|
|
 زميل المنبر المحترم: ود الباوقة .... طلب صغير
|
المحترم ود الباوقة .... أرى في كل مكان هنا دفاعك المستمر عن الحكومة والرئيس
وحيث أنني اختلف معك في بعض قناعتك فإني أرجوك للحوار الهادئ .... فربما أصل إلى قناعة وأغير أفكاري الحالية واعلن (ان اقنعتني):
أطلب منك أولاً أن تحدثنا عن حكومة المؤتمر (الوطني) وسبب إعجابك بها وبقادتها .... وأترك لك تحديد محاور حديثك ... ثم أستأذنك بعضها في أن أطرح عليك بعض الأسئلة التي أبحث لها عن إجابات
|
|
 
|
|
|
|
|
|
|
 Re: زميل المنبر المحترم: ود الباوقة .... طلب صغير (Re: ود محجوب)
|
Quote: حوار دى العب غيرها.
وتعال يا هانى ود الباوقة صالحو شنو تقتنع ول ما
تقتنع ؟؟؟
عاوز كمان تضايقو فى معايشو.........؟؟ |
يخسيييييييييييي على الرجال ..........لو دا جنس نضالكم
اسؤا انواع المداخلات في البورد
كله همز ولمز
ويا ود الباوقة انت غير ملزم بالدخول هنا
لانو نفس الشئ الاداهم الحق يكون اتحادي ولا شيوعي ولا جن احمر زاته
هو نفس الحق اللي بيخلي الزول يكون مؤتمر وطني
واي زول حر في قناعاته
| |
|
|
|
|
|
|
|
|
Re: زميل المنبر المحترم: ود الباوقة .... طلب صغير (Re: mayada kamal)
|
Quote: يخسيييييييييييي على الرجال ..........لو دا جنس نضالكم
اسؤا انواع المداخلات في البورد
كله همز ولمز
ويا ود الباوقة انت غير ملزم بالدخول هنا
لانو نفس الشئ الاداهم الحق يكون اتحادي ولا شيوعي ولا جن احمر زاته
هو نفس الحق اللي بيخلي الزول يكون مؤتمر وطني
واي زول حر في قناعاته |
منتهى الأدب
| |
|
|
|
|
|
|
|
|
|
Re: زميل المنبر المحترم: ود الباوقة .... طلب صغير (Re: ود الباوقة)
|
الرفاعي حجر ....
شكراً على المرور والمشاركة
ود محجوب ....
شكراً على المرور والمشاركة
ود الباوقة ....
الأسئلة قادمة للجميع ... لكني أرجوك أن تتكرم بالإجابة على ما سألتك بشأنه حتى اعرف وجهة نظرك - إن سمحت - وهو ما سيساعدني على بناء رؤية شاملة لكافة الآراء
بانتظارك
| |
|
|
|
|
|
|
|
|
|
Re: زميل المنبر المحترم: ود الباوقة .... طلب صغير (Re: AnwarKing)
|
| Quote: أطلب منك أولاً أن تحدثنا عن حكومة المؤتمر (الوطني) وسبب إعجابك بها وبقادتها |
اخي هاني
اظنك لم تكتوي بنيران جزء من حكم حكومة المشير نميري
ولهيب الديمقراطية ( 1 ) و ( 2 )
يا اخي نحن عشنا تلك الحقب بكل مكابداتها ومراراتها
عشنا انعدام الفحم والسكر والبنزين والرغيف
عشنا انتظار المواصلات بالساعات في درجة حرارة تجاوزت ال50 درجة
وذلك للذهاب من قلب الخرطوم الى الديوم الشرقية
راينا بام اعيننا سكان الكلاكلات يقفون للمواصلات من قبل صلاة الفجر
ليصلوا مكاتبهم وسط الخرطوم عند الساعة التاسعة صباحا
عشنا وشفنا كيف كانت العاصمة تعيش في ظلام دامس لايام بل لاسابيع
مع انقطاع تام للمياه فالماسورة تبادا بالشخير ثم الشهيق والزفير
واخيرا تجود بنقط من الماء لا تكفي لاتمام سواك شخص واحد
هذا طبعا قيل الديمقراطيات المبادة
ثم جاءت ديمقراطيات الهوان التي ازدادت فيها معاناة المواطن لتبلغ
اقصى درجاتها في كل ما ذكرت اضافة الى انفلات الوضع الامني داخل
وخارج العاصمة مع اعدام تام لكل السلع الاستهلاكية والمواد الغذائية
والبترولية.
