|
حن ياقمر..محمد بدوى أبوصلاح..وعشرة ألأيام.
|
برنامج عشرة ألأيام التى تقدمه المذيعة نسرين النمر بصورة جيدة وحوار هادف..يستفيد منه المشاهد ويترك إرث لجيل المستقبل من حكاوى عن شخصيات خلدت جميل فنها فى حقبة مضت..
إستضافت امس فى حلقتها المميزة والتى كانت تتحدث عن شاعرنا الفذ صالح عبدالسيد ابوصلاح..
وكان ضيوفها غاية فى الروعة وألألق..
|
|
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: ismeil abbas)
|
من الضيوف ألأستاذ/الشاعر اللواء أبوقرون:تحدث حديث العارف بخبايا شعر أبوصلاح ووضع لمساته الجميلة على الحلقة بأدائه الرائع وروحه الفنية الجميلة
والباحث فى الغناء الشعبى ألأستاذ/أحمدالمصطفى الشاذلى..وألأستاذ/بدوى أبوصلاح إبن شاعرنا الكبير والذى يحفظ كثير من مخطوطاته ودواوينه..
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: ismeil abbas)
|
الاخ ابو السباع
انا لم اتباع الحلقة لكن يبدو ان البرنامج سيتضيف عمالقة فهل المذيعة نسرين النمر في قامة هولاء ؟
لم تعجبني ادارة الاستاذ عمر الجزلي للحوار في برنامجه اسماء في حياتنا لانه في تقديري ورغم خدمته الطويلة لم يتطور اصلا .
سلمي سيد ونسرين سوركتي مين زيهن خلقة وفهم .
خالص ودي
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: ismeil abbas)
|
صديقي الجميل إسماعيل عباس لم تتاح لي الفرصة لحضور تلك الحلقة ولكني حضرت الجزء الاخير منها وقد كانت أغنية ( حِن يا قمر ) وبكل اسف صدمت من اداء الإبن محمد . الأغنية فيها تطريب عالي جداً وقد سمعتها من عدد من الفنانين واجزم أن من اجاد في اداءها المطرب الرائع عاصم البنا ساحاول مرة اخرى ان احضر الحلقة من بدايتها حتى احكم على اداءه لجميع الأغاني التي غناها . ولي عودة اكيد ة .
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: ismeil abbas)
|
الاستاذ هشام خلف الله
Quote: واجزم أن من اجاد في اداءها المطرب الرائع عاصم البنا ساحاول مرة اخرى ان احضر الحلقة من بدايتها حتى احكم على اداءه لجميع الأغاني التي غناها . ولي عودة اكيد ة . |
بالنسبة لي وامكن تكون لم تسمعها عند الاخ فرفور طبعا فرفور غناها قبل عشرون عام ووقتها كان يغني شعبي يجمال يمتلك صوت قوي وتطريب في كل اغاني الحقيبة رهيب جدا
الاخ اسماعيل ياخي يكفي الشاب محمد بدوي سماع الراحل المقيم (عثمان حسين ) الى صوته والاشاده به وطبعا حسب سهرة ابوصلاح ما عارف الناس معترضة على صوته ام على كيف تم استضافة الى حلقة ابوصلاح في نظري كان يوجد (عباس تلودي او محمود صداح ) هم اقرب ناس ممكن تغني اغاني ابوصلاح وافتكر تمت استضافة محمد بدوي لتكريم ابوصلاح في شخصة وهذا حسب قرابتهم الشاب محمد بدوي شاب متطور وربنا يوفقه
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: وليد عبد اللطيف)
|
Quote: بالنسبة لي وامكن تكون لم تسمعها عند الاخ فرفور طبعا فرفور غناها قبل عشرون عام ووقتها كان يغني شعبي يجمال يمتلك صوت قوي وتطريب في كل اغاني الحقيبة رهيب جدا
|
وليد كيفنك .. فعلا الاغنية عند فرفور إبداع ما بعده ابداع ..
لو سمعوها بصوت فرفور حا يغيروا رائهم ..
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: عفاف الصادق بابكر)
|
الاخت عفاف سلامات
Quote: وليد كيفنك .. فعلا الاغنية عند فرفور إبداع ما بعده ابداع ..
