|
كتب الكاتب الفاتح جبرا المتوفرة بمعرض الدوحة
|
|
 Re: العزيزة,,,,, (Re: Amira Elsheikh)
|
العزيزة الما بتسأل عن شعورنا
| Quote: ليه علاقتنا الانسانية والعاطفية بتنتهى ببساطة? |
اضافة او تعديل :
ليه بعضنا يهرب من علاقات فاشله كان يتوهمها ليوهم نفسه بعلاقة افشل؟
| |
 
|
|
|
|
|
|
|
 Re: العزيزة,,,,, (Re: أميرة فاروق عبد العال)
|
اميرة فاروق ست السماحة حبابك........
الدموع تغسل القلب من الرهق وبعد كل دمعة صادقة بكون الزول اجمل واطهر وانقى ...
الصدق ياميرة
الصدق يا اميرة
الصدق يااميرة ,,,,,,
| |
|
|
|
|
|
|
|
|
|
Re: العزيزة,,,,, (Re: نادر النور آدم)
|
نادر النور.. يابرلوم حبابك الف
البرقص ما بغطى دقنو يا قول حبوبة .....
وماتخاف من اى حاجة بجيب حاجة .....
والزاعها الله فى القلب بتقوم.....
| |
|
|
|
|
|
|
|
|
|
Re: العزيزة,,,,, (Re: عاطف عمر)
|
يا ها زااااتا الما بتسأل عن ظروفنا ؟؟
ولاّ عزيزتن تانية ؟؟
ياها زاتها ياعاطف,,بس تفتكر سااااى كدا بقت مابتسال??
ولا فى سبب?
| |
|
|
|
|
|
|
|
|
|
Re: العزيزة,,,,, (Re: Amira Elsheikh)
|
الاميرة بت الشيخ المريخابية الاصيلة
لكن الطيب ما جلّع الاغنية جليع الجن
(العجب) لمن يقول : ما كنتي (بهجة) تها بي روائع قوس قزح
طبعا الاسم الفي القوسين ده كاسر ضلعي كللللهن
التحية للفنان الرااائع فتحي حسين .
والتحايا للفنان الجميل الطيب مدثر
والبكاء والنخجي لينا نحن
| |
|
|
|
|
|
|
|
|
|
Re: العزيزة,,,,, (Re: امير عوض الجمري)
|
امير عوض حبابك عشرة ..
فى غنا كدا مابتعرف سرو وين اصصصصصصصصلو
هل السر فى الكلمات ولا اللحن ولا الاداء ولا السر فيك انت وليلاك او بهجتك كما بين القوسين...
مبروك ..... وابقى عشرة
| |
|
|
|
|
|
|
|
|
 Re: العزيزة,,,,, (Re: Osama Siddig)
|
| Quote: ولاعزاء للمحبين,,,, |
والمحبــــــــــــات,عندّهن عزاء ولاّ لا؟؟
ياخي التخصّيص ده,بجَهجِه شدّيد!!
اها خليها سّآي عشان نندّاح ونِتبّهِل في واطات البوست الوهيطة دي,
_________________________________
بوستيك ده أنا حارسو بي(شاي لبناً مقنن بي بسكويتاّ مشلخ وزلابية حااارة,في نص حوشاً مفرشين فيه سراير والناس ملومة والونسة طااااقة والدنيا مغارب)
(برجع ليك بمزاااج)
| |
|
|
|
|
|
|
|
|
|
Re: العزيزة,,,,, (Re: جلال جبريل)
|
| Quote: الدموع تغسل القلب من الرهق وبعد كل دمعة صادقة بكون الزول اجمل واطهر وانقى ... |
كلام ناس صفوة.
تسلمي يا أميرة أن اتحتي لنا فرصة للمزيد من التطهر.
" ابكوا تصحوا"
وافر تقديري
| |
|
|
|
|
|
|
|
|
Re: العزيزة,,,,, (Re: جلال جبريل)
|
جلال ياجبريل,,,,سلاام..
