كتب الكاتب الفاتح جبرا المتوفرة بمعرض الدوحة
|
|
 الحضر ( رحيق الأمكنة) في قناة الشروق أمبارح منو..؟
|
أعتقد إنو الاحساس بالبرنامج دا:
بيكون اعمق للناس البره السودان .. والليهم مدة طويلة من لمة الناس .. أو الجو قريبات دي من إجازة وما لقو فرصة يقعدو في لمة حميمة جدا تشبه تلك التي شاهدتها بالأمس ..
التحية لي المذيعة أو مقدمة البرنامج الاعلامية الناجحة جدا والتلقائية (إيمـان بركية) .. وطاقم التصوير الذي ينتقل من مكان لمكان ليعكسو حميمية تلك الأماكن وحميمية الناس الفي تلك الأمكنة ..
|
|
  
|
|
|
|
|
|
|
 Re: الحضر ( رحيق الأمكنة) في قناة الشروق أمبارح منو..؟ (Re: humida)
|
| Quote: قول لي سبب واحد يخلينا بعيدين من اهلنا .. |
والله يا حميده الحمد لله ما مشيت أمريكا .. عشان احقق الحلم الأمريكي ..
ياخ هنا دا وقدامك البحــر خطوات تتمو عوم .. بتشوف نفسك لا تسوى أي شئ .. وكل البتعمل فوقو دا عبارة عن مجابدة ساااي .. قصاد قعدة زي بتاعت الأمس دي تحت نيمة .. وونسة تلقائية .. وناس بسيطين بيضحكو من جوه خالص ..
وتنوم وعلي كيفك تقوم .. وراسك فاضي من اي هموم ..
عليك الله يا حميدة لو لقيت الفيديو حق حلقة أمس دا .. حاول نزلو هنا .. أنا ما قادر اتعامل مع اي ملتيميدا..
نزل الفيديو عشان الناس دي تشوف الشلوخ .. وتشم ريحـة التراب وتتحاوم في الحلة بعيد من الاسفلت والظلوطات الحايمين فيها دي ..
| |
|
|
|
|
|
|
|
|
 Re: الحضر ( رحيق الأمكنة) في قناة الشروق أمبارح منو..؟ (Re: tmbis)
|
تمبس يا جميل..
Quote: والله يا حميده الحمد لله ما مشيت أمريكا .. عشان احقق الحلم الأمريكي ..
|
ألأحلام تتحقق فى كل مكان..بس شيل الصبر ياتمبس..
الحنين للوطن كاتلنا والله رغم الخفسات الكثيرة..
أمريكا مشيته إسبوع جانى إحساس أكيد انو لايمكن ألأستقرار بها..قناعة شخصية....
لك الود..
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: ismeil abbas)
|
Quote: ألأحلام تتحقق فى كل مكان.. بس شيل الصبر ياتمبس..
الحنين للوطن كاتلنا والله رغم الخفسات الكثيرة..
أمريكا مشيته إسبوع جانى إحساس أكيد انو لايمكن ألأستقرار بها..قناعة شخصية....
لك الود.. |
يا سمعة ..
في شحتفه شوية كدا .. فيما يتعلق بالاحلام ماف اي مانع وحقك بتلقاهو .. لكن كدي شوف احداثيات الشوق دي بتتعامل معاها كيف .. ما تقول لي اصبر ولا بتاع .. 
غايتو يا سمعة لو كان مشيت أمريكا .. والله كان يجيبوني مربط في اقرب طيارة .. يا بركو لي فكي .. من فرجينيا ..
وبهذا أعلن إنو العايز يبادلني بالجنسية الأمريكية دي مرحب بيهو .. خلي إن شاء الله أمريكا دي تضوي ليهو ..
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: Amira Elsheikh)
|
Quote: متابعة للبرنامج بشكل ثابت بس حلقة امس دى ماحضرتها
ياخ التفاصيل بتاعة الاماكن البعرضها البرنامج دى بتحسسنى بانى قادة جغرافيا وتاريخ
وكثير من التفاصيل رايحةمنى والمؤسف انها حتروح اكتر واكتر |
.. والله يا اميرة حقو تبوسي يدك بطن وضهر إنك ما حضرتيها ..
ياخ اراهنك إنك لو كنتي قاعده تشوفي في الحلقة دي كان شميتي ريحت خالاتك ديل .. ومسكتي ليك في طرف توب ..
والعجب الشلوخ الاستاندرد والتلقائية في الونسة تحت شجرة النيم والبساطة ..
وشوارع الحلة ..
بالمناسبة يا أميرة:
الحلقة الامس دي انا كنت زيك .. (قادي جغرافيا وقادي خرطوم) .. استغربته لما حاجة نفيسة قالت مولودة في الحي بتاع الري المصري دا وهي بهذا العمر الفيهو من ملامح الزمن الجميل ..
تخيلي يا اميرة انا كنت فاكر السودان دا أمدرمان بس .. وسمح بي امدرمان بس .. اكتشت إني ما شفت الحتات دي نهائي .. والري المصري دا مشيت ليهو رحلة زمان وانا في الثانوي .. وحسع دي كان ربطوني ما بعرف طريقو بي وووين .. ويجي اساسي يقوليك انا من بري 
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: humida)
|
يالله ياالله
شفت الشجرة والبحر, المعلومات الوفيرة والشرح المفصل القدمو , العم -نسيت اسمو- لتاريخ الرى المصرى وحى الشجرة.
لمة النسوان- المشلخات- الجميلات فى ضل النيمة , الحكى عن شكل حياتهن, بكل بساطتا وجمالا
الخالة الفنانة الهلالابية المعجبة بهيثم مصطفى .
الخالة اللذيذة, الاتكلمت عن شكل حياتهن فى الماضى وكيف انو مافى مرة بتمشى السوق تجيب خضار اواغراض بيت وقالت: رجال الزمن دة الواحد ناااااايم, مرتو تمشى تجيب الخضار وتجى تطبخو وتصحيهو ياكل. (دى عجبتنى عجب)هههههههههههه.
رحيق الأمكنة, برنامج فى غاية الجمال ووبيقدم معلومات قيّمة حتى الناس الفى السودان ممكن تكون غايبة عنهم.
التحية لتلفزيون الشروق ولـ إيمان بركية , ولاعزاء لكل من هاجر ورحل.
الا قاتل الله المهاجر, الا قاتل الله كل المهاجر.
شكراً ياعلاء.
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: ندى عثمان حسن)
|
تمبس حلقةالأمس بالذات كانت مميزة جدا جدا والله مع اهل الشجره اللي حكو عن الشجره وماضي هذا الحي العريق..
واستمتعنا مع آل حاكم الذين استظلو تحت تلكـ الشجره وونسة الضهرية مع ايمان بركية اللي بدورها منحت البرنامج متعة اخرى ..