لو سمعوها بصوت فرفور حا يغيروا رائهم .. |
احكي ليك بمناسبة صوت جمال في يوم مشينا (بانت امدرمان ) انا وصديقي جمال فرفور نجامل واحد زميلنا زواج شقيقته و العروس نفسها زميلتنا والحفله في حوش البيت جمال بغني تقوم تجي واحده كبيره في السن شويه وقالت الى جمال تغني الاغنية التي لما انت غنيتها بكيت فيها .. جمال المجنون يقوم يغنيها ويقول : ابوي وينو البعصر جنايا ابوي وينو مرواد العمايـا وتعالي شوفي بعد داك الخاله تقوم تقع في الارض وتنخج من البكــــاء شيلك شيلك والناس تحنس والمياه رجعت لمجاريها بقدر ما استمتعت زعلت من جمال فرفور ... جمال ياعفاف يمتلك صوت ماعادي .. في السابق كنا نقول له احترف الغناء يرفض وحتى اذا كان يغني فقط داخل البيوت والصوالين حفلة خارجية في الشارع يرفض خجول جدا جدا .... الان سبحان الله مغير الاحوال من حال الى حال
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: وليد عبد اللطيف)
|
شكرآ على المرور اخى هاشم ولكل شخص نظرته..
Quote: الشاب محمد بدوي شاب متطور وربنا يوفقه |
شكرآ اخى وليد فعلآ محمد عارف بعمل فى شنو رغم صغر سنه وعدم تفرغه للفن وهو مازال هاوى يتلمس الطريق...
أخى طارق ميرغنى نزل لينا هنا بعض ماسجلت لو سمحت حسب المكالمة الهاتفية بيننا..وشكل واسطتك قوية ماطلبته تم تنفيذه بأستضافة صاحبك د/وجدى كامل
لكم التحية ولكل المرور...
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: ismeil abbas)
|
سماعين اخوي .. كيف حالك
Quote: وغنى محمد بدوى روائع جده وأبدع..وسمعت أغنية حن ياقمر منه لآول مرة بصورة حلوة وطروبة..
|
بصراحة الولد الصغير ده الغنى العتيق ده ما بشبهو ..
يمكن لو كان الاغاني دي بي صوت فنان متمكن كان يكون اجمل ..
لو هم اختاروا عشان نظام السلاله وكده ..
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: ابو جهينة)
|
اخي اسماعيل
الغريبه نزلت مداخلة يبدو انها اتلحست
معليش
المهم ابننا محمد في هذه الحلقة واضح ان اداءة في تطور واتنمي من حسن الي احسن
وعل اخي ابوجهينه قد لاحظ ذلك
اما صديقي وجدي فحدثني مطولا عن ابننا محمد ومواهبه المتعددة التي يبرع فيها كفن التشكيل
هذه المرة ايضا شرفنا د. وجدي كامل لكن ما اظنها الواسطة يا سمعه
بقدر ما انهم ربما يتابعون سودانيزاونلاين
اخي سمعه
بالفعل قد سجلت كل الحلقة لكني اسال ان كان احدكم يعلم برنامج تحميل للاغاني
لان بكري شكلو معطل التنزيل
اتمني ان استطيق انزال بعض اللقطات من الحلقة لو ارشدني احدكم لبرنامج معقول للانزال
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: طارق ميرغني)
|
بعد ايجاز عن تاريخ ابوصلاح مولده ورحولهم لبحري وعمله بمصلحة الوابورات تحدث د. وجدي عن زواج ابو صلاح الاول من جدته زينب طه ووصفها بالشخصية التاريخية ولقبها بحبيبة الكل وانا اشهد علي ذلك وانها امراة تشع انسانية وطيبة ومحمبة لكل الناس. واثر سؤال عن كم سنه عايشها اجاب وجدي بانه عاش معها 26 سنه
وفي الحقيقة انها عاشت في منزل ابنها كامل صالح مدة اطول أي قبل ميلاد وجدي وحين قابلتها لم يكن ذلك الضمير الذي غني له ابو صلاح بل جسم ضخم رحمة الله عليها لكنها كانت من الجمال والظرف لا يمكن تصوره.
امراة جميلة بمعني الكلمة تناديني فور دخولي للمنزل لاسلم عليها بالاحضان وتحكي لي ضاحكة بين كل كلمة واخري رحمها الله عن كل امور الدنيا
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: طارق ميرغني)
|
أختى عفاف.................السلام عليكم..
Quote: يمكن لو كان الاغاني دي بي صوت فنان متمكن كان يكون اجمل ..
|
ليس هناك صعوبة يا عفاف لو تمرس على هذه ألأغانى سيجيدها..محمد كما سبق ان قلت طموح وقوى ألأرادة..
أجمل ما يعجبنى فيه قبوله للنقد وركوبه للصعاب وإن دل إنما يدل على همته العالية..
لفت نظره لهذا البوست حتى يستفيد من خبرة الناس التى تكتب هنا..
