|
|
 احتفالات دار جعل بالسعودية ( الرياض ) بفوز المشير البشير وصحبه الأبرار ( صور )
|
بحضور سعادة السفير احمد يوسف واركان سفارته بالرياض
ودكتور عمر الشيخ الاصم رئيس المؤتمر الوطني ونائبه
الاستاذ نور الدين مكي وعدد من قيادات المؤتمر الوطني
بالمنطقة الوسطى ووجهاء رجال المجتمع المدني بالرياض
احتفل ابناء ولاية نهر النيل بفوز المشير عمر حسن
احمد البشير ومرشحي الولاية وذلك بقاعة الريفيرا
بالرياض حيث احتشد ابناء الولاية الأوفياء شيوخهم ونسائهم
شبابهم واطفالهم فرحا بفوز المشير البشير ورفاقه الميامين
هذا وقد سهر الجميع حتى ساعات الصباح الاولى على ايقاع المنطقة
المشهورة باغاني الحماس والصقريات المكربة...
|
|
 
|
|
|
|
|
|
|
|
Re: احتفالات دار جعل بالسعودية ( الرياض ) بفوز المشير البشير وصحبه الأبرار ( صور ) (Re: ود الباوقة)
|
هؤلاء هم اهلك ابناء دامر المجذوب يا سيدي الرئيس
وطف حول هاتيك الجزيرة وانحدر الى الشاطئ الساجي الى حيث نشعر
بأنا تعالينا تسامت نفوسنا ورقت فلا نأسى ولا نتكدر
وان جاب بين النيل والروض مظهر من الحسن يتلو الحسن وانجاب مظهر
تألقت الأرواح صفوا ورقة وتاقت الى ما ليس يبدو وينظر
وان امتع الركب الشراع بظله ت غمدهم ظل من الروض ينشر
وكم هو خلاب نهر النيل في الليل وفي الفجر بالدامر
ذهبنا واذيال الظلام ندية وأُبنا ووجه الكون ريان أزهر
اذا نظر نادي من الفلك داعياً بنضرته ناجاك من الأفق منظر
ترى الطير كالأضواء تبدو وتختفي واشجى السنى ما كان يخفي ويظهر
سرى في الوهاد الظل من كل سامق اذا الفجر من عليائه يتفجر
شياتُ من الارجاء ينظمها الضحى فتدنو ولكن في العشيات تنثر
الا ايها الكون البهيج احمراره بربك ما هذا الجمال المبعثر
صحا الفجر مزهوا فغرد طيره وحياك مخضل من الروض اخضر
تنقل فؤادي واقتبس كل رائع من الصبح ان اليوم اندى وانضر
افق قد تجلي الكون وافتر ضاحكا واحيا روابيه النسيم المعطر
وفجرت الانوار من كل مشرق فسبحت الاطيار الله اكبر
| |
|
|
|
|
|
|
|
|
|
Re: احتفالات دار جعل بالسعودية ( الرياض ) بفوز المشير البشير وصحبه الأبرار ( صور ) (Re: ود الباوقة)
|
تقع في أقصى جنوب ولاية نهر النيل وتعتبر مدخل الولاية من الجنوب وتبعد عن العاصمة الخرطوم حولي مائة كيلو متر شمالاً وتبدأ من الشلال السادس (السبلوقة) إلى البسابير شمالاً على الضفة الشرقية لنهر النيل ويبلغ عدد سكانها حوالي ثمانون ألف نسمة تقريباً وتضم أكثر من واحد وعشرون قرية وبها العديد من المدراس مرحلة الساس والمرحلة الثانوية والعديد من المراكز الصحية والمستشفيات الريفية وتعتبر من المناطق الزراعية الهامة في الولاية إذ يعمل معظم السكان بالزراعة وأهم المحاصيل الزراعية هي الفول المصري والبصل والفاصوليا والقمح والخضروات التي يسهل تسويقها إلى الخرطوم