بكل المقاييس هذا البرنامج من اروع البرامج التي تبثها الشروق وايمان بركية احدى نجمات هذه القناة العملاقة..
| |
|
|
|
|
|
|
|
|
 Re: الحضر ( رحيق الأمكنة) في قناة الشروق أمبارح منو..؟ (Re: عطية المحسي)
|
Quote: تمبس حلقةالأمس بالذات كانت مميزة جدا جدا والله مع اهل الشجره اللي حكو عن الشجره وماضي هذا الحي العريق..
واستمتعنا مع آل حاكم الذين استظلو تحت تلكـ الشجره وونسة الضهرية مع ايمان بركية اللي بدورها منحت البرنامج متعة اخرى ..
بكل المقاييس هذا البرنامج من اروع البرامج التي تبثها الشروق وايمان بركية احدى نجمات هذه القناة العملاقة.. |
سلامات يا عطية ..
قناة الشروق اصبحت من القنوات المميزة جدا .. التي تركز على برامج هادفه وجاذبة .. وحجزت مكانه بين جميع القنوات السودانية كقناة رائدة وتضم خبرات شبابية متمكنة ..
حلقت الشجرة كانت من ضمن سلسلة الحلقات المميزة جدا .. لكن الجاذب اكتر للحلقة جيل السودان القديم الذي اصبحت ملامحه في انقراض .. ملامح وجوه الحبوبات ، التلقائيه من غير تكلف .. لمة الناس والبساطة .. وبالطبع ايمان بركية تواصل تمكنها في الذوبان في الانسجة الاجتماعية بعفوية خالصة حتى تعطيك انطباع أنها ابنة تلك المنطقة .. ولا تمل مشاهدة البرنامج ولا تنتبه لنفسك إلا عندما تنتهي الحلقة لتنتظر اعادتها من جديد ...
رحيق الأمكنة يعتبر برنامج توثيق جيد جدا .. واعتقد أنه يمكن أن ينافس عالمياً كبرنامج تعريفي عن السودان وامكنته ونسيجه الاجتماعي الذي للاسف الشديد عمد إلى تشويهه البعض .. ويمكن ايضا أن ينال حظه من التقدير وأن يكون في مقدمة البرامج في بعض المنافسات التي تقام من حولنا .. كما فعلها برنامج الأطفال .. قطــار الزهور الذي يبث من نفس القناة ..
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: عطية المحسي)
|
الأخ الحبيب علاء
السلام عليكم
رغم إني ماتابعت أي حلقة من البرنامج ده لكن من كلامك حسيت بالوجع والإحساس القديم
الذي كان ينتابني قبل العودة لحضن الوطن الحنين
| Quote: وتنوم وعلي كيفك تقوم .. وراسك فاضي من اي هموم |
ياسبحان الله أمس كنت بناقش
مع بنت أختي في أمدرمان إنه أكثر حاجة مستمتع بيها منذ عودتي هي ميزة النوم بدري خالص -
تصور يوم الأحد نمت من الساعة تسعة ونص ماصحيت إلا مع الصلاة خير من النوم
- دي في جدة القريبة دي مابتحصل إلا الزول يكون مريض - عشان كده
أردد دوماً أن القنوات الفضائية هذه جعلت للمغتربين من أبناء السودان لا غير -
ربنا يرد الجميع سالمين غانمين ويلقوا أهلهم تامين ولامين
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: محمد كابيلا)
|
Quote: يا ..تمبس ...
انتو شنو الشوق الجماعى والحنين المتزايد
القايم علي البورداب المغتربين هذه الأيام !!
قولو الروووب !!كااااكــ |
.. والله يا كابيلا مسالة الشوق والحنين الزايد دي ما ليها علاقة بي المواسم .. لانها قاعدة مرات تبرد .. ومرات (تعورن) .. لكن اللحظة (البتعورن) فوقه ولا بتكلمك ..
ووقتها الرووب ذاتو ما بيحلك .. ولا (المش) ..
لكن بس بيفرق طعم الرووب من حنين .. لي آخـر .. يعني مثلا:
عندك نوعية بتاعت روب .. بتاعت ناس ليها مدة طويلة ما شافت الناس .. طووويلة جدا .. ودي بالنسبة لينا صعبة في التركيبة الحنينية حقتنا .. يعني زي ما تقول كدا كل سنة بتعمل ليك (طبقة جلد) بتاعت شوق .. (شوق) من الجلد.. بتجيك متلازمة (الحك) الشوقي لكل طبقة بي شكل يومي .. لتصل مرحلة (التكرمش الشوقي ) يللا بعداك دي ما بيحلك منها إلا إنت .. وإن طال السفر .. فجأة بتلقى نفسك بدون ما تشعر المكان الانت فيهو دا ما بيعني ليك اي حاجة .. يللا النوعية دي كانت فيما سبق واقعة في وهم واساطير اشاعات عن الوضع وعن .. وعن .. فجأة بيكتشف إنو الناس الكانت بتبرمج في المسالة دي .. هي ذاته كتبت قيام .. تلقى الواحد مشى هناك .. (وشم ليك توب أمو) .. ونام في الحوش لحدت ما شمس الصباح دقتو .. يا مشى زار ابوهو في المقابر يا حضر عرس بت اختو .. بعد يومين تانيات .. بتلقاهو شايل الجك ماشي يجيب الفول براوو .. يا مودي حبوبتو (العمت) الدكتور وهي ما قادرة تشوفو .. بعد يومين تلاتة تلقاهو بتحاوم في الشوارع ويكتشف إنو المكان الكان فوقو دا ما هو إلا (عسل ملحو كتير)
يقومو يتصلو عليهو الجماعة .. من الحتة الجاي منها دي اها يا فلان بتجي متين ..؟
يقوليهم تاني كان جيتكم أكون بالغتـه ..
نوعية الروب التانية .. دي البتكون جات قريب من الاجازة .. يللا زي دي محتاجة ليها لي تلاتة اجازات في (بطن) الاجازة الرئيسية .. التلاتة اجازات ديل لازم يكونن سريعات علشان (يصنفر) بيها ما علق في الاجازة وديل طبعا لازم يكونو قريبات كدا ..
لكن الثابت في المسالة دي .. إنو مهما طال بيك الزمن .. بتلقى نفسك مورط في وطنك .. بتصل مرحلة متأخرة .. اي حاجة صغيرة تجهجهك .. (فلم هندي) يبكيك زيك وزي صاحبنا (منتصر) ..
المهم يا كابيلا .. نحن ما بنقول الرووب بالساهل كدا .. لكن لو (اتجرسنـا) .. والله نجرس معانا أكبر كمية ممكنة.. جوة وبره.
