|
|
|
 Re: نحنا السودانيين ليه دائما شغالين بالفارغة؟؟؟ (Re: زياد جعفر عبدالله)
|
مثال قريب
قبل فترة كان اجتماع جمعية عمومية للسودانيين بنيو ساوس ويلز
و تعال شوف ..هاك يا تنظير...الدستور و ما ادراك ما الدستور...المادة كذا بتقول...و انا بفتكر انو كانت ...ووووو ززز ففففف
و دا يقوم يقاطعو و يمسك المايك و مبارة في الفلسفة و التنظير في امر بسيط لا يحتاج لأي جدال...لكن كل واحد عايز يثبت انو افهم من التاني و رأيو هو الصاح
المشكلة عند التطبيق و الشغل العملي تلقى الجماعة البنظروا ديل نايمين و آخر من يقدم حلول عملية او يشارك بفعالية في اي عمل جدي!!!!!
| |
 
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: زياد جعفر عبدالله)
|
من سنة حفروا
بتكلموا الناس عن الهوية
الدستور (و هو الموجود ما ملتزمين بيهو)
الحريات...وهو الواحد مع ناس بيتو ما بكون في حريات!!
الدين والنصيحة...وهو الواحد تلقا كضااااااااب بالليل يسبح و بالنهار يضبح!!
...
زمان في كلام ادونا ليهو في كتاب المطالعة ... يا ريت لو مسكنا فيهو قوي..ما بتجينا عوجة!
امل قالت:العمل العمل العمل!
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: Tragie Mustafa)
|
ظلت أوروبا تحترب لأتفه الأسباب
وظل الموت مخيماً على دولهم
فعلت بريطانيا ما تريد بالقوة وأصبحت الشمس لا تغيب عن حدودها ..
وقبله أساطيل الإسبان
وأخذ الألمان حقهم في التقتيل
انتبه القوم فجأة فجلسوا يتفاكرون ( أو بمنطقكـ ينظرون ) ثم ماذا ؟؟
ما ذنب المواطن وأسباب الشقاء طمع القادة وتفكيرهم ( الدموي ) ..
جاء التنظير بالديمقراطيات
قتلوها نقاشاً ( وتنظيراً ) حتى أصبح الحاكم في يد المواطن العادي البسيط
موافقته على أفعالكـ طريقكـ للحكم ..
واستمر التنظير مساراً للإقناع فأتت الصحافة ( للتنظير أو التطبيل ) وكل أنواع الميديا
تعمل في ذات الإتجاه ، تلميعاً لقادة ( الديمقراطية ) الجدد ، بدلاً عن دق آلات الحرب .
وتنويراً للناس عن الدستور ( فصار إلزاماً مكتوباً لقادة أمريكا حتى اليوم ) ... ويحقق الرئيس نجاحاً في تعديل مادة ما بإقناع الشعب أولاً ..
فتجد القوم يرددون المادة تلوالمادة حتى صار القانون إجمالاً الطريق الأوحد للسياسي الجاد.
ثم نمت الدول واذدهرت
وظهرت مشلكة جديدة
مشكلة الفقراء والأغنياء
حقد الفقراء على الأغنياء
أو سبب ( نقة ) جديدة قد تؤدي إلى مشكلة ما ..
فسجلوا الفقير وأعطوه من حق الغني ..
وصاروا يصرفون الرواتب للعطالى والمتسكعين ..
وصلوا للنتيجة بعد كثير من ( النقة ) و( التنظير )
وتطور الأمر وجاءت النقة ( الفاخرة ) فظهرت مواد وأفكار تساعد البني آدم على سهولة الحفظ وضبط النفس وتنمية المهارات وبرامج البرمجة العصبية اللغوية
فتطور الإنسان وفهمه
وبالتالي أدواته ..
وكلو بسبب النقة والتنظير في ( الفارغة ) .. والجايبة حقها ..
حتى الأخت تراجي التي جاملتكـ بكلمتها جلست تخاطب المرأة بكلام (كبار كبار) عساها توصل رسالة ولو إلى القليلين ( وذالكـ يُحسب لها )
ما بالكـ إن قالت بلاش تنظير فارغ ، في بنات في مناطق لمبة النايلون دي ما شافوها وقامت ووعت على الدنيا بأن الغلبة للراجل فقط .
