|
كتب الكاتب الفاتح جبرا المتوفرة بمعرض الدوحة
|
|
 Re: الروووووووووووووووووووووووووووب (Re: وليد محمد المبارك)
|
وليد المرشح الذي شنقل الريكة
ياخ نحن عضيوية لجنتك بالخارج ...الاعلام وكدة
ركز على وهبة والمسلمي في الاعلام الداخلي في الجولة الثانية ..
والله مما بقيت بتاع الجزيرة بقيت تتكلم كبار كبار ...
البشير ناس السودان البعرفهم جت (عن بكرة ابيهم) صوتو ليه... الظاهر الفكي بتاع تراجي وسارة عيسى صاح ...
اعادة الاقتراه بين نشيل ليك الفاتحة ..ونقرا ليك يس
عاجباني تجربتك ..
| |
  
|
|
|
|
|
|
|
|
Re: الروووووووووووووووووووووووووووب (Re: Adam D.El-Asha)
|
| Quote: يا قلب انا كنت فاكرك تعبت من مخاواة القماري ومن شراب موية المطر...لكن..!!!!!!! |
ياخ الجملة دي بتذكرني الصديق اللدود صبري الشربف (له التحية) (على طريقة المذيعين)
آدم العشا
سلام يازول
تعبت من مبارة القماري لكن اشتاق الى شراب موية المطر ...
الله يسلمك ..
رد الله غربتنا
| |
|
|
|
|
|
|
|
|
|
Re: الروووووووووووووووووووووووووووب (Re: بدر الدين اسحاق احمد)
|
بدر الدين ود عمو اسحق ..
سلام يازول
انا دايرة دعوات كاربات كدة ...
كملتو التعب وخليتة الناس كلهم يهضربو الشدرة الشدرة ..
ياخ أي زول في السودان سألتو قلت ليهو صوت لي منو قال لي الشدرة ....الفكي خطير ياعاملات تراجي ..
مبرووووك الفوز الكاسح وان شاء الله انجازات بحجم الامال العراض ...
ودمتم في سلام وآمان
وزي ما قالت حبوبة ومريم عمتي يبعد عنكم ولاد الحرام وبنات الحرام..ويغتيكم ويستر عليكم
| |
|
|
|
|
|
|
|
|
|
Re: الروووووووووووووووووووووووووووب (Re: Kostawi)
|
كوستاوي يا كوستاوي
طبعاً ليكم وحشة والله ..
خلوني افضى ليكم ...
الله يبارك فيك .... شدو حيلكم واستعدو للانتخابات الجاية ..من حسة ...
نحن غايتو جماعتنا شغالين تقييم ساكت واي ثقرة بنسدها بي طوبة كبيرة والباقي على الله ..
| |
|
|
|
|
|
|
|
|
|
Re: الروووووووووووووووووووووووووووب (Re: علاء الدين يوسف علي محمد)
|
Quote: ألف حمد لله على السّلامة
كان مكانُكِ شاغِراً
فتحنا بوستاً باسمكم نسأل عنْكم
تبقّى العزيز بيلو |
يا علاء الدين الله يسلمك ... وين البوست دا ..
كيف البلد والله مشتاقين ليها شبا والدوداب ...لاعند المقل ...
بختكم في حضن الوطن تقدلو
مبروووووك الاكتساح على قول تمبس
الدعوات بس ...
| |
|
|
|
|
|
|
|
|
|
Re: الروووووووووووووووووووووووووووب (Re: علاء الدين يوسف علي محمد)
|
Quote: ألف حمد لله على السّلامة
كان مكانُكِ شاغِراً
فتحنا بوستاً باسمكم نسأل عنْكم
تبقّى العزيز بيلو |
يا علاء الدين الله يسلمك ... وين البوست دا ..
كيف البلد والله مشتاقين ليها شبا والدوداب ...لاعند المقل ...
بختكم في حضن الوطن تقدلو
مبروووووك الاكتساح على قول تمبس
الدعوات بس ...
| |
|
|
|
|
|
|
|
|
|
Re: الروووووووووووووووووووووووووووب (Re: Hassan Makkawi)
|
Quote: من طول الغيبات جاب الغنائم يا قلب يا نابض....!!!
