|
|
 لا قصد لتجريح ولا إساءة... لكنه سؤال مشروع
|
الآباء والامهات الفرحانين بنجاح فلذات اكبادهم... اعذروني لا قصد لي بأن اخطف بعضاً من فرحكم... ولكنه سؤال يزعجني...
كم عدد الذين حققوا المركز الثالث والثاني على ولاية الخرطوم!؟؟
|
|
  
|
|
|
|
|
|
|
 Re: لا قصد لتجريح ولا إساءة... لكنه سؤال مشروع (Re: مريم بنت الحسين)
|
Quote: الآباء والامهات الفرحانين بنجاح فلذات اكبادهم... اعذروني لا قصد لي بأن اخطف بعضاً من فرحكم... ولكنه سؤال يزعجني...
كم عدد الذين حققوا المركز الثالث والثاني على ولاية الخرطوم!؟؟ |
سلام ونحية الاخت مريم
اكيد ما قصدك تجريح ولا اساءة بقدر ما هو سؤال وجيه جدا
بالامس كنا نتناقش فى البيت عن هذا الموضوع, وما اريد ان
اؤكده لك هو ان التعليم قد تم افراغه من محتواه فى السودان
مثلما تم افراغ الاسلام من محتواه وجوهره وكذلك الشخصية السودانية
التى كانت تحمل ووتصف بكل الصفات الطيبة
واصلى يا بت الحسين الاباء نائمون
والابناء لا يفقهون
| |
|
|
|
|
|
|
|
|
|
Re: لا قصد لتجريح ولا إساءة... لكنه سؤال مشروع (Re: محمد المختار الزيادى)
|
الاخت مريم
ارجو التوضيح, هل المقصود ان الإمتحانات سااااهله لذلك تزاحم هذا الكم في
هذين المركزين؟
ام المقصود ان الآباء يصرحون بمراكز غير حقيقيه؟.مع العلم ان هذه المراكز منشوره و معروفه.
ام هو إستنكار لوجود اكثر من تلميذ(مشترك) في المركز الثاني او الثالث!؟.
اعرف ان مقصدك سليم كما ذكرتي لكن ارجو توضيح السؤال حتي نتداخل معك.
| |
|
|
|
|
|
|
|
|
|
Re: لا قصد لتجريح ولا إساءة... لكنه سؤال مشروع (Re: صلاح مختار)
|
الاخ صلاح مختار انا نفسي ما فاهمة السبب شنو، لكن في رأيي انها ظاهره محتاجه مراجعه لانها ما طبيعية.... ما ظاهره عادية... | Quote: هل المقصود ان الإمتحانات سااااهله لذلك تزاحم هذا الكم في هذين المركزين؟ |
انا استاذة... ولما اجي اضع اسئلة براعي فيها انه تخاطب كل مستويات طلابي.... يعني يكون في اسئلة عشان يقدر يحلّها الطالب المتميز، واسئلة للطالب المتوسط (ودي غالبية الاسئلة) واسئلة للطالب الضعيف.... ومن خلال الهيكل ده، بقدر اعرف منو الشاطر ومنو المتوسط ومنو الضعيف.... انا ما عارفه اسئلة الاساس كانت كيف... لكن اعتقد انه تضخم الدرجات بهذه الطريقة، ظاهره غير طبيعية | Quote: ام المقصود ان الآباء يصرحون بمراكز غير حقيقيه؟.مع العلم ان هذه المراكز منشوره و معروفه. |
ما عاذ الله... ابداً والله، ولا خطر على بالي اصلا تفكير زي ده، انا عارفه انه المراكز دي حقيقية، عشان كده بتساءل.... | Quote: ام هو إستنكار لوجود اكثر من تلميذ(مشترك) في المركز الثاني او الثالث!؟. |
اكيد هو ما استنكار للاشتراك نفسه، انما استنكار للعدد الكبير الذين هم في المركز الثاني والثالث (لحدي حسي ما لاقاني الاول كتير).... اتمنى انه وجهة نظري تكون اتوضّحت....
| |
|
|
|
|
|
|
|
|
|
Re: لا قصد لتجريح ولا إساءة... لكنه سؤال مشروع (Re: الشاذلى خيرى عبد الله)
|
الاخ الشاذلي....
الله يخليك ويبارك ليك في احبابك...