ويقطن هذه المنطقة العديد من القبائل منها[الجعليين] إذا يعتبرون من أهل المنطقة الاصليين بالإضافة (للشايقية) والعديد من القبائل الأخرى ومن أهم قرى المنطقة (حجر العسل) والتي تتكون من العديد من ا لقرى والتي تشكل مع بعضها البعض منطقة حجر العسل وسط وهي حلة عمر وابو قيدوم وابو طليح والمريوة والديوماب وهي تعتبر عاصمة المنطقة والتي بهاسوق حجر العسل والمجلس المحلي ومركز للشرطة والبنك الزراعي والمحكمة الفرعية والعديد من المدارس الثانوية والأساسية والاندية الرياضية والمراكز الشبابية بالإضافة الي مستشفي حجر العسل والعديد من الورش والمحال التجارية المتنوعة وكذلك قرية الزراقنة والكندرية [[والعمدة]] وتندلتى {حلة طفار} والوادي السعيد وعميرية والجزيرة أم جركى والحميداب والحساناب وأولاد حسان ووداي الدومة والشيخاب والفقيراب والزرق والبسابير وقلعة ود جمال وأخيرا الملاحة وجميع هذه القري تشكل منطقة شمال حجر العسل اما منطقة جنوب حجر العسل والتي يطلق عليها غرب الجبل والتي تسكنها قبائل الحسانية والحسوناب والجعليين فتتكون من اللديات والتي تتكون بدورها من قري اخري صغيرة وكجينة والدنكوج وأب جداد وسنقي وبندي والسقاي والمسيكتاب وأخيرا السبلوقة..وابرز منطقه في حجر العسل تمثل الشايقيه الاصلين هي قرية (حلة عمر)اما ابرز قرية تمثل الجعليين الاصليين فتعتبر المسيكتاب بالإضافة للزرق
| |
|
|
|
|
|
|
|
|
|
Re: احتفالات دار جعل بالسعودية ( الرياض ) بفوز المشير البشير وصحبه الأبرار ( صور ) (Re: ود الباوقة)
|
Quote: تميل زينوبة زى البان يمين وشمال تودى الطوق
واخوان ام شلخ ينكبو جوه الداره
زى صقرا نزل من فوق
ضرب الصوت والركزة بيفرق الناس
عشان زينوبة ما بتحوق
وعاد تتحزم الجنيات وتتنظم تقيف في روق
وكل واحد يهز ضرعاتو والحجبات تزح لافوق
جفير الخوسة فايت الكوع
وسيرو مع العضل مطبوق
والطاقية تحت الحاجب المعقود
هدية أم زين وما مشرية من السوق |
صناديقنا خجيتوها
أصواتنا سرقتوها
حتى اشعار مبدعينا تسرقوها على عينك يا تاجر
لو حبيت نرفدك باخر ابداعات
الأخ محمد بادى الشعرية ما عندنا مانع .
انتو يخربكم ما عندكم مبدع ...؟؟؟
| |
|
|
|
|
|
|
|
|
|
Re: احتفالات دار جعل بالسعودية ( الرياض ) بفوز المشير البشير وصحبه الأبرار ( صور ) (Re: talha alsayed)
|
سبحان الله....
تعرف أحمد الياس دا منو دا يا ود الباوقة عشان تسئ ليه؟؟
ردك عليه بورى أنك مابتعرف الجعليين وبيثبت كلامو...
وحقوا كان تاخد سؤاله بظاهره وترد عليه لأنو ليه ألف حق يسأله..
أنا ما بعرفك عشان أعرف علاقتك بالجعليين..
لكن البشير لا يشرفنا ولا ينتمى لنا..
ولمعلوميتك ومعلومية كل أتباع المؤتمر الوطنى الشايلين أسم الجعليين وحايمين بيه... أنتوا والله عار علينا نتبرأ منه صباحا ومساء..
ولو ما عارف نوريك..
