|
Re: سيرة ذاتية مختصرة عن اعضاء المنبر (( للتعارف)) (Re: عمر الفاروق عبد الله الشيخ)
|
إنت عارف يا عمر أكثر شيء عاجبني في هذا المنبر حكاية التعارف بين الأعضاء وبالأخص الأعضاء العايشين خارج السودان ... فتشكر على هذه المبادرة الكريمة والتي تفصح عن شخصية سودانية حقيقية لم تغيرها صروف الزمن ... الإسم: يوسف محمد طاهر أحمد النشأة: طبعاً نشأة مجهجهة شديد من مواليد سدرة ( جبال الداير ) قرية جنوب مدينة الرهد أبو دكنة - إقليم شمال كردفان , ثم الرهد , ثم الأبيض , ثم أم درمان حي البوستة ثم أركويت مربع 43 , ثم الكلاكلة القبة مربع 15 , والكلاكة صنقعت , أبو كدوك , الفتيحاب مربع 1 , العباسية محطة عابدين , أم بدة حمد النيل , الفيتحاب مربع 17 , ثم ليبيا , الفتيحاب مرة أخرى مربع 17 , ثم باكستان ... الحالة الإجتماعية: متزوج وأب لخمسة من الأبناء ولد وأربعة بنات أكبرهم ولد في ثالثة جامعة ( طب جامعة البنجاب - كلية قائد أعظم الطبية (مدينة بهاولبور ) وأصغرهم بنت في الصف الخامس الإبتدائي "أتطلع للثانية بعد الاستقرار النهائي بالسودان " المهنة: مدرس تربية إسلامية ولغة عربية , مقر العمل: باكستان ( كراتشي ) الإدارة العامة للمدارس السعودية في الخارج - المدرسة السعودية - بكراتشي الفريق المفضل في السودان: الهلال عربياً: إتحاد جدة السعودي عالمياً: أرسنال الإنجليزي الفنان المفضل: الراحل : خلف الله حمد الهواية: القراءة والبحث أكبر إنجاز حققته في حياتي هو : الحصول على درجة الدكتوراه في بحث بعنوان ( المنهج الفكري للسيرة النبوية )
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: عمر الفاروق عبد الله الشيخ)
|
عمر الفاروق ,, تحياتى ياجارنا ,,
شايفك إنت ودكتور يوسف عملتو طناش من موضوع السـن عايزين نعرف الأعمار عشان أقدر أقول لدكتور يوســف ده ياعمو يوسف ويمكن إنت تطلع جدو عمر . عشان كده ماتخمونا سـاى ,, بجيكم راجع بعد ما أتأكد تحياتى ,,, كمال سالم ,, حى العرب أم درمان ,,
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: كمال سالم)
|
Quote: عمر الفاروق ,, تحياتى ياجارنا ,,
شايفك إنت ودكتور يوسف عملتو طناش من موضوع السـن عايزين نعرف الأعمار عشان أقدر أقول لدكتور يوســف ده ياعمو يوسف ويمكن إنت تطلع جدو عمر . عشان كده ماتخمونا سـاى ,, بجيكم راجع بعد ما أتأكد تحياتى ,,, كمال سالم ,, حى العرب أم درمان ,,
|
هلا بكمال يا جار.. ناس حي العرب بتلقي الدنيا باسمة والايام طرب "حليلك يا امدرمان"
كان عندي بوست قبل كده ليه النسوان ومن بعدهم الرجالة بدسوا عمرهم كدي قبال ما تقول جدو وعمو هو العمر بتعيب ياخ
اقول ليك انا عمري بلغة ناس الكتشينة عرفته ولا لسة
وفي رجاك بنستناك
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: عمر الفاروق عبد الله الشيخ)
|
طبعا البوستات زي دي بتصيدوها الهكر... وناس الأمن... وبيتحاشوها البنات
لكن بنخاطر من أجل التواصل ونقول بسم الله
العوض أحمد الطيب (عوض الله) مواليد أوسلي، مروي ماجستير إدارة أعمال جامعة السودان بكالوريوس إدارة أعمال جامعة القاهرة فرع الخرطوم عملت في وزارة التجارة بنك الخرطوم شارع الجمهورية بنك البركة فرع البرج بنك الرياض البنك السعودي الأمريكي مطلق، أب لبنتين لينا وإلاذة السكن الدائم أمبدة، أمدرمان والإقامة حالياً الرياض
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: Elawad Eltayeb)
|
Quote: طبعا البوستات زي دي بتصيدوها الهكر... وناس الأمن... وبيتحاشوها البنات
لكن بنخاطر من أجل التواصل ونقول بسم الله
العوض أحمد الطيب (عوض الله)
|
اولا هلا بالعوض واهو كسبنا صديق جديد ان شاء الله وبعدين ما تخوف الجماعة من الهكرجية والامنجية والبنات لازم يدخلن بمعني ان نون النسوة يجب ان تسود كل الحروف
مع تحياتي
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: ALGARADABI)
|
Quote: يا ميادة سلام صحي ناس قرية 13 مشهورين بأنهم بتاعين مشاكل؟؟ سؤال جاد والله تحياتي للأخ عمر الفاروق |
اهليييييييين اخونا القرضابي سؤالك دا تعميم على فرضية حالة واحدة شايفها قدامك في المنبر (وهي شخصي الضعيف) ام لسيادتكم مواقف مع ناس من القرية ترك لديكم هذا الانطباع
