|
|
|
 Re: كلام خارم بارم .. يبدو أن الخمر كانت رديئه نوعا ما (Re: محمد حيدر المشرف)
|
تصطفيك المواويل الزنيمة تشتهى
حر البلاد الواقفة فيك كما الشدر
ضد مواعيدك غناك
يا من اساك
شالك ..
كما قدرة هواك ,
ختاك ..
علي جرح الامانى بيستطيب
وداك وجيب
انساك حبيب طى القمر
لغة الطيور الشاهقة فيك كما الوتر
باكر تجيك وتستجيب
يا كم قريب
الجو يطيب
الفجر ابلج من بياض
الفرحة فيك ..
وتصفيك .. كل
المواويل الزنيمة تشتهى ..
حر البلاد الواقفة فيك كما الشدر
مشرف
| |
  
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: issamel-din hamid)
|
يا ناذر ..
البشير ده قول ليهو ( لو سألت علينا كنت عرفت نحنا الليله وين )
وبالمره سمعو النص ده ..
شهقت زفير حرقه هواك ويا وطن
واتوجعت فاطنه فى الحلم المباح ...
اتوترت فى الضو عيونا , اتمردت لا
سلطه لا مخزن سلاح
فاطنه تمرق من خلايا الليل صباح
فاطنه تغشانا وبتفضح فى الضلام جوانا تنقح فى الجراح
تفتح طرايق للنزيف
والدم مخثر فى الوريد
والصمت زيف
الصمت زيف
الصمت اهدر شهوة ان نكون ما نريد
ان نغنى ما يغنى فى الوريد
ثم القانا حفاة فى سجون الذات واللات والفلوات المنسيات المنتسبات الى التجديد
الصمت افرخنا هشاما من بقايا اليأس
والتمزيق
والتلفيق
ثم شكلنا حسبما يهوى الفريق
او الامام
هكذا انتصر التراجع فى مسيرتنا نحو الامام
او هكذا عدنا عبيدا ومالا ننتهب
رجالا اشداء .. وذهب
لنا الشهادة ان قتلنا فى الجنوب
لهم الطريق معبدا ..
والصافنات الصافرات وما أحل من النساء السافرات
وما توافر من طيوب
عذرا فاطمه ..
هذا الحشد الناتج منا .. يؤكد انا
كنا السالب والمسلوب
كنا
نهتف باسم الله لهم
كان الله بعيدا منا
كان المال قريبا منهم
وهكذا .. هم يرقصون
عفوا فاطمه
فالطريق طويل بين فكرتنا .. وما يكون
هذى الشوارع افرغت محتواها من نضال
هذى الشوارع ساجيات سادرات فى الضلال
هذى الشوارع حبيبتى
والحب جرح غائر بين الخواصر والاواصر والشجون
دمنا ... تخثر فى الوريد
والنبض اوهن ما يكون
كونى كما انت جميله
كونى كما لا تكونين .. جميله
كونى كما انت .. ولكن هل نكون ؟..
فاطنه فى ساحة مواجعك ..
او نطالعك فى صباحاتك شوارعك
مارقه بالفرح المغلف روعتك بالانتصار
شايله فى عيونك هويه .. وبين بسيماتك نهار
يقهر الليل المعاند .. ويفتح الروعه المزار
القاك وين اطلب رضاك
ما الدنيا كيف تفهم غناك
ما الكون جفل .. سرج خيول العاشقين ,,, ورحل معاك
بلقاك مكان خاطري القديم
زحمة حجا وزمنا وسيم
والشارع
الناس
والبيوت
والجاى منك وليك يفوت
كل الخرايط والمدن مليانة بيك
شرقانه بى حرفى البموت
ما بين شفاهك أغنيات
يا رافعه راية مشتهاى
يا ساكنه فى اقصى الوريد
باكر بجيك
احضن ملامحى الفى وشيك
اقلد مناى
اتوسدك .... واحلم براى
انك معاى
مخزونه فى عصبى الرحيل
مشدوده لى حلمى الرجوع
مسكوبه فى جوف الضلوع
مطر ... دعاش
او
كلمه فى خاطر فراش
هبش الورود بى ريدك
فرتق بكارة عطرك المختوم جواك
القاك وين اطلب رضاك
فى هذه المدن الهلاك
فى الزحمه
غازلنى الطريق
كانت عيونك فلسفات
ونقاش هويه .. وانفلات
من كل اشكال الشتات
مين الهداك للنيل
صحانى
نص الليل
عشق الجروف دينى
توراتى والانجيل
كل الكلام فينى ..
