|
Re: هذا العضو الجديد سيكون واحدا من المع نجوم البورد . (Re: أحمد ابن عوف)
|
Quote: بلدياتنا دة فعلا كتااااااااااااااااااب |
الاخ طارق جبريل
ياخي اي حاجة تكتبها بلهجة الشايقية السمحة طوالي بعمل ليها برنت وبديها للعيال يذاكروا فيها، وانا زاتو مرات بفتش الدكشنري
وقبل ساعتين في العربية بسمع وردي بالطنبور اغنية شايقية
طوالي اتذكرتك يا حبيب لانو في كلمتين طشن مني وما عرفتهن
اسم الاغنية لا اذكرها لكنه يقول فيها
انتي ما بدوك لزولا مسيكين
انت بدوك لزولا نخلو مقرون في البساتين
وسواقيهو بقومو الكانو نايمين
المهم
وصل لجبينها الدورين
وصديرا متل ....... .........
الطشة حصلت هنا يا ود عمي
تحياتي
تحياتي
| |
|
|
|
|
|
|
Re: هذا العضو الجديد سيكون واحدا من المع نجوم البورد . (Re: أحمد ابن عوف)
|
طارق جبريل ود عمي
Quote: معتز وود ابن عوف لو شفتوا الوزين وهو عايم فوق الموية وغرة صدرو قداموا حا تعرفوا اسماعيل حسن قاصد شنو وصف ابن لبون ياخي |
تسلم يا ود جبريل و وربنا يرحم شاعرنا اسماعيل حسن
بشرحك دا هسه تجيب لينا ناس ايه مفاتن بنات قناة الشروق وبكره يهجموا على الاذاعة (كما فعلوا من قبل) ويشيلوا الاغنية ويقيموا عليها الحد ويرموها في البحر
| |
|
|
|
|
|
|
Re: هذا العضو الجديد سيكون واحدا من المع نجوم البورد . (Re: أحمد ابن عوف)
|
العزيزة تراجي
تحيات الف
وللعلم يا شباب، تراجي هي من تقدمت لبكري بطلب عضوية لي في المنبر
Quote: يا ود ابن عوف ناس حلة فوق كيفنهم سالين منهم. |
طيبين، وقبل يومين قاعدين بربطة المعلم في الكورنيش
Quote: وبعيدن يا ود جبرين ما تستملوا الراجل يا اخي باقي انتو الشايقيه بتوعين مكاوشه الراجل عنده رحما قوي في النوبين(هههههه)! |
دا صحيح، فالوالد شايقي والوالدة حلفاوية
| |
|
|
|
|
|
|
Re: هذا العضو الجديد سيكون واحدا من المع نجوم البورد . (Re: حسبو عكاشة)
|
الاخ ايمو
Quote: ربنا يوفقه ويحميه من الكجة |
تشكر على الدعوات
الاخ عبدالكريم الامين
Quote: هلا يادكتور وتحياتي وقريت للاخ ابو عوف عدة مداخلات في الايامات الفاتت وفعلا حسيت بقوي منطقه وهدو نفسه في النقاش والحجة القوية ونتمني ليه استحققات اسفيرية شاقة ومفيدة في الكثير من القضايا ونتمني له التوفيق والنجاح في هذا المكان |
تشكر يا اخي، وانا من المتابعين لكتاباتك بشدة
تحياتي
الاخ خالد العبيد
Quote: وفي انتظار بوست عبدالظنبار بس اعمل ساتر لانو اسم البوست بجيب ليك ناس : اللهم احفظ السلطان عبدالحميد |
تصديق للظلم والظالمين يكفي عنوانا لهذا البورد
الاخ الطيب رحمة قريمان
Quote: حبابك عشرة الاستاذ أحمد |
وحباب البحبك
الاخت دومه
Quote: يا شباب بالله رابط لما كتبه لاني قرمانه لكتابه جاده التحيه لاحمد بن عوف وباقي الشباب |
تحياتي، وشكرا ليك، احنا كتاباتنا كتابات حالمين وللاسف ليست احلام وردية
ود الصايم
Quote: عقبالنا كلّنا ياخ! |
زينة شباب المنبرـ تحياتي ومنكم نستفيد، عقبالنا احنا ياخي كيف نعرف الباص المقلوز من التسديده القوية واللعب من غير كورة بين دهاليز مداخلات المنبر
اخونا حيدر الزين الزين
Quote: تحياتي لك الحبيب ابنعوف ... |
شكرا لدعمك عند بكري
وخلينا كده بعد ما بقينا اعضاء كاملي الدسم في رابطة سودانيز بالشرقية نشوف البرامج واللازي منو
الاخت عفاف الصادق
Quote: زيدا من الابداع للزميل احمد ابنعوف ..
نحن هنا للاستفاده الجاده من كل حرف مبدع .. |
شكرا لدعواتك، ونتمنى ان نكون عند حسن ظنك
محمد جبريل يا حبيب
Quote: حباب ود ابن عوف .. رحبت بيك المرة الفاتت لكن شكلك ما عرفتني |
الف تحية ليك دحين عرفتك، يا زول انت موش قبل كده قلت لي طالعني الخلا (بوست) دحين، مستعدين برضو، باقي الحجازين هنا كتااار
الاخ حسبو عكاشة
تحياتي
Quote: اشهد له بذلك و انا واحد من المتابعين كل ما يكتب الي الامام: استاذ احمد ابن عوف |
والعفش داخل البص على مسئولية صاحبه
متابعتك لكتابتي تسعدني جدا، واتمنى ان لا اخيب ظنك
ولكن لا يزال ان اختلاف الرأي لا يفسد للود قضية
تحياتي لكم جميعا
| |
|
|
|
|
|
|
Re: هذا العضو الجديد سيكون واحدا من المع نجوم البورد . (Re: محمد طاهر تكنه)
|
Quote: اولي مداخلات ابن عوف كانت معي ورحبت به لما احسست انني امام قلم جاد وفكر رصين |
الاخ الشامي
تحياتي، وفعلا كان بوستيك اول بوست اكتب فيه
الف تحية ليك
دكتورنا تكنه
Quote: التحيه لابن عوف فوه بحق قلم فذ
ولنا الشرف ان نزامله اينما كان |
اينما كان دي خلت البوست بتاع اخونا سيف دا بين بوستين اجارك الله
واحد بتاع ادخل لتعرف العضو ايه قتل اطفال العراق
ولاتاني ادخل لتعرف مين العضو جهاز الامن وعفانات
ههههههههههههههه
غايتو الله يمرقنا من الزحمة الصعبة دي
| |
|
|
|
|
|
|
هذا إذا سلمناأصلا بوجود ما يسمى (نجومية)
---
مرحبا بأحمد أبن عوف عضواً
(عدل بواسطة walid taha on 05-19-2010, 06:24 AM)
| |
|
|
|
|
|
|