صاحب المداخلة النبذتو دا هو أحمد الياس حفيد الأمير الياس باشا أمبرير...بتعرفو؟؟؟ لوما بتعرفوا حقو ما تجيب سيرة الجعليين تانى ؟؟؟ لأنو الزول البيفتخر بى ثقافة حقو يعرف رموزها...أولا.. ثم التحلى بى أخلاقها تانيا....وريناك هو منو مش عشان فيه نقيصة يتمها بى سيرة جدو...ولا تفاخر جاهلية .. لكن عشان نوريك أنو ليه ألف حق يسأل عن هوية الناس الشايله أسم أهلو وسيرتهم، البنوها أمثال جدو، عشان يتمو بيهم نقيصتهم كان أنت ولا البشير ولا أى سياسى صاحب غرض...
ولو ما صاحب غرض ورينا ..
و أبقى جعلى صحى وأعتذر للزول دا ..
أنتو الجعلية دى قايلنها شنو ... عرضة وفشخرة.... ولا أخلاق رجال وأحترام للناس؟؟؟
اللهم لا تبلينا بعمايلكم وأقوالكم يارب..
ويا ود الياس تحياتى و بنعتذر ليك نحن..
ودى للجميع
سيف مصطفى
| |
|
|
|
|
|
|
|
|
|
Re: احتفالات دار جعل بالسعودية ( الرياض ) بفوز المشير البشير وصحبه الأبرار ( صور ) (Re: Wasil Ali)
|
Quote: سبحان الله....
تعرف أحمد الياس دا منو دا يا ود الباوقة عشان تسئ ليه؟؟
ردك عليه بورى أنك مابتعرف الجعليين وبيثبت كلامو...
وحقوا كان تاخد سؤاله بظاهره وترد عليه لأنو ليه ألف حق يسأله..
أنا ما بعرفك عشان أعرف علاقتك بالجعليين..
لكن البشير لا يشرفنا ولا ينتمى لنا..
ولمعلوميتك ومعلومية كل أتباع المؤتمر الوطنى الشايلين أسم الجعليين وحايمين بيه... أنتوا والله عار علينا نتبرأ منه صباحا ومساء..
ولو ما عارف نوريك..
صاحب المداخلة النبذتو دا هو أحمد الياس حفيد الأمير الياس باشا أمبرير...بتعرفو؟؟؟ لوما بتعرفوا حقو ما تجيب سيرة الجعليين تانى ؟؟؟ لأنو الزول البيفتخر بى ثقافة حقو يعرف رموزها...أولا.. ثم التحلى بى أخلاقها تانيا....وريناك هو منو مش عشان فيه نقيصة يتمها بى سيرة جدو...ولا تفاخر جاهلية .. لكن عشان نوريك أنو ليه ألف حق يسأل عن هوية الناس الشايله أسم أهلو وسيرتهم، البنوها أمثال جدو، عشان يتمو بيهم نقيصتهم كان أنت ولا البشير ولا أى سياسى صاحب غرض...
ولو ما صاحب غرض ورينا ..
و أبقى جعلى صحى وأعتذر للزول دا ..
أنتو الجعلية دى قايلنها شنو ... عرضة وفشخرة.... ولا أخلاق رجال وأحترام للناس؟؟؟
اللهم لا تبلينا بعمايلكم وأقوالكم يارب..
ويا ود الياس تحياتى و بنعتذر ليك نحن..
ودى للجميع
سيف مصطفى |
أتركوها
فانها بغيضة
خلونا داخل الولاية التي تضم مجموعات متجانسة وراقية وتعيش في سلام
نحن يشرفنا جدا جدا أن يكون البشير من نهر النيل
ومن لا يريد هذا الشرف
فهو حر
| |
|
|
|
|
|
|
|
|
|
Re: احتفالات دار جعل بالسعودية ( الرياض ) بفوز المشير البشير وصحبه الأبرار ( صور ) (Re: علي الكرار هاشم)
|
Quote: أتركوها
فانها بغيضة
خلونا داخل الولاية التي تضم مجموعات متجانسة وراقية وتعيش في سلام
نحن يشرفنا جدا جدا أن يكون البشير من نهر النيل
ومن لا يريد هذا الشرف
فهو حر |
الأخ على
سلام
طبعا بغيضة..