يعني تعاملت بمنطقكـ " أعطني خبزاً ثم اشرح لي عن ثلاثية الأبعاد التي استخدمت في AVATAR "
| |
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: عمران حسن صالح)
|
عمران
والله لو الاوروبيين البتقولم ديل عندهم ربع كسلنا و نصف مقدرتنا على الكلام فيما لا يجدي..كان تلقاهم لليلة راكبين كارتة تجرها بغال...
هها ها ...انتا عايز تقارن كتاب عصر التنوير ناس فولتير و جان جاك روسو بي تنظير ناس قريعتي راحت!!!
والله لكن بالغت!
و بعدين تنظيرم دا كان مقرون بعمل شاق مرهق قصر معه متوسط عمر الفرد في اوروبا في عصر التنوير للاربعينات...
وين دا لينا نحنا ناس نوم الضحا؟؟؟
ياخ هو تاريخنا....اهم مصدر ارخ لانتفاضة رجب ابريل كتاب كاتبو واحد مصري...ياخ معقولة
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: Akram Omara)
|
اكرم يا بروف حبابك
ياخي انا كنت قبل مدة بتناقش مع واحد سوداني في برسبين...قعد يقول لي: هسي في السودان الناس في الشارع بتقول كدا و كدا...في الخرطوم والله تلقى كدا و كدا..و كلام لا السما لافي الواطا
سألتو: انت كنتا في السودان متين؟
قال لي: آخر مرة قبل 7 سنين!!
فتأمل
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: زياد جعفر عبدالله)
|
اقول ليك واحدة تانية:
برضو لامن كنت في برسبين: مجموعة من السودانيين بتونسوا...
جات سيرة الاخ عباس عمر اكمل الله شفاه...وهو يرقد بمستشفى ويست ميد بسيدني...
واحد قال: عباس فاق من الغيبوبة و بقى يتكلم...التاني قال ليهو: يا زول قالوا ليك بقى كويس و مشى بي كرعينو..
يا مؤمن صدق... اول ما رجعت سيدني طوالي على المستشفى عشان الاقيهو...لقيتو لا يزال بغيبوبة!!..بس الدكتور طمني انو في تحسن سريع..
فتأمل!
...
ملحوظة: حكاية الموسيقار عباس عمر دي قبل حوالي شهر...قبل فترة فاق من الغيبوبة والحمد لله
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: زياد جعفر عبدالله)
|
بالله انظر معي عزيزي القاريء كمية السخف و عدم الموضوع و قلة الشغلة البتحصل في المنبر العام
ناس بدل ما تفتح بوستات للنقاش حول مواضيع..ظواهر...ونسة و نكات...انشالله سياسة!!
تقعد تفتح في بوستات للمشاكل و تصفية حسابات شخصية و كلام فارغ كلو بتاع قلنا و قالوا!!!
...
الامثلة كثييييرة ...
انا والله لو من بكري اي موضوع اتفتح في المنبر دا بتاع قوالات وللا مشاكل ثنائية ..اوديهو الخور طوالي!
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: زياد جعفر عبدالله)
|
زياد سلام ..
تعرف برغم جدية بوستك الا انه اضحكني كثيرا- يديك العافية " على قول السودانيين المنظراتية":)
مرة سالني عميد كلية الاقصاد وهو عالم تدرس كتبه في احد اعرق الجامعات في العالم" بوبمي الهندية "
من اين انت فقلت له بقلب قوي انني من مدينة مدراس الهندية الواقعة في الجزء الجنوب الشرقي فهز راسه موافقا وانصرف
وكنا نسخر مما كنا نعتقد انه سذاجة حتى العلماء منهم - بينما كان المفروض ان نسخر من روؤسنا المحشوه بقصصات المعلومات
والاخبار التي لا نستخدمها الا في "النقة" الاجتماعية - بينما هذا المحاضر يعرف اي شئ عن الاقتصاد منذ ان خلق الله الارض حتى لحظة
سواله لي..لان هذا تخصصه - وهذا يقودنا الي مثل اصحاب التخصصات Ajack of all trades is master of none
تحياتي..
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: حسين نوباتيا)
|
Jack of All Master of NOTHING
بالضبط يا استاذ حسين...