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: أبوعبيدة محمد الأمين)
|
Quote: الأخ الحبيب علاء
السلام عليكم
رغم إني ماتابعت أي حلقة من البرنامج ده لكن من كلامك حسيت بالوجع والإحساس القديم
الذي كان ينتابني قبل العودة لحضن الوطن الحنين |
العزيز البصاص .. هنئيا ليك بالعودة وهي حلم كل مغادر لي وطنو .. واظنك جربت مرارة أن تكون بعيد .. غير قادر على ملامسة الاشياء رغم قربها ..
الكم الهائل من الميديا ووسائل الاعلام المختلفة التي تعكس لك الواقع .. قربت المسافة وجعلتنا نعايش الواقع بعيون الكاميرا لكن في نفس الوقت ذادت من الاحساس العميق بالوجع .. عن اماكن تحتاج أن تكون فيها بشدة .. وشخوص تحملهم بداخلك ويتحركون فيك بحميمية .. تفتقدها مع كل لحظة بعد عنهم .. Quote: مع بنت أختي في أمدرمان إنه أكثر حاجة مستمتع بيها منذ عودتي هي ميزة النوم بدري خالص -
تصور يوم الأحد نمت من الساعة تسعة ونص ماصحيت إلا مع الصلاة خير من النوم
- دي في جدة القريبة دي مابتحصل إلا الزول يكون مريض - عشان كده
أردد دوماً أن القنوات الفضائية هذه جعلت للمغتربين من أبناء السودان لا غير - |
تعرف يا البصاص .. أنا برضو اكتشفت الميزة دي .. في إجازتي الاخيرة .. كانت عندي امكانية النوم في اي مكان وتحت اي ظرف .. وفي اي وضع .. احيانا بكون قاعد اتونس مع الجماعة في البيت .. وسط جوطة وزوبعة بتاعت شفع وواحد يجي طالع ليك في رقبتك .. بعد شوية بسمع ليك كلام الناس دا فوق خالص .. اكتر حاجة ممكن اميزة بعد لحظات .. صوت واحد من الناس الحواليني :
عليك الله عاين دا نام كيف تقول جاي بعثة نوم ..
طبعا دا في حد زاتو نوع من الطمأنينة الشديدة لانو بالك فاضي جدا من اي برنامج معد بيتحكم فوقو عامل الزمن .. اي نعم هنا بتقدر تنوم لكن النوم بيكون عبارة عن برمجة للراس .. عندك منبه جواك بينومك ويصحيك بي مزاجو .. وبيوزع ليك وقتك ويتحكم في ارادتك .. أما الفائض من الزمن فهو ايضا لا يعني غير مزيدا من الأرق .. والملل.
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: tmbis)
|
الأخ الحبيب علاء
يبدو إنك لسع داخل في (المود) بتاع إكتئاب مابعد الإجازة
نكن للأخ أبوعبيدة البصاص كل حب وتقدير
لكن مالدرجة أنو يهد فيني ونبقى إسم واحد ياخي
ياخي أحبطتني عديل كده والله
وشكبتني يابصاص يابصاص لما بقيت أتلفت يمنة ويسرى
وعشان كده قلت أشاورك، في إنه أكلم ليك اساسي ؟
أقول ليهو علاء غير إنه قداد (في رأي أساسي) جاهو زهايمر
هذا بعيداً عن الزهايمر:
معظم أبناء السودان في مهاجرهم المختلفة خرجوا من أجل الأهل
بمعني أن الدوافع إقتصادية في مجملها مع بعض الإستثناءات
وتبقى صناعة الفرح للأهل هي أكبر إنجاز لنا ونحن في الخارج
وعلى ذلك نعيش مجترين ماضي الذكريات
أخوكم/أبوعبيدة محمد الأمين
ياخلف الله
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: أبوعبيدة محمد الأمين)
|
Quote: الأخ الحبيب علاء
يبدو إنك لسع داخل في (المود) بتاع إكتئاب مابعد الإجازة |
الله ينور عليك يا أبوعبيدة .. دي متلازمة معروفة طبعا ... وما بتطلع بي اخوي واخوك .. Quote: نكن للأخ أبوعبيدة البصاص كل حب وتقدير
لكن مالدرجة أنو يهد فيني ونبقى إسم واحد ياخي
ياخي أحبطتني عديل كده والله |
.. معليش يا ابوعبيدة دي تبعات الاجازة برضو تتشابه ليك الحاجات .. ياخ امسحة لي يف وش الاجازة الجاية .. Quote: معظم أبناء السودان في مهاجرهم المختلفة خرجوا من أجل الأهل
بمعني أن الدوافع إقتصادية في مجملها مع بعض الإستثناءات
وتبقى صناعة الفرح للأهل هي أكبر إنجاز لنا ونحن في الخارج
وعلى ذلك نعيش مجترين ماضي الذكريات |
.. والله فعلا يا ابوعبيدة .. عارف:
صناعة الفرح دي اهم من قروش الدنيا كلها .. وبالنسبة لينا لمة ناس زي دي تحت شجرة زي دي احسن مليون مرة من احسن حتة في الدنيا دي .. شفت المعادلات صعبة كيف يا خلف الله ..؟
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: ندى عثمان حسن)
|
Quote: يالله ياالله
شفت الشجرة والبحر, المعلومات الوفيرة والشرح المفصل القدمو , العم -نسيت اسمو- لتاريخ الرى المصرى وحى الشجرة.
لمة النسوان- المشلخات- الجميلات فى ضل النيمة , الحكى عن شكل حياتهن, بكل بساطتا وجمالا
الخالة الفنانة الهلالابية المعجبة بهيثم مصطفى . |
يعني يا ندى أمبارح كنتي (بتطقعي) معانا برضو ..؟
خالتك الهلالابية دي متعتني ليك متعة عجيبة جدا طبعا .. ودا الاصل في الحاجات .. قلنا ليكم الهلال وما دونه كلهم هلالاب زعلانين ..
عمتك دي بتشجع الهلال من زمن كانو بيشلخو وبيدقو الشلوفه .. لي زمن هيثم مصطفى .. تقولي لي وارقووو ..؟
جميل عمك كان في الحكي بتاعو في الشارع .. والبيوت الناصية جدا .. والمدارس الابتدائية . التراب المكوم في الشارع وكسار الطوب ..
ياخ دي كلها تفاصيل الواحد يدفع دم قلبو ويعيش لحظة بس منها .. | Quote: الخالة اللذيذة, الاتكلمت عن شكل حياتهن فى الماضى وكيف انو مافى مرة بتمشى السوق تجيب خضار اواغراض بيت وقالت: رجال الزمن دة الواحد ناااااايم, مرتو تمشى تجيب الخضار وتجى تطبخو وتصحيهو ياكل. (دى عجبتنى عجب)هههههههههههه. |
.. اللذ حاجة إنو قالت لو كان المرة زمان طلعت السوق راجله بدقها .. دي اكتر حته عجبتني برضو  .. لكن بي تحت كدا حاجة نفيسه طنطنت ليها وقالت ليها هووي يا بت أمي والله زمان ماف راجل بيدق ليهو مرا .. Quote: رحيق الأمكنة, برنامج فى غاية الجمال ووبيقدم معلومات قيّمة حتى الناس الفى السودان ممكن تكون غايبة عنهم.