لكن لما السياسة تتعدى حدودها والناس تخلط ألانتماءات لأغراضهم ما تتوقع الناس البيتهبشو فى صمة خشمهم ممكن يسكتوا؟؟
ولما عدم سكاتهم دا يجيب أساءات .. ما أظن نتركها ألا بعد أعتزار المسئ أو محاسبته...
البوستات الزى دى ما بحبها وما عندى ليها وكت...
لكن أساءة الأخ ود الباوقة للأخ أحمد حرقتنى ..ومانى مفارقو تب..؟؟
دى مش أصول التعامل البتفشخر بيها دى ولا أنا غلطان؟؟
بخصوص كلامى عن أنتماء البشير ما قصدت منو أى حاجة سلبية بسبب عدم أنتمائه للجعليين.. فهى حقيقة تقريرية.. أما عدم تشرفى به فهو بسبب عمايله مثله ومثل ناسنا المن لحمنا ودمنا ويشاركوه عمايلو فلا أتشرف بهم وكلامى دا عارفنو وفايت أضنيهم....
بعتذر ليك عن أى فهم سلبى ما مقصود...
لك تحياتى
سيف مصطفى
| |
|
|
|
|
|
|
|
|
|
Re: احتفالات دار جعل بالسعودية ( الرياض ) بفوز المشير البشير وصحبه الأبرار ( صور ) (Re: Ahmed Elyas)
|
سلام جميعا
مثلما يكون في كل مجتمع او قبيلة ما اشخاص ينتمون لحزب معين
يكون هناك جمع آخر له تصورات آخرى
شخصيا انحدر من ديم القراي التي وردت في احد صور ود الباوقة اعلاه
انا ضد البشير و مؤتمره الوطني و سابقته الجبهة الاسلامية و لا يمثلون
عندي الا كل صور بغيضة عن الجرائم القتل و الفساد في كل المجالات ففي ظل
هذا النظام هجر ملايين السودانيين و انا من بينهم و قتل ملايين آخرين
التحدث باسم اهل القرية بهذه الصورة و باسم القبيلة كلها كمساندة
للبشير امر فيه تزوير ضخم للغاية و هو مرفوض تماما
الامانة كانت تستدعي القول حزب المؤتمر الوطني في الشمالية تحتفل
بفوز البشير.. و هذا حق لكل من ينتمي لهذا الحزب في هذه المنطقة
امر مؤسف ان تنحدر السياسة للمستوى القبلي فهذا سيجر ويلات
كبيرة في المستقبل القريب
| |
|
|
|
|
|
|
|
 Re: احتفالات دار جعل بالسعودية ( الرياض ) بفوز المشير البشير وصحبه الأبرار ( صور ) (Re: Amjad ibrahim)
|
الجعليين الجد ، زيهم زى كل السودانيين الوطنيين المخلصين ، بذلوا الأرواح رخيصة لحماية الأرض والعرض، من زمن المك نمر وحريقة الخديوى اسماعيل باشا وقبله، وحتى زمن البشير الذى بذل الأرض رخيصة للمصريين احفاد الخديوى!!!!!!!!!!!!!!!!!!!!
الجعليين الصح مابرضوا المهانة والذل ، ولو بكلمة وضربة كدوس ، خلى يوطوا لمسح جزم الخديوية الجدد!! زى ما عمل البشير وأعوانه فى الاجرام ،وكل ذلك حماية لشخصه من تبعات الجرائم فى الداخل والخارج فى عهده، وهو المسئول الاول عنها! وصدق أكرم الخلق( كلكم راع وكلكم مسئول عن رعيته) صلى الله عليه وسلم .
الجعليين المؤمنين بالله ورسوله ما داخلين فى زمرة : ( ( من غشنا ليس منا ) كما قال رسول الله صلى الله عليه وسلم .