نواصل ...
| |
|
|
|
|
|
|
|
|
|
Re: زميل المنبر المحترم: ود الباوقة .... طلب صغير (Re: ود الباوقة)
|
التردي وقتها شمل كافة مناحي الحياة واصاب كل مفاصل
الدولة بالشلل التام وسط شد وجذب من حكومة الائتلاف المبادة
والمواطن المغلوب على امره يدفع مستحقات خلافات السادة
اسف اخي هاني لاني اختصرت تلك الفترة السابقة بنماذج بسيطة
مقارنة بحجم المعاناة التي شملت حتى المؤسسة العسكرية
وبعض المرافق الحكومية الاخرى ..
واستمر هذا التردي والمواطن المغلوب على امره يصابر ويرابط
الى ان جاء الفرج الرباني ...
| |
|
|
|
|
|
|
|
|
|
Re: زميل المنبر المحترم: ود الباوقة .... طلب صغير (Re: السمانى عمارة)
|
شكراً لجميع من تداخل وشارك
أشكر ود الباوقة على توضيح وجهة نظره.
وأسأله ايضاً:
هل صحيح أن الخرطوم كانت من أحدث المدن العربية والأفريقية وأنظفها حتى الستينات؟
هل صحيح أن لتجار الجبهة القومية الإسلامية دوراً في انعدام السلع والنقد الأجنبي في السوق السوداني قبل استيلائهم على السلطة وأنهم كانوا يحتكرون السلع ويخبئونها؟
هل صحيح أن الجميع كانوا فقراء متحابين ولم تكن هناك فروقات كبيرة بين الناس بينما الآن اغتنت أغلبية مقابل اغلبية ازدادت فقراً على فقر؟
أعود بمزيد من الأسئلة ... كما أنني أرغب بتوجيه بعض الأسئلة لأنصار حزب الأمة ولأعضاء الحزب الاتحادي .... فهل يتبرع أحد من أعضا ء الحزبين بالتكرم باجابة أسئلتي القادمة ؟
| |
|
|
|
|
|
|
|
|
|
Re: زميل المنبر المحترم: ود الباوقة .... طلب صغير (Re: ود الباوقة)
|
| Quote: وشرقا مطار الخرطوم |
ياخي طلّعتنا نحن (ناس بُرّي) من سكّان الأقاليم
علماً أنو بُرّي كانت موجودة قبل قيام الخرطوم .. كذلك الجريف غرب.
أما من الجنوب .. لا أظن أن قيام الديوم والسجانة والقوز والشجرة كانت بعد الستينات.
ود الباوقة .... هل تعرف الخرطوم جيداً؟
| Quote: وقس على ذلك غربا وشمالا |
هنا .. (والكلام عن الخرطوم)، لا يمكن تغيير الحدود، لأنها ببساطة تُحد بالنيل الأزرق شمالاً والأبيض غرباً ...... غيّرتوهم والاّ شنو؟
صاحب البوست .... سلام وعذراً
| |
|
|
|
|
|
|
|
|
|
Re: زميل المنبر المحترم: ود الباوقة .... طلب صغير (Re: محمد أبوالعزائم أبوالريش)
|
| Quote: أعود بمزيد من الأسئلة ... كما أنني أرغب بتوجيه بعض الأسئلة لأنصار حزب الأمة ولأعضاء الحزب الاتحادي .... فهل يتبرع أحد من أعضا ء الحزبين بالتكرم باجابة أسئلتي القادمة ؟ |
نقترح ود محجوب وازهري للاجابة على الاسئلة التي تخص الاتحاديين !!
ومحمد عادل من حزب الامة - جناح مبارك الفاضل !!
________
ود محجوب شكلو عمل زوغبير من البوست ..
| |
|
|
|
|
|
|
|
|
 Re: زميل المنبر المحترم: ود الباوقة .... طلب صغير (Re: معاوية عوض الكريم)
|
Quote: نقترح ود محجوب وازهري للاجابة على الاسئلة التي تخص الاتحاديين !!
ومحمد عادل من حزب الامة - جناح مبارك الفاضل !!
________
ود محجوب شكلو عمل زوغبير من البوست .. |
المحامى والسيناتور المستقل كبسور بعد ما تخلص اعتقالاتك
تعال قدم اقتراحاتك . بس خايف اجاوب تقوم تضمنى للستة بتاعتك.
| |
|
|
|
|
|
|
|
|
|
Re: زميل المنبر المحترم: ود الباوقة .... طلب صغير (Re: مصعب عبدالله محمود)
|
Quote: مع انقطاع تام للمياه فالماسورة تبادا بالشخير ثم الشهيق والزفير
واخيرا تجود بنقط من الماء لا تكفي لاتمام سواك شخص واحد
هذا طبعا قيل الديمقراطيات المبادة
|
ياخي لكن ما بالغو ناس الديمقراطيات والاحزاب ديل ما ليهم حق والله - بالمناسبة انت الجبهة الاسلاموية دي ما كانت حزب ولا المؤتمر حسع ما حزب ؟؟
شوف الناس ديل كان كمان بشغلو الشفع بالكواري تصدق الصورة دي ماخودة قبل ستة شهور بس ؟ من الاحزاب قالت عاوزة تخش الانتخابات طوالي المواسير شخرت !!!!