جاى أرحب وراجع على صيوان ود الصايم... |
اهلين حسن مكاوي ...
لو كنت عارفة ود الصايم فارش كان جيت كشحت رووووبي في صيوانو ومشيت ..
لكن الحمد لله اتفشيت حسع ...ولمن لقيت الماس كلها متجرسة قلت موت مع الجماعة كويس
تحياتي
| |
|
|
|
|
|
|
|
|
|
Re: الروووووووووووووووووووووووووووب (Re: amir jabir)
|
| Quote: القلب النابض جينتن جيتى لا انتخابات طلعتك ولا شنوا انتى مشيت مع ناس الغزوة المعروفة بى وشك ولا شنوا ؟؟ |
اهلين عامر جابر ...جابتني الدبرسة والغربة ..
عزوة ذات الموز ولا واحدة تانية.
الله يسلمك ...من كل بلا ..
| |
|
|
|
|
|
|
|
|
|
Re: الروووووووووووووووووووووووووووب (Re: munswor almophtah)
|
سلام يا منصور المفتاح يا صاحب السجادة...
| Quote: السلام والرحمه وإنتى مازلتى فى الغربه ربك يفرج علينا وعليك...قايلين إنك فى سنه honey |
ربنا يرجعنا سالمين غانمين من هادي غربة ...
اتابع كتاباتك كلما وجدت فرصة دخول لسودانيز اون لاين
تحياتي للأولاد وامهم
| |
|
|
|
|
|
|
|
|
|
Re: الروووووووووووووووووووووووووووب (Re: عمر صديق)
|
القلب النابض
عيييييييييييييك وينك يا دفعة ؟؟؟؟
الجماعة من كترة الغيبة افتكروك برلومة و ما عارفين انك دفعة
هسع عليك الله شوفى انا و انت و كوستاوى دفعة فبراير 2002 اول دفعة يتم قبولها بسودانيزاونلاين
الزمن داك العالكم دى كلها كانوا فى سودانت مع ود عطا السيد
تحياتى
| |
|
|
|
|
|
|
|
|
|
Re: الروووووووووووووووووووووووووووب (Re: عمران حسن صالح)
|
سلامات يا عمران
ياحليلكم والله بتفقدو الناس ..
الزول دا طلع متين وكان لابس شنو عشان نفتح بلاغ بخروجه وعدم عودته ..
الزول دا بيكون دقش صحراء نجد ...بحثاً عنها ...
يمتطي بعير أبيض ويمتشق حساماً "مهندا"
بجي بي غادي اخسمو بالرسول أن ما رجع ..
لكن البيرق الات رافعوا ليه عشان يجي ربما اضر بدعوتك ..
تسلم ياعمران ياذوق
ـــــــــــــــــــــــــ
ياجماعة ماف زول يجي يقول لي اسبلنق مستيكس أنا بكتب ما عندي عربي كي بورد " شايفاها انقلبت الى بورض بعامل التصحر في كل"
| |
|
|
|
|
|
|
|
|
|
Re: الروووووووووووووووووووووووووووب (Re: munswor almophtah)
|
حمدالله على سلمة العودة يا قلب , و ليكي وحشة والله
قلتي لي متجرسة من الغربة ؟؟ والله نفس الإحساس , قعدت اتجرس لي امي في التلفون قالت لي ما تشيلي شنتطك و تجي ,, التقول الشغلة ساهلة
نسوي شنو بس ؟ ربك يهون و يرد غربتنا جميعاً
| |
|
|
|
|
|
|
|
|
|
Re: الروووووووووووووووووووووووووووب (Re: سناء عبد السيد)
|
يا سنوية ليك وحشة كبيرة
يا الله يقطع الغربة وسنينها .... السودان دا ما احسن منو ..
لو الموية قاطعة ولو المواصلات صعبة ولو ولو ... لكن ما بتعوض ..
الله يرجعنا سالمين غانمين ...
اتفضلي روووووب ياختي
شربة واحدة لا تكفي .. بل ثلاث سكلبات كاملات ....
ودمتم في رعاية المراعي
| |
|
|
|
|
|
|
|
|
|
Re: الروووووووووووووووووووووووووووب (Re: النذير حجازي)
|
Quote: سبحان من يحيي العظام وهي رميم
القلب النابض!
