|
|
 ادفع يا خليل فهذا شأنك .... ولكن
|
اضغط يا خليل فهذا شأنك واخوانك الاسلاميين، ولكن ليس بالقدر الذي
يتيح للحكومة ان تعلن حالة الطواريء، فانت لست وحدك في الميدان
اعلان حالة الطواريء قد لا يضرك بشيء، فانت وقواتك تعملون في ارضية
اساسا بها اعلان حالة طواريء ويطبق فيها قانون حالة الطواريء، ولكن
سيتأذى منها معارضون آخرون، اضف الى ذلك ان النظام سيستفيد منها
لضرب المعارضين بقوة. فالنظام سيكون الكاسب الوحيد.
وقد بدأ النظام بالامس بث اشاعة ان قواتكم تحتمى بالقرى واتخاذكم
للمدنيين دروع بشرية، وهذا سيفتح الباب مجددا لضرب القرى وحرقها
وتشريد واغتصاب وقتل جماعي ونعود الى مربع ايام جحيم دارفور.
ان كانت قواتك عددها 10 الف ففي السودان 10 مليون لم يصوتوا في الانتخابات
تذكر دائما، انت لست وحدك في الميدان.
|
|
 
|
|
|
|
|
|
|
|
Re: ادفع يا خليل فهذا شأنك .... ولكن (Re: أحمد ابن عوف)
|
10 مليون منو يالحبيب
كان عندة 3000 استسلموا 1500 بقا لية 1500 ةمنهم من قتل ومن من هو شارد وهارب وسيتم احتثاثة قريبا
خليل ما عندة شي واحسن لية يمشي دارفور ويجلس مع اخوانة من دارفور ويتفقوا على سياسة واحدة وان يطرد افكارة العنصرية واقصاء الاخرين
اما اذا اراد حربا فعلية ان يخرج من القرى ويحارب كما يحارب الرجال
| |
|
|
|
|
|
|
|
|
|
Re: ادفع يا خليل فهذا شأنك .... ولكن (Re: Elsheikh Mohd Aboidris)
|
الاخ الشيخ محمد
| Quote: 10 مليون منو يالحبيب |
ديل الما صوتوا في الانتخابات، ذكرت ان خليل على احسن
الفروض عنده 10 الف
وفعلا اذا وصل مرحلة اليأس، فقد تكون ضربتة قوية، وهذا ما لا نريده
وانا في دعوتك دي
| Quote: واحسن لية يمشي دارفور ويجلس مع اخوانة من دارفور ويتفقوا على سياسة واحدة وان يطرد افكارة العنصرية واقصاء الاخرين |
بقول له نفس الكلام
بل ونزيد على اخوانه في دارفور ان يتفق ويحرك الاتفاق السياسي
الذي وقعه مع صاحب الجهاد المدني السيد الصادق المهدي
المهم، النظام لا يجد زريعة لاعلان حالة الطواريء وهذا ما يهمني
وبالمناسبة، خليل عنده قوات جوه الخرطوم، واتحدى جهاز الامن ان يعترف
بانهم قبضوا على كل الذين نفذوا عمليه الذراع الطويلة
تحياتي
| |
|
|
|
|
|
|
|
|
|
Re: ادفع يا خليل فهذا شأنك .... ولكن (Re: أحمد ابن عوف)
|
انا معاك انا هناك خلايا نائمة داخل الخرطوم ومنهم من قبض علية ومنهم من هو طليق
بس المومن لا يلدغ من جحر مرتين
اذا فكر خليل فى التوجة للعاصمة سيجد ما لا يتخيله ابداً
انا مع الحل السياسي بس خليل ما عايز اى شخص اخر غيرة يتفاوض وكان اهل دارفور فوضوة
علية ان يجنح للسلم وان يذهب للدوحة لتحقيق سلام شامل لاهلنا فى دارفور
| |
|
|
|
|
|
|
|
|
|
Re: ادفع يا خليل فهذا شأنك .... ولكن (Re: Elsheikh Mohd Aboidris)
|
| Quote: انا معاك انا هناك خلايا نائمة داخل الخرطوم ومنهم من قبض علية ومنهم من هو طليق |
ما هو دا الخايفين منو زاتو
وزير العدل اعترف واعلن واصدر قائمة بالمطلوبين 21 شخص
لا ادري ان كانوا هم انفسهم الذين تم اطلاق سراحهم كبادرة حسن
نية عند بداية المفاوضات ام لا. لكنه مؤشر لوجود قيادات
داخل العاصمة، فخليل الدباب لا يحتاج ان يجتاح ويسير 1400 كلم
مجددا، الطابور الذي ارسله بقاياه موجوده
العودة الى الدوحة، مرغوب، ولكن ليس على حساب اهل دارفور
السلطة تريد توقيع اتفاقية سلام مع المتمردين ولكن تترك النازحين 4 مليون
مواطن يكابدوا شظف العيش في خيامهم، سلام لا يحقق انصاف لهؤلاء المساكين
لا نريده، ان كان في الدوحة او الخرطوم او واشنطن.
