|
|
 الشيخ خليل يلحقنا ويفزعنا
|
كتب الشيخ خليل مقالاً بعنوان
إنشاء الله الهلال والمريخ يتغلبو ويطيرو
وقد تحققت الأولي بأن إنهزم المريخ ليلحق به الهلال مساء أمس والهزيمتين يمكن أن تسميهم جري وباقي محطة واحده على الطيران.
عجبني شديد الأمل برغم تضاءله فقد أحرز نصراً سوف يسجله التاريخ بالرغم من تواضع الإمكانيات وشحها عدا عن عدم الخبرة في المحافل الإقليمية والقارية ، وفي ناس يلعبوا من زمن الكرة كانت كورة شراب وكانت الكدارة كدارة جلد وكان الثيردباك أو المدافع يرجعا للقون من النص وبرضو ما جابو التكتح.
خليل إنت بصراحة حا تكون مشروع خطير لو نجحت في عملية تانية يعني أهو الهلال والمريخ إتلحسوا بس عايزنك تأكد لينا قواك الخارقة بأن تجرب لينا في الجانب السياسي وليك على لو نجحت أعمل ليك دعاية وصف الزباين يكون من هنا لغاية لاس فيجاس والدفع باليورو أو الروبل لو عايز ويا شيخ خليل تحلقنا وتفزعنابشرط تورينا حا تعمل شنو في الساسه (لو زنقوك قول ليهم الراجل كان قصدو تاني بس النقاط شردت من الحروف في كلمة الساسه وبرضو ممكن تعتبروني ألجن وقولو وراي الساسه الغساسه.
بالأمس أصبحت المقبرة بمكان غفر وليس قرب قبر حرب قبر
|
|
  
|
|
|
|
almulaomar
فيس بوك
تويتر
انستقرام
يوتيوب
بنتيريست