السنتميتر والياردة والكيلو ديل تبع المقاييس والموازين في شارع الجمهورية لو الذاكرة ماخانتني
لكن البوست بتاعنا ده بتاع العيار او الجبخانة يعني لو عندك مشكلة مع واحد من ايام الابتدائي البوست ده ممكن يحقق ليك مرادك في النيل منه بي طريقة غير مباشرة او مباشرة حسب رفع يد الحكم من عدمها
تحياتي
زاتوووو
05-10-2010, 11:16 AM
خدر خدر
تاريخ التسجيل: 02-07-2005
مجموع المشاركات: 13188
بعد التحية وكتير التقدير وإن شاء الله تكون بخير مع الامطار والعواصف الساحلية الكانت ضاربنا قبل أيام
Quote: بورديا هو هو حجم الطلقة التي تراها مناسبة للنيل من خصمك مع الدقة في تحديد المكان والزمان
يا ذاتو ده بورد ولا طلعت قنيص خصمك ده تنال منو بـ 1. التجاهل 2. التجاهل 3. التجاهل ما عندك حل تاني , تبادل العيارات مرات لما يفتقد للدقة والتركيز بينال منك قبل ما بنال من خصمك
--------------------------- تابعني في بوست تحت الاعداد بعنوان ( بوست خالى معايير _ للناس المعاييرة مجّلية _
05-10-2010, 11:40 AM
البدري عبد الله البدري عبد الله
تاريخ التسجيل: 07-30-2009
مجموع المشاركات: 1911
التجاهل التجاهل دي لمن تكون عدو عاقل بتقولها لكن المشكلة يلم فيك واحد انت زاتك ماتعرف سبب مشكلتو معاك شنو وهو يكون مصر انو في مشكلة في هذه الحالة ما الك الا هيفا
برضو تصدق ماعندو مشكلة العيار يصيب منو المهم بس ينطلق الرصاص تكون نيران صديقة او غير ذلك حتى لو دقت في حجر وجات راجعة واصابته ح يحسن نفسه شهيدا
تحياتي
زاتوووو
05-10-2010, 11:44 AM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
ذكرتني التعلمجي بتاع الدفاع الشعبي يوم ضرب النار جثونا علي الركب واي زول صرفوا ليه كلاش وقالوا ما تقوم من الواطة دي والا انت مفرغ الخمسة طلقات ووالتعلمجي يقول ليك قوم تعليمات واضحة واحد من الشباب عايز يضرب قام (التتك) ولا شنو داك عصنج ...الزول وقف ليك فوق وبدا يعافر ويقبل الكلاش يمين شمال جنوب غرب..عايز يفرغ الذخيرة في اي اتجاه والسلام....ياخي الكتيبة كلها والتعلمجية والضباط...خلوا ليك الكلاشات وقاموا فتحوا في الدروة وزولك لسة ماسك الكلاش.. الجامعة كلها تناديه لامن اتخرجنا مجدي كلاش.
القصة الفوق بتاعة العيار نديك فتوي المعيار طبعا الجماعة شابكين في قصة ما المعيار..البعرفه انا انو المعايير دائما ترتبط بالأشياء العلمية ومافي حاجة اسمها معيار في الحاجات السلوكية يعني في كدة غلط وكدة صاح في جوا اي زول. مثلا في الكيميا كان بتذكر في حاجة اسمها المحاليل المعيارية ودي كان عندها كاشف وكدة ومنها كان في حاجة اسمها المولارية
المهم وافرز لينا الدروة من معمل الكيمياء ونشوف
05-10-2010, 12:32 PM
الزوول الزوول
تاريخ التسجيل: 05-14-2003
مجموع المشاركات: 2463
Quote: ذكرتني التعلمجي بتاع الدفاع الشعبي يوم ضرب النار جثونا علي الركب واي زول صرفوا ليه كلاش وقالوا ما تقوم من الواطة دي والا انت مفرغ الخمسة طلقات ووالتعلمجي يقول ليك قوم تعليمات واضحة واحد من الشباب عايز يضرب قام (التتك) ولا شنو داك عصنج ...الزول وقف ليك فوق وبدا يعافر ويقبل الكلاش يمين شمال جنوب غرب..عايز يفرغ الذخيرة في اي اتجاه والسلام....ياخي الكتيبة كلها والتعلمجية والضباط...خلوا ليك الكلاشات وقاموا فتحوا في الدروة وزولك لسة ماسك الكلاش..