| |
|
|
|
|
|
|
|
|
|
Re: ادفع يا خليل فهذا شأنك .... ولكن (Re: أحمد ابن عوف)
|
نحن مع حقوق اهل دارفور
بس يا اخوي خليل لا يبحث على مصالح اهل دارفور بل يبحث عن مصالحة هو فقط وان كان يستخدم ستار مصالح اهل دارفور
والا لماذا يرفض التفاوض مع المجموعات المتمردة الاخرى
انا بقولها وباعلي صوت يجب الحفاظ على مصالح وحقوق اهلنا فى دارفور ويجب ان يعوضوا وان تبنى لهم المدارس والقرى والمدن والطرق وتوفير كل ما يحتاجونة
ومحاربة كل منله يد فى ازهاق اي مواطف من دارفور بما فيهم الحركات المتمردة
فيجب ان تكون هماك جدية وان نجلس لحل مشاكلنا للمصلحة العامة وتجنيب المصالح الشخصية
| |
|
|
|
|
|
|
|
|
|
Re: ادفع يا خليل فهذا شأنك .... ولكن (Re: Elsheikh Mohd Aboidris)
|
حبايبنا سلام
المشكله ان الحكومه تنظر للمشكة بمنظور امني ضيق ومطالب اهل دارفور هو اخر همومها
الحكومه للاسف تناور وغير جاده في تحقيق السلام
صنع حركات وهميه وطلب خليل التحالف معها ماذا يستفاد منه غير تمييع القضيه
يا اخي الرشاوي التي تدفع بسخاء لكل من هب ودب كانت حلت جزء من المشكله
تحياتي
| |
|
|
|
|
|
|
|
|
|
Re: ادفع يا خليل فهذا شأنك .... ولكن (Re: محمد طاهر تكنه)
|
الاخ محمد
اقصاء الاخرين هذا كارثة
من قال لك بان الحركات المتمردة فى دارفور هى وهمية
هذة حركات متمردة مسلحة نعم صغيرة بس موجودة ويجب التعامل معها كلها
فعلى خليل ان كان جادى وعايز سلام ان يجلسوا مع بعض ويضعوا مصلحة السودان ودارفور امامهم
خليل عايز يستاثر بها لوحدة
| |
|
|
|
|
|
|
|
|
|
Re: ادفع يا خليل فهذا شأنك .... ولكن (Re: Elsheikh Mohd Aboidris)
|
الاخ الشيخ محمد
شكرا لمواصله الحديث ومشاركتك القيمة
| Quote: انا بقولها وباعلي صوت يجب الحفاظ على مصالح وحقوق اهلنا فى دارفور |
وانا بقول ليس حقوق اهل دارفور فقط هي الضائعة، حقوق اهل السودان كلهم ضائعة
وبسبب قضية دارفور الناس كلها تأذت منها
انا لا كنت كوز ولا ح اكون كوز في يوم من الايام
خليل عنده مشاكل مع نظام هو نفسه كان جزءا منه، غرضي من البوست لا اتفاق سلام
لا دوحة لا يحزنون
انا ما داير صراع الاسلاميين دا يكون على حسابي وعلى حساب مزيد من التسويف من جانب
المؤتمر الوطني
خليل دا لو عمل ليهو حركة حركتين المؤتمر الوطني تاني يوم بعلن
حالة الكواريء وعينك ما تشوف الا النور
عارف يعني شنو اعلان حالة الطواريء؟ يعني اولا (وامكن القانونيين يفيدونا اكتر)