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: طارق ميرغني)
|
Quote: ليس هناك صعوبة يا عفاف لو تمرس على هذه ألأغانى سيجيدها..محمد كما سبق ان قلت طموح وقوى ألأرادة..
|
سماعين .. صباحك زين إن شاء الله ..
تعرف انا ده ما تخصصي لكن مستمعه جيده ههههههه..
الطموح وقوة الإرادة موجودة وهو شاب فى بداية طريق شايك ..
لكن انا رائي الضعيف .. انه الصوت له مراحل ..
ومرحلته ما اظن تجعلك تستمع لغناهو بمثل تلك الاغاني ..
بالمعنى الاغاني عتيقه .. وحتى لو غمضته عينك وسمعته ..
بتلقى نفسك ما قادر تتأفلم مع صوته والكلمات واللحن للاغنية ..
ما عارفة ليييه .. يمكن عشان سمعناها باصوات الفطاحله .. ههههههه
عزفه على العود جميل جدا .. وممكن تستمع بالعزف اكثر ..
عليه .. بتمنى ليه التوفيق وهو شاب طموع فعلا ...
مودتي لك وله ..
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: طارق ميرغني)
|
أبو السّباع سلامات وأشواق
إنت مالك بتطلب المساعدة من النّاس التعبانة دي ؟
Quote: اخي سمعه طبعا صديقي لؤي شمت هو مستشاري في هذه الحالات
اشار لي الي موقع تحميل مخستق
الثاني ساحاوله مرة اخري وان شاء الله باكر لنا محاولات
|
بالله شوف جنس المخستك دا الموقع شغال وأنا رافع فيهو عشرات الفيديوهات أنا ما قلت ليك رسّل لي الفيديو وأدفع بالدّولار مالك صهينت ؟
تاني أنا في الأمور الفنّيّة دي بتناقش مع فوزيّة
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: لؤى)
|
الغالي اسماعيل تحبة ندية وتقدير خاص لك وأنت تشير لمواطن الجمال .. محمد بدوي أبو صلاح بامكانه الظهور بمظهر الفنان المتميز ان بحث في تراث جده الذي لم يغنى ..اضافة لما تركه شعراء الحقيبة الراحلون من شعر رائع لم يصل لأذن المستمع .. يا ليت الابن محمد يهتم بتلك الأغاني غير المسموعة من غناء الحقيبة.
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: طارق جبريل)
|
Quote: ياخي بدور القلعة وجوهرها غناها زي نقنيق القعونجات في موية المطر |
اتفق معاك تماما يا طارق
بصراحه الولد ده ما مفروض تشجعوه على الغناء لانه لا صوت لا اداء, اول حاجه نطقه ما سليم للحروف, ثاني حاجه بيفتح خشمه كبير زياده عن اللزوم عشان يطلع الصوت و يصرخ. لكن زي ما قلت قبل كده ممكن ينجح لو طور نفسه شويه لانه في ناس صوتهم اكعب منه و نجحوا لانه الساحه الفنيه الحاليه حالتها سيئه. بيعزف عود كويس, يمكن لو ركز في العزف و يدرس شويه اخير ليه يكون عازف و عشان جده ابوصلاح ممكن يكون باحث في الحقيبه لكن غناء ده ما حقه. ناس القنوات عاملين ليه شنه و رنه اكتر من الللازم و انا متاكده اهله ما شايفين صوته طروب لكن بيشجعوه لانهم عارفينه ممكن يوصل رغم كل شئ. معليش يا محمد لو قريت كلامي و زعلك لكن الحاجات دي ما فيها مجامله و اسمع كلام ببكيك
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: ismeil abbas)
|
العزيز فتحى الصديق..
Quote: الغالي اسماعيل تحبة ندية وتقدير خاص لك وأنت تشير لمواطن الجمال .. محمد بدوي أبو صلاح بامكانه الظهور بمظهر الفنان المتميز ان بحث في تراث جده الذي لم يغنى ..اضافة لما تركه شعراء الحقيبة الراحلون من شعر رائع لم يصل لأذن المستمع .. يا ليت الابن محمد يهتم بتلك الأغاني غير المسموعة من غناء الحقيبة. |
إقتراح جميل..ولآبو صلاح كثير من القصائد لم ترى النور...
تسلم على الأقتراح الحكيم...
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: ismeil abbas)
|
ألأخ/طارق جبريل..السلام عليكم ولك التحية...
Quote: في نظري المتواضع صوته ضعييييييييف ولا يصلح ان يكون مغني ياخي بدور القلعة وجوهرها غناها زي نقنيق القعونجات في موية المطر |
يسعدنى مرورك هنا بالرغم من إنك لم تبدى بالتحية لشخصى...