من غير مجاملة ..انت من القلائل البحترم كتابتم في البنبر اللامي دا!!!
عليك الله شوف (بعض) البوستات البتدور هنا شكل و شتيمة و كل واحد يستعرض ذخيرته اللغوية من البذاءة و ساقط القول -الله يكرمك و يكرم القاريء...و الظريف انو في البعض بفتكرها حرفنة و خفة دم و تخويف للناس عندما يتلائم و يقل ادبه مع مناقشيه...
لأ و الظريف انو الناس (الما عندا موضوع برضو..يدخلو و يشبكوك..ياخوانا باركوها..و شنو ما عارف..لحدي ما يوصلو بوست الشكلة رابع صفحة..
بعد شوية تجي بوستات اعتذارات...وايوا خليكم اخوان وووو....و المحصلة شنو؟؟..القاريء استفاد شنو من قراءة هذه الترهات؟؟؟
صفر و صفر كبير جدا
| |
|
|
|
|
|
|
|
|
 Re: نحنا السودانيين ليه دائما شغالين بالفارغة؟؟؟ (Re: زياد جعفر عبدالله)
|
Quote: و اي واحد عامل فيها خالقها!!!
والنوع الاخير دا تختلف معاهو..تقول ليهو زح من الدرب...خلاص انتا العدو اللدود...دا كان ما شتمك بكرم حاتمي!! |
.. بتلاقى معاك في الحتة دي يا زياد ... ودا السبب الحول المكان دا لي طاقة مهدرة .. بتلقى اكتر ناس بتنادي بالديمقراطية هنا .. اكبر عددية بتمارس السقوط السريع جدا والشتيمة .. المقابل ليها اي بني آدم الله ادهو لسان .. يللا دي هنا .. ما بتتصلح .. لانو كلما زاد عدد الخالقنها زاد عدد الخالقنها اكتر منهم .. والحل يكمن في صناديق الاقتراع .. Quote: ناس بدل ما تفتح بوستات للنقاش حول مواضيع..ظواهر...ونسة و نكات...انشالله سياسة!!
تقعد تفتح في بوستات للمشاكل و تصفية حسابات شخصية و كلام فارغ كلو بتاع قلنا و قالوا!!! |
بتفق معاك تاني وشديد جدا .. يا زياد انصاف المثقفاتية هنا دا .. هم العملو الكارثة دي .. ودا بالواضح كدا .. تقدر تصدق إنو في فترة من الفترات المنبر دا كان اصعب من حركة طالبان .. يلقوك كاتب ليك قصيدة .. أو منزل ليك ملف موسيقي تخيل يقولو ليك دي شنو الانصرافية دي .. تسكت تمشي امورك منهم وتعمل فيها ما شايف .. تقوم تشيل حاجاتك كلها .. وتمشي ليهم في مكان السياسة .. يقولو ليك هو إنت متين فضيت من نزيل الاغاني والحفلات .. امشي شوف ليك مزيكا تنفعك بتعرف شنو للسياسة إنت ... وقسما بالله يا زياد هذا ما حدث ..
عشان كدا ماف حل إلا نشيل رجلين العناقريب القديمة من الغرف الخلفية ومن المخزن حق البيت
لو قدرنا نشيل رجلين العناقريب القديمة أو طلعنا قصاصات الورق من تحت المراتب حقت السراير بمقدورنا إنو نكون مثاليين زي ما إنت عايز ..