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: ALGARADABI)
|
جمعة مباركة اخونا القرضابي
Quote: ميادة سلام لا والله ماقاصدك رغم انك عكليتة |
Quote: لكن أخوي كان داير يعرس من قرية 13 لكن صاحبتنا حلفاوية قالت ليهو انكم بتاعين مشاكل... وطفش حبيت اتأكد من المعلومة بس |
مع احترامي لي (اخوك)..... بركه الطفش لانو لا يستحقها..... قولي ليه !!!!!!!! يعني لا يعقل زول يبني علاقته وتعامله مع زول بل ويحسم هذه العلاقة فقط عشان كلام زول تالت فيه... وبعدين هل (اخوك) جرب ناس القرية ولاقاهم ياهو (البتقال فيهم) ومن هي جارتكم الحلفاوية هذه وريها انو اصعب شئ هو ان تفرق بين اثنين
%%% تخريمة قولي لي (بتنا) بتاعة القرية الاديتوها شاكوش دي منو !!! يمكن بعرفها عشان اوريك انها تكون الان يمكن ربنا عوضها بالافضل من (اخوك) مع احترامي ليه
عكليته موووش
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: ALGARADABI)
|
Quote: ميادة ياخ ماتزعلي دا هزار ساكت والله فعلا أخوي اتزوج الحلفاوية بتاعت قرية 13
|
صباح الخير ومعليش جيييييييت تاااااااااني مع انو صاحب البوست ما رحب بي ولا رد علي .....في حين انه رد على البعديني هههههههه
اها نرجع لي موضوعنا يا اخ القرضابي منو من بناتنا اللي اخدتوها لو من الناس القدام انا ممكن اعرفها ولو من الجيل الجديد..... بسال ليك ناس بيتنا عشان انا ما كتيرة التواصل مع القرية حاليا
Quote: والغريبة ما بتسب دين |
من وييييييييين ليك الانطباع دا بررضو
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: كمال سالم)
|
الأخ : كمال سالم - السلام عليكم عارف يا كمال ما تتخيل السعادة التي أحس بها لما أسافر السودان ... واحد من هنا بقول : خالي , والثاني عمي , والأولاد من هنا أبوي , وفي اثنين ولد وبنت بقولوا لي ( جدي ) نعم ( جد ) ... فلا تتردد أبداً من أن تخاطبني ب ( عمو ) بس بيني وبينك ... طبعاً أنا من مواليد مايو 1965 م
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: د.يوسف محمد طاهر)
|
دة وصف بيتنا لمن احب انو يجى مرحبا بكم
تخش بشارع المخبز (التركي) تلقى ليك محل بتاع حلويات (شامية)..... تمشي طوالي بلاقيك حلاق (فلسطيني).... جنبو بتاع سباكة (بنغالي)....... و في الركن بتاع سراميك (باكستاني)... أول شارع تدخل بيه تلقى بيت ساكنين فيه عمال (هنود) تخليه..... بعديه بتلقى عمارة ساكنين فيها لعيبة كورة (نيجيريين)..... تلف على يدك الشمال تلاقى محل شيشة (مصريين) و قدامو في عمال (صينيين) بيحفرو مجاري الخريف... و بعدين بتلاقيك شجرة تحتها ست شاى(حبشية) وقدامها بيت فيهو عطالة (سودانيين)...
أها دا بيتنا
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: amir jabir)
|
فكرة جيدة يا عمر الفاروق انت اكيد اخو قريبتى وزميلتى نعم انا مواهب السيد محمد احمد عثمان ترجع اصولى الى جنوب شندى قرية سلمة العدلاناب تربيت ودرست كل مراحلى الدراسية بمدينة رفاعة حى السوق والحى الامامى (فريق قدام )والحلة الجديدة تخرجت من جامعة الخرطوم بكالوريس الهندسة الزراعية ماجستير الهندسة الزراعية من جامعة الخرطوم اعمل فى وظيفة مهندس زراعى بالهندسة الزراعية وزارة الزراعة الاتحادية وصحفى متعاون مع بعد الصحف اليومية اسكن الحاج يوسف شارع واحد مربع 24 وددفيعة الحالة الاجتماعيةانتظر فك التسجيلات
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: haroon diyab)
|
د. يوسُف محمد طاهِر ... الزول الخلوق ، الإنسان ، المُحترم كيف حالك؟ علك طَيِب
Quote: من مواليد سدرة ( جبال الداير ) قرية جنوب مدينة الرهد أبو دكنة - إقليم شمال كردفان , ثم الرهد , ثم الأبيض , ثم أم درمان حي البوستة ثم أركويت مربع 43 , ثم الكلاكلة القبة مربع 15 , والكلاكة صنقعت , أبو كدوك , الفتيحاب مربع 1 , العباسية محطة عابدين , أم بدة حمد النيل , الفيتحاب مربع 17 , ثم ليبيا , الفتيحاب مرة أخرى مربع 17 , ثم باكستان ... |
Quote: طبعاً أنا من مواليد مايو 1965 م |
يا خوي العطشجي ما ضاق اللفه اللفيتا دي كُلها ... والله أنا زول مؤمِن ومصدِق تب وعارفك زول نصيحة ، عِلا البشوف < الكعب الدايِر > اللفيت بيهو البلد ، بقول إنو سنة 1965م كانت ليبيا ، ثم الفيتحاب ، ثم باكستان ...
