سمع صوتي ؟!)
يا أخوي علي يوم الجمعة بالذات المديح فيهو أحلى
وعلى ضوئه : (الساهوريون يمتنعون ) ؟!؟!
مودتي ،
( ليمو )
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: محمد عبد الماجد الصايم)
|
تحية للجميع ..
الشباب البسأل عن يوم الخميس نسبةً لقصره وقد يكون معظم الأعضاء يعملون فيه لوقت متأخر لا تمكنهم ظروفهم من الحضور بدري لذلك يوم الجمعة قد يكون مناسباً لإتساعه من بعد صلاة الجمعة إلى وقت متأخر من الليل وحتى الذين لديهم إرتباط يمكنهم أن يحصلوا باقي اليوم ..
نلتمس منكم العذر وودنا أن تكونوا معنا وهي فرصة لتلاقي الجميع المحاربين القدامي والجدد ..
وهذه بداية ونحتاج لرأي الجميع في المرات القادمة في مسألة التوقيت حتى تكون اللمة شاملة ..
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: طارق ميرغني)
|
يا سلام على هذه الحميمية و الجمهرة السمحة
كما عهدناكم تتنادون للمة الأسرية في وقت قياسي
أشكر كل المتداخلين هنا فردا فردا ، و دايما ملمومين على الخير
و عذرا للغياب الذي كان بسبب قسري للغاية عن البورد و النت عموما
مرحب بكل الضيوف الجدد و نتمنى رؤيتهم في اللمة
أين بقية العقد الفريد ؟ سنواصلهم هاتفيا
نتمنى لإبن /عمر الفاروق عاجل الشفاء. و دعواتكم له
معتصم دفع الله : الكروركي سريع يا وزير الإعلام
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: محمد عبد الماجد الصايم)
|
أرجو لكم اجتماعًا مُوفّقًا بكلِّ خيرْ ، وساعاتٍ يَملؤها الْـفَـألُ والْبِشْـرُ والنَّقاء .
بكلِّ أسف ، سأكونُ خارجَ الرِّياض ، وتَحديدًا في ذلكَ اليوم ، ( وإنْ شاء الله الْموضوع الطّالع عشانو دا يجلِّي ،عشان أقدر أنضَم إلى رَكْبكم وأقابلكم وأكون معاكُم ) .
لكم تحيَّتي .
___________
* أبا جُهيْنَةَ ، صديقيَ الْعزيز ، أشكُرُ لكَ اتّصالَك ، فقد كنتُ نائمًا حينَها ، وسأرُدُّه لكَ الْيوم ، فعادتي النَّوْم باكرًا ، لأنَّ دوامي يبدأُ في الثَّالثةِ والنِّصف من صباحِ كُلِّ يوم، ولَرُبَّما الْجايات أكتر من الرَّايحات .
| |
|
|
|
|
|
|
|
|
|
Re: بورداب الرياض ( هذه دعوة للمة أسرية شاملة ) (Re: محمد عبد الماجد الصايم)
|
Quote: محمد زين!
تلاتة ونص شنو ياخ! بقيت مؤذّن؟
غايتو لو ما البلد دي (لا يؤذن ديوكها للفجر)
كان قلت ليكـ حاجة تانية! |
واللهِ يا ودّ الصّايم ، أخوك شغّال بتاع كواليتي كونترول ، يعني أوّل زول من صباحات الرّحمن بتلقاهو يفتح السيّارات قُبّال الْعمّال ، وهاك يا سيّارات اللُّحوم المُجمّدة وسيّارات الْخُضار وسيّارات الألبان والأ######## المُبرّدة وسيّارات الفواكه ، ويتم فحصهِنْ كلّهِنْ من جانبي ، حَتّين بعد دّاك أقول للجماعة أوكّي يتم توزيعها للعملاء وللْمعارض ، شفتَ كيف آخُويْ ، يعني أخوك بيّاع لبن جَدْ جَدْ، وواللهِ يا ودّ الصّايم يا خُويْ من كترة دخولي في سيّارات التَّبريد والتَّجميد وفحص أجهزة التّبريد ومعايراتها لمّن جاتني جيوب أنفيّة وصُدَاع شبه يَومي ، وغايتو خلّها على ربّك بس ، والْعِجَبْ أكّان في تلاجة من تلاجة معارضنا اتعطّلتْ بالدّمام أوْ جَدّة ، على طول يجيك الْخبر بإنُّو التلاجة تعطّلت أها بعد دّاك الْواحد يبقى في بَصَارة السّفر إلى هُناك للْمُعايرة بعد أنْ يقوم تيم الصِّيانة بصيانتها، وهكذا * دواليبك زَيْ ما قال واحد صاحبنا زَمان .
______________
* قاصِدًا دَوَالَيْكَ .
| |
|
|
|
|
|
|
| |
ابو جهينة
ismeil abbas
د.محمد حسن
داليا الكباشى
الامين موسى البشاري
Yousif A Abusinina
محي الدين الريس
humida
علي الكرار هاشم
نادر النور آدم
محمد عبد الماجد الصايم
موسي عيسي
صالح عبده
معتصم دفع الله
السيد أحمد إبراهيم
ادريس خليفة علم الهدي
Khalid Saeed
abdulhalim altilib
mahmed alhassan
حسبو عكاشة
سيف بخيت موسي
ايهاب نميري
مجدي عبدالرحيم فضل
عمران حسن صالح
محمَّد زين الشفيع أحمد
فيس بوك
تويتر
انستقرام
يوتيوب
بنتيريست