|
|
|
 Re: يُخيل لي نرفه شوية ... رفيعة المظلومة ...!!! (Re: Emad Ahmed)
|
| Quote: بالله البت دي مش ظُلمت ؟؟؟ |
............................. حجر
ياخي مالك عايز تقلب المواجع
بالجد حرمونا من متعة هذا البرامج
لان في النهاية تحكمهم السياسه
وتسيس الفائز
واصبح لاهناك تنافس
يعني استمع من اجل المتعة فقط ولا تضع معيار التنافس امامك
-----------------------------------
تعرف ياحجر قصة نقط نقط حجر دي بتذكرني قصة مرة معي زمان لذلك اضحك واكررها معك
| |
 
|
|
|
|
|
|
|
|
Re: يُخيل لي نرفه شوية ... رفيعة المظلومة ...!!! (Re: وليد عبد اللطيف)
|
الأخ الرفاعي
السلام عليكم ورحمة الله وبركاته
البركة في رفيعة الخلتك تفارق الــ....... ههههههه
بالجد الزولة دي غناية لحد النهاية
وأذكر على أيامها في نجوم الغد أننا كنا نتوقع إحرازها المركز الأول
ولا أدري إلى أي معيار إحتكمت اللجنة وجعلت الجائزة من نصيب
بنتنا حرم النور - التي تمت الناقصة وقضت على رفيعة بالتضامن
مع قناة هارموني حيث فوجئنا كمشاهدين بحرم النور (تكسر الدنيا)
كما يقول أهلنا في شمال الوادي بأغنية (الليمونة وهي الأغنية التي ظرهت بها رفيعة في نجوم الغد)
بأداء وسيناريو وإخراج جميل جعل تلك الأغنية على كل لسان - حتى أحد الغلاة المتطرفين في حلتنا
(عريس جديد وبصحبة عروسه) - والعهدة على الراوي أنه كان يسير أمامه قال لي والله يومتا سمعت ....... (برضه .......)
وهو يغني في الليمونة.
نأمل أن تمنح رفيعة فرصتها الكافية لتحلق بنا في سموات الطرب الأصيل
ياوليد: سلامات
| |
|
|
|
|
|
|
|
|
|
Re: يُخيل لي نرفه شوية ... رفيعة المظلومة ...!!! (Re: أبوعبيدة محمد الأمين)
|
تسلم ابوعبيدة
ياخي اخونا الرفاعي حجر مكتبة متحركة
وبخصوص الفن راجل زوقه رفيع والدليل (زي ماشايف )
انا نفس اعرف معايير قياس فوز كل منافس
ويوجد شباب امانياتهم تمام وفي النهاية يحبطون وتكسر مقاديفهم
وتقصص اجنحتهم
وظلم ايضا الشاب السراج وادخلوا( دينق ) مكانه
ولا يخفي عليك مشكلة توزيع الجوائز الذي شكلت حدث كبير في الوسط الفني والاعلامي
--------------------------
نطالب الرفاعي ينعش لينا الجوانب الفنية بدل تعب قلب سياستنا الزي كورتنا
| |
|
|
|
|
|
|
|
|
|
Re: يُخيل لي نرفه شوية ... رفيعة المظلومة ...!!! (Re: أبوعبيدة محمد الأمين)
|
Quote: وأذكر على أيامها في نجوم الغد أننا كنا نتوقع إحرازها المركز الأول
ولا أدري إلى أي معيار إحتكمت اللجنة وجعلت الجائزة من نصيب
بنتنا حرم النور |
الجميع توقع فوز رفيعة ابراهيم ولكن مجاملات بابكر صديق وامال النور حولت
الجائزة لحرم النور والتي تجيد غناء الحماسة فقط وصوتها نسخة مكررة لندى القلعة .
| |
|
|
|
|
|
|
|
|
|
Re: يُخيل لي نرفه شوية ... رفيعة المظلومة ...!!! (Re: Emad Ahmed)
|
| Quote: نطالب الرفاعي ينعش لينا الجوانب الفنية بدل تعب قلب سياستنا الزي كورتنا |
السياسة و الطرب وجهان لعملة واحدة ..
استمعوا لخليل فرح فى عزة فى هواك و فى الضواحى و طرف المدائن و ماهو عارف قدمو المفارق .. و ستعرفوا الاثر التعبوى للسياسة عن طريق الطرب .
استمعوا للكثير من غناء مصطفى سيداحمد لتعرفوا كيف ملأ وجدان و حس الشارع السياسى .
الساسة هم اهل الطرب .. فحسن عطية كان احد اعمدة صالون الزعيم السياسي محمد احمد المحجوب ..