التحية لتلفزيون الشروق ولـ إيمان بركية , ولاعزاء لكل من هاجر ورحل. |
.. فعلا البرنامج لامي يا ندى فهو ثقافي اجتماعي .. جغرافي .. حضرت حلقات كتيرة جدا .. حلقة حلفاية الملوك بالذات عجبتني شديد لانو كانت تعريفيه خالص .. وفيها شغل جميل .. فاتت علي الحلقة السابقة حقت حي الضباط حينا الامدرماني العتيق .. حضرت فيها زي خمسة دقايق ومن شكل الاسرة عرفتها وحددت المنطقة وين بالضبط ..
ايمان بركية اعتقد إنها وضعت في المكان المناسب جدا جدا من خلال البرنامج دا .. واعتقد انو الجاي منها كتير ومنتظرين زيارات حميمية وودية تنقلنا في كل لحظة ..
وقاتل الله الغربة يا ندى والمهجر ..
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: Osman Musa)
|
والله يا علاء
برنامج جميل وفعلا بديك رحيق الأمكنة
تابعتوا في توتي
وفي بــــري
وفي الشجرة أمبارح
اتضح لي أني ما بعرف في الشجرة إلا اسمها فقط
تاريخ ضخم
وأجمل حاجة مدارسهم أسماءها أسماء ناس
من الشجرة بل ومجاورين المدارس
ياخي التاريخ فعلا يكتب هكذا
اسم مدرسة يذكرك برجل عصامي أو قائد عظيم
اسم نادي يذكرك بلاعب كورة فلتة
خالتك لمن جابت سيرة الجمعية التعاونية بتاعت الري المصري
عايزة تبكي عديل كده
ورددت الخمسة والستة جنيهات البجيب مشتروات الشهر كله أكتر من مرة
فعلا رحيق وعبق من زمان ومكان
| |
|
|
|
|
|
|
|
|
 Re: الحضر ( رحيق الأمكنة) في قناة الشروق أمبارح منو..؟ (Re: ندى عثمان حسن)
|
سلام يا تمبس,,,
آلام الغربة لما تتاور,,
مؤلمة شديد,,
وبرنامج زى رحيق الأمكنة ممكن
يفتل المزاج البقى مفتول خلقة,,
والحالة زى ما قلت قطعة بحر,,
طيب أخوانا ناس الصقيع والصقيعة يكونو عاملين شنو!!!
قاتل الله الغربة يا صاحب..
وردّ الجميع لأهلهم وديارهم سالمين,,
_____________________________________
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: محمد كابيلا)
|
| Quote: ما يطلبه المغتريين !!كااااكــ |
.. دا في حالة إنك تكون مصنفني كمغترب يا كابيلا .. أن ما كملت النصاب القانوني بتاع مغترب لسة .. وما بتنطبق علي مواصفات اي مغترب .. الفرق بيني وبينك إلطيارة الشالتني من الخرطوم دي ونزلتني في الرياض .. عايز تعرف المغتربين امشي احضر قناة زول .. والوو مرحبا شوف المغتربين بيعملوا في شنو ..
فهمتني ..؟
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: أيمن الطيب)
|
Quote: طيب أخوانا ناس الصقيع والصقيعة يكونو عاملين شنو!!!
قاتل الله الغربة يا صاحب..
وردّ الجميع لأهلهم وديارهم سالمين,, |
شكرا يا ايمن لي صلاح .. بن البادية .. وعلى ذكرى الاصوات والغناء الانعدم دا .. عندي خالتي .. مما الله خلقه كلما تسمع عثمان حسين .. هاك يا جرسة وبكا .. حتى من قبل ما يموت .. وانا ما عرفت الحالة البتتقمصة دي إلا لما شفت الشايفو دا .. مع انها جوة البلد قاعده .. وأهو زي ما شايف نحن بنحس بي الشوق جوه شوقنا زاتو .. خليك من طلعانا بره البلد
ناس الصقيع ديل بقى حاجة تانية .. ديل جدعان عديل كدا ..
اللهم آمين يارب ..
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: حسام هارون)
|
Quote: حي (الشجرة)..
هو مكان يشمل ثلاث مناطق هي (حي الري المصري) و(الحماداب) وأخيراً الاسم الثالث والذي سميت به المنطقة والذي يحمل عبق جميع تلك الأمكنة.
من حي (الشجرة) الخرطومي الشهير جاءت هذه الحلقة من (رحيق الأمكنة) والتي قدمت بمعية العم محمد علي فرحان أقدم سكان حي الشجرة، والذي سمي بهذا الاسم لاقترانه بشجرة سنط كبيرة على شاطئه كانت تتبع للحاكم الإنجليزي غردون. ليعرِّف العم محمد بعد ذلك بكل تفاصيل المكان وذاكرة السكان وتفاصيل الحياة الاجتماعية المترابطة جداً بين قاطنيه. |
.. | Quote: غردون يخلد لاسمه على أشجار (السنط) |
أعلاه اقتباس من موقع قناة الشروق .. عن الحلقة .. http://www.ashorooq.net/index.php?option=com_show_detai...&shw_id=39&sn_id=722
دا كلو كوم .. وحقارة غردون باشا كوم براهو .. اقترح على بورداب بريطانيا تشكيل لجنة كتابة اسماء على الشجر اسوة بكتابات غردون على اشجارنا
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: حسام هارون)
|
Quote: والله يا تمبس انا مش حضرت البرنامج
انا كنت عاوز أخش جوة التلفزيون عديل كدة
فأسرتنامن المؤسسين لمدينة الشجرة
وفي كل ركن لنا فيها ذكريات
حلقة فعلا جميلة |
.. والله قلبي معاك حسام هارون أنا لو مكانك بعد الحلقة دي اخش جوه اي شاشة قدامي ..