بالنسبة لي، محمود لو كان في نظام تعليمي زي ده، وجا الاول حأفرح زي ما فرحوا الناس ديل... لكن جواي حأكون حزينة، وانا عارفه انه الموضوع فيه مشكلات محتاجه تتعالج.... العالم بقى فيه منافسة تقيلة... والمنافسة واصلاكم في الخرطوم... الاجانب بقوا يشتغلوا وظائف احنا تعليمنا ما بخلينا مؤهلين ليها....
يظل السؤال قائماً...
| |
|
|
|
|
|
|
|
|
|
Re: لا قصد لتجريح ولا إساءة... لكنه سؤال مشروع (Re: مريم بنت الحسين)
|
Quote: الاخ الشاذلي....
الله يخليك ويبارك ليك في احبابك...
بالنسبة لي، محمود لو كان في نظام تعليمي زي ده، وجا الاول حأفرح زي ما فرحوا الناس ديل... لكن جواي حأكون حزينة، وانا عارفه انه الموضوع فيه مشكلات محتاجه تتعالج.... العالم بقى فيه منافسة تقيلة... والمنافسة واصلاكم في الخرطوم... الاجانب بقوا يشتغلوا وظائف احنا تعليمنا ما بخلينا مؤهلين ليها....
يظل السؤال قائماً... |
أختى العزيزة أم محمود ..
الموضوع ماكبير خالص كدا - على الاقل فى نظرى - صدقينى لو عملتى فاونديشن لى محمود بشكل جيد ..امورو بتمش زى العجب .. الانسان بيقدر يطور نفسو وبيبقى مؤهل لاية وظيفة .. وبيقدر يحور ويعدل فى الكارير بتاعو بالراحة لو اساسو متين ..
لدى تجربة شخصية بهذا الخصوص وايمان كامل بهذا الامر ..
ابقى بخير مع محمود وتحياتى لك ولاسرتك الكريمة ..
الوالد الدكتور والحبيب نادر ..
اشكرك تانى ..
الشاذلى
| |
|
|
|
|
|
|
|
|
|
Re: لا قصد لتجريح ولا إساءة... لكنه سؤال مشروع (Re: الشاذلى خيرى عبد الله)
|
الاخ الشاذلي... انا ممكن اوافقك في مسألة انه الانسان عنده إمكانية يطوّر نفسه بحسب قدراته... لكن احنا في زمن، الانسان بتقيّم بالمكان القرا فيه، وبلغته الانجليزية.... مافي حد بلقى فرصة لو متخرج من مكان غير مقيّم عند باقي الناس...
ده غير انه مسألة التفوّق دي ليها تأثيرها على الطفل، احساسه بالتفوّق ده بخليه عنده توقّع معيّن لنفسه... كلمة الثاني او الثالث على الخرطوم دي كلمة كبيرة... ما كلمة ساهله... يعني شوف في بوست مجاور هنا ببحث عن اوائل الشهادة السودانية... باعتبار انه متوقّع منّهم انهم يكونوا حققوا شي كبير في حياتهم....التأثير ده، والتوقّع ده بكون موجود للأطفال ديل بعدين لما يمشوا لقدّام على نطاق اهلهم ومعارفهم...وبتبقى حياتهم دايره في محور انه حققوا مرتبة بالحجم ده....
بعدين العدد الكبير ده، بفرغ المرتبة دي من معناها... وببقى الكل أوائل...واحده من اهم مؤشرات الخلل في التعليم هو انتفاخ الدرجات ده.... الشهادة السعودية تشهد سنوياً اعداد ضخمة تتحصّل على درجة 100%... يكفي فقط انه في الشرقية مثلاً، وفي مدارس البنات فقط، تحصلت في سنة من السنوات اكثر من اربعين طالبة على درجة 100%... بعد ان دخلن الجامعات، ودرّسناهم، عرفنا ان هذا التضخم لم يصاحبه أي تأثير على قدراتهم وإمكانياتهم، وتظل الكتابة والقراءة تحدياً كبيراً لهم!!!! أما مستوياتهم في المواد العلمية، فحدّث ولا حرج..... ده طبعا غير انه البيجيبوا 96% ديل ببقوا ناس ما شاطرين ابداً! ملاحظ معاي المشكلة!
التساؤل الاساسي الآن، ما هي طريقة التقييم التي يتم اعتمادها والتي تضمن لجميع الطلاب درجات بهذا المستوى...
بتظل ما ظاهره طبيعية انه يكون في عدد كبير كده اوائل...
شكراً ليك على المشاركة، وتحياتك وصلت إن شاء الله...
| |
|
|
|
|
|
|
|
|
|
Re: لا قصد لتجريح ولا إساءة... لكنه سؤال مشروع (Re: مريم بنت الحسين)
|
العزيزة مريم ..