هو حفيد ابوصلاح..لآنى شايفك متردد بأن حفيده أو ولده...
أحترم وجهة نظرك ..وليس هناك شىء يتفق عليه كل الناس...
واتمنى ان يحسن محمد بدوى من ادائه أكثر وأكثر حتى يبعد حسب وجهة نظرك من نقنيق القعونجات فى موية المطر ...
لم احس بأنه كذلك ..لمذا الله اعلم؟؟
لك التحية والتقدير مجددآ..
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: ismeil abbas)
|
ألأخت/دانيا السلام عليكم..
Quote: بصراحه الولد ده ما مفروض تشجعوه على الغناء لانه لا صوت لا اداء, اول حاجه نطقه ما سليم للحروف, ثاني حاجه بيفتح خشمه كبير زياده عن اللزوم عشان يطلع الصوت و يصرخ. لكن زي ما قلت قبل كده ممكن ينجح لو طور نفسه شويه لانه في ناس صوتهم اكعب منه و نجحوا لانه الساحه الفنيه الحاليه حالتها سيئه. بيعزف عود كويس, يمكن لو ركز في العزف و يدرس شويه اخير ليه يكون عازف و عشان جده ابوصلاح ممكن يكون باحث في الحقيبه لكن غناء ده ما حقه. ناس القنوات عاملين ليه شنه و رنه اكتر من الللازم و انا متاكده اهله ما شايفين صوته طروب لكن بيشجعوه لانهم عارفينه ممكن يوصل رغم كل شئ. معليش يا محمد لو قريت كلامي و زعلك لكن الحاجات دي ما فيها مجامله و اسمع كلام ببكيك |
Quote: لكن زي ما قلت قبل كده ممكن ينجح لو طور نفسه شويه لانه في ناس صوتهم اكعب منه و نجحوا لانه الساحه الفنيه الحاليه حالتها سيئه. |
لاصوت له ولا أداء.:. يعنى با أخت دانيا الناس تخفزوا عشان يستمر وللا نقول ليهو stopهنا ....
Quote: اول حاجه نطقه ما سليم للحروف |
ممكن مثال يا أخت دانيا عشان يصلح نفسو فى الحتة النطقو فيها ما سليم...
Quote: ثاني حاجه بيفتح خشمه كبير زياده |
ما اعتقد بتأثر الحكاية دى..لكن ممكن تانى يصم خشمو وما يفتحو شديد ..
Quote: لكن غناء ده ما حقه |
Quote: ناس القنوات عاملين ليه شنه و رنه اكتر من الللازم و انا متاكده اهله ما شايفين صوته طروب لكن بيشجعوه لانهم عارفينه ممكن يوصل رغم كل شئ. معليش يا محمد لو قريت كلامي و زعلك لكن الحاجات دي ما فيها مجامله و اسمع كلام ببكيك |
كان ناس القنوات عاملين ليهو شنه ورنه أكثر من اللأزم ماعارف..يعنى ناس القنوات ديل كلهم غلط؟؟وما تتأكدى كثير والله أهله شايفنوا كويس وصوته جيد وممكن يتطور..ويوصل كيف يا دانيا رغم كل شىء؟؟كلام ماقادر أستوعبو...
النصيحة سمحة مافى شك..لكن لابد ان ننصح بحكمة حتى يستفيد متلقى النصيحة...
لك التحية مرة أخرى أخت دانيا...
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: ismeil abbas)
|
إسماعيل يا صديق .. عارف محمد بدوي أبوصلاح قدر إنه يضع قدمه على أرضية كويسه للدخول لعامل الفن رغم صغر سنه .. إختلفنا معاه في أدائه أو إتفقنا .. يجيد العزف على العود بأسلوب جميل + تعامله مع المجموعة الموسيقية المصاحبة له بصورة جيدة .. نحن دائماً تعودنا أن نسمع الحاجة القديمة مع رفضنا للجديد شغالين بالمثل سمح الغناء في خشم سيده .. وبدون تشجيعنا للشباب لن يكون هنالك تواصل أجيال وكلامي دا للشباب المجدد والمبدع في نفس الوقت .. أخونا طارق جبريل دا زينا كده (أضانه) إتعودت على الحاجات القديمة السمحة .. بس يا طارق قعونج مره واحده كتيره ياخ عارف يا طارق عندي ود أختي من صغره قاعد يغني وعامل فيها فنان لكن بي طريقته هو .. كم مره إقترحت عليهو نوديهو لواحدة من القنوات الفضائية لكن قاعد يرفض بأدب .. تعرف ود أختي دا معاهو شلة شباب أصحابه ماسكين درب الموسيقى قاعدين يألفو ويلحنو براهم .. قبل كم يوم شفته في أستديو النجوم بالتلفزيون قلت الزول دا شغال بطريقتو وإنو فنه دا عايز إجتهاد منه موووش عايز واسطة .. أها أولادنا ديل خلينا نقيف معاهم بأضعف الإيمان ما عايزنهم يطربونا لأنو عندهم الجيل القدرهم البقدر يسمع ليهم ويطرب ليهم .. يعني نحن ما ناكل خريفنا وخريف غيرنا .. ولا زلت مصر على إنو نقف مع الشباب والشباب الطموح الذي يحمل الفن في دواخله ويريد إسعادنا به ..