إن شاء الله بس قلبك يكون برد حسع دي ..؟
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: جعفر محي الدين)
|
Quote: والله يا علاء
برنامج جميل وفعلا بديك رحيق الأمكنة
تابعتوا في توتي
وفي بــــري
وفي الشجرة أمبارح
اتضح لي أني ما بعرف في الشجرة إلا اسمها فقط
تاريخ ضخم |
تعرف يا جعفر في كل حلقة بحس إني كنت مسطح .. اسطح من الحلقة القبليها .. وفي محلات اكتشفت إني مفترض كان اكون فيها حتى ولو امشي (ازازي) ساي فيها .. الشجرة دي كنت بجي ماري بيها كتير وفي حياتي دخلت فيها مرة واحدة .. حلقة توتي وبري للاسف ما حضرتها .. يظهر إنو الواحد ح يطالب قناة الشروق بي بدل شوق .. وبدل جهجهة.. Quote: وأجمل حاجة مدارسهم أسماءها أسماء ناس
من الشجرة بل ومجاورين المدارس
ياخي التاريخ فعلا يكتب هكذا
اسم مدرسة يذكرك برجل عصامي أو قائد عظيم
اسم نادي يذكرك بلاعب كورة فلتة |
.. انا برضو عجبتني الفكرة بتاعت اسماء المدارس دي .. البتخلد ذكرى ناس ليهم علاقة وطيدة بالمنطقة .. ودي طبعا حاجة جميلة جدا وموجودة في معظم الأماكن في السودان .. احيانا بتسمى بي مسميات ما ليها علاقة بالترقيم ولا الربط المساحي .. ولا حتى المرافق العامة .. تلقى اسم زقاق كامل أو حلة كاملة معروفة بي اسم زول بس هو حي ومتحرك .. يا عمود معين تسمي بيهو المنطقة كلها .. عمود ناس فلان .. يا حيطة ناس فلان .. ودي بتبقى طبعا سيرة للوصف .. وديل واضح بتربطو بي اسم الشخصية المعنية .. Quote: خالتك لمن جابت سيرة الجمعية التعاونية بتاعت الري المصري
عايزة تبكي عديل كده
ورددت الخمسة والستة جنيهات البجيب مشتروات الشهر كله أكتر من مرة |
والله فعلا يا جعفر .. تعرف الوالد لحدت الان محتفظ بي دفتر الجمعية التعاونية حق (البوليس) .. من ضمن الحاجات الما ممكن يفرط فيها أبدا .. بتلقى حاجات عجيبة .. واسعار عجيبة .. جدا .. وفعلا لما الحاجة دي كانت بتتكلم بالحسرة دي طوالي رجعت لي الشنطة بتاعت الحاج الداسي فيها الذكريات المؤلمة دي ..
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: Osman Musa)
|
Quote: يا أخى حلم أمريكى بتاع شنو ؟
الهجرة دى فى أى مكان كلام ساكت .
سنين كتار مرقن بو . |
العزيز عثمان سلامات ..
طبعا الحلم الأمريكي دا اكبر اشاعة وضحت في الوقت الحالي .. ورطة كبيرة جدا .. لكن الهجرة عموما، فيها الصالح والطالح .. ربما لو رجعنا لي سنين بعيدة لي وراء اللقى وضع هجرة كان هو البطل .. والحلم الأمريكي كان سيد الموقف .. لكن كمان مسالة إنو الواحد يحتل بي (وشو) فدي صعبة شوية أهو في النهاية زي ما قلته بتحصل ليك الكرمشة دي .. وتبقى ساكي البورصة الطلعت ونزلت .. يا تقلع بي جلدك وتخلي (عقابك) بي وراك ودي اصعب مرحلة .. Quote: يا أخى جيب الحلقة . قال نتى قطع . هو فى الرياض دى فى
اكتر من النتات ؟ |
والله الحلقة بفتش ليها لسة يا عثمان .. وعشمان في أهل النجدة والدستور ..
تخيل يا عثمان عندي اربعة خطوط بتاعت نت وكل خط براهو .. لكن مرات كدا بتعصلج ليك لمن تعرف حاجة .. حسادة ساي بس من النت
| |
|
|
|
|
|
|
|
|
 Re: الحضر ( رحيق الأمكنة) في قناة الشروق أمبارح منو..؟ (Re: tmbis)
|
Quote: يعني يا ندى أمبارح كنتي (بتطقعي) معانا برضو ..؟
خالتك الهلالابية دي متعتني ليك متعة عجيبة جدا طبعا .. ودا الاصل في الحاجات .. قلنا ليكم الهلال وما دونه كلهم هلالاب زعلانين ..
عمتك دي بتشجع الهلال من زمن كانو بيشلخو وبيدقو الشلوفه .. لي زمن هيثم مصطفى .. تقولي لي وارقووو ..؟ |
قلنا ليكم عجبتنا الخااااالة, وبس.
| Quote: .. اللذ حاجة إنو قالت لو كان المرة زمان طلعت السوق راجله بدقها .. دي اكتر حته عجبتني برضو |
حسة السن بالسن , والبادى أظلم.(وشوش أيمن الطيب الكتييرة ديك)
| Quote: فاتت علي الحلقة السابقة حقت حي الضباط حينا الامدرماني العتيق |
دة حلقة مابعدها, العم الكبير الكان بتكلم عن تاريخ الحى, قمة فى اللطف وخفة الدم رغم أثر السنين عليهو.
| Quote: وقاتل الله الغربة يا ندى والمهجر .. |
ومشيناه خُطى كتبت علينا...
وكل ماأتمناه بسمة من ملاك أضناهو حبو, حِلمو كان فى الغربة نسمة من أريج بلدو البحبو.
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: ندى عثمان حسن)
|
ايمن الطيب جهجهتنا زيادة,,,,بابن البادية,,,
نسوى شنو?
الناس فايتة بعض بالصبر
كنت قايلة روحى ببحلق براى فى القنوات السودانية ,,,,
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: tmbis)
|
تمبس يا حبيب ليك سلام
ياخي بت بركية دي الله يديها العافية
زولة راقية لأبعد الحدود
من بداية الحلقة ولحد النهاية لا يوجد تكلف
وكل الامور تسير بتلقائية وحميمية
أنا متابع للكثير من حلقات هذا البرنامج الجميل
وشفت كيف إيمان بركية بتعرف تختار الأماكن والشخوص
وكيف الناس بتبادلها نفس الأريحية والعفوية
تقديري
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: زياد جعفر عبدالله)
|
ويـــــــــــــــن يا ميزانيات
يااااااا ، انا بحبه جدا البرنامج دا
تعرف البرنامج دا أحلى شئ فيه شنو؟؟
التجوال والونسة باريحية في الاماكن واستعراض تاريخ المكان الاجتماعي عبر الحبوبات الحلوات ديل. فعلا ايمان بركية بدت بامكانيات أحلى في البرنامج دا، انسب صفة تطلقها على البرنامج دا انكـ تقول ، برنامج طاعم
التحية للفريق العامل في هذا البرنامج
عايزة اقوليكـ.
اذا الدنيا لسه بخير مدام فيك شئ من الحنين الي البلد ، ياااخ بدل الجلسرين المغرق الكيبوردات دا تعالوا راجعين
زياد جعفر.