الدمعة دى نتيجة ومرات هى زاتها بتكون مغلوبة على امرها من كترة مانحن
جهجهناها,,,
شان الدموع دى زاتها شوية ترتاح مننا مش نشوف علتنا وين?
فشلنا اسبابو شنو?
لى ياتو مدى نحن متمسكين باحلامنا,,,
يوم بنحتاج نعتذر للدموع دى
| |
|
|
|
|
|
|
|
|
|
Re: العزيزة,,,,, (Re: Amira Elsheikh)
|
سلامات أميرتنا
ياخ الطيب مدثر ماااابيجيبوهو ( استماع ) بس
نصف أو قولي تلاتة أرباع أداؤه للأغنية ( أى أغنية ) هو معايشته التامة للأغنية
ذوبانه داخلها
غرودة عيونو - على قول الوالدة الحبيبة بت التلب - ( وتلك قصة أخرى )
أى كأنه يغني ليطرب نفسه أولاً ثم ينتقل منه الطرب للآخر
في العزيزة دي بالذات يتجلى عدييييل
وبرررضك
شكراً يا عزيزة
| |
|
|
|
|
|
|
|
|
|
Re: العزيزة,,,,, (Re: khaleel)
|
العزيزة : اميرة الشيخ
المحترم : خليل
تحياتي , العزيزة اغنية جميلة الكلمات واللحن وياخليل قالوا حب الناس
ويبدو ان سماعهم مذاهب ,,, تخيل اعتقد ان الطيب مدثر تطريبو عالي والاغنية
ارتبطت في آذان المستمع بالطيب مدثر ... العزيزة سمعت بخصوصها شهادة ان وردي
تمنى ان يغنيها ولا اعلم بمدى صحة ذلك وعلى كل حال اختيار جميل وطرحك بخصوص
العلاقات الانسانية في واقعنا ربما الان انفتحنا اكثر ولكن نظل ما بين مطرقة التقليد
والمحافظة وانخفاض التعليم وقبيلية الوعي لو جاز لي وتراكيب اجتماعية نسألها بأي
ذنب قتلت تلك اليوانع في مسيرة العلاقات الانسانية كثيراً نجلس ونستعيد الماضي فيحدثني
صاحبي تخيل ان اثنتا عشر علاقة بين اصحابي والتي وصلت لمرافئ الختام السعيد واحدة ؟
عييك مع حركة على الرأس ؟دي خاتمة التساؤل من صاحبي المكتوي والان من الرافضة تماما للفكرة ؟
تخيل كنتُ اقول نعم اتخيل بين عدم الاستقلالية في مثل هكذا قرار وعدم الجدية واللامسؤولية
والتربية الخاطئة للبعض وجملة مشكلات تفتح مشاريع حوارات كبيرة يااميرة يحتاجها على كل
حال الجيل الحالي ويجب ان تُصحح المفاهيم ويُستفاد من التجارب لنهوض حيوات مستقرة وتعمها
السعادة والحب والجلال والجمال . سلمتي وللجميع احتراماتي .
* سعدالدين ابراهيم في الكلمات
**الطيب مدثر في الاداء التطريبي الرائع .
*** بس المُلحن البديع لها منــــو؟؟؟؟؟
العزيزة الما بتسأل عن ظروفنا
الوحيدة الطال عشان جيتك وقوفنا
العزيزة الما بتسأل عن ظروفنا
الوحيدة الما بتحاول يوم تشوفنا
المواعيد لسة حزنانة بتنادي
والأماسي بتبكي في أسى ما إعتيادي
ما كنتي بهجتا براوئع قوس قزح
والله ما طلانا من بعدك فرح
سلميلنا على ضفايرك موجة موجة وكلميها
قولي ليها حرام تتوه فيها المواسم ونحنا بالجد نشتهيها،
سلميلنا على عيونك يوم تسهي تغروديها
ويبقو تفاحتين خدودك بس خدودك وين شبيها،
سلميلنا علي ايدينك وشملة الريد أنسجيها
سلميلنا علي خطاكي عزة العاملة ومشيها
والله أحضانك بلد يا حلوة ما تنسينا فيها
.............................................................................حجر.
| |
|
|
|
|
|
|
|
|
|
Re: العزيزة,,,,, (Re: الطيب شيقوق)
|
أميرة
أنت قالو مالو الايام دى؟
الطيب مدثر , بيغنى لرقبتو فى الأول , عشان كدة كل من يسمعو يطرب ليو حد الطرب.