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: tmbis)
|
زياد الساخط على ناسه
كيفك
فى دعاية او شعار جميل بتاع شركة لولى للاغذية لو بتتذكره كان بيقول
الجودة ليست صدفة ولولى تصنع الجودة
وانت بكلامك دة تطالب ان تحل علينا الجودة من السماء صدفة ساااى كدة والا كنت قد ساهمت ودعمت الخطوات التى قد تجعل من هذا الشعب متحضرا كما الشعوب التى اعجبت بها فى غربتك واعتقد اول هذه المساهمة بتكون فى الترويج لنشر التعليم الاساسى ونشر المعرفة عموما عن
طريق القراءة والاطلاع ولتكن البداية من الاسرة والمعلم العنصران البيشكلو وجدان النشء بسلوكهم الجيد وتربيتهم السليمة ومن ثم نضمن
مجتمع معافى ينتج افرادا اسوياء متسلحين بالمعرفة والاخلاق الكريمة لكن لما يكون عندك مجتمع بيقيم الناس حسب جيوبهم وفهلوتم ومقدرتم
على الكسب باى وسيلة كانت سواء ركوب موجة النفاق او الانزلاق فى سوق المواسير او السمسرة وهم ديل الان نجوم المجتمع وقدوة الاجيال القادمة وبالتالى ماتراه انت فارغة يرونه هم مليانة ولن تستطيع تغيير الكون ولكن تستطيع ان تنشى اسرة على القيم الفاضلة انت وانا واى زول بيمر على البوست دة انسى الخراب الاتراكم خلال سنوات الضلال المضت وفكر فى الاجيال الجاية وقال ليك ان توقد شمعة خير من لعن الظلام
سؤال انت فى الbiomedical engineering ولا ال aviation
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: احمد التجانى احمد)
|
Quote: انت بكلامك دة تطالب ان تحل علينا الجودة من السماء صدفة ساااى كدة والا كنت قد ساهمت ودعمت الخطوات التى قد تجعل من هذا الشعب متحضرا كما الشعوب التى اعجبت بها فى غربتك واعتقد اول هذه المساهمة بتكون فى الترويج لنشر التعليم الاساسى ونشر المعرفة عموما عن
طريق القراءة والاطلاع ولتكن البداية من الاسرة والمعلم العنصران البيشكلو وجدان النشء بسلوكهم الجيد وتربيتهم السليمة ومن ثم نضمن
مجتمع معافى ينتج افرادا اسوياء متسلحين بالمعرفة والاخلاق الكريمة لكن لما يكون عندك مجتمع بيقيم الناس حسب جيوبهم وفهلوتم ومقدرتم
على الكسب باى وسيلة كانت سواء ركوب موجة النفاق او الانزلاق فى سوق المواسير او السمسرة وهم ديل الان نجوم المجتمع وقدوة الاجيال القادمة وبالتالى ماتراه انت فارغة يرونه هم مليانة ولن تستطيع تغيير الكون ولكن تستطيع ان تنشى اسرة على القيم الفاضلة انت وانا واى زول بيمر على البوست دة انسى الخراب الاتراكم خلال سنوات الضلال المضت وفكر فى الاجيال الجاية وقال ليك ان توقد شمعة خير من لعن الظلام |
احمد التجاني
كلامك سمح و جميل و منطقي...
بالتأكيد الجودة لاتأتي صدفة...و المشوار طويل...و لا يغير الله ما بقوم حتى يغيروا ما بأنفسهم
المشكلة يا التجاني مش نجوم مجتمع السمسرة الفي السودان...المشكلة حتى في السودانيين البطلعوا برا...تفكير عملي ماف!!!...لمتنا نادر ما تعجب...قطيعة و نقة في الفارغة و ضعف شديد في انتاج ماهو مفيد لنا او للمجتمع العايشين فيهو!!...الزول العندو افكار جيدة او ابداع...بدل ما نشجعو..نكسر ليهو مقاديفو؟!!
كان في جمعية وللا شيء فيها اشتراكات...لابد...لابد تسمع الاصوات المنكرة التي تشكك في ذمم القائمين بأمر الجمعية او اللمة!!.....
يعني مافي...اصلو تفكير ايجابي مافي كلها سلبية في سلبية..
مرض بس
...
| Quote: سؤال انت فى الbiomedical engineering ولا ال aviation |
اجابة: أنا Biomedical Engneer راكب طيارة
بجدية: كنتا بتمنى و مفكر في دراسة الِAviation..بس الكريم ما قدر
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: tmbis)
|
نحن شغالين بالفارغة إلى حد ما ومش دائماً وزينا وزي بقية خلق الله ، الثاوث ويلز بالعربي ثاوثها المقابل بلغة الفرنجة هي south وبرضو بتحتاج مد الللسان لغاية الناصية التانية بعد الصينية.
لا عليك من كلامي فهو أيضاَ ضرب من ضروب الفارغة ، لكن لابد أن نتعلم الجد في بعض أمورنا يعني إنت الآن طرحت موضوع كان يحتاج إلى محاور هذه المحاور نقتلها بحثاً ونطلع بتوصيات نفكر في الكيفية التي يمكن أن نطبقها في الواقع.
