|
|
 10 مقاعد للكويت في سودانيز .. مرحب بالجميع
|
هدى الله بكري وألزمه المحبة،
فقد جاد علينا بنصيبٍ معتبرٍ في زمن تسجيلات الصيف ، وصار للكويت 10 مقاعد في جمهورية سودانيز أونلاين ، والبقية تأتي بعون الله ..
مرحب بـ أميمة وضياء كمبلاوي وأزهري سليمان وحسين الرفاعي
وبانتظار تسجيل فناننا التشكيلي وهبة
مرحب بالجميع ، وشكرا بكري
|
|
 
|
|
|
|
|
|
|
|
Re: 10 مقاعد للكويت في سودانيز .. مرحب بالجميع (Re: أزهري سليمان)
|
طارق ود جبرين
كيداير آصاحبي
ياخوي حاتم إبراهيم زول عزيز علينا ، لكن ـ بصراحة ـ أكلوا ناركم.
نحنا ما صدقنا إنو بكري التفت لمناشداتنا الطوال عبر الأشهر العديدة الماضية،
فما عايزين نشتت معاهو الكورة بأجندات تانية لا تخص اقليم الكويت.
الاقليم ده مظلوم شديد يا طارق.
ياخي تصدق يادوووووووووب عندنا 10 مقاعد! وده بعد خج شديد للصناديق.
المهم: أضعف إيماننا مع حاتم وشباب الامتداد الستة
.. تحياتي ليك وللمعاك
| |
|
|
|
|
|
|
|
|
|
Re: 10 مقاعد للكويت في سودانيز .. مرحب بالجميع (Re: نزار عثمان السمندل)
|
ود الصايم
سلام كبير وتحيات
وشكراً على التهنئات..
ويا صاحبي نحنا ناس مفاوضات ساي .. غابة واحدة داخلنها مافي
النفاوضات (خيارنا الاستراتيجي)..
ود جبرين لو عايز يدخل غابة ، الله يسهل ليو ياهو داااك الدرب.
ياخي من سنة 2003 وأنا بفاوض في بكري. كنا بوردابيين إتنين بس هنا.
أها ، البركة في الـ 10 ديل . والباقي بنتمـّـو إلتفاف
شكراً تاني على التهنئة والضحكة الحلوة.
| |
|
|
|
|
|
|
|
|
|
Re: 10 مقاعد للكويت في سودانيز .. مرحب بالجميع (Re: نزار عثمان السمندل)
|
Quote: نزار يا عمكـ .. إنت وجبريل
تطلعوا الغابة طواالي .. بلاي شهور
ومدخلين ليكم عشرة بس! |
والله يا ود الصايم ناس نزار بقوا اكتر مننا
ياخي نحن في المغرب 8 بس وواحد موقفنه
اي نعم هو رشاشة لكن مفروض ما يوقفوه لينا
بعدين بالله شوف نزار دة اتنكر للمغرب كيف مع انه عاش فيها احلى سنين عمره
عالم جبانات ياخ
| |
|
|
|
|
|
|
|
|
Re: 10 مقاعد للكويت في سودانيز .. مرحب بالجميع (Re: humida)
|
Quote: مرحبا بكم اهلنا في الكويت
ازهري ده بتاع الفروانية |
أهلا بالأخت إكرام
وشكراً على الترحيب بالزملاء الجدد..
أزهري ده بتاع أي حتة هنا: فروانية/جابرية/ حولّي/ سالمية خيطان .. الخ
زي ساري الليل ، في السودان القديم، في أي ملف تلاقيو.
| |
|
|
|
|
|
|
|
|
|
Re: 10 مقاعد للكويت في سودانيز .. مرحب بالجميع (Re: نزار عثمان السمندل)
|
يا طارق ياخوي نحنا أقلية في الجمهورية دي،
ومن واجبنا نحافظ على المكتسبات ونظهر الطاعة لولي الأمر في المكره والمنشط (واحد من وشوشك الضاحكة)
وبعدين ياخي الـ 8 الـ في المغرب ديل أنا (شخصياً) لي فيهم 4 فاوضت بشأنهم بكري.. أها بعد ده الزاد لو ما كفى ناس البيت يحرم على المسجد ذاتو. لأنو إقليم الكويت الآن هو شغلي الشاغل (وش ضاحك تاني).
على كل حال، أعملوا ليكم عريضة وقدموها لولي الأمر ، و"سنفكر" في التضامن معكم ، ولكن بما لا يعرض مصالحنا ومصالح اقليمنا ورعاياه للخطر. دمتم بخير يا أقلية المغرب.
| |
|
|
|
|
|
|
|
|
|
Re: 10 مقاعد للكويت في سودانيز .. مرحب بالجميع (Re: نزار عثمان السمندل)
|
أهلاً يا حميدة
نفحات بكري الإيمانية وقعت لينا في جرح ، وفي بالنا تكوين لجنة "إقليمية" يناط بها تنفيذ حفل تكريم كبير للباشمهندس يتخلله قص شريط (يقصـّـوا منو غير بكري ذاتو؟) معرض فوتوغرافي ضخم لمجموعة نادرة من صور الزعيم، فضلاً عن خـُـطب حماسية وأناشيد هاتفة له بطول العمر والسلامة من كل أذى.