اسمعى عندو : أسال عن حبيبك.
وناااايس ويك إند.
| |
|
|
|
|
|
|
|
|
|
Re: العزيزة,,,,, (Re: ندى عثمان حسن)
|
سلام يا اميرة
العزيزة اغنية عزيزة جدا علي
ولي معها زكريات جميلة
اسفت جدا وتحسرت لاعتزال صاحبها الفنان فتحي حسين المك
فهو من الاصوات النادرة والمميزة
يا ريت نلقى واحد ينزل لينا الاغنية بي صوت فتحي وبالعود كمان
الاغنية الحان عمر الشاعر بس ما متأكد من الشاعر منو
واعتقد ان فتحي مقيم الآن في الرياض بعد ان اعتزل الغناء
وبالمناسبة اغنية الغاريك جمالك البغنيها حمدالريح من اغاني فتحي المك برض
الله يطراهو بالخير
وليك تحياتي
| |
|
|
|
|
|
|
|
|
|
Re: العزيزة,,,,, (Re: خالد العبيد)
|
خالد العبيد ...سلاااااااااااام
تعرف انا ما كنت عارفة ليها فنان غير الطيب مدثر وما سمعتها
من الفنان فتحى حسين ..
اتمنى يتكرم زول ينزلها لينا شان اسمعها ومشكور على المعلومة دى ..
شاعر الاغنية عمادالدين ابراهيم
وملحنها عمر الشاعر كما ذكرت انت ...
شكرا ياخالد على المرور الجميل
تحياتى .
| |
|
|
|
|
|
|
|
|
|
Re: العزيزة,,,,, (Re: الطيب شيقوق)
|
الطيب شيوق ....سلاااااام
بوستات البكاء اليومين كتييييييرة وطارق بكون كولها عاصر الفراش فيها
وود الكامل ظهر اهو
ابقى طيب انت..
| |
|
|
|
|
|
|
|
|
|
Re: العزيزة,,,,, (Re: الرفاعي عبدالعاطي حجر)
|
العزيز :الرفاعى عبدالعاطى ,,,,سلااااااااااام
انت الوحيد جيت فى عضم البوست باقى الشباب ديل يبدو انهم اكتفو بالغنا
او نحن جبلنا على التخدير والامنيات والانتظار فبما يخص العاطفى او كانما هو حلم
وكان قصص الحب توجد على كتب التاريخ والافلام والمسلسلات اى هى
من وحى الخيال فقط ,,,, لذلك تجدنا زاهدين فى محاولة تحقيق هذا الحلم ونكتفى
بشرف المحاولة والباقى نعلقو على شماعة القسمة والنصيب ,,
فى مداختل استوفتنى عبارة انفتحنا اكثر ... انفتحنا اكثر صاح ولكن حسب اعتقادى هوانفتاح تجاه الكم وليس الكيف
هو انفتاح تجاه الشكل وليس المضمون والانفتاح كان لصالح ثقافة الفاست فود والتيك اوى اى ان المشاعر
برضها دخلت من ضمن سوق الفاست الرائج فى السنين الاخيرة ... ببساطة ممكن زول يقول ليك حب شنو؟
هو فى زمن زاتو للحب؟؟؟ تخيل؟
نفس الشئ ما فى زول قادر يصبر على علاقة ولا قادر يدافع عنها الافيما نادر ... نسبة الطلاقات مرتفعة اكثر من قبل
نسبة العلاقات العاطفية البتسجل حضور فى سوق الفشل العاطفى حدث ولاحرج والكل محبط ولاادرى اين الخلل
واليوانع فى مسيرة العلاقات الانسانية كلنا مساهمين فى قتلها بوعى او من غير وعى
هل يصبح الحب مجرد حكاوى وذكريات ؟
تسلم الرفاعى وسعيدة بحضورك
| |
|
|
|
|
|
|
|
|
|
Re: العزيزة,,,,, (Re: khaleel)
|
خليل ..سلااااااااااااام
انا بثق فى انو اضانك نضيفة وسميع غنا بدرجة امتياز
بس كمان ظلمت الطيب مدثر
العسيم دى اصلو ما حسيتو
| |
|
|
|
|
|
|
|
|
|
Re: العزيزة,,,,, (Re: noon)
|
نوووووون,,,العزيزة جابتك..
