|
|
|
 Re: أغاني الحقيبة بين الأصالة والتحديث ...في منتدى دال الثقافي ( توثيق مصور ) (Re: Hussein Mallasi)
|
سلام يا عمر ..
| Quote: عبارة توثيق مصور القصد منها تجنب فتح بوستين لنفس الموضوع |
انا ما عارفك داير تتجنب فتح بوستين لييه !!
أديك حاجة كدة بحكم التجربة ..
المنبر دا يا عمر مواضيعوا كتيرة وجديدة على مدار الدقيقة الناس بقت بالكاد بتلقى زمن تقرا ستة سبعة مواضيع .. لمن أي زول يخش بوستك ويقرا توثيق مصور ويكتشف انو البوست في مرحلة الإعلان عن الغعالية ما بيكون متحمس تاني يجي يخش البوست .. شغلة نفسية ..
لكن لمن يكون في إعلان والناس تقراهو وتعرف مواعيد الفعالية وتجي إنت تفتح بوست تاني بعد كم يوم عن توثيق الفعالية طوالي الناس حا تخش لانها حا تكون عارفة إنها حا تخش طوالي في جو الإحتفال وجو الصور والفيديو ..
وممكن تلاحظ الحاجة دي في البوستات المشابهة التانية ..
إني واي ..
أحجز لي تذكرتين ..
تسلم .
| |
  
|
|
|
|
|
|
|
 Re: أغاني الحقيبة بين الأصالة والتحديث ...في منتدى دال الثقافي ( توثيق مصور ) (Re: عمر عشاري)
|
عوض بابكر ود. قرشــى ( اسماء فى دنيــا حقيبة الفــن )
محمد الحسن الجقــر ( هوجزء حقيبة الفــن )
_ البساطة / العفويــة / التلقائية / تسمية الاشياء بمسمياتهــا / دلالــة الاشعار
تاريخ كل اغنيــة / دواعيها .. ( الجقــر هو كل ذلــك ) .
_ الصوت / الاداء / المسيرة الغنائيــة / ...( تقول ان الجقر اسم فى دنيا حقيبة الفن
+ جزء من مسيرة اغنية الحقيبة + فــنان حقيبة ..) ..
شكرا عمر العشارى علــى السياحة فى مدرســة الحقيبــة ...
مع الاحتفاظ بالقنابــل ( شكلها خارج النــص )
| |
|
|
|
|
|
|
|
|
|
Re: أغاني الحقيبة بين الأصالة والتحديث ...في منتدى دال الثقافي ( توثيق مصور ) (Re: عمر عشاري)
|
صباح الخير يا عمر،
الشبكة يظهر فيها مشكلة..
انا إستمتعت جداً بالأمسية.. الجقر كالعادة كان حاضر وصافي
وخفيف الدم وجذاب جداً في طريقة حكيه وتناوله للتفاصيل.
كمان الغنا كان بيلمس النفس، فعمنا الجقر بيغني بكل روحه.
أفتكر دي كانت وحده من أنجح وأميز ليالي دال الثقافية.
كمان عايز أشير لياسر تمتام ومشاركاته الحية في الأمسية
والتي إستمتع بها الناس غاية الإستمتاع.
تحياتي لك يا صديقي من تاني، ولكل العصابة الفنانة التي
ساهمت في هذا الشغل النضيف.
| |
|
|
|
|
|
|
|
|
|
Re: أغاني الحقيبة بين الأصالة والتحديث ...في منتدى دال الثقافي ( توثيق مصور ) (Re: ناذر محمد الخليفة)
|
Quote: إتجهزت أمبارح للمنتدى ومشيت بدري وبي نفسيات عالية ..
وصلت لقيت ما في زول غير السيكيوريتي بتاعين البوابة !!
إكتشفت إني مشيت المدرسة الكان فيها ود الامين ..!!
والزمن كان راح عشان نلحق بحري ...!!
دا غلط منو يا عمر الحرمنا من الامسية الجميلة دي ..!!!؟!؟! |
ناذر ياصديقي
والله دي حاجة مؤسفة
والله إفتقدتك أثناء الأمسية لأني أعلم انك من المهتمين ...ومن المُحافظين على المواعيد أيضا
_________________________
بخصوص المسؤولية أعتقد أنك تتحمل ذلك لسببين
الأول أن بطاقة الدعوة أعلي البوست مكتوب عليها أن مكان إنعقاد الفعالية هو مباني الشركة بالخرطوم بحري
والثاني أننا كُنا قد أعلنا في حفل محمد الأمين الذي شرفتنا فيه أن هذا الحفل يُعتبر مسك ختام فعاليات دال المُنعقدة في المسرح المفتوح
ولولا أنشغالي بدوام العمل اليومي إضافة للترتيب للمنتدى الثقافي لكنت أكثر حرصاعلى تنبيه الناس
تقبل أسفي الشديد
| |
|
|
|
|
|
|
|
|
|
Re: أغاني الحقيبة بين الأصالة والتحديث ...في منتدى دال الثقافي ( توثيق مصور ) (Re: عمر عشاري)
|
متعة نادرة ..
من لم يحضر ليلة الأمس فقد فاته الكثير من الجمال .
الجقر زول بديع .. العفوية في أحلى صورها و الذاكرة الحاضرة و الروح الصوفية الخفيفة .. و المس الطربان الما نصيح تجعل منه شخص قريب للقلب .
ياسر تمتام حسو الموسيقي و لا أحلى .. البحة في صوتو تزيدو جمال على جمال . زول متمكن من الإمساك بالقشعريرة الفي الغنا .. و .. مريحة إبتسامة ياسر و ودودة .
