فشل احتفال المؤتمر الوطني ( فرع الدوحة) بفوز البشير

Quote: مُعْتَزْ القُريْش ـ الدوحة: بنادي الغرافة بالدّوحة إجْتمع المِئات من مُحبِّي و موالي و مًنْسوبي المُؤْتمر الوطني و الرّئيس البشير مساء الجُّمْعة الموافق 30 أبريل 2010 إحْتِفالاً و احْتِفاءاً بانْنتِصار البشير و حِزْبه في الإنْتِخابات العامة بالسُّودان. و تخلّل الحفل فقْرات غِنائيّة وطنِيّة و نظمٌ شِعريٍ فريد تمجيداً للحدث و كانت تتعالى الهُتافات تهْليلاً و تكْبيراً فرْحةً بما تمّ مِنْ إنْجاز ساهموا فيه كثيراً كناخِبين و مُصوِّتين و كان البشير قد أشاد في لقاءه الجامع أمس بمعرِض الخُرْطوم الدولي بوقفة أبناء الخارِح القوِيّة التي نصرته و شدّت مِن أزْرِه بنِسبة تصويت فاقت الـ 80%. و ردّد الحاضِرون بنادي الغرافة (سير سير يا بشر نِحْنا جِنودك للتّعمْير) و قد شرّف الحفل سعادة السفير إبْراهيم عبْد الله فقيري سفير السُّودان بِدوْلة قطر و أعْضاء السّفارة و رئيس و أعْضاء الجّالِية السُّودانِيّة بِقطر و قادة و أعْضاء الرّوابِط السُّوادِنِيّة المُقيمين بِقطر.

Quote: كاتب الخبر (موظف) تم اعتماده بوظيفة إعلامي في الانتخابات ودي (مخالفة في حد ذاتها)!

Quote: الخبر مقتبس (بتصرف) من موقع المؤتمر الوطني :

Quote: كاتب الخبر (موظف) تم اعتماده بوظيفة إعلامي في الانتخابات ودي (مخالفة في حد ذاتها)!

Quote: قالوا ان اكثر من 4 آلاف صوتوا له بينما حضر الاحتفال اقل من "الف" وفي رواية ةاخرى 500 شخص الغالبية لتاء التأنيث والشحانية!

Quote: منتظرين باقي الأسباب وشرح الأسباب الفوق

Quote: يافيصل ود القريش ده عايز يشتت الكوره سيبك منو وواصل فى موضوع البوست .

Quote: وأرجو يافيصل أن تستوضح لنا عن من هى الجهه التى قامت برعاية الإحتفال السفاره أم الجاليه ؟ لأننا نريد أيضا أن نحتفل بفوز سلفاكير برئاسة حكومة الجنوب ونحتاج لنفس الدعم المادى واللوجستى سواء من السفاره أو الجاليه . برضو سلفاكير ده مـش شريك أساسى ونائب أول لرئيس الجمهوريه ؟ أرجو الإفاده سريعا حتى نتمكن من التجهيز للإحتفال خلال الأسبوع القادم ,, مع تحياتى ,,

Quote: غايتو البتدوروهو بتسوا ليهو الحلبة والما بتدوروهو بتحرشو ليهو الكلبة

Quote: يا كمال سالم عضوية المؤتمر الوطني ما محتاجة لدعم السفارة ولا الجالية البدفعوا ياهم ديل أمثال هيثم حامد الفكي ابن عمي رجل الأعمال ونائب أمين المال في الجالية والـــقــــيـــادي في المؤتمر الوطني

Quote: يعنى ناس المؤتمر الوطنى هم الخاطبوا نادى الغرافه بورقهم المروس وعملوا الحجوزات والترتيبات ؟؟ أول مره أعرف إنو فى كيان فى الدوحه إسمو المؤتمر الوطنى يستطيع أن يخاطب الجهات الرسميه بدولة قطر!! .

Quote: انت بتألف من راسك يا كيمو ؟؟

Quote: بـس عايزين نعرف الدعم التانى لاننا زى ماقلت فوق محتاجين لمثل هذا الدعم من أجل الإحتفال بفوز سلفاكير برضو !

Quote: ولو ممكن برضو تجيب لينا المادة الفي قانون الانتخابات البتقول

Quote: قول واحد : - انت موظف في كهرماء. - المهنة موظف - في جوازك المهنة ليست اعلامي. - في السجل يتم كتابة الرقم الشخصي والوظيفة وعنوان العمل وبالتأكيد الوظيفة ليست اعلامي، وعنوان عملك ليس الجزيرة.

Quote: هذا يامعتز مثل الاكتفاء من الغنيمة بالإياب الانتخابات...... النتيجة.......... والتزوير ....... ولم يتبق الا ان نتحدث عن فشل حفل يمكن الناس الصوتوا لايحبون الاحتفالات يعني هل كل مكاسب المعارضة النضالية يافيصل الزبير ان حفل المؤتمر الوطني لم ينجح طيب دع الذين تسببوا في فشل هذا الحفل ان يعبروا عن نجاحهم في افشال الحفل بحفل اخر ليكون حفل المعارضة اكبر من حفل المؤتمر حتى يصلح الحفل ما افسدت الانتخابات كل بدعة اعلامية ضلالة

Quote: سألتو بصفتك شنو ؟ هل أنت مراقب أو مندوب مرشح ولا شنو بالضبط كدا ولا كان كلام ونسة ساي مع الضابط بعدين السبب الشخصي دا شنو ؟ أنا لا حصل شفتو ولا بعرفو قبل الانتخابات دي تكرار للسؤال : ما هي المادة التي تمنعني من نقل أخبار الانتخابات ؟ وسؤال تاني بالجنبة كدا بس عشان أنا استفيد بس ماهو الفرق بين الاعلامي والصحفي ؟ وماهو التعريف اللغوي والاصطلاحي لكلمة اعلامي ؟ وهل الاعلام وعاء يشمل الصحافة أم الصحافة هي الوعاء الذي يشمل الاعلام ؟