والباقى شدة حيل
نتلاقى فى المطره ..
لابسانى غيمة شوق
وعشق الوطن جواك
القاك وين اطلب رضاك
ما الدنيا كيف تفهم غناك
ما الكون جفل ..
سرج خيول المتعبين .. ورحل معاك
رحلت عيونك فى وريد لهفة مسافر للرجوع
اتمردت سكك القافى التايهه فى ليل الخنوع
حرقت شموسك طينة الحرف البناضل
سلطة الكضب المؤسس للقرف
كذب هى الكلمات حين يغشاها الترف
يغشاك امان زمن التواصل والشرف
يغشانى نبضك صاحى فى عمق المواجع
او
براجع
فى رزيم حرفا نزف
ونتوسد الوطن الجميل
نتوسد الوطن الجميل
ثم نشرع فى الغناء ...
عااازه فى هوااااك
هكذا غنى الخليل ثم .. غاب
لو نغنى ما استطاب
فاطنه ونواصل سكتك
او نصطفيك ضد الغياب
ضد المحكر فى السدور
من تواريخ المواجع والمراجع والخرافه
واقسامات القبايل فى الخلافه
( ان الخلافة من قريش )
ما كنا سواسية كأسنان مشط
اباذر كان منفيا فى المسافة
بين الله وبنو أمية
ومات وحيدا فى الطريق
لا قميصا للثأر علق لا مصاحف
ان هذا التأريخ زائف
ما هاشميون نحن ... وسوف ينكرنا أميه
ليست تلك هى القضيه
ان القضية ان نكون على الهوامش مدافعين عن القضية
وقابضين على زناد البندقيه
ان الولوج الى القضية يفضى
لمنازل الاشباح فى وطن الصباح
ما الكسره فى حلة ملاح القدره
مرهونة بالصمت المباح
ويا .. مغيب او مستباح
للسلطه .. والوعى المزيف والنباح
واختار مكانك يا وطن
اختار مكانك يا .. وطن
ففاطمة
تغادر الان سطوة اليأس
وتمشى
فى
خلايا
الوعد .. للشمس
وتفضحنا
عراة من فضيلة ان نهواك يا وطنى ,,,,, وتشعلنا حريق
محمد المشرف .. كلية الصيدله1996
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: محمد حيدر المشرف)
|
دكتورنا والزول الجميل عصام حامد
ياخى تحياتى ومشتاقين ووينك آ زول ..
دى نثريه للخرطوم .. ارجو ان تطال تلك الخرطوم جواك
النيل بعض هباتك – سيدتى - بعض هداياك الانيقات .. فأى سخاء سخاؤك هذا المبذول على الدنيا , وأى عطاء فينا ترتكبين ؟.. منذوره انت للبهاء ..لاقداس الشموس الاستوائيه العظيمه .. لاعراس المياه السماويه الوعد .. لاحلام الصبايا السمراوات سمره وجهك الموسوم بالطيبه .. للاناشيد تحمل بشراك .. الله الله يا خلاسيه المكى ابراهيم
يا حانه مفروشه بالرمل ..
يا مكحوله العينين ..
يا مجدوله من شعر اغنيه ..
يا ورده باللون مسقيه ..
بعض الرحيق انا .. والبرتقاله انت
يا مملوؤة الساقين اطفالا خلاسيين
يا بعض زنجيه ..
وبعض عربيه ..
وبعض اقوالى امام الله ..
يأتى اليك العاشقون .. فى شارع النيل , تورد لون الصباح .. بصوت وردى ينطلق فى المذياع , نديا فى حافلات الركاب الذين انتظموا وجدا بالنشيد ..