...
والله يا بوبا زولك ده الظاهر عليهو (عيارو) فالت طبعاً جماعتك بتاعين الدروة ما ختو اي احتمال انو العيار الما بيصيب ممكن يدوش بس ... الزوول ....زاتووو ازيك ...
05-10-2010, 10:05 PM
ALZOLZATOO ALZOLZATOO
تاريخ التسجيل: 03-14-2002
مجموع المشاركات: 4216
جنابو ياخي انت الله يخليك لينا تنورنا في الشئون العسكرية..انت اقعد ثقفنا كده يوم نقوم نعمل ليك انقلاب..
_ يا جنابو ياخي عندي جهاز مع الكونكشن اتسرق وقاموا قبضوا الجماعة وطلعوا هم ذاتهم...لكن الموضوع واقف وين ما بعرف..ما تنجدنا ياخ..بديك نص الداتا الفي الجهاز
05-26-2010, 03:02 PM
Mohamed E. Seliaman Mohamed E. Seliaman
تاريخ التسجيل: 08-15-2005
مجموع المشاركات: 17863
حبيبنا الزول ذاتو تحياتي 1- كم عدد جميع البوستات /المواضيع المستقلة التي فتحتها أنت خلال الربع الحالي ؟ ليكن س 2- كم عدد البوستات المستقلة التي فتحتها أنت بسبب بوست المعيار ؟ ليكن ص اقسم ص على س واحسب النسبة المئوية تجد فائدة بوست المعيار (:
05-26-2010, 05:27 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
Quote: 1- كم عدد جميع البوستات /المواضيع المستقلة التي فتحتها أنت خلال الربع الحالي ؟ ليكن س 2- كم عدد البوستات المستقلة التي فتحتها أنت بسبب بوست المعيار ؟ ليكن ص اقسم ص على س واحسب النسبة المئوية تجد فائدة بوست المعيار
الزول زاتو.. جاوب والا قولي رافض.
05-26-2010, 06:09 PM
GamarBoBa GamarBoBa
تاريخ التسجيل: 03-07-2002
مجموع المشاركات: 4985
يا بوكو شايف الحبشي ركز معاك.. المهم النديك النصيحة قبل ما يمشي ليك ارشيف 2002 ايام كنت فاقد حنان
اي كوت يجيبه ليك قول ليه اي كلامي لكن نطيت...حيعملوا شنو يعني؟ لو قعد تبرر وتقعد تلولو في الكلام وشبكته انا السياق القلت فيه الكلام ده ومعيارك وشبك ياكا البقيت مثقفاتي
اي حاجة تجي من الارشيف خفظا لزمنك وانا عارفك زول طويل وحبة البندول الواحدة ما بتعمل ليك حاجة..بس قول نطيت ... كلامي آآآي ونطيت... اول زول حتنط ولا اخر زول؟؟؟خليك زول سوق ما تضيع زمنك
05-26-2010, 08:59 PM
ALZOLZATOO ALZOLZATOO
تاريخ التسجيل: 03-14-2002
مجموع المشاركات: 4216
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ALZOLZATOO
خدر
tmbis
البدري عبد الله
GamarBoBa
الزوول
amir jabir
Faisal Elrasheed
omer osman
أحمد ابن عوف
Mohamed E. Seliaman
محمد على طه الملك
فيس بوك
تويتر
انستقرام
يوتيوب
بنتيريست