|
Re: الاخوان الرفاعي حجر وتمبس ...... بوست للتاسمح (Re: وليد عبد اللطيف)
|
الاخ جعفر اسماعيل
Quote: الحبيب تمبس والحبيب حجر ...أتمنى منكما الاستجابة وإنهاء هذه الخصومة.. الحياة قصيرة وينبغي أن ننعم خلالها بالمودة والمحبة والصفاء...لكما وافر الاحترام والتقدير . |
بأذن الواحد الاحد سوف ترجع المياه الى مجاريها بمشيئة الله عز وجل
-------------------- مشكور جعفر لتقريب المسافات
| |
|
|
|
|
|
|
Re: الاخوان الرفاعي حجر وتمبس ...... بوست للتاسمح (Re: الشاذلى خيرى عبد الله)
|
الرفاعي وكما يحلو لك ............................................ حجر
Quote: تمنياتي بالسمو فوق الصغائر لجميع اختلافاتنا ويظل الخلاف دون ان يمس حياء الود
وشموخه بيننا ... محبة تتجدد.
.....................................نقط ..نقط ...هاها.......حجر. |
لقد اثلجت صدورنا وهذا معدن كل الاخوان والاخوات هنا ولو لم نعرفها لما دعوناك هنا نشكرك جزيل الشكر وانت تقدم اروع واجمل الوان التسامح والتصافح ولا يغيب عن توقاعتنا اخونا وحبيبنا (علاء الدين تمبس ) ان يكون هذا نفس ديدنه شكرا تاني اخي الرفاعي ............................ حجر
| |
|
|
|
|
|
|
Re: الاخوان الرفاعي حجر وتمبس ...... بوست للتاسمح (Re: اساسي)
|
اساسي
Quote: قبل كدا الناس دي عملت لينا الحركة دي |
يعني الشغلة كلها طلعت درامات عِلا انا طلعت برلوم (على قول ود الصايم )
وان كان بقت على العضة ما مشكلة (بس اللحوم السواكني موقف ) بـإتهام سلخاتنا غير مطابقة للمواصفات هه هه هه
(نشكرك على المرور والتوثيق الى اجمل شباب )
------------------------- اساسي جيتكم هناك كم مره وقلت ليهم اقلبوا اساسي لانه كسلان (بوست بري )
| |
|
|
|
|
|
|
Re: الاخوان الرفاعي حجر وتمبس ...... بوست للتاسمح (Re: وليد عبد اللطيف)
|
Quote: الاعزاء الكرام الفاضل / وليد
انجمامة في كلماتكم النيرة , تُسقط عن كاهلي اي عناء ان يضيق الصدر
من حوارات لا ارغبها ولكنها تفرض فرضاً , عموما وكما يقولون الشيطان
في التفاصيل فها انا اُسقط اي خلفية لبداية المشكل ولو انه لا يوجد اي
مشكل وانما هي بضعة اسئلة طرحتها بصورة مازحة في مبتداها وهاهو خبرها
يأتيني بردة فعلكم النبيل التحية لكم وتظلون ابناء داري الذين افاخر
بهم واصدع مؤمناً بمعرفتهم النبيلة في سبيل ان نكون امة واعية ومستنيرة
عموما عفى الله عما سلف بيني والاخ علاءالدين منصور (تمبس) ومن جانبي بيضاء
كما النوايا الطيبة التي انسالت هنا .. محبتي بلا حدود ولكم ما تشاؤن ولي
بكم حق الافتخار .