الحضور المتميز و المتفاعل مع العرض - عدا بعض المنغصات هنا و هناك - ثم استطرادت الجقر .. خلق جو أليف و حبوب داخل القاعة الفخيمة .. و ساد جوها إلفة طيبة و انسجام .
لا أعتقد إنه الجقر أعد للندوة دي ..
عنوان الندوة في وادي و ما قُدم كان في وادي تاني ..
لا أعتقد الحداثة و المعاصرة كانت عنواناً يتناسب و مقدرات الجقر البحثية في موضوع معقد و مليان تقاطعات زي ده ، مواضيع زي دي دايرة منصة من أكتر من مختص في مجالات الأدب الشعبي / التراث / الموسيقى / التأريخ الموسيقي .. إلخ .
شيلة زي دي تقيلة على الجقر براهو على رغم عدد الكتب التي اصدرها من تأليفه .. لكنها و في معظمها ظلت في دائرة السردية لسيرة تواترت ليهو سماعياً أو لحق ببعض من رواتها و عاصرهم .
في العموم أظنها واحدة من أنجح فعاليات المنتدى
..........
إنت يا عمر بدل قادينا أقفلوا الهواتف .. كان تمنع دخول الأطفال ..
و الكبار المزعجين برضو معاك بالله .
| |
|
|
|
|
|
|
|
|
|
Re: أغاني الحقيبة بين الأصالة والتحديث ...في منتدى دال الثقافي ( توثيق مصور ) (Re: داليا الكباشى)
|
سلام للجميع...
ليلة جميلة ...ولطيفة تذكركــ بأزمان "الصوالين " الامدرمانية وأساطير الاغانى وحكاياتها ...العجيبة
رغم اننى أثنى على قول "عماد" بان العنوان ضخم ...وذو تشعبات كثيرة ... ربما كان يجب التركيز على أغانى الرٍق
او شعر الحقيبة مرة آخرى...
أعجبنى الجقر أحياناً ..حين يٌردد كلمة "امدرمان" فيقف... !
انتظرت حتى مرت ربع الساعة الأولى...ومن ثم "فتح" الجقر...فقد كان مُقيداً بعنوان المنتدى فى البداية
كُنت انتظر هذه اللحظات... بالذات فهو بالنسبة لى ...اقرب إلى "الحبوبة" فى الحكى والغناء
صبور ... وحفيظ ... وحكااااي... وممتع...ولا يُحب المعالجة 
بدا بحوش البنا ..وبادى ...وكرومة ...وسرور
ولا أدرى أين وصلت بقية الحكاية فقد غادرت... لظرف طارئ
وتركت الجميع ...هنالكــ مستمتعاً بالغناء والحكايات...
...
بقية الصور ...خوفاً من التكرار
| |
|
|
|
|
|
|
|
|
|
Re: أغاني الحقيبة بين الأصالة والتحديث ...في منتدى دال الثقافي ( توثيق مصور ) (Re: الملك)
|
| Quote: يا عمـو ملاسـي , فــاااااتكـ |
داليا كباشي
كيف يجهلوك ؟
بس أنا بتعامل على إنو البوست دة شراكة بيناتنا وكدة
والله شرفتينا بالقدوم وإلتزامك بالمواعيد جدير بالإعجاب
________________________
أما ملاسي ياداليا فحسنا فعل بتغيبه
إذ أنه كان سيلتزم الجزء الفارغ من الكوب
كان سيترك كل ذلك الجمال ويهتم ببعض التفاصيل المزعجة
______________________
سمع أن هنالك بعض إزعاج ...فجعل ذلك جوهر مداخلاته ...وشكر الناس حتى ظننت انه كان يرجو ذلك
| |
|
|
|
|
|
|
|
|
 Re: أغاني الحقيبة بين الأصالة والتحديث ...في منتدى دال الثقافي ( توثيق مصور ) (Re: عمر عشاري)
|
Quote: سمع أن هنالك بعض إزعاج ...فجعل ذلك جوهر مداخلاته ...وشكر الناس حتى ظننت انه كان يرجو ذلك
|
عارف يا عمر ,
احلـى حاجه عجبتني انو الصاله بتاعت الاستماع (Audiotrium) مافيها Mobile network ...!!
دا شغل احترافي جدا ..
ممكن في المرات الجايه تكتب في بطاقه الدعوه (جنه الاطفال منازلهم , او يمنع اصطحاب الاطفال ...الـخ)
مع انو الازعاج حصل في آخـر نص ساعه , لكن من الممكن تفاديه في المرات القادمـه ..
عمومـا التنظيم كان ممتـاز ,,
ممكن الواحد يجي المرات الجايه وهو متأكد انو حا يستفيـد ,,
ياريت المنتدى الجـاي يكون ثقـافي ,, أو اجتماعـي , او حتى طبـي ..
---------------------
البوست اصلا حقنا الاتنين يا باشا ,, اها حا تدوني كم ..؟؟
| |
|
|
|
|
|
|
| |
عمر عشاري
Hussein Mallasi
ناذر محمد الخليفة
داليا الكباشى
خدر
سلمى الشيخ سلامة
طلال عفيفي
تبارك شيخ الدين جبريل
Marouf Sanad
محمد عبد الماجد الصايم
الملك
عفاف ابوكشوه
Emad Abdulla
بدر الدين اسحاق احمد
عمر عثمان
sari_alail
Faisal Elrasheed
فيس بوك
تويتر
انستقرام
يوتيوب
بنتيريست