|
( إدارة قناة زووول) تقول انها (غير مقتنعة) بـ (التوب السوداني) ما كفاية (ضحالة ثقافة مذيعاتكم)
|
ظل الثوب السودان رمزية للثقافة السودانية ومشكل قومي ... ضمن مجموعة العناصر التي تشكل القومية التي تميز الشخصية السودنية وتتميز المراة السودانية عن سائر نساء العالمين بهذا الثوب (ولا ادري هل التوب الموريتاني ماخوذ من توبنا السوداني ... ام هم الذين سبقونا لذلك) والذي نعتبره مفخرة سودانية مثلها مثل الجلابية والعمه والمركوب (والاخيرة دي من عندي انا ... ههههه) تقول المذيعة اسراء محمد سليمان .... انها تحب ارتداء الثوب السوداني .... لكن ادارة قناة زول منعتنا بدعوى انها غير مقتنعة بالزي السوداني يا قناة يا ( محترمة ) ... ما كفاية انكم بتمسخوا الثقافة السودانية .... والشخصية السودانية .. كمان ما مقتنعين بالتوب السوداني بالله .. إنتو منو زاااااااااااتكم
وبالنسبة لحتة ضحالة ثقافة مذيعاتكم..... انا شهدت موقف يوما اكد لي ذلك فأثناء ما بقلب في القنوات الفضائية .... وقع ذرار ريموت كنترولنا على ما تسمى بـ (قناة زول ) فاذا ببرنامج مسابقاتي كان يبث في اللحظة ديك (حقيقي ما عارفة البرنامج) بس شكله كدا اسمه شنو كدا السحري... المهم اتصل زول ... المذيعة (المايعة) سالته بمياعة ... من وين متصل رد المتصل : من كوستي... تخيلوا الطامة الكبري الجاية قالت ليه المذيعة : كوستي دي الجنب كسلا والله ضربت كفيني الاثنين في بعض ورجعت خريطة السودان في راسي لاتخيل ..... الجاب كوستي لكسلا شنو وما زالت اسال .... على اساس اي معيار يتم اختيار مذيعات التلفزيون عندنا في السودان وهل هو على حسب الشكل والمياعة فقط ام لابد ان تتحلى المذيعة وتتشبع بقدر من الثقافة وبالذات ثقافتنا السودانية مع احترامي بعض المذيعات اللي لا يشملهن الكلام الفوق دا وهن قليلات ويعدن باصابع اليد الواحدة فقط
|
|
|
|
|
|
|
|
Re: ( إدارة قناة زووول) تقول انها (غير مقتنعة) بـ (التوب السوداني) ما كفاية (ضحالة ثقافة مذيعات (Re: abubakr)
|
Quote: اي فضائية تفتقد الوعي الاعلامي وثقافة عامة ومقدرة علي التنافس تبقي مسخا وهذه الفضائية مثال ..واحمد الله انها غابت عن شاشتي لضعف في ارسالها في المنطقة التي اعيش فيها ..
|
سلامات يا استاذ ابو بكر والبغيبها عن شاشاتنا شنووو !!!!!! المصيبة انو القناة هذه رمزية للزول السوداني وبمرور الزمن سيفرغوا الشخصية السودانية من مضامينها ... لو استمروا على المنوال دا انا كل ما تقع عليني على هذه القناة اتحسر على الوقت المهدور في الهبل الاعلامي والبرامج الفارغة اللي بيضيعوا فيها قروش الجهات اللي ورااء هذه القناة دا كله كوووووووم وضحالة ثقافة مزيعاتهم كوم تاني يعني اهتمام بالشكل الخارجي فققققققققققط مع دواخل فارغة وجوفاء اتمنى ان توقف هذه القناة اليوم قبل غدا
| |
|
|
|
|
|
|
Re: ( إدارة قناة زووول) تقول انها (غير مقتنعة) بـ (التوب السوداني) ما كفاية (ضحالة ثقافة مذيعات (Re: mayada kamal)
|
والله يا ميادة
السيرة بتاعة القنوات السودانية دي بتبكيني وتغير مزاجي..
