كتب الكاتب الفاتح جبرا المتوفرة بمعرض الدوحة
|
مبروووك.. فرحنا ليكم والله
|
زميلات وزملاء البورد المحتفين بنجاح أولادهم وبناتهم
تحية ومحبة
ومبروك لأولادكم وبناتكم وبنات أخواتكم وأخوانكم ، بنات عماتكم وخالتكم و..و..، مبروك لكل النجيبات
والمتميزين ..مبروك للوطن أجيال واعدة بالخير ..وعيال نابهين فرحتو بيهم وفريحنا ليكم والله ..
نفسي وأظن غيري كتيرين نشد علي يدينكم ونبارك ليكم جهدكم وتعبكم الما راح هدر ..، فالأولاد المتفوقين في الغالب وراهم أمهات وأباء حريصين ، وفروا ليهم جو ومناخ ورعاية ..حسب القدرة ، في أباء منهم مكويين بنار الغربة عشان اولادهم يقروا في أحسن مدارس ، وأمهات قامن بدور الأب والأم عشان يسدوا الفرقة ، وناس في البلد قاعدين يلقطوا بجاي وجاي عشان مايقولوا لأولادهم مافي .. لديل ولتانين ماذكرناهم مبروووك وربنا يفرحكم بيهم كمان وكمان ..
وتقبلوا التهاني مني ومن أي زول غلبو يسك كل بوستات التهنئة ..وخاف يفرز ويقع في اللوم ..تهاني
بدون فرز وتبريكات للجميع ..ومحبة لأولادكم وبناتكم ما محدودة ..
|
|
|
|
|
|
|
|
Re: مبروووك.. فرحنا ليكم والله (Re: محمد عبد الماجد الصايم)
|
Quote: وتقبلوا التهاني مني ومن أي زول غلبو يسك كل بوستات التهنئة . |
الله يريحكـ في كنكوجكـ زي ما ريحتيني اليومين ديل شيطان ( عدم الشغلة ) كابي على كل الشغلات الفي الدنيا ومرة مرة الواحد يلقى ليهو دقائق يبص بصَة ، أها لقيت ليكـ أولاد الزملاء كلهم فوق للـ 200 نجاحم ، صدقيني شلت هم اللوم أها الله يكفيكـ شر اللوم حق الأًصحاب . ومعاكـ نردد مبروكـ يا ناس وربنا يوفق كل الأبناء ودايماً ناجحين
| |
|
|
|
|
|
|
Re: مبروووك.. فرحنا ليكم والله (Re: عمران حسن صالح)
|
Quote: وتقبلوا التهاني مني ومن أي زول غلبو يسك كل بوستات التهنئة ..وخاف يفرز ويقع في اللوم ..تهاني بدون فرز وتبريكات للجميع ..ومحبة لأولادكم وبناتكم ما محدودة .. |
.. والله يا داليا زي ما قاليك عمران الله يريحك دنيا وآخره .. والله عايز ارد للناس دي كلها .. واتشارك معاهم الفرحة .. لكن خايف ادخل في بوست وما ادخل في بوست .. الف مبروك لي كل الناجحين واسرهم .. وربنا يديم السعادة والنجاح والفرحة ..
| |
|
|
|
|
|
|
Re: مبروووك.. فرحنا ليكم والله (Re: داليا الكباشى)
|
Quote: نفسي وأظن غيري كتيرين نشد علي يدينكم ونبارك ليكم جهدكم وتعبكم الما راح هدر ..، فالأولاد المتفوقين في الغالب وراهم أمهات وأباء حريصين ، وفروا ليهم جو ومناخ ورعاية ..حسب القدرة ، في أباء منهم مكويين بنار الغربة عشان اولادهم يقروا في أحسن مدارس ، وأمهات قامن بدور الأب والأم عشان يسدوا الفرقة ، وناس في البلد قاعدين يلقطوا بجاي وجاي عشان مايقولوا لأولادهم مافي .. لديل ولتانين ماذكرناهم مبروووك وربنا يفرحكم بيهم كمان وكمان ..
وتقبلوا التهاني مني ومن أي زول غلبو يسك كل بوستات التهنئة ..وخاف يفرز ويقع في اللوم ..تهاني |
شكراً ليك يا داليا انا برضو طبعاً زي الجماعة الفوق دي غلبتني الحوامة وأرجو ان يتقبل جميع الزملاء والزميلات التهاني من هنا
| |
|
|
|
|
|
|
Re: مبروووك.. فرحنا ليكم والله (Re: الجندرية)
|
دندوش يا حبيبة ازيك وشكرا ليك كتييير وانا هنا نيابة عن السني بهني كل الحلوين والحلوات النجحوا وبقول ليهم انشاءالله دائما ناجحين ومتفوقين
السني اليومين ديل مشغول في تصوير مسلسل لرمضان
| |
|
|
|
|
|
|
Re: مبروووك.. فرحنا ليكم والله (Re: السيد المسلمي)
|
يا سلاااااااااام عليك يا داليا ..
نبارك ليك السمح انشاءالله ..
وبتي بتكم وفرحي فرحكم ..
وانشاء الله الفرح ما ينقطع من دربك يارب ..
مشكور ة انتى وكل ضيوفك في بوستيك الجميل ..
شكرا يا حبيبة ..
| |
|
|
|
|
|
|
Re: مبروووك.. فرحنا ليكم والله (Re: داليا حافظ)
|
Quote: زميلات وزملاء البورد المحتفين بنجاح أولادهم وبناتهم
تحية ومحبة
ومبروك لأولادكم وبناتكم وبنات أخواتكم وأخوانكم ، بنات عماتكم وخالتكم و..و..، مبروك لكل النجيبات
والمتميزين ..مبروك للوطن أجيال واعدة بالخير ..وعيال نابهين فرحتو بيهم وفريحنا ليكم والله ..
نفسي وأظن غيري كتيرين نشد علي يدينكم ونبارك ليكم جهدكم وتعبكم الما راح هدر ..، فالأولاد المتفوقين في الغالب وراهم أمهات وأباء حريصين ، وفروا ليهم جو ومناخ ورعاية ..حسب القدرة ، في أباء منهم مكويين بنار الغربة عشان اولادهم يقروا في أحسن مدارس ، وأمهات قامن بدور الأب والأم عشان يسدوا الفرقة ، وناس في البلد قاعدين يلقطوا بجاي وجاي عشان مايقولوا لأولادهم مافي .. لديل ولتانين ماذكرناهم مبروووك وربنا يفرحكم بيهم كمان وكمان ..
وتقبلوا التهاني مني ومن أي زول غلبو يسك كل بوستات التهنئة ..وخاف يفرز ويقع في اللوم ..تهاني
بدون فرز وتبريكات للجميع ..ومحبة لأولادكم وبناتكم ما محدودة .. |
العزيزه داليا حافظ
تسلمي على تهنئتك لكل الناجحين والناجحات والتهنئة موصولة لكل أولياء الأمور مبادرة حلوه تستحق التقدير
| |
|
|
|
|
|
|
Re: مبروووك.. فرحنا ليكم والله (Re: محمد خليل ساني)
|
الاخت داليا
جمعة مباركة
والله حليتي لينا مشكلة في الرد على التهانئ والتبريكات
والله سعدنا جدا بالنجاحات والتفوق لابناء وبنات واقرباء من هم معنا في المنبر ولكن تصعب علينا لارد الفردي
فالف مبروك للجميع ..... ويعتبر هذا البوست بمثابة رد التهاني للجميع بدون فرز ........
صلاح غريبة والاسرة - الرياض / القاهرة
| |
|
|
|
|
|
|
|