وييينك من زماااان,,,
تحياتى ومشتاقين..
| |
|
|
|
|
|
|
|
|
|
Re: العزيزة,,,,, (Re: عاطف عمر)
|
عاطف عمر,,,سلام,,,
اولا سلمى على بت التلب وياريت اسمع القصة الاخرى
شان انا برضو بت امى وقاعد اقول عندى امهات كتار فى الدنيا
ومحل ما بمشى بصادف ام وبت التلب ممكن تكون امى برضو,,
هو الموضوع شنو??,,
متفقة معاك فى انو الطيب مدثر عندو احساس سسسمح فى الاغنية دى ومن ضمنو غرودة العيون
ياقول بت التلب,,لكن كمان مرات الاستماع بخليك عندك غرودتك الخاصة بيك
وبتشوف فيهو عوالم عجيبة ... مرات كتييرة فى اغانى بتاعة سمع بس
وانت بتفصل الصورة حسب احساسك وقتها..
| |
|
|
|
|
|
|
|
|
|
Re: العزيزة,,,,, (Re: د.محمد حسن)
|
Quote: المشاعر دى واحدة والحنين واحد وكذلك الشجن بس اظن نصيبنا(هن) فى التعبير هو الشوية .....
ياهوارى انا متاكدة انك حريف وماقصدك تورطنى؟ |
الآميرة ..
تحياتي واحترامي...
مُتفق معاك مية المية,في كلامك
وبس حبيت أعمل تحريك في البوست ,ونخلي التعبير (الشوية) يطلع ويبان
لانو المشاعر دي,بيناتنا (,هم ,هن.....نحن كلنا)
لا انفصال فيها أبداً.
لانو الاغنية خلت الناس ما تنتبه لي الآسئلة الفوق,ودي الحاجة الحاولتها امرقها في ضهر البوست ده!!
*** محتاجين (نبيّن ونتكلم ونعّبر) عن المدسوس من احساسنا,
وبسأل ليه بندِّس العواطف وبنداريها؟؟( بعضنا او قولي معظمنا يعني)
___
كيفنك ياخي وعوافي؟؟
| |
|
|
|
|
|
|
|
|
|
Re: العزيزة,,,,, (Re: هواري نمر)
|
Quote: لانو الاغنية خلت الناس ما تنتبه لي الآسئلة الفوق,ودي الحاجة الحاولتها امرقها في ضهر البوست ده!!
*** محتاجين (نبيّن ونتكلم ونعّبر) عن المدسوس من احساسنا,
وبسأل ليه بندِّس العواطف وبنداريها؟؟( بعضنا او قولي معظمنا يعني) |
| |
|
|
|
|
|
|
|
|
|
Re: العزيزة,,,,, (Re: د.محمد حسن)
|
د. محمد حسن ,,,,
تسلم على المرور ,,,
| |
|
|
|
|
|
|
|
|
|
Re: العزيزة,,,,, (Re: Amira Elsheikh)
|
سلامات أميرتنا
سلامك لأمك بت التلب وصل
أرجو أن يجمعك بها الله تعالى ويجمعنا بأم الأميرة
القصة الأخرى
بدأ إعجابي بالفنان الكبير عثمان حسين في سن باكرة من حياتي
وقتها كان يتوزع إعجاب أصحابي وأبناء دفعتي بين فناني شباب ( تلك الفترة )
زيدان إبراهيم وأبو عركي البخيت أو ( البرنسات ) ناس عبدالعزيز المبارك وقميصه الشهير ( تحرمني منك ) .
