|
Re: جمعية الرفق بالبرالمة والمساطيل (هترشة ونكااااات)!!! (Re: الامين موسى البشاري)
|
نصيحة مسطول لولده بمناسبة قرب الامتحانات:
قال له : يا ولدي امتحاناتك قربت وقدامك طريقين : اما تنجح او ترسب .. اذا نجحت خير وبركه ، اما اذا رسبت فقدامك طريقين : اما تصيع في الشوارع او تسجل في العسكريه .. اذا صعته مامشكلة اما اذا خشيت العسكريه فعندك خيارين : اما الشرطه او الجيش .. اذا اخترت الشرطه خير وبركه ، اما اذا اخترت الجيش فقدامك خيارين : اما يوزعونك في القوات الاحتياطية او على الجبهة.. القوات الاحتياطيه خير ونعمه اما اذا حطوك على الجبهه فعندك احتمالين : اما ترجع بالسلامه او تصاب بقذيفه . اذا رجعت خير وبركه اما اذا ضربتك قذيفه فقدامك طريقين : اما أن تشفى او تموت . اذا شفيت احمد ربك اما اذا مت فقدامك طريقين : اما تاكلك الكلاب او تتعفن .. اذا اكلتك الكلاب خير وبركه اما اذا عفنت فقدامك طريقين : اما تتحول غاز طبيعي او نفط .. اذا صرت غاز خير وبركه واذا تحولت الى نفط فقدامك طريقين : اما يصدرونك نفط خام او يكرروك في مصفات نفط .. اذا صدروك خير وبركه اما اذا بيكررونك فقدامك طريقين : اما يحولونك زيت شل او مواد تنظيف ، اذا صرت زيت خير ونعمه اما اذا حولوك مواد تنظيف فقدامك طريقين : اما تصير صابون او تصير ورق تواليت اذا صرت صابون خير وبركه اما اذا صرت ورق تواليت ................ والله يا ولدي الله لا يوريك
هسي أحســـن أمشي ذاكر دروسك
| |
|
|
|
|
|
|
Re: جمعية الرفق بالبرالمة والمساطيل (هترشة ونكااااات)!!! (Re: الامين موسى البشاري)
|
نرجع للعساكر والتعلمجية تااااااني متذكرين قيادات الخــدمة المدنية الحكومة قامت دخلتهم معسكر الدفاع الشعبي إجبــاري وكان عندهم تعلمجي ولد صغيرون كده قدر أولادهم المهم التعلمجي كل يــوم ينهر ليك فيهم .. وهم قرفانين قرف شديد قالوا نصبر الشهرين وبعدين الله بحلها وفي يوم كده واحد من القيادات ديل وعمرو فوق الخميسين ناس الضغط والسكري ديك وأثـناء الجكة الصباحية قام تعب وقعـــــد تحت .. خلاص بقى ما قادر يتحرك من التعب المهم التعلمجي جاهو ليك: أنت يا كهنة أنت قـــوم يا ميت ... وشبكو ليك من الكـــلام دا عمك صابر وممكون المهم في النهاية زهج من التعلمجي ده وقلة ادبو وقال ليهو: يا ولدي أنــا زول كبير ... وانت قدر أولادي .. وأنا مدير 15 سنة ما في زول قال لي زي كلامك ده ثم ثانيا ياااااخ أنا زول عندي ماجستير في الادمنستريشن .. تجي أنت تقول لي كلامك الشين ده؟
التعلمجي قام قال ليهو: يعني الماجستير دا بوجعك شديد
| |
|
|
|
|
|
|
|