هو تجميد العمل بالدستور
تجميد العمل بالدستور يعني تأجيل الاستفتاء وعيييييييييك وهذا ما يريده المؤتمر الوطني
شايف القصص بتجر كيف؟؟ وزي ما بقول المثل المصائب لا تأتي فرادى
| |
|
|
|
|
|
|
|
|
|
Re: ادفع يا خليل فهذا شأنك .... ولكن (Re: أحمد ابن عوف)
|
دكتورنا محمد تكنه
تحياتي يا حبيب
| Quote: الحكومه للاسف تناور وغير جاده في تحقيق السلام |
ودا شيء احنا متأكدين منو
يعني في زول لسه ما ادى القسم وبدأ يسلخ في جلود الناس في بيوت الاشباح
ممكن يكون نظام ساعي لسلام؟؟
قطعا لا، لذلك نريد من حملة السلاح ان لا يمنحوا هؤلاء العذر لتضييق الخناق
على الشعب السوداني
خنقنا ياخي، وخليل انا ما خاصيني يحل مشكلته مع النظام كيف، منهم وفيهم
بس ما على حسابناوعلى حساب اهل دارفور
زي ما قال اخونا محمد الشيخ
يمشى يطلع ليهم الخلا ويلاقيهم هناك
| |
|
|
|
|
|
|
|
|
|
Re: ادفع يا خليل فهذا شأنك .... ولكن (Re: أحمد ابن عوف)
|
شكرا يا احمد ابن عوف
Quote: ان كانت قواتك عددها 10 الف ففي السودان 10 مليون لم يصوتوا في الانتخابات
تذكر دائما، انت لست وحدك في الميدان. |
خليل يعلم وحركته تعلم ان جموع الشعب السوداني مغيبه فعلا
ويعلم يا احمد انه ليس المناضل وحده
وفعلا فوق ال 10 مليون سوداني كلهم رافضين لهذا النظام.
معا لنكون صوتا لهم.
| |
|
|
|
|
|
|
|
|
Re: ادفع يا خليل فهذا شأنك .... ولكن (Re: Tragie Mustafa)
|
الاخ العوض
تحياتي
Quote: الأخ العزيز أحمد ابن عوف
كيزان في الحيكومة
وكيزان في السجن
وكيزان في المعارضة المسلحة
و(الشعب الوحيد ال بره اللعبة)
الله يستر على البلد
من الكيزان |
كلهم ليهم يوم وهم عارفين كويس
الشعب ما بره اللعبة، لان الشعب هو من سيحسم المعركة الاخيرة
بس دا شعب صابر صبر غريب ياخي
| |
|
|
|
|
|
|
|
|
|
Re: ادفع يا خليل فهذا شأنك .... ولكن (Re: أحمد ابن عوف)
|
تحياتي يا تراجي
وسلام كتير
Quote: خليل يعلم وحركته تعلم ان جموع الشعب السوداني مغيبه فعلا
ويعلم يا احمد انه ليس المناضل وحده
وفعلا فوق ال 10 مليون سوداني كلهم رافضين لهذا النظام.
معا لنكون صوتا لهم. |
شايفك تتدافري فيهو وانا بقول ليهو ما تدوس على الابنص شديد
الاختلاف لا يفسد للود قضية يا سيدتي
المرحلة حساسة واي تصرف او تحرك يجب ان يكون محسوب جيدا
تحياتي
| |
|
|
|
|
|
|
| |
أحمد ابن عوف
محمد طاهر تكنه
Elawad Eltayeb
Tragie Mustafa
فيس بوك
تويتر
انستقرام
يوتيوب
بنتيريست