|
Re: ايوة نتيجة الانتخابات طلعت وانا جيت تاني الطيش (Re: أيمن الطيب)
|
Quote: والطيش سيرتو ولا لسسسسسسسسه؟؟؟؟؟؟ |
تعرف يا ايمن قال كان في شافع بيغرق قام شافع تاني تلب وراهو عايز ييحصلو شان مايغرق لكن الشافع التاني زاتو مابيعرف يعوم
اها بعد ما الجماعة حصلوهم الاتنين سألوا الشافع التاني انت وكت مابتعرف تعوم متلب مالك قال ليهم لانو الزول دا الطيش حقنا ونحنا طوالي بنسيرو اها وانت بتجي الكم
قال ليهم انا تاني الطيش
اها شفت ياخوي القصة دي بقت علي طيشتنا دا كان عاوالطيش سيرتو ولا لسسسسسسسسه؟؟؟؟؟؟
عايز ينسحب من البداية وانا اشيل واحنس فيهو شان يواصل
اما مسألة الانتخابات دي ياخوي لمن معتمد ابو حمد قال نحنا زورناها بنسبة 150 بالمائة انا كنت قاعد في مركز عتمور
خالص الود
| |
|
|
|
|
|
|
Re: ايوة نتيجة الانتخابات طلعت وانا جيت تاني الطيش (Re: ALZOLZATOO)
|
Quote: عايز ينسحب من البداية وانا اشيل واحنس فيهو شان يواصل |
الاستاذ الشاعر بيناوي برضو نقول مبروك حتى اذا لم تتحصل على المركز الاول ويكفي انك عملت شيء وانت مقتنع بيهو وتكون عملت خبرة من في المجال (الانتخابات) على الاقل الناس تكون في المرحلة القادمة عارفين تم ترشيحك من قبل
تحياتي
| |
|
|
|
|
|
|
Re: ايوة نتيجة الانتخابات طلعت وانا جيت تاني الطيش (Re: ياسر بيناوي)
|
Quote: الاستاذ الشاعر بيناوي برضو نقول مبروك حتى اذا لم تتحصل على المركز الاول ويكفي انك عملت شيء وانت مقتنع بيهو وتكون عملت خبرة من في المجال (الانتخابات) على الاقل الناس تكون في المرحلة القادمة عارفين تم ترشيحك من قبل |
تسلم يا استاذ وليد المرة الجاية نتمناها حرة ونزيهه بحق
خالص الود
| |
|
|
|
|
|
|
Re: ايوة نتيجة الانتخابات طلعت وانا جيت تاني الطيش (Re: ياسر بيناوي)
|
Quote: حبيبنا زاتوووووووو اولا انا اصلا متنازل لصالح مرشح اخر
لو قاصد المجموع الكلي للناخبين في الدائرة حقتنا 45 الف
خالص الود |
والله ياود بناوي فرق كبير خلاص ياخ الفرق ده ادروب مايقدر يجيبو ليك ههههههههه
بعدين قصة التنازل دي شنو
ربنا يقويك ان شاء الله
قلنا ليك الشغلانة عايزه لياقةوالخيل الاصيلة بتجي في الخجة
تحياتي
زاتوووو
| |
|
|
|
|
|
|
Re: ايوة نتيجة الانتخابات طلعت وانا جيت تاني الطيش (Re: ALZOLZATOO)
|
Quote: أهو عرفت الطريق يا عمكـ المرة الجاية تمش ليهم جاهز! |
المرة الجاية اكيد ح افوز بشرط عدم الخج
هاك الخجيجة الصغيرونة دي
في واحد من مراكز الدائرة حقتنا الي هو مركز كبنة الجماعة خجتم ابت تظبط كلو كلو وظهرت النتييجة كالاتي
عدد المصوتين 993 في منصب الريئس حاز رمز الشجرة علي 1104 وفي الدائرة القومية حاز البرجوب رمز الشجرة علي 1143
خالص الود
| |
|
|
|
|
|
|
Re: ايوة نتيجة الانتخابات طلعت وانا جيت تاني الطيش (Re: ماجدة عوض خوجلى)
|
Quote: قصيّدة النوكيا الصوّر الخج...