لا يحس بالطرب الجميل الا من كان له وعى سياسى .. وعلى ذلك قيسوا !!
| |
|
|
|
|
|
|
|
|
Re: يُخيل لي نرفه شوية ... رفيعة المظلومة ...!!! (Re: يوسف محمد يوسف)
|
الاستاذ يوسف محمد يوسف
| Quote: السياسة و الطرب وجهان لعملة واحدة .. |
واضف لهم الرياضة ولكن احيانا تفضل الطرب عليهم
او تفضل السياسة عليهم يعني حسب الجو المحيط بيك
وليك هذه الهدية :
مابخاف من شي برضي خابر الـمُـقـدّر لابـد يـكـون
ان اتـاني الهـم جيشو دافر يلـقي ياخِلاّي صبري وافر
يلـقي عـقلي التام ليه خافر يلقي قلبي شجاع ما جَبُون
بالعِـدا مـعروف مـابـبادر مـابخون الجار ماني غادر
مـابـقول للناس مثلي نادر بـل بـقول للخالق شئون
مـاعصيت مولاي ماني فاجر لا و لا بـالـعـالم بـتاجر
نـفسي يا احـباب ليها زاجر لـم اكون كل يوم ليّ لون
الثـبات مـعروف لَيْ مُعاصر لـو بقيت في داخل مَعاصر
والإلـه غـير شك ليّ ناصر رغـم انف الواشي الخؤون
قول لِي شاهد الزور فيم سائر هّـدي روعك قبل الخسائر
يـاما قـبلك عـميت بصائر مـن لساني وقولي الهتون
قول لي اهل الجور والمساخر مـافي اوّل مالـيـهو آخر
مـا بدوم العـز والمـفـاخر و ما بدوم الظل و الحصون
عـن لسـان الحق ماني نافر و ما جحدت الخير ماني كافر
مـاضمرت السوء ماني حافر للـصديق هاويات السجون
| |
|
|
|
|
|
|
|
|
|
Re: يُخيل لي نرفه شوية ... رفيعة المظلومة ...!!! (Re: وليد عبد اللطيف)
|
شكرا لكم ولحسكم الفني العالي
رفيعة صاحبة صوت رفيع وادهشتني
بإحساسها الفني العالي وياليت
تمعوها وهي تغني ايضاً حماســة
ولعلها في غناء للراحلة الفلاتية
أجادت لكننا ماذا نفعل مع دموع
محمد سليمان وساس سوس يسوس .؟؟؟
سعادة العميد ياعميق
عماد احمد ياذوق ويا
ولي خليك هنا واتحفنا
بالجميل من حقيبة الفن
ابوعبيدة ودالامين واها
الجماعة طلعوا ليك الرابط
بن غا الغناء وسا السياسة
(غاسا) يعني هاها مودتي
وتاني رفيعة بجد رفيعة .
............................................حجر.
| |
|
|
|
|
|
|
|
|
|
Re: يُخيل لي نرفه شوية ... رفيعة المظلومة ...!!! (Re: الرفاعي عبدالعاطي حجر)
|
| Quote: بالله توثيق سريع لصاحبة الصوت الجميل |
رفيعة إبراهيم سليمان ظهرت في برنامج نجوم الغد قبل عدة اعوام قليلة وابدعت وتغنت من خلال
ذلك البرنامج ( اسال نفسك ولازم الزعل ) لزكي عبد الكريم و( عني مالهم وصباحك نور ) لعائشة
الفلاتية و( القماري و زيدني من دلك شوية) لسيد خليفة و( آلم فراق ) لابراهيم عوض
و( انا ماتغيرت ) لثنائي النغم و( أرض الحبايب ) لعبد العظيم حركة ومن أغنيات
الحقيبة ( أول نظرة ) وأغنية الليمونة وأغنية حماسة لا اذكر اسمها ,, جميع تلك الأغنيات قامت
بوضع بصمتها فيها من خلال ادائها الرائع ,, التفت إلى موهبتها أخيرا الموسيقار بشير عباس
وقبل شهرين تقريبا بثت سهرة توثيقية تلفزيونية في قناة السودان الفضائية عن الموسيقار
بشير عباس ظهرت بها رفيعة بعد غيبة طويلة وتغنت باغنية الحقيبة ( من أول نظرة ) وسيكون
هنالك تعاون فني لها مع بشير عباس حسب ماذكر في تلك السهرة .
وايضا في سهرة عيد الأم على قناة النيل الأزرق تغنت رفيعة باغنية جديدة ( مافي احن من امي )
وهي من كلمات الشاعر مصطفى ود المامور .
سنواصل ..
| |
|
|
|
|
|
|
|
|
|
Re: يُخيل لي نرفه شوية ... رفيعة المظلومة ...!!! (Re: عبد الدائم سيد أحمد)
|
الأربعاء الماضي قدم تلفزيون السودان الجزء الثاني من السهرة التوثيقية للموسيقار
بشير عباس و تغنت الموهبة رفيعة ابراهيم بأغنية بصراحة للفنان عبد العزيز المبارك
من كلمات إسحاق الحلنقي والحان بشير عباس ,, واليوم سيبث الجزء الثالث من تلك السهرة
التوثيقية على تلفزيون السودان وسيشارك بالغناء رفيعة ابراهيم وانصاف فتحي .