يازولة والله رغم الإختلاف
والله مشتاقييييييييين ومنورة البورد
وعوداً حميداً وعساك طيبة |
النذير اخوي مشتاقين والله ...
عارف سودانيزاون لاين دي عالم براها الزول يطفش ويجي " العرجا لي مراحها"
وهي وطن جميل..
زين عالم جميل وكذلك عالم البورد
رغم العكاكيز احياناً
تحياتي لك
| |
|
|
|
|
|
|
|
|
|
Re: الروووووووووووووووووووووووووووب (Re: عبدالله ابوشوارب)
|
الاخ عبد الله ابو شوارب
سلام ..
Quote: كلنا في الهوا سوا يا ايها القلب النابض
فلنرتاح علي ضفاف المبدع دوما مصطفي سيداحمد
ورائعته الدنيا ليل غربة ومطر
عسي ولعل |
فعلا الآن الدنيا ليل غربة ومطر ...
كويس انو الزول معاهو ناس حاسة بي وجع الغربة ... ودا بيخفف كتير
شكرا للغنية الجميلة
تحياتي
| |
|
|
|
|
|
|
|
|
|
Re: الروووووووووووووووووووووووووووب (Re: JAD)
|
| Quote: سألت عليك الأخ أبو خالد قال شغالة بتسايس في العلم .. |
ماشاد (العلم) قلب نابض إلا وكب الجرسة،،
شفتا ياجميي جنس الحال دا،، الروب المدفق هنا دا حيخليني
أعمل الخطة (ب) وكل يعود لقواعدو سالما،،
دا كلام دا ياقلب يانابض؟؟
وأمال نحنا بقلوبنا الخامدة دي نقول شنو؟؟؟ السمممممممممن؟؟
20 سنة خبرة في داخلية الرياض الإنفرادية، وخشمنا عندنا!!!!
أثبتوا ياناس وثبتوا المعاكم ، بلاش جهجهة!!! هههههههه
| |
|
|
|
|
|
|
|
|
|
Re: الروووووووووووووووووووووووووووب (Re: عبد اللطيف بكري أحمد)
|
Quote: ماشاد (العلم) قلب نابض إلا وكب الجرسة،،
شفتا ياجميي جنس الحال دا،، الروب المدفق هنا دا حيخليني
أعمل الخطة (ب) وكل يعود لقواعدو سالما،،
دا كلام دا ياقلب يانابض؟؟
وأمال نحنا بقلوبنا الخامدة دي نقول شنو؟؟؟ السمممممممممن؟؟
20 سنة خبرة في داخلية الرياض الإنفرادية، وخشمنا عندنا!!!!
أثبتوا ياناس وثبتوا المعاكم ، بلاش جهجهة!!! هههههههه |
يا عبده براااااك عارف ..
والله المعانا مصبرنهم ...وهم صابرين
الروووووب الرووب ...
الباص ويرد فقدته بعد آخر مداخلة لكن الحمد للع بكري مشكور رسلو لي تاني يوم طوالي ..
اها جايي متين ؟
| |
|
|
|
|
|
|
|
|
|
Re: الروووووووووووووووووووووووووووب (Re: JAD)
|
Quote: الأخت القلب النابض بكل جميل ..
الحمد لله على السلامة ..
وعوداً حميداً ..
سألت عليك الأخ أبو خالد قال شغالة بتسايس في العلم ..
فأتمنى لك التوفيق والسداد ..
تحياتي،، |
الاخ العزيز جاد
الله يسلمك ...ابو خالد ما مقصر .... بتصل على طول .. وبشجع العلم .
كتر لينا الدعوات في بلد الحبيب المصطفى ...احتاجها كثيراً...
وشكرا على السؤال
الظاهر الثكليب دا جاب ناس كتار ..
تحياتي
| |
|
|
|
|
|
|
|
|
|
Re: الروووووووووووووووووووووووووووب (Re: د.نجاة محمود)
|
العزيزة الما بتسأل عن ظروفنا ..
د. نجاة .... الشوق اكتر من الروووب المدلوق على واجهة البورد ...
شايفك نجاض شديد ....الله يقويك...