لكين شايف الموضوع جنح لأكثر من محور
فالأصل فيه شغلنا بالفارغه وقد ذكرتم أمثلة قد نتفق عليها أو نختلف ولما كان الأمر كذلك كان لابد أن نضع معايير للفارغ و الـ full fat وقليل الدسم من أمور ومواضيع.
في شأن كلام الناس في أن ود اللحد لافي وأعصر يمينك في الحفر يا ولد فهذه تسمى في العرف توجيهات تهدف إلى الوصول بالعمل إلى درجة من الكمال أو القبول في أسوأ الأحوال وهو شئ لا يُعاب ، ولو كان هناك عيب فإنه يكون في شخصية هذا الناصح أو الموجّهِ والذي يفتي أو يتحدث بما لايعلم وبالتالي يقع عليه القول فاقد الشئ لا يعطيه أو لا يستقيم الظل والعود أعوج إذا كانت معوماته مقصورة.
أما في شأن كمية السخف وعدم الشغلة والموضوعية التي تحدث هنا على حد تعبيركم وقد أوفقكم الرأي في الكثير من الموضوعات الفارغة المحتوى هنا ، فالمنتدى أو المنبر كما هلل المهللون وطبل المطبلون هو وطن من لا وطن له لمن بكري أبوبكر فكر أن يقوم بطردنا جميعاً ومن ثم عمل خطه إسكانية لإيوائنا يتم فيها توزيع الأراضي بأسعار تشجيعية ، لكن هناك من فشل الخطة بأن قال وعلى رؤوس الأشهاد – فتشوا في الأرشيف إن شئتم – أنا وطني حدادي مدادي مليون ميل مربع at least till now وكلام الفرنجة دا من عندي للأمانة يعني ، وبعد أن كفر من كفر بالوطن وعارض من عارض وأدعى من أدعى أنه لاجئ سياسي أو تطارده السلطات ، وهناك فرقة رأت - ورأيها الأقرب للواقع - في المنتدى أنه يضم في عضويته الكثير من السنحات والأعراق والثقافات واللهجات من الوطن الأمر الذي جعل هذه الفقرة تذهب حد القول بأن المنبر يختزل الوطن سايبيرياً "النقه كِترت مش كده"
والحال كذلك فإن التشدق بالكلمات وإستعراض فن الجناس والطباق on line أمر جد محمود لو أجدنا إستخدام أدواتها حيث يجب أن نفعل.
صحيح أن بكري أبوبكر هو سيد الكورة لكين هذه الكورة زيها وزي أى جردل لولا على سبيل المثال تألق تراجي في حراسة المرمي وإبداعات حميدة في الوسط الأيمن والقوة الضاربةالتي تمثلها د. نجاة في خط الهجوم وتألق الدفاع بقيادة المبدع أبا جهينة. لذلك لا يحق لبكري أبوبكر أن يودي أى موضوع الخور ما لم تكن هناك مقاييس واضحة تصنف على أساسها الموضوعات فبكري وإن كان في أمريكا لا يملك منفرداً أدوات القياس التي تؤهله للحكم على الموضوعات حكماً نهائياً لا يقبل النقض أو المراجعة وإلا تكون الحكاية ديكتاتورية.
أنا لغاية هنا فترت من الكتابة وإلى لقاء متجدد.
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: almulaomar)
|
الملا عمر
| Quote: حن شغالين بالفارغة إلى حد ما ومش دائماً وزينا وزي بقية خلق الله ، الثاوث ويلز بالعربي ثاوثها المقابل بلغة الفرنجة هي south وبرضو بتحتاج مد الللسان لغاية الناصية التانية بعد الصينية. |
كان بتتهكم علي عشان قلتا ساوس...فأنت برضو كتبتها غلط : هي ساوث إن شئت الدقة و ليست ثاوث...و ما تزعل نفسك يا حبيب ...تأسفاتي للغة العربية و الانجليزية!!!