طبعا الطفل المسكين دا بيعمل ومافي اي مخالفة للقانون وهو بيعمل فقط من اجل الترفيه لكن كل شي تمام التمام
وطبعا دي ما موية ففي عهد ( المستولين ) على السلطة الناس بتوزع العسل واللبن بالكواري
وماسورة واحده بتشخر مافي
غايتو الضمير دا الا يعملو ليهو زراعة عدييييييل حتن الناس يكون عندها ضمير
| |
|
|
|
|
|
|
|
|
|
Re: زميل المنبر المحترم: ود الباوقة .... طلب صغير (Re: ود الباوقة)
|
Quote: دكتور ود محجوب
ممكن تحكي لينا شوية عن انجازاتكم
خلال توليكم حكم السودان
الديمقراطية2 فقط
مع التقدير |
البوست دا حقك براك
ومعنون ليك . لا تمارس سياسة تشتيت
الكورة . وشايفك تشتت فى الكورة وكبسور يشيلا ويقوم جارى.
وفترة الديمقراطية تلاتة سنوات
تقارنها بالتلاتة الاولى بتاعتكم
89__________92
شد حيلك
| |
|
|
|
|
|
|
|
|
|
Re: زميل المنبر المحترم: ود الباوقة .... طلب صغير (Re: ود الباوقة)
|
طريق التحدى
كبرى ام الطيور
شارع ابوحمد
شارع دنقلا
سد مروى
الافرام الالية
سد مروى
دى بالحيل انجازات
النمسكة معاك من الاول
طريق التحدى وخلى بالك انا من ناس اتبرا , كان الواحد بياخدلو يوم ونص فى الخلاء لحدى ما يصل للخرتوم وكمان كان عندك واحد بيدور الاسبتالية اها هنا واطاطك صبحت لانوا لازم سواق اللورى لازم يكون عاصر على الكلتش والفرامل عشان المريض ما يتخجة وهنا بتم اليوم التانى.
اسع بقى النضم اتغير , تشرب كباية شاى الصباح فى اتبرا وتركب البص المكندش وتخت السفة تلقى نفسك فى كرش الفيل (معليش اعزرونى انا ما متثقف متلكم)
التانية بتاعة شارع ابوحمد سمع بيها لكن ما شفتها
التالتة بتاعة شارع دنقلا دى كان عطبرة دى تقيف على فد رجل لمن يقولوا فلان ودران فى خلاء دنقلا اسع نضم زى دة مافى
الرابعة يا زول انا لحد ما بلغتة ما شفتة لى لمبة حرقانة من كترة الاستهلاك والاسكريم الى لمن جيت الخرتوم , اسع عليك امان اللة كل يوم والتانى مرقدين ليهم شافع فى الاسبتالية علشان عملية اللوز الفوقانية
الخامسة الت الافرام دى , كان الواحد يقوم من قبل صلاة الفجر وشايل البطارية والعكاز والمخلاية وماشى على صف العيش وبعد دة كلوا تلقى صف الناس اكبر من كبرى توتى الجديد ولم تسعلم يقولو ليك نحن بايتين من امبارح هنا وبعد الساعة تمانية حتى تلقى ستة عيشات بتاعة التموين ولم تمشى المدرسة يلم فيك الاستاذ يهبدك لم تعرف ربك واحد وتجى تقول لابوك انا بكرة ما ماشى صف العيش لانو الاستاذ دقانى لم جيت متاخر وابوك يقول اخير تندقى ولا اخوانك يموتوا من الجوع.
انا على الطلاق ما موتمر وطنى ولا امة اتحادى شيوعى لكن بمرق الحقيقة عشان كدة ما تجوا تقطعوا فى كلامى الكتبتوا فوق دة وكان درتوا الدواس حبابكم طالعونى برة الكمبتوتر دةِ
| |
|
|
|
|
|
|
| |
Hani Arabi Mohamed
الرفاعي عبدالعاطي حجر
ود محجوب
mayada kamal
السمانى عمارة
AnwarKing
HAIDER ALZAIN
محمد أبوالعزائم أبوالريش
معاوية عوض الكريم
Ahmed musa
فيس بوك
تويتر
انستقرام
يوتيوب
بنتيريست