(عدل بواسطة عزام حسن فرح on 05-08-2010, 09:07 AM)
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: عزام حسن فرح)
|
أخي الفاضل : عزام حسن فرح - السلام عليكم والله حيرتني معاك يا عزام ... خليتني حتى أشكك في نفسي ياربي أنا عشت في المناطق الذكرتها دي كلها ولابحلم , بعدين اتذكرت إنو أنا صاح ما حلمان ... شفت السودان ده فيه ناس عجيبين كيف ؟ !!! في أحداث تاريخية وشواهد شخصية متأكد منها تمام التمام ... يعني بتذكر سنة 1971 م أيام نميري وأنا صغير في أولى إبتدائي , وسنة 1976 أنا في سادسة ... عشت في سدرة 12 سنة , وفي الأبيض سنتين فقط أي والله سنتين وأهلي من الأبيض !! ( حاجة غربية مش ) وفي ليبيا ثمانية شهور , وفي باكستان 18 سنة , وما تبقى من عمر يقسم بين المناطق التي ذكرتها . مع العلم بأن جميعها داخل العاصمة القومية ... آها صدقت يا عزام ولا نجيب دليل ؟
ــــــــــــــــــــــــــ ما قلتو شيء إنت وهارون عن سيركم الذاتية ...
خالص شكري وتقديري لك أخي عزام يا حبيب الكل ... مع كامل الود والاحترام
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: haroon diyab)
|
هارون دياب يا صفوة - السلام عليكم أنا من مواليد مايو 1965 م وعندي شهادة ميلاد كمان رأيك شنو ... في كلام كثير بتعلق باللفة الطويلة والنشأة المجهجهة دي لكن بقولوا في ردي على عزام . أما إنت فبهديك صورة , وهي صورة حديثة ألتقطت لي قبل ستة شهور تقريباً ومن خلالها تقدر تتأكد إنو هذا العمر القلته صحيح أم لا ...
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: د.يوسف محمد طاهر)
|
د.يوسف محمد طاهر
Quote: أنا من مواليد مايو 1965 م وعندي شهادة ميلاد كمان رأيك شنو ... في كلام كثير بتعلق باللفة الطويلة والنشأة المجهجهة دي لكن بقولوا في ردي على عزام . أما إنت فبهديك صورة , وهي صورة حديثة ألتقطت لي قبل ستة شهور تقريباً ومن خلالها تقدر تتأكد إنو هذا العمر القلته صحيح أم لا ... |
يا دِكتور خايفك تكون فهمتني غلط ياخ ... أنا والله مُصدِقك ... بس حبيت أهظِر معاك ، أصلي الله يعلم بريدك كِده لله في لله
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: رهف)
|
Quote: فكرة جيدة يا عمر الفاروق انت اكيد اخو قريبتى وزميلتى نعم الحالة الاجتماعيةانتظر فك التسجيلات
|
هلا برهف تحياتي لك ولنعم ما تشوفوا لينا قطعة ارض زراعية بشوية فريزين علي كام فقاسة بيض عشان ننتهم من موضوع الغربة الما جايب همه ده
بحصوص فك التسجيلات اولا انتي مسجلة وين .. ولا تسجيلات جديدة
| |
|
|
|
|
|
|
Re: سيرة ذاتية مختصرة عن اعضاء المنبر (( للتعارف)) (Re: عمر الفاروق عبد الله الشيخ)
|
tohama
الأخ عمر الفاروق والإخوة المتداخلين
والله الفكرة حلوة وكمان فيها دعاية مجانية للبعض وأنا منهم ...
الإسم : صلاح الدين ابراهيم الفضل المهنة : عقيد شرطة بالمعاش ( الجمارك ) حاليا وكيل تخليص جمركى ( الحاويات سوبا ) الميلاد : امدرمان حى ابوروف ... حاليا اسكن الثورة ح 22 البريد الإلكترونى : [email protected] متزوج ولى من الأبناء اثنين واربعة من البنات اكبرهم مهندس كمبيوتر يعمل بأبوظبى وكبرى البنات طبيبة تعمل بمستشفى سوبا الجامعى ( خدمة وطنية ) والبقية فى المراحل الدراسية المختلفة.. القبيلة : سنجك من شايقية امدرمان اشجع الهلال محليا والهلال السعودى عربيا وبرشلونة عالميا احب الإستماع للفنانين عثمان حسين وهاشم ميرغنى ومحمد ميرغنى
ودى يا عمر اثر سيرة شاملة وللجميع ودى
| |
|
|
|
|
|
|
|