| Quote: هناك عيب فإنه يكون في شخصية هذا الناصح أو الموجّهِ والذي يفتي أو يتحدث بما لايعلم وبالتالي يقع عليه القول فاقد الشئ لا يعطيه أو لا يستقيم الظل والعود أعوج إذا كانت معوماته مقصورة. |
طيب يا ملا ...انتا هسي لحنتها؟؟....ما ياهو كلامي زاتو!!!...انو دايما الزول البكون بنظر ليك وانتا شغال بكون ما عملي...و غالبا بكون بنظر في شيء لا يفقه عنه شيئا!!...و لو قالوا ليهو تعال اعمل ما بعمل حاجة!
| Quote: والحال كذلك فإن التشدق بالكلمات وإستعراض فن الجناس والطباق on line أمر جد محمود لو أجدنا إستخدام أدواتها حيث يجب أن نفعل. |
عليك الله بس امسك لي في لو التحتها خط دي قوي.
| Quote: وإلا تكون الحكاية ديكتاتورية. |
يا زول تكون الحكاية ديكتاتورية ..اصلا مافي حرية مطلقة في الدنيا دي كلها...ومدام الناس عايزا تجي هنا عشان تخرمج..فمرحب بها الدتاتورية من اجل الادب و النظام
...
يا زول انتا فتران من يومك...السطرين الكتبتهم ديل ما بفتروا ليهم زول
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: tmbis)
|
تعرف يا علاء
انا كنتا قارش ملحتك بشكل ما تتصورو!!..زمان..ايام كان المنبر سمح!!
كنتا بقول علاء دا عامل فيها حفتيت وود امدرمان و مقطعا,,
لكين تاني بقيت اتكيف منك كيف شديد جدا جدا لامن تدي الناس العاملين فيها مقددنها في راسم(كان انتا كان وليد الشفت)..و يرد الواحد فيهم كانو بكتب لي تلميذ عندو في المدرسة (ماف حاجة كرهتني المثقفاتية غير بنبر بكري دا)...و كان اختلفتا معاهو يا ويلك و سواد ليلك!!
ياخ والله انا دا قبل كدا اتداخلتا في موضوع...جا واحد كتب رد علي (المنجية معروفين..الخ) ولا شنو كدا ما عارف
والله ضحكتا ضحك ...لمن الزول الجمبي استغرب...قلتا ليهو بالله عليك شوف الوهم دا كاتب لي شنو؟؟ طلعني اخر الزمن كوز و امنجي كمان!!..والله خليتو لي الله و لم ارد عليه حتى الان!!!
...
والله بتمنى يا تمبس نكون مثاليين (في الاول قريتا مثليين-نعسان وكدا- قلتا تمبس دا جنا و للا شنو)...لاكين الممكن انو نخت الكورة واطا شوية ياخ..مامكن كدا!!!نتفلسف و نكضب طواااالي في الفاضي!
يا تمبس في مقولة مشهورة عند الخواجات (KISS) وهي اختصار لKeep It Simple Stupid كل ما كان الانسان بسيط في نفسه بسيط في طرحه ...كلما كان افضل ليهو و للمساكين الزينا البسمعو ليهو!!
يللا يا مان ارح نجيب رجلين العناقريب ديييك....شكلو كدا ماف حل!!
| |
|
|
|
|
|
|
|
|
 Re: نحنا السودانيين ليه دائما شغالين بالفارغة؟؟؟ (Re: زياد جعفر عبدالله)
|
Quote: تعرف يا علاء
انا كنتا قارش ملحتك بشكل ما تتصورو!!..زمان..ايام كان المنبر سمح!!
كنتا بقول علاء دا عامل فيها حفتيت وود امدرمان و مقطعا,, |
.. وأنا المسكين اشيل (واعبر)ليك في الساكوبيس .. والسكروتات .. اتاريك صاريها لي ..
عندك حق .. الوكت داك تلقاك كنت بتقرا بي (اضنينك)...
يازياد ماف طريقة لي اي نقد ذاتي .. أو اي تصحيح وتعديل مسارات .. علشان كدا ..
شفت البجي في راسك سويهو لكن .. أعمل حساب انك ما تكون الجاني دايما .. خلي باص القون يجيك من الاستوبر بتاع الخصم .. بي كدا .. بتقدر تلعب ماتش كويس .. ولياقتك فل ..