الصقر إن وقع كترة البتابت عيب ومع الخج الحصل مابينفع الجقليب ولقط النوكيا للخجآج سريع زي هبرة الفرنيب... وبرضو تقولوا فبركة يا حُماة الدين!!! تشككو في الجهاز، يا ظلمه يا حاقدين تقولوا ضعيّف!!! تقولوا خفيف!!! تبخسو فيهو يا جاهلين وعاملين فيها ما عارفين إنو سَنيّن... وخشمو سَنيّن... ولقطو سَنيّن... نغمتو جِلِد كديس وطلآق... وكان ختيتو في الهزآز، يدوّر خج... وكان دورتَ كمراتو، بيرُجّك رج... يخلى الظآلم المغرور، يتكهرب... ويضهّب... ويتوهدب... يقول يآ رب... يقول يآ رب... يقول يآ رب... تضاري علينا تذويرنا، وتغطى على دنانيرنا، وعلى شيخنا الحليفتو طلآق... من النوكيا وبنات كسلآ، ومن زولنا الِسآنو طَلق يمرق في فضايحنا، ويقطّع في مسابحنا... دخلنا معاهو في مِحّنة، ومرقنا ترانا لى مِحّنة... اريت كان مُتنا إرتِحنا... بركة الضآر وود الجآز جهاز النوكيا فاضحنا يموت لانغمة لاهزاز... بركة شيخنا ود عثمان جهاز النوكيا يا فتآن يفركع فيّكَ كوم بُمبآن تطش شبكة... تودّر بحري وأُم درمآن... ضربنا الكآس وراهو الكآس اكلنا المنقة والأنناس، وجاري ورانا كايسنا!!! بتدوّر تقطع معايشنا؟؟؟ بُكرّة بنمسكو السودآن... آمانة نضوقك زرّة نطردك من محلآتنا، وماتجي تاني من برّة... يالسببت لينا مغس اريت يا إنت تنضرا... هلو... يا أهلنا يا طيبيّن سلآم... يا أهلنا يا صامدين، ويا صآبرين... انا النوكيا، البخُج الظآلم الطَغيان تعالوا اتوحدوا اتلموا واعلنوا ضدهم عِصيان وروهم عزيمة شعب وكتين ينفجر بُركآن يزلزل طُغمة الطُغيان يهدّم فوقهم الأركآن يخلع كُل عميل وجبان، والتآريخ مزابلو تلِم كُل صاحب ضمير وسخآن... وطننا يطيّب ويتوحد ينعم في سلآم وامآن... فلنهتف من الأعماق: تسلم لينا يا سودآن، تسلم لينا يا سودآن تسلم لينا يا سودآن... . . .
معاوية المدير...
|
| |
|
|
|
|
|
|
Re: ايوة نتيجة الانتخابات طلعت وانا جيت تاني الطيش (Re: ماجدة عوض خوجلى)
|
مرحبا ياسر بيناوي ومنور المنبر يا اخي.
لاتأسف لهذه الانتخابات يكفيك انك كنت شاهد على تزيرهم المبالغ فيه واكيد تملك حكاوي مبالغ فيها عن ما حدث هنالك يا ريتك تبدأ بالتوثيق وبعنوان مسؤل شويه ينفع يتحفظ بارشيف:
يعني مثلا عنوان زي: حقيقة ما تم بالدائره(.....) بابوحمد!شهادة المرشح ياسر بيناوي!
وتبدأ تفته للتاريخ!
ثانيا: يا اخي.....اهلمت الانترنت اثناء الحمله....وهذا تقصير منك اعلم انه ما كان سيضيف لك شيئا ولكن بينفع في تعريف بقية المعارضه السودانيه بك.
| |
|
|
|
|
|
|
|