كانت الوالدة أطال الله عمرها محتارة في ( ذوقي الغريب )
" يا ولدي عثمان حسين فنان سمح لكن ما قدرك إنت . دا فنان ناس أبوك وإنت طالع . ما تشوف ليك فنان من أولاد زمنك دا "
وضحكنا من الملاحظة
مر زمان
ظهر الفنان الطيب مدثر
لاحظت إندماج الوالدة معه ، سجلت أخواتي لها معظم أغانيه في جهاز الفيديو ، لذلك كان هذا الشريط هو ترفيهها المفضل
يوماً مازحتها
" يا حاجة إنت قلت لى أنو عثمان حسين ما من جيلي دحين الطيب مدثر من فنانين جيلك ونحنا ماعارفين ؟؟ "
فردت بسرعة
" والله يا ولدي مع صوتو السمح دا شايقاني غرويدة عيونو دي "
| |
|
|
|
|
|
|
|
|
|
Re: العزيزة,,,,, (Re: معتصم محمد صالح)
|
العزيزة,,,
اميرة ,,,
شهر ماعندك في نفقة .. ما تعد ايامو
| |
|
|
|
|
|
|
|
|
|
Re: العزيزة,,,,, (Re: راوية السر)
|
بت الشيخ ,,, سلامات
أنا جيت البجيب طارق جبريل منو؟
حقيقة القلب فيهو أربع غرف لكن في
ناس قلوبهم لكوندا. قدر ما يحبوا
قلبهم يوسع, وبكايييين شديييييد,
المسنوح ده واحد من الناس ديل.
الطيب مدثر رجل خلوق وصاحب مشاعر رقيقة
بيغني من دواخلو,زاملنا في المرحلة الثانوية
غني لينا كتييييير وبي مزاج, الف تحية ليهو.
| |
|
|
|
|
|
|
|
|
|
Re: العزيزة,,,,, (Re: سيف الدولة كامل)
|
اميره الشيخ
سلام
يعجبني دايما اختيارك .. للغنا الطيب
شكرا لهذا الطقس..
بالمناسبه عاده ما اسمع الاغيه دي بالذات .. واكون منتظر فيها حته واحده ..
المواعيد لسة حزنانة بتنادي
والأماسي بتبكي في أسى ما إعتيادي
واضحك بعدها .. لتعبير واحد دوما اختزنه لما بعدها ..
"والله جهجه المواعيد والاماسي جهجها..اسه مالو ومالهم !!"
لك الود
ـــــــــــــــــــــ
ودالسر!
| |
|
|
|
|
|
|
|
|
|
Re: العزيزة,,,,, (Re: ايمن التاج)
|
ايمن ويعجبنى انك بتسمع كويس,,,
تعرف الغنا فيهو اسرار غريبة..كل زول تلقاه ماسك حتة من اغنية ومعلق فيها
وزول تانى يمسك ليك فى اها بس من الاغنية,,
زمان كان بعجبنى بشير عباس مع البلابل وبس بنتظر الحتة البصفر فيها بكون اتكيفت خالص,,,
مرات مقطع صغنتوتى من اغنية بشبعك,,,ويخلى يومك منقة
| |
|
|
|
|
|
|
|
|
|
Re: العزيزة,,,,, (Re: سيف الدولة كامل)
|
سيف الدولة ..سلااااااااااام..
طارق جبريل .... يفوت من هنا مفلق
جا ودق الصيوان حقو ..
اها ياود شيقوق شوف ليك حجة تانية
البوست اكتمل بدرا منيرا
تحياتى ياسيف الدولة وتسلم
| |
|
|
|
|
|
|
|
|
|
Re: العزيزة,,,,, (Re: معتصم محمد صالح)
|
معتصم محمد صالح ...سلام...
البت ماعرفتها لكن عجبتنى صراحة....
مشكلة تلفزيون السودان دا الصورة غبشها دائما ولا التسجيل قديم
ماعارفة ....
تسلم يامعتصم ..