قطعت قلبي
الموردة جابوها ولا لسه
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: أبو ساندرا)
|
Quote: دهشتك ماغريبة يا علاء
فالحي من الأحياء ذات نسبة الوعي المرتفع في الخرطوم
كما ان للخضرة والأشجار الباسقة حول الحيي وقربه من النيل الأبيض
أثرها في مزاج ناس الحيي ولطافتهم وحسهم الرفيع
الحلقة فاتتني لكني اعتمدت على وصفك |
..
والله يا ابوساندرا أنا قاعد اتخيل في حلقة الموردة .. في سوق السمك .. وسوق الموردة القديم .. وزنك الخضار .. ودار الرياضة أمدرمان .. وكل الحاجات العجيبة دي .. نفس التشابه الموجود في كل مكان .. بنفس التفاصيل ..
أوعة تكون فاتتك حلقة الديم ..؟!
Quote: عادات سودانية جميلة وحلوة وموروثة يمتلئ بها حتى يفيض شارعنا السوداني غير أن ثمة مكانا يحمل خصوصية رائعة لكل هذه الصفات والعادات.
هذه الحلقة أتت من حي (الديم) الخرطومي الشهير والتقت بعدد من رموز المكان أبرزهم العم علي حمد من قدامى السكان ومن رموز السكة حديد، حيث كان يعمل سائقاً للقطار ومن بعد انتقلت لمسامرة عدد من السكان الذين يقبعون في حميمة تحت ظلال أشجار إحدى المنازل وحاورتهم حول تاريخ المكان وخصوصيته. |
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: شمائل النور)
|
Quote: زياد جعفر.
قطعت قلبي |
شمائل
تسلمي يا ستي
تعرفي يا شمائل..انا مرات بيني و بين نفسي بقول: والله كتر خيرو بكري ابوبكر...الواحد يجي من الشغل جري على الكمبيوتر..الاأيميل ثم سودانيزاونلاين!!...ساكت يستمتع بي بما في الاسفير من عبق الأهل والوطن..وخصوصا لو فيها صور!..
نعمل شنو يا شمائل..مشيناها خطاً كتبت علينا **و من كتبت عليه خطاً مشاها
...
آخر مرة زرت فيها السودان..قابلت الاستاذ بابكر حنين بالصدفة بعد صلاة الجمعة...المهم سلمت عليهو و اتونسنا شوية..بعدين قلتا ليهو يا استاذ بابكر قنواتكم دي بأستثناء القومية ما بنشوفها في بلدنا البعيدة ديك..وعدني ان يسأل مهندسين البث عن الحل واعطاني تلفونه لأتصل به...للأسف فقدته ولم اتمكن من الأتصال حتى الآن!!
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: زياد جعفر عبدالله)
|
يازياده الكلام ده
Quote: انا مرات بيني و بين نفسي بقول: والله كتر خيرو بكري ابوبكر...الواحد يجي من الشغل جري على الكمبيوتر..الاأيميل ثم سودانيزاونلاين!!...ساكت يستمتع بي بما في الاسفير من عبق الأهل والوطن..وخصوصا لو فيها صور!..
|
\
خطفته من لسانى
وشوف انا جيت من السودان لى اقل من شهر
وكل يوم بتباكى للرجوع
خارج النص
انت فى اى مدينة من مدن بلاد الاندجنس انا فى ملبورن
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: راشد فضل)
|
Quote: لعل المانع خير يا سيد تمبس
ياخ انت بتاكل (مطاطيظ) تقول لي دم قلب |
والله كلو خير يا سيد راشد .. بعدين معلومتك خطأ فيما يتعلق بالنظام الغذائي .. نحن اليوم البنتعاطى فوقو أو ندمن فوقو المطاظيظ والرز .. والتبولة اللبنانية .. إلخ .. بتلقانا قطعنا المالح دا عــوم .. عليك الله الواحد مرضعنو كسرة وقراصة وملاح بامية مفروكة تقول لي مطاظيظ ؟؟ شكلك كدا من النوع البيغطس في المندي .. لي كوعو .. Quote: البرنامج مافيهو كلام تب فكرته جميلة جدا والمذيعة وفقت في تقديمه ولعلهاتلقائيتها مثلما قلت
ـــ
لك مني التحية والمودة |
.. اينما وجدت التلقائية يا راشد .. وجد النجاح .. لانها سر اي حاجة ناجحة ..
تسلم يا راشد وتشكر ..
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: محمد عبد الماجد الصايم)
|
Quote: يا معلم .. ما تورينا البرنامج دا متين والساعة كم؟
ولّ يفوتنا الأسبوع دا كمان! دي شنو العالم الإنقاذية دي؟!
كاااااكـ ياخ! |
.. عليك الله شفت (وضعه) لي بي هدوء كيف ..؟ الواحد بقى معروف .. واتحرق كغنقاذي في البورد دا .. غايتو تاني إلا نمشي (الفور أول) .. عليك الله لو عندك واسطة قدم لي معاك .. شان المرة دي تعرف حاجة
البرنامج بيبث يوم .. التلاتاء من كل اسبوع الساعة .. خمسة بالمساء..
بيعاد يوم الأربعاء الساعة اطناشر الضهرية ودي الاعادة الأولى ..
الاعادة التانية يوم الخميس الساعة سبعة صباحا ..
يعني كان فاتك يوم التلاتا بتلحقو في بلاطة الخميس لانو يوم الأربعاء دي باص كبير
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: شمائل النور)
|
| Quote: ويـــــــــــــــن يا ميزانيات |
كيفك يا مقصـــات ..
| Quote: التجوال والونسة باريحية في الاماكن واستعراض تاريخ المكان الاجتماعي عبر الحبوبات الحلوات ديل. فعلا ايمان بركية بدت بامكانيات أحلى في البرنامج دا، انسب صفة تطلقها على البرنامج دا انكـ تقول ، برنامج طاعم |
. فعلا يا شيمو برنامج طاعم جدا .. شكل الأمكنة وتواجد الناس الطبيعي فوقه بدون اي رتوش .. او اي تحضيرات مسبقة .. التلقائية .. طبيعة الاشياء من حوالينك .. سهولة ايمان بركية في التعامل مع المكان نفسو قبل التعامل مع الضيوف .. كلها عناصر مجتمعة خلقت البرنامج جاذب جدا .. ومحبوب .. وبالنسبة للناس البتتابع بتبقى في حالة انتظار لي الحلقة الجاية ح تكون وووين ..؟
وياربي المحلات دي قبل كدا جيت بيها واللا اساسا ما شفتها ..
الاحياء الشعبية .. العتيقة جدا دائما هي بتعكس اصل معدن الناس اكتر من المدن المصنوعة .. Quote: عايزة اقوليكـ.
اذا الدنيا لسه بخير مدام فيك شئ من الحنين الي البلد ، ياااخ بدل الجلسرين المغرق الكيبوردات دا تعالوا راجعين |
.. والله خير كبير خلاص يا شمايل الواحد ما بيحس بيهو إلا لما يفارق ناسو وأهلو ..