قلتي لي
Quote: سجمنا يا قلبنا النابض
ما ممكن تشمتي فيناالمتسنيرين ديل
اسمعي الاغنية دي
وابكي شوية وغسلي وشك
وتعالي امامنا معارك كبيرة مع المستنيرين |
سجمكم ساي ....غايتوو المستنيرين كان عندهم شماتة في جرستي دي ...اليشمتو ومن لم يتجرس من الغربة ثكله بكري
ابو بكر ...
الغنا دا ذاتو هو البيجيب الجرسة ...
المعارك القادمة معارك معرفة .. لان الكذب الكتير الكسر الكي بوردات د سقط حجر الجماعة وخلاهم يلتفتو فيجدون اهل بيوتهم قد صوتوا لمن لا يحبون... فأوتو من قبل بيوتهم ...
السودان ضيف ... حبل الكضب قصير ... وحبر الانتخابات لايزال بيدي ( كل يوم يغسل العدة) واكيد في يدين ناس كتار ..
نقول شنو ..
نرحب بالاخ عبد الملك ...
سأعود حتماً...
تحياتي
| |
|
|
|
|
|
|
|
|
|
Re: الروووووووووووووووووووووووووووب (Re: ماجدة عوض خوجلى)
|
Quote: سلامات القلب النابض وحمدلله بالرجعه بعد الغيبة الطويله اتمنى انك تكونى بخير وكل شى ماشى معاك كما تحبى وتتمنى
تسلمى يارب ,,, |
العزيزة ماجدة عوض ...كيفك يا حبيبة \\
بخير والله وبراك عارفة لندن وعذابها ...وعدم الاستقرار برضو ..
عذاااااب
كيف منوية بلغيها التحايا والشوق ...
تسلمي ياذوق ...
سلمي على ناس البيت كلهم بالله ..
| |
|
|
|
|
|
|
|
|
|
Re: الروووووووووووووووووووووووووووب (Re: القلب النابض)
|
هسى ده يقولوا عليهو شنو؟؟
زعل ، زهج ، homesick ، قرف ؟؟؟
خلى قوشيريز أون لاين تلفون مافى ؟
خوة التابانى واليابانى !!
أخوك آآ عامر أخوك !!
بالغتى والله !
المهم ..
محمد ومنتصر دخلوا الجامعة وصفاء رحلت معانا ولا زال الباشق إسم لأصغر أبنائها ولا زال عبدو يصر على تغيير إسم الباشق
والباشق زات نفسو دخل المدرسة وماشى سنة رابعة تصدقى رابعة !!
وناس عم مهدى سكنوا جنبنا وأولاد نميرى الإتنين نجحوا وعمر مهدى جابوا ليهو ولد !!
وصبوحة لغاية هسى أم القرى ما واقعة ليها وأحمد أخوى جاء من أبوظبى نهائى ولغاية هسى ما عرس !!
وحاجة طيبة تشكى من كريعاتها وأمبارح وداد كانت بايتة معانا !!
والليلة إغدينا بى ملاح خدرة زى الخدرة !!
والآن نشرب فى شاى المغرب المقنن باللبن !!
B]
| |
|
|
|
|
|
|
|
|
|
Re: الروووووووووووووووووووووووووووب (Re: صلاح أبودية)
|
الروووووب يا صلاح اخوي ..
ماف شء مزهجني غير الحاجات الكلها فاتتني .. والشفع كلهم بقو ما بيعرفوني وووب على
مشتهية شاي المغرب في الحوش
وعشاء يوش نسويه انا وصفاء نتغاتت فيه ونقطع البصل والشطة الخدرا ويحرد البعض ..ويعملوا ليهم المخصوص ... ونستمتع بالبوش .. وبعدها .. العود واغنيات ...واملو التلاجة ...الخ
يا صلاح ما تقلب على المواجع اصلاً زايدة ...
بختكم ....
الباشق يظل الباشق ...
منتصر حبيبي...
ياخ تعبت
سلم لي من طرف وبوس لي خالتي طيبة الحبية ..
تعبت جاية الشهر الجايي ..
سلام
هووووم سك بالجد
| |
|
|
|
|
|
|
|
|
|
Re: الروووووووووووووووووووووووووووب (Re: عبد العظيم احمد)
|
بختكم يا عبد الغظيم والله
سلم لي على عايدة .. شديد .. وبرسل ليكم التلفون ..انا على اتصال مع خالد..