اها ياعاطف عمر صورة وصوت الحق غرودة العيون ياقول بت التلب
| |
|
|
|
|
|
|
|
|
|
Re: العزيزة,,,,, (Re: البدري عبد الله)
|
البدرى طه ...سلااااااام
ياخ اول مرة اعاين لتاريخ تسجيل البدرى دا ياطه
بعد شوية تانى حتغير و حتعرفنا على زول جديد ولا خلاص؟؟
ياخ مشيت وحتلت فى بوست طه بس اغلب الاغانى ما اشتغلت معاى ....
بس كويس لقيت زول الطيب مدثر مقوم عليهو الضرس زيي...
انا الايام مزاجى غنا بسسسسسسسس,,
تسلم يابدرى ياخ
| |
|
|
|
|
|
|
|
|
|
Re: العزيزة,,,,, (Re: عاطف عمر)
|
| Quote: " والله يا ولدي مع صوتو السمح دا شايقاني غرويدة عيونو دي " |
الله يخليك يابت التلب وتستاهلى اوسكار محبة على التعبير دا ...
تعرف انا نشأت فى بيت الغنا جزء من الوجبات اليومية او اكتر من عدد الوجبات البنتناولها يوميا
ونحن صغار تجى داخل البيت من درس العصر كلو زول عندو رادى تلقى ابوى بسمع فى عثمان حسين واحمد المصطفى
امى تسمع فى وردى وحبوبة ابن البادية وهكذا...... سمعنا كمية من الغناء اصلا ماممكن تتخيلها
اول مرة بقيت اسمع غنا بديت بصالح الضئ وابودؤاد
حبوية قالت يابتى اتى بجدك ,, انا خليت سمع صالح الضئ وابوداؤد ا؟
رغم التغيير الحصل فى الدنيا مازال المسجل والرادى فى بيتنا شئ
اساسى وعلى مدار ال24 ومايفوتك بيتنا اخر زول فيهو مواليد تسعينات وبسمع
نفس الغناء وبرددو ...
تحياتى ياعاطف .
| |
|
|
|
|
|
|
|
|
|
Re: العزيزة,,,,, (Re: طارق جبريل)
|
الأغنية برغم من اني لم استطع سماعها
لكن ما بتغباني
بس انا بحب اسمعها من صاحبها الأصلي..... لكي تبدأ الذكريات الحلوة في التداعي.... و حتى عدم التداعي
"و المواعيد لسه حزنانه بتنادي"
| |
|
|
|
|
|
|
|
|
 Re: العزيزة,,,,, (Re: haroon diyab)
|
Quote: العزيز :الرفاعى عبدالعاطى ,,,,سلااااااااااام
انت الوحيد جيت فى عضم البوست باقى الشباب ديل يبدو انهم اكتفو بالغنا
او نحن جبلنا على التخدير والامنيات والانتظار فبما يخص العاطفى او كانما هو حلم
وكان قصص الحب توجد على كتب التاريخ والافلام والمسلسلات اى هى
من وحى الخيال فقط ,,,, لذلك تجدنا زاهدين فى محاولة تحقيق هذا الحلم ونكتفى
بشرف المحاولة والباقى نعلقو على شماعة القسمة والنصيب ,,
فى مداختلك استوفتنى عبارة انفتحنا اكثر ... انفتحنا اكثر صاح ولكن حسب اعتقادى هوانفتاح تجاه الكم وليس الكيف
هو انفتاح تجاه الشكل وليس المضمون والانفتاح كان لصالح ثقافة الفاست فود والتيك اوى اى ان المشاعر
برضها دخلت من ضمن سوق الفاست الرائج فى السنين الاخيرة ... ببساطة ممكن زول يقول ليك حب شنو؟
هو فى زمن زاتو للحب؟؟؟ تخيل؟
نفس الشئ ما فى زول قادر يصبر على علاقة ولا قادر يدافع عنها الافيما نادر ... نسبة الطلاقات مرتفعة اكثر من قبل
نسبة العلاقات العاطفية البتسجل حضور فى سوق الفشل العاطفى حدث ولاحرج والكل محبط ولاادرى اين الخلل
واليوانع فى مسيرة العلاقات الانسانية كلنا مساهمين فى قتلها بوعى او من غير وعى
هل يصبح الحب مجرد حكاوى وذكريات ؟
تسلم الرفاعى وسعيدة بحضورك |
العزيزة الاميرة
كأني بك تُعيدين لـ ... ماركيز (الحب في زمن الكوليرا)
تسلمي واتفق مع ما تحته خط .