الايامات دي الموضة جلاليب مخططة .. أعمل نايم ما عندنا ليك قروش
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: tmbis)
|
Quote: شفت البجي في راسك سويهو لكن .. أعمل حساب انك ما تكون الجاني دايما .. خلي باص القون يجيك من الاستوبر بتاع الخصم .. بي كدا .. بتقدر تلعب ماتش كويس .. ولياقتك فل ..
|
علي اليمين يا تمبس في ناس هنا معاك.. في بنبر بكري دا..كان لعبوا استوبر ضدك.. ولا تتعب..بمشوا بختوا الكورة في قونم براااااهم
| Quote: الايامات دي الموضة جلاليب مخططة .. أعمل نايم ما عندنا ليك قروش |
مخططة عديل كدا...خلاس يا زول اظبط لي واحدة و حاسب ود الصايم لمن اجيكم بهناك
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: بكري عباس علي)
|
دي المشكلة يا بكري البتكلم عنها في هذا البوست
ودي مشكلة كبيرة جدا...تؤدي الى اهدار الطاقات و المجهود فيما لا ينفع...جدل عقيم و حب ظهور...لا اكثر ولا اقل...
ياخ في ناس يقعدو في المجلس, بكونو ما بفقهوا اي شيء في اي شيء!!..و تلقاهم متصدرين المجلس-او الاجتماع- و مستلمين المواضيع بفهم و بدون فهم...و جارين للمشاكل و المشاحانات ليغطوا على جهلهم و عجزهم الفكري!
...
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: زياد جعفر عبدالله)
|
اللا معقولية
ناتج طبيعي للتنظيرالمجاني!
احكي ليكم دي:
واحد معرفة حدثني انه سافر الى السودان بجواز سفر اجنبي...تمام!...
طيب..اياما ديك تأشيرة الدخول للأجانب من اصول سودانية ما كانت متاحة من مطار الخرطوم. صاحبنا جا داخل توووش و قال ليهم انا سوداني و تخلوني ادخل...النتيجة انو منع من الدخول لساعات طويلة و تمكن من دخل البلد فقط لمن قابل واح قريبو صدفة من العاملين بأمن المطار!!!...طيب ...صاحبنا زعلان جدا جدا ...و قال انو كن المفروض يدخلوهو طوالي!!
قلتا ليهو: القانون بقول شنو؟...قال لي : لاكين الناس دي ما بتفهم....قلتا ليهو: مع اني آسف انك اتلطعتا في المطار المدة دي كلها...لاكين معليش اقول ليك دي غلطتك اولا و اخيرا...لأنو الزول ماشي بلد مفروض يحترم قوانينا و لوائحا..بدأ من المطار...
ما ياهو دا المودينا ستين سنة لي ورا...الواحد يمشي بلاد برا يحترم القانون في امان الله...يجي السودان عاوز يخرمج و يتعامل مع كل شيء باستخفاف..
قال لي (وفي دي اصاب): ماف زول بحترم قانون هناك...كل زول على كيفو شغال!
مهما كان...لو واحد احترم القانون و اللوائح و عمل الصاح...لو كل واحد اهتم هو بيعمل في شنو..دا المطلوب منك كفرد مجتمع (صالح)
وللا شنو يا خوانا؟؟؟؟
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: زياد جعفر عبدالله)
|
زياد
بداية أعترف أمام الله الواحد الأحد أنني جليتها ثابته في حكاية الساوث ويلز دي وأنها تحسب لك تصحيحاً وتحسب لي خطاء ، يعني هذه بتلك وإن كانت "تلكي" مبشتنه. شكراً على التصويب الما بشبه تصويب مهاجمي أندية القمة السودانية تجاه المرمى.
أيضاً أعترف أن ذلك نوع من أنواع التهكم وهي طريقة في النقد كما تعلم وفي ناس تفتيحه زيك بتقشوها وفي ناس بتمشي فيهم زي الما كان شئ وفي ناس بفهموها لكين بمشوها بي مزاجهم.
في حتة الزول البنظر ليك وإنت شغال دي وبيكون ما عملي ما بالضرورة يعني التوجيه مطلوب بس من البعرف ، أبسط حاجه واحد لقاك حاتي ليك شعبه أو عود شجرة وبقوة الشباب شايل ليك فأس وواقع في هذا العود خبط بنية أن تكسروا ويصبح حطب عواسه إن شاء الله ، طبعاً ممكن تنجح لكين بعد معاناة ، أها الواحد ده لو خبير أو كسار تلج – عفواً – حطب قام وجهك على الكيفية والطريقة أكيد حا توفر جهد ، يبقي هنا العيب وين.