تعالوا راجعين دي بقى هي ذاته سبب الجلسرين دا ..
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: طارق أحمد عثمان)
|
Quote: تمبس يا حبيب ليك سلام
ياخي بت بركية دي الله يديها العافية
زولة راقية لأبعد الحدود
من بداية الحلقة ولحد النهاية لا يوجد تكلف
وكل الامور تسير بتلقائية وحميمية |
.. كيفنك يا طارق ..؟
اضف لذلك إنها متمكنة شديد .. ودخلت الاعلام من باب اكاديمي واسع .. خريجة صحافة وعلوم اتصال .. وترجمة لغة انقليزية ودا فرق بين زول يكون مؤهل اكاديميا في مجالو وبين شخص .. داخل عنوة ..
التلقائية والحميمية ديل أهم اسباب نجاح البرنامج دا .. لانو فكرة البرنامج اساسا بتعتمد على الحكي بشكل سوداني بسيط جدا .. لو كانت فوقو اي حاجة ما طبيعية .. بيفسد البرنامج في الحال .. Quote: أنا متابع للكثير من حلقات هذا البرنامج الجميل
وشفت كيف إيمان بركية بتعرف تختار الأماكن والشخوص
وكيف الناس بتبادلها نفس الأريحية والعفوية |
.. فعلا .. حضرت الحلقة بتاعت الديم كاملة .. وعجبتني الفكرة بتاعت لاقت الديامة تحت الشجرة مدورين كشاتين .. عادي جدا .. مشو جابو ليهم البيبسي ادوها وادو المصور معاها .. ضربو ببسيهم ودورو الونسة عادي جدا ..
الشعب السوداني دا .. اكتر شعب الله خلقو ما بيحب التكلف .. والطنقعة
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: طارق جبريل)
|
يا حنين,,
| Quote: ومرات بقلب القنوات (بالجوال) وبسمع المكالمات بالريموت |
يا صاحبى دى إسمها الحالة ون,,
الحالة تو بتجيك قريب ونلقاك مسجل فى برنامج العودة الطوعية,,,
أو شادى الرحال عابر المالح صوب الديار ,,,
الحالة تلاتة بطريقتك دى ما أظنك بتحصلا,,
الله فى,,
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: أبو ساندرا)
|
Quote: فاتتني والله
وهسع أملي في فيديوهاتك |
.. منيين يا أبوساندرا ..؟
والله دخلت الموقع بتاع الشروق قلت اللقى فيديوهات كويسة .. ودقيت اليوتيوب فتاشة عجيبة .. ما لقيت ولا التكتح ..
والايامات دي بيني وبينك كدا ما عندي طريقة بتاعت معالجة اي فيديو عشان ارفعو في النت .. ماف جهاز محترم نفسو كدا عشان يساعد .. Quote: وبيني وبينك أحسن إنها فاتتني
لأنني قبل فترة وجيزة حضرت في برنامج الأعراس
بتاع أمجد السمين في قناة النيل الأزرق
العرس كان بتاع ناس عزاز في الديم وعملوه في نادي ديم القنا ، حينا يعني
وتعال شوف الجهجهة |
.. برنامج أمجد دا يا ابو ساندرا عامل لي نفسيات .. حقو يجيبو ليهم حفلة واحدة كلو اسبوع وما يسالو ليهم عريس ولا عروس .. الناس تغني وترقص وكل زول يمشي يشوف اتجاهاتو وين ..
..
بلاي شرايط العرس بقت تجهجهك يا أبو ساندرا ..؟
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: أيمن الطيب)
|
Quote: يا صاحبى دى إسمها الحالة ون,,
الحالة تو بتجيك قريب ونلقاك مسجل فى برنامج العودة الطوعية,,, |
يا لذيذ اعتقد إنو أخوك في الحالة (فايف) حسع شايف ليك نفسو جمب المحلة بتاعت (السيرة) حقت المرة الفاتت متذكرة ..؟
ياخ أيه الأرف دا ..
أمبارح نايم كويس جاتني ليك صحية الساعة كم كدا ما عارف الصباح .. وجدتني افكفك ليك في سلوك الرسيفر والريكوردر وأعيد تركيبه من جديد ..
طبعا الفرتقه دي ما ساااي .. اتذكرت إنو قبل كم يوم سجلت لي اغاني .. وكان في وصلة بتاعت صوت زايغة طلع التسجيل من غير صوت ..
فقمت بالمناسبة دي لميت ليك في السلوك دي من غير سبب وقلت ليها الليلة قايله البفكها فيك منو .. مش أنا دا ..؟
إنتو البورد دا ما فوقو كهربجية واللا شنـو..؟
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: طارق جبريل)
|
Quote: تعرف يا حبيب واحد ود اهلي عايز يغلغلني ليك
صور ليك حلتنا في الامتداد ومشى البركل صور بيوت جدودي ورسلهم لي
يمين يا حبيب رقدني سلطة عديييييييييييييل |
.. وينك يا بتاع الترجي ..؟
ياخ الزول دا مؤذي عديل كدا .. دي حاجات ما بهطرو فيها مع زول قاعد بره وعامل زيك كدا دا ..
ياخ انا في اجازتي دي لقيت الصور بتاعت الثانوي حقتنا ولما الشباب جوني ومشيت براي أخدت لي لفه على المدرسة .. والله قربت ابطل السفر ..
الواحد اصلو قاعد مخاواة ..
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: tmbis)
|
يا تامبا الأمكنة دي بي ناسه وأهلها الحنان ..
لا تزال تشم رائحة عبقها بطيبتهم وأريحيتهم التي ورثوها أباً عن جد ..
رغم إنني لم أحضر هذه الحلقة ولكن أحسست بما ذكرته عن حبوباتنا ديل ..
أخوك تربية حبوبات والما ربى مع حبوباتنا الزمان ديلك بكون ضائع ساي ..
ربنا يمد في عمر العايشات ويرحم من توفى منهم ..
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: معتصم دفع الله)
|
بيكون اعمق للناس البره السودان .. والليهم مدة طويلة من لمة الناس .. أو الجو قريبات دي من إجازة وما لقو فرصة يقعدو في لمة حميمة جدا تشبه تلك التي شاهدتها بالأمس ..
التحية لي المذيعة أو مقدمة البرنامج الاعلامية الناجحة جدا والتلقائية (إيمـان بركية) .. وطاقم التصوير الذي ينتقل من مكان لمكان ليعكسو حميمية تلك الأماكن وحميمية الناس الفي تلك الأمكنة ..