للأسف لم أسمع بزيارتك للكويت. وياريت لو الأخ علي الحلاوي أدانا خبر، كنا سعدنا بالتعرف عليك عن قرب، لكن الجايات روابح إن شاء الله. بس بعيداً عن المصريين
| |
|
|
|
|
|
|
|
|
|
Re: 10 مقاعد للكويت في سودانيز .. مرحب بالجميع (Re: نزار عثمان السمندل)
|
Quote: أهلا بالأخت إكرام
وشكراً على الترحيب بالزملاء الجدد..
أزهري ده بتاع أي حتة هنا: فروانية/جابرية/ حولّي/ سالمية خيطان .. الخ
زي ساري الليل ، في السودان القديم، في أي ملف تلاقيو. |
هلا بيكم وبيك ياازهري اضافه للحزب الاتحادي في المنبر
ده زول جارنا يااخ نزار
بس اتيم الحركة الشعبية مامع الفريق الجديد ده ولا شنو
| |
|
|
|
|
|
|
|
|
|
Re: 10 مقاعد للكويت في سودانيز .. مرحب بالجميع (Re: اكرام الصادق الحسن)
|
يا إكرام إنتي معانا في الكويت هنا ولاّ شنو؟ بتعرفي أتيم قرنق برضو؟
لو معانا معناها نحنا 11 ـ إنتَ حاسب معاي يا طارق جبريل؟ـ
على كل حال أشكرك على الترحيب المتجدد ، وأزهري هو أشهر الإتحاديين هنا وسيكون اضافة مهمة لمجاميعهم في سودانيز. أنا واثق من ذلك.
أما أتيم قرنق فليس من بين الناس الـ في "الكوتة" التي تفاوضنا بشأنها مع الزعيم بكري. إحتمال منصبو في السفارة لا يسمح له بالتعاطي مع الناس هنا. الله أعلم.
| |
|
|
|
|
|
|
|
|
|
Re: 10 مقاعد للكويت في سودانيز .. مرحب بالجميع (Re: نزار عثمان السمندل)
|
تحياتى لكل الاخوان والاخت اكرام اشكرك على التحية والسلام وان شاء الله تواصل جسر المحبه تحياتى الى الشقيق حسين الرفاعى الاخ ودالصائم البرلمان القادم باذن لكل اهل السودان والاحزاب السياسيه الان وعت الدرس جيدا والمؤمن لا يلدغ من الحجر مرتان ولكن همنا الان الى رؤى سياسية موحدة باسم السودان لكل الاحزاب السياسية فى السودان بما فيها شريكى الحكم الحركة الشعبيه والمؤتمر الوطنى من اجل سودان مؤحد وهذا لا يعنى لنا كاتحادين التخلى عن اللات الثلاث التى نبعت من قلب كل اتحادى اصيل
لا اعتراف بنتائج الانتخابات
لا مشاركة فى الحكومة المقبلة
لا تفريط فى وحدة وتراب الوطن
الاولى والثانيه اطمئن من ناحيتها اما الثالثه فلا بد لنا ان نقف مع انفسنا والاعتراف بالتقصير من جانبنا ورغم ان الانتخابات لن تفى الى المعايير الدوليه ولكن بالنسبه لنا امر واقع ولا بد لنا ان نتعامل من اجل وحدة الوطن وعندما اقول وحدة الوطن نعم نحن اتحاديون ولكن بعد ان نلنا استقلالنا اجدادنا اللذين ضحوا بارواحهم ولكن تكن غاليه على الوطن حتى ننعم نحن بالحريه اليوم فالسودان اولا واخيرا ونحن ننتمى الى جيل مان فيه حامد على شاس محافظ المديريه الاستوائيه وكلمنت امبورو محافظ مديريه بورتسودان وابوسن محافظ مديرية دارفور والتعائشى محافظ المديريه الشماليه ومحمد صابر محافظ مديرية بحر الغزال وجيرفس ياك محافظ مديرية الخرطوم وهؤلاء جميعا كانو تجسيدا الى وحدة الوطن وحدة الوطن تنطلق من المعانى الكلية المطلقة مثال لذلك معنى العدالة ومعنى الحرية فهذة المعانى بطبيعتها لا تقبل التجزئة ولا الانقسام
| |
|
|
|
|
|
|
|
|
|
Re: 10 مقاعد للكويت في سودانيز .. مرحب بالجميع (Re: نزار عثمان السمندل)
|
Quote: الاخ نزار
لك التحية ولكل الاخوان في الكويت
مجرد سؤال سمعنا قالوا انو الكويت الغت نظام الكفيل
الكلام ده صاح والله كلام جرايد
عشان لو صاح نلملم عفشنا ونزوغ من الكفيل الهنا ده ونجيكم بهناك |
مرحب بيك يا قمر الأنبياء
ده كلام جرايد ساي . سيب عفشك في محلو وما تخرب علاقتك بكفيلك.
| |
|
|
|
|
|
|
| |
نزار عثمان السمندل
طارق جبريل
محمد عبد الماجد الصايم
اكرام الصادق الحسن
humida
قمر الانبياء عبد الحي
فيس بوك
تويتر
انستقرام
يوتيوب
بنتيريست