أبيل ألير يتمتم معتذراً في حالة صعبة من تأنيب الضمير-Video

Quote: وقد قال الرجل وهو يتلعثم,,, فى اللقاء الاول الغير مدبلج لقد حصل المواطن عمر حسن البشير على 6 مليون صوت وكسر لذا نعتبره فائزا,,, وفى الاعادة لقد حصل المواطن عمر حسن البشير على 6 الف صوت وكسر فائزا,,,, نعتبره قد حذفت فى الاعادة ,,,حتى مقولة الرجل زورت وقبل يوم البشير وعلى عثمان فى المقابر لوداع الشيخ الصالح محمد سيد حاج ما اظن الموت موجود فى ذاكرة هولاء,,,, لك الله ياوطن Abuguta

Quote: الإرتباك الذي اعترى أبيل ألير - رئيس مفوضية التزوير - وهو يتمتم معتذراً ، سُـوري!، لدى سقوط نظارته، يقول لي أن الرجل أدرك في هذه اللحظة تحديداً ، أنه قد خسر ضميره الانساني والمهني تماماً! ... نهاية تراجيدية لـ"بطل تراجيدي"! لمن تُرى يعتذر أبيل ألير، وعن ماذا تحديداً؟ ح.خ farda

Quote: محمد عثمان الحاج تحياتى كيف الحال احترم غضبك الشديد على وطنك وشئ ما غريب طبعا على اى انسان وطنى وسودانى لكن :: أبيل ألير رجل مهذب وقليل الكلام ومحترم اقحام الرجل فى موضوع الانتخابات فكرة كيزانية شيطانية لان الرجل بكل صراح زول الله ساى وتلميع طبعا للجنة الانتخابات عيب الرجل رجل اكاديمى وقاضى سابق يقراء ما فى الورق فقط لا غير لا يذهب بعيدا (( عندو الدليل والكلام المكتوب والمستندات يعنى زول اكاديمى)) ناس الانقاذ ديل علشان تشتغل معاهم لازم تكون ود لزينه زيهم تحياتى Amir Jabir

Quote: رسالة إلى ادروب... قول ليّ يا ادروب عليك وجع السنين... خجيتو ليه؟؟؟ خليهو يا ادروب عشان ناساً غلآبة وكادحين... خليهو يا ادروب عشان ناساً بتحلم من سنين بوطن صحيح من غير جراح من غير ألم، من غير انين خاجيهو ليه؟؟؟ خليهو يا ادروب عشان شجر الأراك يفرح يعانق ديم عرب وترب هدل ووطن السمآح ينسى الجرآح ينسى الحصل... قول ليّ بس... خاجيهو ليّه؟؟؟ وادوّك كم؟؟؟ مبلغ بِسد رمق الصغار؟ والآ الفتات، من بعد ما نهبوا الديار؟؟؟ خلوها خاوية على عُروشا كما الصريم وضح النهآر لا راعو لطفلاً بيصرخ في الظلآم... لا احترمو شيخنا بعد وقآر... بمدخل الدين... جونا داخلين التتآر... خجوها خج... خج السوآد... خج الرمآد... ما خلو شِي ناس لابتحس، لاتختشي... ما بين مُرآبي ومُرتشي... وسفآك دماء نام مُنتشي من بعد ما لعق الدماء من بعد ما انتهك الحِمى... جوغة ضِبآع، وقطيع سباع متوحشة... اسرآب نسور تغتات على جُثث الصغآر... خجوها خج وضح النهار... قول ليَّ بس... خجيتو ليه؟؟؟ وشِن دار تجيب لي ها الوطن!!! غير المِحن غير التخلف والفتن... غير الشتات غير العذآب... غير الكلآب تنبح تهوهِو ليل نهار شيخها العجوز دقولو طآر ينقُز يهِز... ما راعى في نفسو الوقار ينفخ نفخ!!! زي الورر عامل جعيص... عامل خطر!!! قول ليَّ بس... شِن دار تجيب لى ها الوطن؟؟؟ غير الضياع غير الفِتن؟؟؟ غير ناس بتعترف النفآق... عشرين سنة!!! من الضياع، من العناء من الألم والعكننة من الوجع ومُر الضنى... وبرضك تخُج!!! يا زول اقيّف... خلي الوطن ينجمَّ من رهق السنين... خلي الغلآبة الكادحين يرتاحو من طول الأنين يتنسمو الحُريّة في الزمن الضنين... إنصرفو، لا صفى، لا انتِبآه... يا عُصبة الحُكم اللعيّن... يا ظآلمين... يا غادرين... إلى الجحيّم... إلى الجحيّم... إلى الجحيّم... إلى الجحيّمــــــــ... معاوية المدير...