شفت صلاح اخوي بيكاويني متغديين بي خدرة .. عليك الله ..
اما انتم فحالتكم يدكم في الشعيرية لي هنا... ( واشار الى كوعه..)
السودان جميل .. ربنا اعةد الشهر القادم .. الزهجة دي كلها اني المفروض مايو اكون في السودان وطلعت مستحيلة ...
النصبر روحنا ...
انعموا بالسودان قبل ما تفروا تاني
| |
|
|
|
|
|
|
|
|
 Re: الروووووووووووووووووووووووووووب (Re: القلب النابض)
|
نفسي ارجع لي بلادي
واستعيد أيام شبابي
ابقى بين أهلي وصحابي
وانسى همي وإغترابي
رشفة من النيل شرابي
تروي عطشي ويهدا بالي
يا ربي يا عالم بحالي
إنهد حيلي وضاع زماني
نفسي اتهنى وأغني
ابقى فنان وراقي فني
نفسي ارجع لي بلادي
واستعيد أيام شبابي
والحياة تصبح سعيدة
والمحال يصبح حقيقة
والخطاوي الضاع طريقا
باكر تعود ينحلا قيدا
يكتمل البيت بناسو
وكل زول يعيش حياتو
نفسي ارجع لي بلادي
واستعيد أيام شبابي
ارضى باللقمة الهنية
والمعيشة تكون رضية
المهم العافية تبقى
لا معاناة لا مشقة
نفسي ارجع لي بلادي
واستعيد أيام شبابي
القلوب هيمانة تهفو
للقاك وكم تعاني
وحشة الغربة وظلاما
والسنين الضاع حنانا
التجني والمذلة والمهانة
الرجولة والفحولة والشهامة
نفسي ارجع لي بلادي
وأسال الله يتم مرادي
عايز أشوفك عالية فوق
والنجوم حولك تطوف
لا تصل ليك الأعادي
ولا يزورك مرة خوف
هادي طبعك زي أميرة
لابسة تاج العز خميلة
قائدة للركب والمسيرة
حرة صامدة وكم جليلة
عزيزة غالية ما ذليلة
فيك أفراحنا النبيلة
نفسي ارجع لي بلادي
واستعيد أيام شبابي
ياما في ترابك لعبتا وما تعبتا
وياما من حُبك نهلتا وغرفتا
ومن حليب ضرعك رضعتا
ومن تمر نخلك شبعتا
نفسي ارجع لي بلادي
واستعيد أيام شبابي
نفسي في رحلة وجنائن
وخضرة بكان ما العين تعاين
لمة فيها الناس .. تقالد .. تسالم
يدعوا ليك بكل التمائم
تبقى أيامك سعيدا
والزيارة كمان تعيدا
تبقى فرحان بوجودك
ومافي خط لحدودك
نفسي ارجع لي بلادي
واستعيد أيام شبابي
عارف الأحلام مثيرة
مهما تطول تصبح قصيرة
والعيون إحتار دليلا
والدموع نزلت غزيرة
نفسي ارجع لي بلادي
واستعيد أيام شبابي
نفسي أرجع لي بلادي ( إنتو كيف ؟؟؟؟)
| |
|
|
|
|
|
|
| |
القلب النابض
mayada kamal
معاوية عوض الكريم
Faisal Habiballa
وليد محمد المبارك
ابو جهينة
سيف الدولة كامل
Dalal Ezzaldin
Adam D.El-Asha
بدر الدين اسحاق احمد
كمال سالم
عمران حسن صالح
Kostawi
ALGARADABI
محمد عبد الماجد الصايم
عبدالمجيد المقابل
amir jabir
Hassan Makkawi
munswor almophtah
عمر صديق
ABUHUSSEIN
سلمى الشيخ سلامة
سناء عبد السيد
Gaafar Ismail
saadeldin abdelrahman
النذير حجازي
عادل سمير
ماجدة عوض خوجلى
طارق جبريل
JAD
ملكة سبأ
صلاح أبودية
عبد العظيم احمد
معتصم محمد صالح
فيس بوك
تويتر
انستقرام
يوتيوب
بنتيريست