|
Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ... (Re: معاوية المدير)
|
قصيّدة النوكيا الصوّر الخج...
الصقر إن وقع كترة البتابت عيب ومع الخج الحصل مابينفع الجقليب ولقط النوكيا للخجآج سريع زي هبرة الفرنيب... وبرضو تقولوا فبركة يا حُماة الدين!!! تشككو في الجهاز، يا ظلمه يا حاقدين تقولوا ضعيّف!!! تقولوا خفيف!!! تبخسو فيهو يا جاهلين وعاملين فيها ما عارفين إنو سَنيّن... وخشمو سَنيّن... ولقطو سَنيّن... نغمتو جِلِد كديس وطلآق... وكان ختيتو في الهزآز، يدوّر خج... وكان دورتَ كمراتو، بيرُجّك رج... يخلى الظآلم المغرور، يتكهرب... ويضهّب... ويتوهدب... يقول يآ رب... يقول يآ رب... يقول يآ رب... تضاري علينا تذويرنا، وتغطى على دنانيرنا، وعلى شيخنا الحليفتو طلآق... من النوكيا وبنات كسلآ، ومن زولنا الِسآنو طَلق يمرق في فضايحنا، ويقطّع في مسابحنا... دخلنا معاهو في مِحّنة، ومرقنا ترانا لى مِحّنة... اريت كان مُتنا إرتِحنا... بركة الضآر وود الجآز جهاز النوكيا فاضحنا يموت لانغمة لاهزاز... بركة شيخنا ود عثمان جهاز النوكيا يا فتآن يفركع فيّكَ كوم بُمبآن تطش شبكة... تودّر بحري وأُم درمآن... ضربنا الكآس وراهو الكآس اكلنا المنقة والأنناس، وجاري ورانا كايسنا!!! بتدوّر تقطع معايشنا؟؟؟ بُكرّة بنمسكو السودآن... آمانة نضوقك زرّة نطردك من محلآتنا، وماتجي تاني من برّة... يالسببت لينا مغس اريت يا إنت تنضرا... هلو... يا أهلنا يا طيبيّن سلآم... يا أهلنا يا صامدين، ويا صآبرين... انا النوكيا، البخُج الظآلم الطَغيان تعالوا اتوحدوا اتلموا واعلنوا ضدهم عِصيان وروهم عزيمة شعب وكتين ينفجر بُركآن يزلزل طُغمة الطُغيان يهدّم فوقهم الأركآن يخلع كُل عميل وجبان، والتآريخ مزابلو تلِم كُل صاحب ضمير وسخآن... وطننا يطيّب ويتوحد ينعم في سلآم وامآن... فلنهتف من الأعماق: تسلم لينا يا سودآن، تسلم لينا يا سودآن تسلم لينا يا سودآن... . . .
معاوية المدير...
| |
|
|
|
|
|
|
Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ... (Re: معاوية المدير)
|
شكرا جزيلا يا معاوية
علي هذه الأبيات المعبرة والتي ستكون شاهدا علي أكبر مهزلة
في تأريخ السودان الحديث ..... وشكر أيضا لصاحب النوكيا
الذى انتزع من السيد قريشن هذا التصريح الذى أفسد عليهم كل شئ
وجعل لنشوتهم طعما مرا...... هذا القريشن الذى أنجز مهمته عبر هذه
الفضائح التي سوف يتحدث عنها تأريخ الانتخابات في العالم لقرون وقرون
والخزى والعار لكل الذين استخدمهم الاستعمار في تفتيت وحدة بلادنا أولئك الذين
ستلعنهم الأجيال السودانية القادمة بعد أن تلفظهم الأجيال الحالية وترميهم حيث مزابل
التأريخ .
شكرا مرة أخرى عزيزى معاوية لتلبية طلبي .... وهذا الابداع الجميل.
| |
|
|
|
|
|
|
Re: قـصـِيـّدة الـنـوكـيـا الصـوّر الـخـج ... نزولاً لِرغبة الأخ عـآطـِف مـكـآوِي ... (Re: عاطف مكاوى)
|
Quote: شكرا جزيلا يا معاوية
علي هذه الأبيات المعبرة والتي ستكون شاهدا علي أكبر مهزلة
في تأريخ السودان الحديث ..... وشكر أيضا لصاحب النوكيا
الذى انتزع من السيد قريشن هذا التصريح الذى أفسد عليهم كل شئ
وجعل لنشوتهم طعما مرا...... هذا القريشن الذى أنجز مهمته عبر هذه
الفضائح التي سوف يتحدث عنها تأريخ الانتخابات في العالم لقرون وقرون
والخزى والعار لكل الذين استخدمهم الاستعمار في تفتيت وحدة بلادنا أولئك الذين
ستلعنهم الأجيال السودانية القادمة بعد أن تلفظهم الأجيال الحالية وترميهم حيث مزابل
التأريخ .
شكرا مرة أخرى عزيزى معاوية لتلبية طلبي .... وهذا الابداع الجميل. |
شكراً لك اخي عاطف علي الإيحاء، ولـقِـدآمـــ ...
| |
|
|
|
|
|
|
|