لذا لزم التنويه ,, مشاهدة ممتعةللجميع .
| |
|
|
|
|
|
|
|
|
 Re: يُخيل لي نرفه شوية ... رفيعة المظلومة ...!!! (Re: الرفاعي عبدالعاطي حجر)
|
Quote: مظلومة ... مظلومة بالجد
احسن واحدة بتغنى فى جميع السلالم بارتياح
غايتو يا رفاعى لو عينوك فى لجنة التحكيم
كان .... نقط ... نقط .... |
غايتو يا غايتو ان البنت مظلومة , لكن
لو كنت في لجنة التحكيم ح اكون زي الزول
بتاع البرنامج الامريكي واجيب من نجوم الغد
ديل عدد كبير واقول للواحد إنت جاي من وين
يقول لي من التنتريبة اقول ليهم امشي شوف ليك
عجلة صلحها ؟؟؟
يااخي دموع محمد سليمان عملت لينا كل زول فنان
شول فنان وافراح فنانة وماعافر مين كدا اهو كلهم
مشوا الكوثر وساهور ولو لنجوم الغد اي خلاصة فهي
بالجد البت الرائعة العافية حسن لكن ضيعوها اولاد
الابالسة وكم واحدة كدا ورفيع مظلومة تاني وتالت
ورابع الفن ما لم يُدعم بثقافة ووعي فالنتيجة ساهور
لخالد الصحافة ومادح يباري البيوت ويمدح العصر والفن
ما يدعم الموهبة بدراسة ناضجة فالنهاية ان يُضرب محمود
عبدالعزيز والفن في السودان صار تهريج الدليل شكر الله
بعد الغناء لزيدان ابراهيم حتىانفجر زيدان بالصياح ان
قف عندك ياشكر الله ها اسمعه يغني لابراهيم عوض ويكوجن غناء
ود اللامين فمن يبلغ عني شكرا ان قف وارحمنا يرحمك اللا نام
لا اكل الطعام باالله وصولو ليهو كلامي دا بالله قولوا ليهو حليك
في راجل المرة حلو حلاة وحاجات من النوع دا .
بالله اسمعوا شكرالله يكوجن في محمد الامين وارموه بحجر ورأيه .
.....................................................حجر.
| |
|
|
|
|
|
|
|
|
|
Re: يُخيل لي نرفه شوية ... رفيعة المظلومة ...!!! (Re: الرفاعي عبدالعاطي حجر)
|
Quote: ودي مناسبة للمقارنة بين الليمونة عند البت
العروسة وبين رفيعة الفنانة المظلومة من قبل
بابكر الصديق . |
سلام أخ حجر
أولا معذرة لانه سهرة أمس التوثيقية مع الموسيقار بشير عباس كانت في قناة النيل الأزرق
وليس بقناة السودان كما ذكرت وكعادتها تجلت وأبدعت رفيعة واشجتنا بغنائها أغنيتي امير الناس
وسهارة وزي ما قال أخونا عبد الدائم: رفيعة بتغني بارتياح في كل السلالم وظهر ذلك أمس بصورة
واضحة في أغنية سهارا .
اما بالنسبة للمقارنة بين رفيعة وحرم النور فهي معدومة اصلا لانه حرم النور غير الصراخ وغناء
الحماسة ماعندها حاجة ,, أغنية الليمونة من أغنيات ايقاع الجراري بغرب السودان ( شمال كردفان )
تحديدا ولان جذور رفيعة ابراهيم من تلك المنطقة من الطبيعي أن تؤديها بصورة أفضل من حرم النور .
| |
|
|
|
|
|
|
|
|
|
Re: يُخيل لي نرفه شوية ... رفيعة المظلومة ...!!! (Re: الرفاعي عبدالعاطي حجر)
|
كتب حجر :
| Quote: رعاية موهبة رفيعة ابراهيم الان مسؤوليتك يا موسيقار. |
وذكر الموسيقار بشير عباس في أخر حوار صحفي في جريدة قوون الرياضية قبل عدة أيام :
Quote: واوضح بشير عباس بانه تبني ثلاثة اسماء من الوجوه الجديدة هم مها عبدالعزيز
وانصاف فتحي ورفيعة ابراهيم فنيا.. |
كده رفيعة ابراهيم مابتجيها عوجة يا حجر ..
| |
|
|
|
|
|
|
| |
الرفاعي عبدالعاطي حجر
Emad Ahmed
وليد عبد اللطيف
أبوعبيدة محمد الأمين
يوسف محمد يوسف
عبد الدائم سيد أحمد
amir jabir
فيس بوك
تويتر
انستقرام
يوتيوب
بنتيريست