لكم جميعاً .. ولمحمد بدوي كل الود والتقدير ..
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: معتصم دفع الله)
|
أخى الحبيب معتصم...
Quote: ولا زلت مصر على إنو نقف مع الشباب والشباب الطموح الذي يحمل الفن في دواخله ويريد إسعادنا به ..
لكم جميعاً .. ولمحمد بدوي كل الود والتقدير .. |
كلامك مفيد وفى محلو..ورسالتك وصلت لمحمد بودى بصورة جميلة وبشكرك عليها...
نحن السودانيين إنطباعيين جدآ ما يرسخ فى ألأذن أول هو الجيد..وماسكين فى المثل البقول سمح الغنا فى خشم سيدو...ودى الحتة القافلين فيها أنفسنا..
فى كل حاجاتنا حتى الحياتية غير الفن يا أخى معتصم..بنقول مد كراعك قدر لحافك..طموح بعضنا محدود ومحدداهو أمثالنا المغلقة دى...
كنت بتكلم مع محمد بدوى قبل شوية..قال لى ..هل بتشوف بأنى ممكن أستفيد من ألأراء الشخصية المكتوبة دى هنا....قلت ليهو إنت ما خسران حاجة أقرأ وأعمل ألبتراهو مناسب وأسأل أهل ألأختصاص..فى ناس بتستفيد منهم وفى ناس بجوا بكتبوا أى كلام والسلام..
تسلم يا معتصم يا شفيف يا مرتب.
| |
|
|
|
|
|
|
Re: حن ياقمر..محمد بدوى أبوصلاح..وعشرة ألأيام. (Re: Dania Elmaki)
|
اسماعيل عباس كيفنك ابوي وان شاء الله تكون بخير
Quote: يسعدنى مرورك هنا بالرغم من إنك لم تبدى بالتحية لشخصى...
|
يا سيدي الفاضل سامحنا لانه الواحد في الاسافير دي اتعود يجي يكب رأيه ويقطع وشه اكرر اعتذاري على عدم التحية
Quote: واتمنى ان يحسن محمد بدوى من ادائه أكثر وأكثر حتى يبعد حسب وجهة نظرك من نقنيق القعونجات فى موية المطر ... لم احس بأنه كذلك ..لمذا الله اعلم؟؟
|
لا زلت عند وجهة نظري الود دة موهوب في العود جدا وممكن يكون عنده مستقبل باهر ويكون مشروع ملحن كبير بس قصة يغني دي مااااا لااااااااااااااافقة ما عنده إمكانيات بتاعة غناء نهائي بالنسبة لي ان لن يكون مطربا ولو طارت معزة ملحنا وعازف عود ممتاز ابصم عليها بالعشرة
Quote: وفى ناس بجوا بكتبوا أى كلام والسلام..
|
أي زول يا حبيبنا اسماعيل بيجي يكتب رأي بالنسبة لي هو جدير بالاحترام حتى لو اختلفت معاهو يعني لو اختلفنا معاهو ما معناهو انه كلامه دة مفكوك في السهلة كدة وهردبيس ساكت
معتصم يا حبيبنا:
Quote: أها أولادنا ديل خلينا نقيف معاهم بأضعف الإيمان ما عايزنهم يطربونا لأنو عندهم الجيل القدرهم البقدر يسمع ليهم ويطرب ليهم .. يعني نحن ما ناكل خريفنا وخريف غيرنا ..
|
يا حبينا اي موهبة انا معاها للطيش الولد دة موهوب في العود جدا جدا بس حكاية يغني دي اعفيني منها ماااا لااااااااافقة كله كله معاهو ياخي
تليشة: اسماعيل عباس الرأي هو رأي لا أكثر ولا يحتمل شخصنته
محبتي الأكيدة
| |
|
|
|
|
|
|
|