|
سلام عليك أخي حجر لهذه الروح الطيبة والاستجابة الكريمة. يقيني أن الحبيب تمبس لن يخذلنا ولن يكسر خاطرنا ويا بلد الحرمين الشريفين ما دخلك شر
| |
|
|
|
|
|
|
Re: الاخوان الرفاعي حجر وتمبس ...... بوست للتاسمح (Re: Gaafar Ismail)
|
Quote: سلام عليك أخي حجر لهذه الروح الطيبة والاستجابة الكريمة. يقيني أن الحبيب تمبس لن يخذلنا ولن يكسر خاطرنا ويا بلد الحرمين الشريفين ما دخلك شر |
الاخ جعفر غايتو كان تمبس ما جانا بهنا يكون اتلوم تب واكيد لم يخذلنا ويكسر خاطرنا
------------------------- الشكر تاني للاهتمام ياغالي
| |
|
|
|
|
|
|
Re: الاخوان الرفاعي حجر وتمبس ...... بوست للتاسمح (Re: وليد عبد اللطيف)
|
يا وليد .. شكرا جزيلا .. يديك الصحة والعافية .. وشكرا لي كل الناس الهنا بدون فرز الحادبين على العلاقات الانسانية وعلى استمرارية المكان دا بي شكل جميل نحترم فوقو بعضنا .. في الاختلاف والاتفاق .. قطع شك ماف زول واعي وعاقل بيدخل هنا علشان يخلق اي نوع من التوتر واختلاق العداوات .. لكن وجهات النظر المختلفة يبدو انها اصبحت تصنف من ضمن الكوارث الكبيرة .. أما بالنسبة لي اساسي: الصور دي استعمله بالطريقة الماشه معاهو حسب حجمو .. كما اتضح في مكان مجاور إنو (التفخ) دائما وضعو خطير .. بالنسبة للكولسترول وامراض القلب والحاجات دي .. مع اعتراضي التام إنو المسالة دي ليها علاقة بمعدلات الذكاء .. هذا ما لم يثبت اساسي .. عكس ذلك .. أحب أن اشير إلى إنو الصور دي كانت في جدة بعدما مشيت اعتمرته بعد عملية جراحية في (البطـن) .. وكان من ضمن المحازير الموضوعة البعد كل البعد عن تناول كميات كبيرة من الطعام .. الصور المرفقة .. يلاحظ فيها كمية من صناديق وجبة البيك الدسمة وهي بروستد الدجاج .. وللحقيقة هناك عدد من الصناديق واغطية الصناديق .. الفارغة جمعت بي واسطة اساسي وختاها لتظهر في الصورة وهي بنفس الطريقة التي اظهر فيها المحتفى بهم حجر وشخصي في هذا البوست .. اثناء ما كنت بتكلم .. كان حجر يستمع لما اقوله .. بي تركيز عالي .. وكان يوجه في بعض الاسئلة التي لها علاقة بالوضع في البورد وقتها .. وعن طبيعة اشياء حدثت .. وعن بعض الاشياء الأخرى .. وهي بالطبع عادة كل البورداب لما يتلاقو في حتة واحده .. كل هذا كان في حميمية عالية جدا .. يكفي تكبد مشاق كل الاخوان وقطع من زمنم علشان نتلاقى .. اكتر ما شد انتباهي وقتها عدد اللقطات التي اصر اساسي على اخذها بجواري .. مبتسما تارة .. أو لافي يدو حوالين رقبتي في حميمة اصدقاء أو معرفة قديمة جدا أو اصدقاء دراسة أو اولاد دفعة واحده في حته واحدة والغريب أن كل ذلك عاري من الصحة .. كما ولاحظت مدى انبساط اساسي بزيارتي الخاطفة وقتها .. التي علق عليها أحد الأخوة الحضور : إنت الليلة ماسكاك أم فريحانة ...؟ المهم .. كانت جلسة جميلة جدا وكل من كان فيها أحمل له (نبض) خاص بداخلي .. وكم تحينت الفرصة لرد بعض من تلك الامسية .. التي كان بمثابة دين أحمله على عنقي لهذه المجموعة من الاصدقاء .. بالنسبة لي نقط نقط حجــر: أرجو أن أحمل لك بعض من (ضعفي): المتمثل في الخط الفاصل الذي اضعه دائما بيني وبين من اعزهم .. وشعرة معاوية في التمسك بي احترامي للشخصية التي قابلتها في حياتي ومدت لها يدي مصافحة .. الخط الفاصل هو .. المحاولة بقدر الإمكان أن اتجنب ما يخدش تلك العلاقة وما يشد شعرة معاوية بعنف لتنقطع .. وفي ظل كل هذا السجال .. اتيح امكانية للخلاف وإن كان هناك ما يدعو للمواجهة أعمل بالقدر الكبير على عدم المساس بالشخص .. وفي ذلك (قــوة) فلك أن تتخيل .. يا حجــر .. كل كمية الاحترام والتقدير التي كنت اكنها لك عملت في لحظات على تبديدها .. فقط من أجل اختلاف على السايبر .. كان يمكن أن اتجاوز كل ما جاء منك إلا ما كتبته عن (الفاقد التربوي) هذا فقط من أجل لغة بسيطة جدا بعيدة من التراكيب النحوية أو البيان وبدائع الكلام .. وتأكد تماما لو فكرت انا مجرد فكرة إني اكتب ليك