معليش استلمت البوست .. اعفى لى
| Quote: الاخ الشاذلي... انا ممكن اوافقك في مسألة انه الانسان عنده إمكانية يطوّر نفسه بحسب قدراته... لكن احنا في زمن، الانسان بتقيّم بالمكان القرا فيه، وبلغته الانجليزية.... مافي حد بلقى فرصة لو متخرج من مكان غير مقيّم عند باقي الناس... |
وعزرا" انا بختلف معاك فى ما اقتبسته اعلاه ..
انا زول رطانى .. واكاد اجزم انو اغلب المدرسين عندنا كانو بيشرحو لينا المقررات الدراسية مرات كثيرة بالرطانة لتسهيل الفهم ..يعنى العربي زاتو فى تلتلة خليكى من الانجليزى ..بحكم انو اللغة الاساسية كانت ولا تزال هى الرطانة ..حتى فى ازيائنا كنا بنلبس جلاليب عكس امة محمد فى الخرطوم وغيرها ..
بس لقينا فرصتنا وكذا الكثير من دفعتى والبعض زملاء لنا فى البورد .. والبعض شغالين فى شركات لغتهاالرسمية انجليزى ..
كيـــــيف ؟؟؟
الله اعلم !!!!
توجد معاناة فى البداية لكن الزول لو اساسو متين .. بيقدر يلحق ..
| Quote: بعدين العدد الكبير ده، بفرغ المرتبة دي من معناها... وببقى الكل أوائل...واحده من اهم مؤشرات الخلل في التعليم هو انتفاخ الدرجات ده.... الشهادة السعودية تشهد سنوياً اعداد ضخمة تتحصّل على درجة 100%... يكفي فقط انه في الشرقية مثلاً، وفي مدارس البنات فقط، تحصلت في سنة من السنوات اكثر من اربعين طالبة على درجة 100%... بعد ان دخلن الجامعات، ودرّسناهم، عرفنا ان هذا التضخم لم يصاحبه أي تأثير على قدراتهم وإمكانياتهم، وتظل الكتابة والقراءة تحدياً كبيراً لهم!!!! أما مستوياتهم في المواد العلمية، فحدّث ولا حرج..... ده طبعا غير انه البيجيبوا 96% ديل ببقوا ناس ما شاطرين ابداً! |
| Quote: ملاحظ معاي المشكلة! |
الموضوع ده ملاحظو فى الشهادات العربية خاصة اولاد السعودية ..
وداخل الاسرة ملاحظ الامر ده ..
وايضا" ملاحظ صغر سن الطلاب السودانيين فى سنة اولى جامعة ..
واكاد اتفق انو الغاء المتوسطة والاستعاضة عنها بقصة ثامن دى عملت ربكة شوية فى القصة ..
اكيد الامر محتاج الى تقييم شامل كامل .. وياريت المتخصصين يشاركو فى البوست ده عشان الواحد يستفيد..
| Quote: التساؤل الاساسي الآن، ما هي طريقة التقييم التي يتم اعتمادها والتي تضمن لجميع الطلاب درجات بهذا المستوى... |
الله تألم (وش زول ماعندو معلومة)
مستنين معاك ..
اشكرك مجددا"
الشاذلى
| |
|
|
|
|
|
|
|
|
|
Re: لا قصد لتجريح ولا إساءة... لكنه سؤال مشروع (Re: الشاذلى خيرى عبد الله)
|
ازيك يا بنت الحسين...
مرة سمعت البشير....آي البشير زاتو حكي نكتة...قال في خطبة الجمعة...
الراجل اعترض علي دعاء الامام...(اللهم لا تسلط علينا بذنوبنا من لا
يخافك ولا يرحمنا) وقال ليه...يا مولانا هو سلطهم علينا اسألوا التخفيف بس...
او قول بهذا المعني...دحين انت عايزاهم يكونوا مسلطين عليهم حكومة ومقررات؟؟
حكومة وامتحانات؟؟؟ ...وقت ما قدروا علي الحكومة...خلوهم يقدروا علي المقررات
ان شاء الله يجوا كلهم الأول مشترك...حا يمشوا وين؟؟؟
| |
|
|
|
|
|
|
| |
مريم بنت الحسين
humida
محمد المختار الزيادى
الشاذلى خيرى عبد الله
nazar hussien
فيس بوك
تويتر
انستقرام
يوتيوب
بنتيريست