أول حاجة صديق أحمد في أول قصيدة تم تلحينها للشاعر الراحل عبد الله محمد خير
وربنا يديك العافية ياصديق أحمد ويطول عمرك
ليك بتمنى السعاده وليك بقول إن شاء الله تسعد وأرضى بالمقسوم لى مني حبيبي يبعد يا زمان بالله اشهد هاك آخر الرسائل ومانى داير منك الرد فيها اشواقى وسلامي هدية للخد المورد لا تقول الزول طرانى ولا تقول الشوق تجدد اصلو كامن فى ضميرى وفى ضميرى كمان مأبد يا زمان بالله اشهد أنا كلو بطراك ومستحيل انساك والخبر المأكد اني شايل ليلى بى ذكراك منكد ما فى يوم ما ببكي لمن ليلى هود وكيف تعيش الم العلى الآلام تعود يا زمان بالله اشهد قلبى من فارق حنانك كم تأوه وكم تنهد من دريبك شال خطاهو عساهو يبقي سعيد ويخمد أصلو ياهو نصيبى اسهر وحضنى من ألامو يسهد وابنى لى ماضينا فوق واحاتوا معبد وانت فى عشك سعيد هانى وممجد ما بهمك طرفى عمره يعيش مهجد يازمان بالله أشهد يبقي عشكم انتو جنه طيروا غنا وروضو فرهد فيهو تتهنوا وتنالوا سعادة أزيد يا زمان بالله اشهد كم كتمت الشوق وكت جواى عربد واختنق فى قلبى زى الغيم وارعد يا زمان بالله اشهد الوداع مجبور عليهو وليهو ردد الوداع زولى الرزين يا ناير الخد الوداع يا أغلى زول يا احلى مشهد الوداع وخلينى لى سهرى البلاحد الوداع ومناي ليك إن شاء الله تسعد يا زمان بالله اشهد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جلال جبريل
فيس بوك
تويتر
انستقرام
يوتيوب
بنتيريست