أو لغيرك كلمة زي دي .. صدقني اول حاجة بعمله بقطع اصبع واحد واكتب ليك بالتسعة الباقيات وعندي يقين إنك ح تعرف من طريقة خطي إني قاعد اكتب ليك بي تسعة مصابعين .. دا يا نقط نقط حجر .. عهد بيني وبين نفسي لا باس إنو اصرح بيهو .. لو عملت بحث .. ممكن كمية الشتيمة الاتوجهت لي تعمل مكتبة كاملة .. واحمد الله إنو عندي طاقة احتمال علمني ليها المكان دا .. بمثلما علمني كيف اقدر احاور الناس البتلجا للاسلوب دا معاي .. جوه المكان دا وبره .. ودي محمدة كويسة اضافه لينا البورد .. بالاضافة لي ايجابيات كتيرة جدا .. وسلبيات اكتر .. إلا انو الحكمة بتكمن في تطوير الذات بعدما تشيل السلبيات والايجابيات وتخلق منطقة وسطية بينم. الحوارات في كل مكان التجارب بتقول انها غير مثالية ... ففي بعض الاحيان .. تصل حد الموت .. وكذا الحال اختلاف وجهات النظر .. لكن ربنا ادانا عقل إنو ما نسرح ونعصر على الجهة الشخصية .. وحال ما سرحنا وعصرنا بتبقى المشكلة الكبيرة .. بالنسبة للبورد: زي الحاصل بيناتنا دا اتكرر .. ودا الخلى اساسي يجي يقول الفلم دا خشيناهو قبال كدا .. (تصعيد ثم اجاويد) وهم عادة ناس حساسة وتحب الخير وبتعرف الصاح من الغلط .. وبتعرف نفسيات البعض عادة .. فاشكر الاخ وليد للاتصال وتفهم وجهات النظر فيما بينا .. وحدود كل منا واساس الخلاف .. النقاش في هذا المكان لن يقف ، وماف التزام واضح بالمثالية .. وح تستمر المشاحنات والخلافات .. لكن اتمنى ان تكون في حدود الكم (ميغا بايت) دي .. شكرا يا وليد عبد اللطيف .. مرة تانية .. وربنا يديم المودة بيناتنا .. شكرا لكل من دخل هنا وكتب كلمة كويسة في حقنا .. الشكر لي الرفاعي عبد العاطي حجـــر بدون نقط .. والاختلاف في وجهات النظر سيظل قائم ولكل خياراتو فيما يعتقد .. لكن مساحة الاحترام متوفرة كحقوق مكفولة للطرفين ..
| |
|
|
|
|
|
|
Re: الاخوان الرفاعي حجر وتمبس ...... بوست للتاسمح (Re: tmbis)
|
قال نبيكم صلى الله عليه وسلم ( ألا أخبركم بأفضل من درجة الصيام والصدقة والصلاة " أي درجة الصيام النافلة وصدقة نافلة والصلاة النافلة " ، فقال أبو الدرداء : قلنا بلى يا رسول الله ، قال : إصلاح ذات البين )
قال أنس رضي الله عنه ( من أصلح بين اثنين أعطـاه الله بكل كلمة عتق رقبة ) ..
وقال الأوزاعي : ما خطوة أحب إلى الله عز وجل من خطوة من إصلاح ذات البين ومن أصلح بين اثنين كتب الله له براءة من النار
مين زيك ياولي ،، ألف مبروك والله،،
= شكرا رفاعي شكرا علاء ،،
أسعدتمونا زيادة على الجو العجيب دا في مدينة الرياض ،، وكأننا في الأبيض يشهد الله،، غيم ومطر ، والرز الحار بدلا عن الأقاشيه،،
| |
|
|
|
|
|
|
Re: الاخوان الرفاعي حجر وتمبس ...... بوست للتاسمح (Re: عبد اللطيف بكري أحمد)
|
تمبس
Quote: المهم .. كانت جلسة جميلة جدا وكل من كان فيها أحمل له (نبض) خاص بداخلي .. وكم تحينت الفرصة لرد بعض من تلك الامسية .. التي كان بمثابة دين أحمله على عنقي لهذه المجموعة من الاصدقاء .. |
ياخي ماخليت لينا شيء في اللغة العربية واضفت كل المحسنات البديعة التي تكمن بها اليوم اسعدتمونا كل السعادة لهذا الجو البديع ولا نطيل ونقول ( انا لي يومين اقاسي وده حبي الاساسي ) والتحايا نبداها باساسي وكل من مرا من هنا ونشكركم جزيل الشكر وكل هذا انما يدل على اصل معدنكم وجزاكم الله الف خير وفي ميزان حسناتكم يارب
تمبس دعوة تاني انت والمدام ثلاث ليالي (فقط ) (شقة على كيفك) وجده سوف تفرح بكم وتزداد جمال فوق جمالها
................ حجر انا في انتظارك انت والاخ عادل عوض بلال القهوه الشاي القراريص كلو جاهز
الاخ الفاضل عبد اللطيف بكري ياخي يوم شكرك مايجي وتغشاك الصحة والعافية شقيش ماتقبل (على قول حبوبتي ) يارب اللهم ارحم كل من في البورد اللهم هدي سرهم واطفي شرهم اللهم ادخل الفرح والسعاده وابعد عنهم التعاسة اللهم اتيهم في الدنيا حسنه وفي الاخره حسنة واغنيهم عذاب النار
تحياتي
| |
|
|
|
|
|
|
|