بتطلعى انت من غابات ..
ومن وديان ..
ومني انا ..
ومن صحوة جروف النيل .. مع الموجه الصباحيه
بتطلعى انت .. من صوت طفله .. وسط الزحمه منسيه ..
يأتى اليك المرهفون .. منك , من عقاله ينفلت الشعر .. يرتكب جريمه التفرد عامدا .. اسمر لوحته نار المجاذيب .. تقيا عمدته خلاوى القرآن .. ساحر ينطلق من طفوله إفريقيه معربده .. حييا يتخفى تحت عمامه بيضاء .. هو موسم للهجره الى الشمال .. موسمين للعوده .. ومواسم اخرى تخص الالتقاء .. فعند هذا المقرن العظيم .. النيل ازرقٌ .. النيل ابيضٌ .. وفى ذات الهنا نيل ثالثُ هو بعض هباتك سيدتى .. بعض هداياك الانيقات .. فأرجع البصر هل ترى من فطور .. سبحانه
كانت لحظه اللقيا تجلجل فى فناء الروح ..
كان الحب يرقص عاريا .. متجاهلا كل الخرافة ,
والمعانى السافله ..
كالنيل حين يضج بالايقاع ينفذ وحدة ..
عبر الصحارى القاحله ..
طوبى ..
اذا احتملت شرايينى هدير القلب حين اراك ..
( اى مشارق تغازل فى شموسها الان ايها التاج .. السر .. جعفر .. الخليفه .. طه .. الريفى , يا لصوفيه هذا الاسم)
يأتى اليك المادحون .. الخرطوم تقيه المدائن .. عذراء فى الليل تصلى فى محراب الهجرة الاولى .. تمدح الرسول .. تهفو للمدينة والبقيع .. مشجونة بالفراق وهى تودع الحجيج ..
يا راحلين الى منى بغيابي ..
هيجتموا ..
يوم الرحيل فؤادى ..
طارات البرعى تدوى فى لياليك الطاهرات .. أولاد الماحى يترنحون وجدا وانجذابا .. والسمانى احمد عالم – فى القبه – يسامر الحلاج , ينشده .. وأبن عربى يستأذن فى الدخول على شيوخ العركيين .. أين محمود محمد طه ؟؟ .. مدد .. يا الله , مدد
يأتى اليك المتعبون .. للزقاقات الاليفه الغباش .. لغبار شوارعك الحميم .. لاشجار اللبخ تظلل عشاقك .. لمداخل الحزن الرحيم .. يا بوابات العشق والطين والسنط .. ويا شبابيك الحبيبه .. هدهدينى بأحاديث العميرى وعلى المك .. خبرينى عن امجاد بعانخى وحرفنه كمال عبد الوهاب ومشروع الجزيره وآبار البترول .. ثم
خبئينى بين جدران المسام ..
قبلينى ... مرة فى كل عام ..
فأنا .. اشتاق ان اولد فى عينيك طفلا من جديد ..
ارتدى اللون البنفسج .. اعتلى شكل الهويه ..
ضيعتنى مريم الاخرى سنينا .. فى انتظار المجدليه ..
اه لو تأتين .. آه
من عميق الموج .. من صلب المياه
كالرحيل ..
كالترقب .. وانتظار المستحيل
رحم الله مصطفى سيد أحمد .. أى غناء نازف كان يغنيه هذا الرجل الحليق الكف .. الداكن الحنان ؟؟ , وللحنان طعمك الداكن يا خرطوم .. وشكرا حزينا عاطف خيرى اذا انبهمت علينا مسالك الحنان
( محمد المشرف )
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: محمد حيدر المشرف)
|
دكتور محمد المشرف
سلمت يداك ولا فض الله فوك
أخرجنا من هذا الجنون الذى يحاصرنا يوميا صباحا ومساء ، اخرجنا من هذه الدوامة التى تعصر القلب والعقل ، اخرجنا الى رحاب هذه الكلمات العذبة الندية ، اعبر بنا على بساط الكلمات المزهرة والخيالات المجنحة الى وادى ذى زرع ، جداوله مترعة بالجمال وتغسل القبح ، اشجاره مثقلة بفاكهة الصدق ولا تعرف شوك الكذب ، كدنا نتعفن من هذا الزيف الذى يطالعنا من كل فجاج ألأثير ومن صنابير المياه ومنحنيات الطرق ، نحتاج لمثل كلماتك هذه لنغسل بها كآبة المنظر ونطهر بها الروح والعقل والوجدان ، نحتاج لمثل هذه الكلمات لكى نعيد دوزنة أعصابنا حتى لا يصيبها التلف .