أنا قلت إنه الما ناقش ما المفروض يقوم يفتي في أمور ما بعرفها ، وفي ناس أكي كده في كل المجتمعات كما تعلم. لكن أن نرفض التوجيه تماماً بحجة أنني أعمل وأنت قاعد توجه وتنظر فهنا الإختلاف في وجهات النظر.
===
الما بفترني شنو يا زياد إذا كان شاتل لي 266 حوض بصل وبعد دا داير أمشي أقيف مع ناس موسي ود الحاج في مناسبة زواج إبنه.
أجمل ما في ردك على مداخلتي إنك حاروتني في اللاين لمن لبستني شرابات من جير خط التماس
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: نادر النور آدم)
|
زياد جعفر لك التحايا
Quote: مثال قريب
قبل فترة كان اجتماع جمعية عمومية للسودانيين بنيو ساوس ويلز
و تعال شوف ..هاك يا تنظير...الدستور و ما ادراك ما الدستور...المادة كذا بتقول...و انا بفتكر انو كانت ...ووووو ززز ففففف
و دا يقوم يقاطعو و يمسك المايك و مبارة في الفلسفة و التنظير في امر بسيط لا يحتاج لأي جدال...لكن كل واحد عايز يثبت انو افهم من التاني و رأيو هو الصاح
المشكلة عند التطبيق و الشغل العملي تلقى الجماعة البنظروا ديل نايمين و آخر من يقدم حلول عملية او يشارك بفعالية في اي عمل جدي!!!!! |
وبعد التنظير ده كله مايدفعوا الاشتراكات جيوبهم التقول فيها عقارب !!!!
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: خالد العبيد)
|
خالد العبيد ازيك يا حبيب و كيف الاسرة وناس كانبرا؟
احسن حاجة عملتها!!
تعرف العمل العام و الطوعي دا من السودان انا ضقتا لدغتو...خيرا تعمل شرا تلقى...النوع اللا خيرا منو و لا كفاية شروا دا بالكوم..كان في السودان كان في الغربة!
ما داير اذكر أسامي ... لكين في ناس كتيرين قالوا لي كلامك دا بعد ما ذاقوا الامرين!
..
شيء مؤسف.
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: حمزه بابكر الكوبي)
|
| Quote: وبعد التنظير ده كله مايدفعوا الاشتراكات جيوبهم التقول فيها عقارب !!!! |
مش كدا و بس يا حمزة...
بيطعزوا ...و يقللوا من مجهود الآخرين...و الادهى والامر الواحد فتحة خشمو يقول ليك (اكلوا قروشنا)...والله الواحد تلقاهو زي ما قلتا ما بدفع وللا دفع مرة وعمل نايم بعد داك!!
انا فقدت الثقة في اي عمل عام للسودانيين (في الغربة على الاقل)
| |
|
|
|
|
|
|
|
|
|
Re: نحنا السودانيين ليه دائما شغالين بالفارغة؟؟؟ (Re: almulaomar)
|
يا ملا عمر
نقطة النقاش ما عن التوجيه...عن الشغلة بالفارغة و عدم الموضوع و عدم الpracticality عندنا نحن السودانيين..
حادث عربية عادي...تلقى الناس ملمومة و مشنكتة بدون فايدة...عايزين الواحد يتفرج عشان يلقى موضوع يحكيهو و ينظر فيو!!!
...
| Quote: الما بفترني شنو يا زياد إذا كان شاتل لي 266 حوض بصل وبعد دا داير أمشي أقيف مع ناس موسي ود الحاج في مناسبة زواج إبنه. |
يا زول الله معاك...اهو على الاقل وقتك مقضيهو في شيء نافع...و مبروك مقدما لولد موسى ود الحاج.
| |
|
|
|
|
|
|
| |
زياد جعفر عبدالله
Tragie Mustafa
Balla Musa
عمران حسن صالح
Akram Omara
حسين نوباتيا
tmbis
احمد التجانى احمد
GeerTor Tong
بكري عباس علي
نادر النور آدم
حمزه بابكر الكوبي
خالد العبيد
فيس بوك
تويتر
انستقرام
يوتيوب
بنتيريست