............................................حجر.
| |
|
|
|
|
|
|
|
|
 Re: العزيزة,,,,, (Re: saif massad ali)
|
العزيزة الما بتسأل عن ظروفنا
الوحيدة الطال عشان جيتك وقوفنا
العزيزة الما بتسأل عن ظروفنا
الوحيدة الما بتحاول يوم تشوفنا
المواعيد لسة حزنانة بتنادي
والأماسي بتبكي في أسى ما إعتيادي
ما كنتي بهجتا براوئع قوس قزح
والله ما طلانا من بعدك فرح
سلميلنا على ضفايرك موجة موجة وكلميها
قولي ليها حرام تتوه فيها المواسم ونحنا بالجد نشتهيها،
سلميلنا على عيونك يوم تسهي تغروديها
ويبقو تفاحتين خدودك بس خدودك وين شبيها،
سلميلنا علي ايدينك وشملة الريد أنسجيها
سلميلنا علي خطاكي عزة العاملة ومشيها
والله أحضانك بلد يا حلوة ما تنسينا فيها
| |
|
|
|
|
|
|
|
|
|
Re: العزيزة,,,,, (Re: MOHAMMED ELSHEIKH)
|
لكي تبدأ الذكريات الحلوة في التداعي.... و حتى عدم التداعي
"و المواعيد لسه حزنانه بتنادي"
محمد الشيخ,,,سلاام,,,
الذكريات هى وقود الروح فى كثير من الاحايين
لك الود
| |
|
|
|
|
|
|
|
|
|
Re: العزيزة,,,,, (Re: معتز القريش)
|
معتز القريش,,,
ياماظلامى,,,
مرحبتين...وشكرا كثيرا
| |
|
|
|
|
|
|
|
|
|
Re: العزيزة,,,,, (Re: Amira Elsheikh)
|
| Quote: البت المعاهو دي منو ؟؟ |
دي ابنة الفنان الطيب مدثر وهي طالبة في جامعة الاحفاد
والفيديو من سهرة ليالي النغم التي قدمت قبل عدة سنوات ..
أغنية العزيزة صاغها شعرا الشاعر سعد الدين ابراهيم وقام
عمر الشاعر بوضع لحنها ولجمالها تغنى بها مجموعة من الفناني
لذا يطلق عليها الشاعر سعد الدين ابراهيم اسم ( السبيل ) ..
تحايا لصاحبة البوست ولزوارها الكرام ..
| |
|
|
|
|
|
|
|
|
|
Re: العزيزة,,,,, (Re: Emad Ahmed)
|
| Quote: دي ابنة الفنان الطيب مدثر وهي طالبة في جامعة الاحفاد |
واسمها الاء
لكن يا عماد ما كان توريها كلو كلو
اميرة طلعت ما بتعرف فتحى حسين زاتو
كيف عاوزها تسأل عن ظروفنا ....
| |
|
|
|
|
|
|
| |
عاطف عمر
نادر النور آدم
أميرة فاروق عبد العال
امير عوض الجمري
Osama Siddig
هواري نمر
osman righeem
جلال جبريل
الفاتح ميرغني
noon
khaleel
الرفاعي عبدالعاطي حجر
الطيب شيقوق
خالد العبيد
د.محمد حسن
البدري عبد الله
معتصم محمد صالح
راوية السر
سيف الدولة كامل
ايمن التاج
طارق جبريل
MOHAMMED ELSHEIKH
محمد سنى دفع الله
haroon diyab
saif massad ali
معتز القريش
Emad Ahmed
عبد الدائم سيد أحمد
فيس بوك
تويتر
انستقرام
يوتيوب
بنتيريست