لكن البشير وأعوانه فى غمرة الاحتفال بانتخابات مزورة بشهادة المراقبين ، وبالأدلة الدامغة، لا بذكروا دين ولا يحزنون!
السبب الدخلنى البوست دة عنوانه المستفز لانتمائى لقبيلة الجعليين، والمخادع ! ولكن للقراء عقول تميز!
وكما ذكر أخى أعلاه من أقوال الرسول الكريم عليه افضل الصلاة والسلام:-( دعوها فانها منتنة)
لكن النتن والعفن من جرائم البشير وعصابته الحاكمة فاح وعم القرى والحضر!!!
ولا ماكدة يأخ ود الباوقة ؟!!!!!!!!!!!!!!!
تحياتى
| |
|
|
|
|
|
|
|
|
|
Re: احتفالات دار جعل بالسعودية ( الرياض ) بفوز المشير البشير وصحبه الأبرار ( صور ) (Re: ود الباوقة)
|
| Quote: في اواخر اكتوبر 2008 طلب البشير من الملك عبدالله شخصيا في زيارته للمملكة الضغط على واشنطن لتفعيل المادة (16) ورفض |
الأخ واصل
سلام
للأسف فعلا سيتم تفعيل المادة دى... ولكن ليس حنية فى البشير ولا لضغوط السعودية.. أمريكا نفسها، وللأسف، ترى أن أستقرار السودان وضمان اكمال تنفيذ نيفاشا بيحتم منح الزول دا شرعية ما...خاصة بعد فقدان الثقة التام فيما يسمى بالمعارضة وأحزابها التقليدية...
ستمتنع أمريكا عن التصويت فى مجلس الأمن بعد أتمام الحبكة..ولن تستعمل حق الفيتو أعتراضا على التفعيل... و عمايل قريشن ليست ببعيدة..
طبعا الحسابات الزى دى.. البشير ومستشاريه الجهلاء من أمثال جهلول نيويورك ما بيعرفوها..عشان كدة بيتذلل لعاهل الوهابية الهمام معتقدا فى مقدراته.. قال الضغط على واشنطن قال..
| Quote: داقين في رؤوس اهل النفاق برمندي |
فى النهاية بيحصل الشايفنو الكبار صاح.. رغم تذلل البشير ومخططات صحبه الأشرار .. وتطبيل الصغار وتمنيهم بطول عمر الملك .والعجيبة أنو دا كلو بيصاحبه الخطاب الأزلى بالعداء لأمريكا...وبلا خجل.. عشرة سنوات ونحن ما عارفين النفاق دا لزومو شنو.. ينبذو أمريكا بالنهار وبالليل يفرشو المطوب منهم وزيادة.. وبرمندى الأخ عمر صديق الفوق دا أظنو بيدق راس النفاق بالقلبة..... حكمة ربنا...نفاق لى نفاق يفرق...
طبعا يا أخونا ود الباوقة من هنا ولى قدام حاأتلحك وأتلح بوستاتك عشان نعرف الجعليين الجد ديل منو... بس أنت والمعاك أركزوا ساكت.
مش أنتو حولتو البورد دا لبربقاندا كيزانية و كمان عايزين تدخلو أهلنا فى العبث بتاعكم دا...؟؟؟
تحياتى
سيف مصطفى
| |
|
|
|
|
|
|
|
|
|
Re: احتفالات دار جعل بالسعودية ( الرياض ) بفوز المشير البشير وصحبه الأبرار ( صور ) (Re: Ahmed Elyas)
|
ود الباوقة
عنوانك
| Quote: احتفالات دار جعل بالسعودية ( الرياض ) بفوز المشير البشير |
وبعد ما جوك اسياد الشيء ذاته
تحولت لهجة البوست الى:-
| Quote: كل محليات الولاية كانت حاضرة في هذا الكرنفال |
ثم كتبت
Quote: الوقفة البطولية لابناء الولاية مع قائدهم
الشجاع عمر حسن احمد البشير
ولاية نهر النيل بكل قبائلها ومكوناتها
|
النجيضة: البلع حصل
ولكن لا يهمك الرجوع للحق فضيلة
الانقاذ مثل الارهاب لا دين ولا قبيلة لها
والمؤتمر الوطني كائن هلامي يجمع الحرامية والاغبياء
وأربأ بك من كليهما
فتخير موقعك مع الشرفاء.