حلقة اليوم كانت في القوز
متعة حقيقية
حضور بنتنا المذيعة المتمكنة إيمان بركية ( حفظها الله )
و معلومات هؤلاء الأمهات عن أدوات قديمة جديدة
كل هذا يجعلك محصور في تفاصيل الحلقة و كأنك معهن و ليس مشاهد
تحياتي يا علاء
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: ابو جهينة)
|
تعرف يا تامبا
في الفترة الفاتت دي كان عندي مزاج أسجل كذا برنامج
أها سجلت لي حاجات كتيرة
وجيت لي "صاحبك" رسلت ليهو رسالة قلت ليهو عايز لي موقع عشان أرفع فيهو الملفات دي
قام قال لي
youtube
ذكرتني كلمة
done
ياخي اليوتيوب أقعد أقطّع في الفيدوهات عشرة دقايق عشرة دقايق
مزعجة شديد
قمت زعلتا وما سجلت حاجة تاني
هسي لو صاحبك ده أدانا موقع ولا شاف لينا حاجة
كنت سجلتا حلقات "الرحيق" دي
ودعتك الله
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: motaz)
|
Quote: تعرف يا تامبا
في الفترة الفاتت دي كان عندي مزاج أسجل كذا برنامج
أها سجلت لي حاجات كتيرة
وجيت لي "صاحبك" رسلت ليهو رسالة قلت ليهو عايز لي موقع عشان أرفع فيهو الملفات دي
قام قال لي
youtubeذكرتني كلمة
done
|
.. يا معتز .. done معناته done و youtube معناته youtube .. .. تعرف يا معتز ربما لبكري مبرراته الخاصة جدا .. في مسالة حجب تحميل الفيديو .. لاسباب متعلقة بي نواحي تقنية .. ونواحي أمنية .. تلاحظ إنو في فترة فتح المساحة لتحميل الفيديو حتى ولو كان بي احجام صغيرة .. تم استغلال المساحة من جهات متعددة .. فيها ضرر للموقع اكتر من الفايدة .. أنا كنت من ضمن المستفيدين من رفع ملفات الفيديو .. على الاقل بضمن إنو الملفات موجودة ولو احتجت في اي لحظة ليها برجع .. والواحد كان بيشعر بي طمانينة في المسالة دي .. بقيت زيك احجمت عن تسجيل العديد من الحلقات .. علشان اعرضه في البورد .. فقط لارشيفي الخاص .. لانو مسالة انك تمشي تفتش ليك موقع وترفع فوقو مسالة مملة جدا .. بالاضافة لي إنو تحميل الملفات في اليوتيوب وعرضها بطريقة الفلاش .. ما بيوفر لي عددية كبيرة جدا إنها تطالع الملفات دي .. بالاضافة لي إنو موقع اليوتيوب .. اصبح مشبوه والضرر البيجي منو اكتر من الفايده المجنية ..Quote: ياخي اليوتيوب أقعد أقطّع في الفيدوهات عشرة دقايق عشرة دقايق
مزعجة شديد
قمت زعلتا وما سجلت حاجة تاني
هسي لو صاحبك ده أدانا موقع ولا شاف لينا حاجة
كنت سجلتا حلقات "الرحيق" دي |
بتمنى إنو نلقى لينا حل جذري للمسالة دي ... تساعدنا نرجع زي زمان
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: ابو جهينة)
|
Quote: حلقة اليوم كانت في القوز
متعة حقيقية
حضور بنتنا المذيعة المتمكنة إيمان بركية ( حفظها الله )
ومعلومات هؤلاء الأمهات عن أدوات قديمة جديدة
كل هذا يجعلك محصور في تفاصيل الحلقة و كأنك معهن و ليس مشاهد |
.. سلامات يا ريس .. فعلا يا ريس الحلقة كانت جميلة وممتعة .. فعلا شدتني في حلقة القوز .. الادوات القديمة المحفوظة بعناية .. شديدة ..
ماكينة الحلاقة التقليدية وحجر المسن
محفضة الحبوبات ..
الهبابة البتتوزع للضيف .. مع السرير بدلا عن المكيف الصحراوي أو الاسبلت ..
السيف والدرقة ..
الحديث السمح عن ذكريات الشلوخ ..
وبساطة ايمان بركية وضيوفها .. والحكي الطاعم جدا .. كلها كانت عناصر جاذبة للمتابعة للحلقة ..
حلقة القوز شهدت فيهو جزء من طفولتي .. وكنا بنمشي لي حبوبتنا هناك .. ودا سبب اضافي شداني لي متابعة الحلقة وكأني بفتش عن اي حتة قديمة مريت بيها بي ذاكرة الطفولة ..
Quote: هو مكان يقع في العاصمة الخرطوم، ويحمل الكثير من الرحيق.. مكان له عدد من الزوايا كواحد من الأحياء التاريخية.
من حي (القوز) جاءت هذه الحلقة من (رحيق الأمكنة) والتي صحب الكاميرا في جولتها على الحي الأستاذ محمد أحمد عبدالقادر من قدامى السكان، وطاف بها في جولات ماكوكية على جميع أنحائه مستعرضاً شخوصه وأهم معالمه.. وتاريخ نشأة الحي والتكوين، والأسر الشهيرة والعريقة التي قطنت به والعديد من المحطات |
| |
|
|
|
|
|
|
|
|
|
Re: الحضر ( رحيق الأمكنة) في قناة الشروق أمبارح منو..؟ (Re: معتصم دفع الله)
|
Quote: أخوك تربية حبوبات والما ربى مع حبوباتنا الزمان ديلك بكون ضائع ساي ..
ربنا يمد في عمر العايشات ويرحم من توفى منهم .. |
.. السودان سمح بي ريحة الناس الحنان ديل يا معتصم .. وديل ربنا مثبت بيهم قلوب الناس ..
غايتو الما ربتو حبوبتو .. الترابة في خشمو
اي واحد عندو شكك في تفردنا كشعب .. يراجع البند الخاص بالحبوبات .. الفقرة المتعلقة بي الحكمة والراي السديد .. والنظرة المستقبلية .. والمحنة .. (والريحة) .. الما بتشمها في اي عطر باريسي أو أغلى عطر في الدنيا ..
اعتقد إنو الحبوبة المنشا الطبيعي حقها كان السودان ..
حبوباتنا .. هن حبوبات جميع العالم ..
| |
|
|
|
|
|
|
| |
tmbis
humida
ismeil abbas
ندى عثمان حسن
عطية المحسي
أبوعبيدة محمد الأمين
محمد كابيلا
Osman Musa
جعفر محي الدين
أيمن الطيب
معاوية الأرباب
زياد جعفر عبدالله
شمائل النور
أبو ساندرا
elnawrani margan
محمد عبد الماجد الصايم
عمران حسن صالح
طارق جبريل
معتصم دفع الله
ابو جهينة
motaz
فيس بوك
تويتر
انستقرام
يوتيوب
بنتيريست