انا حزينة لأجلها..
قناة زول هويتها حاصل ليها تطميث فظيع ما بين السودان واثيوبيا وكمان شايفاها عرجت على الخليج...فتداخل الهوية هذا يجعلها غير واضحة للمشاهد ، مع ان د.بدر الدين مديرها يبدو عليه انه زول احترافي وفاهم اللعب.. فعلى القناة مراجعة هويتها اولا ، قبل كل شئ
وكذلك مراجعة هوية منسوبيها ، يااخ في كائن حي في القناة دي بيجي الصباح انا ماعارفاه مذيع ولا مذيعة ،دا شنو؟؟
بالنسبة للثوب..مع اني لا اميل له بتاتا وعلاقتي به الصلاة بسسسسس لكن لايمكن ان تقع القناة في هذا الخطأ وتفرض على المذيعات ان لا يتزيئن به وهي تضع العمة شعارا لها...تناقض غريب.. خلاص تغير شعارها وبدل العمة تخت لينا بنطلون جينز استريتش وبعداك يكون ليها الحق في انها تفرض الزي غير القومي على المذيعات
اما الضحالة دي إيييييييييييييييييييييييييييييييييييييييييييك فلاتعشمي في أكثر من هذا
ـــ انت يابت مبطلة الاحتفالات وحارسة قناة زوول
| |
|
|
|
|
|
|
Re: ( إدارة قناة زووول) تقول انها (غير مقتنعة) بـ (التوب السوداني) ما كفاية (ضحالة ثقافة مذيعات (Re: وليد شريف)
|
Quote: اعتقد انو قناة زول دي حبشية بصبغة سوداتية عشان كدي ما تتوقعي منها اهتمام بالهوية والموروثات السودانية مع حبي للاحباش اللذيذين |
الاخ وليد تحية طيبة والله شمكلنا كدا الاحباش حيكونوا سودانيين اكتر مننا هم حريصين على الثقافة السودانية... ونحن بنقلب الهوبا
ولكن السؤال اين وزارة الثقافة والاعلام صحيح ممكن زول يجي يقول لي انو القناة دي قطاع خاص بس المفروض هناك ثوابت وطنية ما يخرجوا عنها ومهما كانت القناة خاصة ومملوكة لجهات خاصة او افراد غير الحكومة لكن برضو لازم تكون تحت رقابة الوزارة
مع انو مسالة الحفاظ والحرص على الثقافة السودانية دي ما محتاجة لي رقيب لانها المفروض تكون نابعة من جواة الزول ييييييييه!!!!!!!!!!!
| |
|
|
|
|
|
|
Re: ( إدارة قناة زووول) تقول انها (غير مقتنعة) بـ (التوب السوداني) ما كفاية (ضحالة ثقافة مذيعات (Re: mayada kamal)
|
الأخت ميادة ، تحياتى سبق وان أثرت هذه الملاحظات عن قناة زول فى منتدى يشترك فى عضويته بدر الدين وطرحت نفس الاستفسارات وخاصة من ناحية الحشمة ولبس الثوب السودانى وظاهرة الأحباش المحتلين القناة ، لدرجة أن أحدى الزميلات الظريفات أقترحت تسميتها (قناة جيران ناس زول) ، ولكن للأسف لم يكلف نفسه حتى الرد على ملاحظاتى مع أننا زملاء فى المنتدى الذى أثرت فيه الملاحظات، ياليت الجهات الحكومية التى تحارب فى المواقع الاعلامية الجادة مثل منتدانا هذا والراكوبة ونحوها ان توجه هذه المقاطعة والاجراءات العقابية لمثل هذه القنوات التى تشوه الانسان السودانى وتحاربه بابراز هذه السلبيات التى لاتشبه أهل السودان ، مودتى .
| |
|
|
|
|
|
|
|