ولك الود
| |
|
|
|
|
|
|
|
|
|
Re: احتفالات دار جعل بالسعودية ( الرياض ) بفوز المشير البشير وصحبه الأبرار ( صور ) (Re: ود الباوقة)
|
الأخ عمر ود الباوقة المحترم
لا يوجد عيب في عرض نشاطاتكم وهي مجال تقدير واحترام
ولكن مما لا يحسب لصالحكم أن تحصر ذلك في أوصاف غير مفيدة لكم
بكل تأكيد الحوار الذي تفضل به الإخوة أعلاه كان يمكنك تفاديه بإبتعادك عن نسبة الإحتفال إلى دار جعل وانت تعرف المأساة التي نتجت من جرجرة قرية المتمة إلى معمعة المجازر في جنوب البلاد لكي تتناثر أجسادهم في الميل أربعين الذي صور وتم نشر تلك الصور في الميديا العالمية بأنها أسوأ تطاحن حدث على مر العصور ولم يكن هناك حيز فارغ من الهياكل البشرية...
أنت لديك المقدرة على تصميم وكتابة الوصف الإعلاني والإعلامي ويمكنك الإستفادة من الخبرات الإعلامية المتوفرة لك في جمعيتكم المهيبة التي لا تتوفر في مناطق أخرى من قرى الدياسبورا العالمية...
انت لست في حاجة لإستخدام تراث مملوك مثل ما كتبت أدناه:Quote:
اهل الحارة
تصور كيف يكون الحال لو ما كنت سوداني
واهل الحارة ديل أهلي ... |
أهل الحارة يا عمر معروفين
أهل الحارة يا عمر هن حبوباتنا وجلوسهن خلف السعن والسيبة وقاوون الروب
هن إخواتنا الحفاة يجمعن حطب الحريق
هم أبواتنا العراة يحفرون بأظافرهم لغرس الماقات والعيش الريف
وحالهم معروف...
لا يوجد مجال لاستعارتك يا عمر
حقيقة يا عمر نحن في انتظار إبداعك الخاص في عرض أفكارك وفي الوقت الذي تتحفنا فيه بجديد تكون سعادتنا أكبر ولو تعبيرنا إختلف
وعجبني اعتذارك للأخ الذ تظلم منك
لكن كنت أتوقع منك أن تضيف ليه توضيح إضافي بأنك لا تتخذ قبيلة الجعليين مطية
وأنك ليس لديك علاقة بالجعليين
وأن أغلب ناس الباوقة ليسوا جعليين
وليس لديهم رغبة في اتخاذ الحمية لركوب قوافل الحياة
وحتى لما تواترت إليهم مراسيل العبدلاب قالوا ليهم لسنا في أمر يتطلبكم
يا عمر مهيرة قالت ليك " من غشنا ليس منا "
والإستعارة بأشياء معروفة في أشياء غير معروفة نوع من الغش
أبدع يا عمر
جدد يا عمر
هذا الحديث القصد منه نصرتك
| |
|
|
|
|
|
|
| |
عثمان عبدالقادر
محمد على حسن
مرتضى الكجم
ALZOLZATOO
عثمان محمد كرار
Deng
Ahmed Elyas
عبد اللطيف السيدح
ود محجوب
عمر صديق
تاج السر محمد حامد
Tragie Mustafa
talha alsayed
SAIF MUstafa
Wasil Ali
علي الكرار هاشم
معاوية عوض الكريم
مهيرة
عبد اللطيف عبد الحفيظ حمد
معاذ حسن
JOK BIONG
السمانى عمارة
A.Razek Althalib
المسافر
فيس بوك
تويتر
انستقرام
يوتيوب
بنتيريست