Quote: قصيّدة النوكيا الصوّر الخج... الصقر إن وقع كترة البتابت عيب ومع الخج الحصل مابينفع الجقليب ولقط النوكيا للخجآج سريع زي هبرة الفرنيب... وبرضو تقولوا فبركة يا حُماة الدين!!! تشككو في الجهاز، يا ظلمه يا حاقدين تقولوا ضعيّف!!! تقولوا خفيف!!! تبخسو فيهو يا جاهلين وعاملين فيها ما عارفين إنو سَنيّن... وخشمو سَنيّن... ولقطو سَنيّن... نغمتو جِلِد كديس وطلآق... وكان ختيتو في الهزآز، يدوّر خج... وكان دورتَ كمراتو، بيرُجّك رج... يخلى الظآلم المغرور، يتكهرب... ويضهّب... ويتوهدب... يقول يآ رب... يقول يآ رب... يقول يآ رب... تضاري علينا تذويرنا، وتغطى على دنانيرنا، وعلى شيخنا الحليفتو طلآق... من النوكيا وبنات كسلآ، ومن زولنا الِسآنو طَلق يمرق في فضايحنا، ويقطّع في مسابحنا... دخلنا معاهو في مِحّنة، ومرقنا ترانا لى مِحّنة... اريت كان مُتنا إرتِحنا... بركة الضآر وود الجآز جهاز النوكيا فاضحنا يموت لانغمة لاهزاز... بركة شيخنا ود عثمان جهاز النوكيا يا فتآن يفركع فيّكَ كوم بُمبآن تطش شبكة... تودّر بحري وأُم درمآن... ضربنا الكآس وراهو الكآس اكلنا المنقة والأنناس، وجاري ورانا كايسنا!!! بتدوّر تقطع معايشنا؟؟؟ بُكرّة بنمسكو السودآن... آمانة نضوقك زرّة نطردك من محلآتنا، وماتجي تاني من برّة... يالسببت لينا مغس اريت يا إنت تنضرا... هلو... يا أهلنا يا طيبيّن سلآم... يا أهلنا يا صامدين، ويا صآبرين... انا النوكيا، البخُج الظآلم الطَغيان تعالوا اتوحدوا اتلموا واعلنوا ضدهم عِصيان وروهم عزيمة شعب وكتين ينفجر بُركآن يزلزل طُغمة الطُغيان يهدّم فوقهم الأركآن يخلع كُل عميل وجبان، والتآريخ مزابلو تلِم كُل صاحب ضمير وسخآن... وطننا يطيّب ويتوحد ينعم في سلآم وامآن... فلنهتف من الأعماق: تسلم لينا يا سودآن، تسلم لينا يا سودآن تسلم لينا يا سودآن... . . . معاوية المدير...

Quote: هذه الحشرجة لعلها يقظة الضمير الذي لم يمت بعد ولكن غالبه النعاس فنام مجدداً، لعلها جزء من حياة الإحساس، لعلها واعظ الله في القلب تلك النعمة الكبرى .... المهم يا سيف باقي لينا الاستفتاء ... ونتيجته مدركة ... والمشكلة ما يؤول إليه حال السودان بعد كل تلك........ الخجة ... خجة لله يا محسنين

Quote: إنه الضمير يا فردة