زدنا منها زادك الله من الخيرات
شكرا ومع تحياتى
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: wadalzain)
|
Quote: فالطريق طويل بين فكرتنا .. وما يكون
هذى الشوارع افرغت محتواها من نضال
هذى الشوارع ساجيات سادرات فى الضلال
هذى الشوارع حبيبتى
والحب جرح غائر بين الخواصر والاواصر والشجون |
هذه الأبيات سارية المفعول حتى الآن وأظنها ستظل ..شكرا لك
ـــــــــــــــ
بالله النوع الرديء ده كنت بتلقوهو وين يادكتور حيدر ؟
| |
|
|
|
|
|
|
|
|
 Re: كلام خارم بارم .. يبدو أن الخمر كانت رديئه نوعا ما (Re: محمد حيدر المشرف)
|
سلام يا محمد..Quote:
النيل بعض هباتك – سيدتى - بعض هداياك الانيقات .. فأى سخاء سخاؤك هذا المبذول على الدنيا , وأى عطاء فينا ترتكبين ؟.. منذوره انت للبهاء ..لاقداس الشموس الاستوائيه العظيمه .. لاعراس المياه السماويه الوعد .. لاحلام الصبايا السمراوات سمره وجهك الموسوم بالطيبه .. للاناشيد تحمل بشراك .. الله الله يا خلاسيه المكى ابراهيم
يا حانه مفروشه بالرمل ..
يا مكحوله العينين ..
يا مجدوله من شعر اغنيه ..
يا ورده باللون مسقيه ..
بعض الرحيق انا .. والبرتقاله انت
يا مملوؤة الساقين اطفالا خلاسيين
يا بعض زنجيه ..
وبعض عربيه ..
وبعض اقوالى امام الله ..
يأتى اليك العاشقون .. فى شارع النيل , تورد لون الصباح .. بصوت وردى ينطلق فى المذياع , نديا فى حافلات الركاب الذين انتظموا وجدا بالنشيد ..
بتطلعى انت من غابات ..
ومن وديان ..
ومني انا ..
ومن صحوة جروف النيل .. مع الموجه الصباحيه
بتطلعى انت .. من صوت طفله .. وسط الزحمه منسيه ..
يأتى اليك المرهفون .. منك , من عقاله ينفلت الشعر .. يرتكب جريمه التفرد عامدا .. اسمر لوحته نار المجاذيب .. تقيا عمدته خلاوى القرآن .. ساحر ينطلق من طفوله إفريقيه معربده .. حييا يتخفى تحت عمامه بيضاء .. هو موسم للهجره الى الشمال .. موسمين للعوده .. ومواسم اخرى تخص الالتقاء .. فعند هذا المقرن العظيم .. النيل ازرقٌ .. النيل ابيضٌ .. وفى ذات الهنا نيل ثالثُ هو بعض هباتك سيدتى .. بعض هداياك الانيقات .. فأرجع البصر هل ترى من فطور .. سبحانه
كانت لحظه اللقيا تجلجل فى فناء الروح ..
كان الحب يرقص عاريا .. متجاهلا كل الخرافة ,
والمعانى السافله ..
كالنيل حين يضج بالايقاع ينفذ وحدة ..
عبر الصحارى القاحله ..
طوبى ..
اذا احتملت شرايينى هدير القلب حين اراك ..
( اى مشارق تغازل فى شموسها الان ايها التاج .. السر .. جعفر .. الخليفه .. طه .. الريفى , يا لصوفيه هذا الاسم)
يأتى اليك المادحون .. الخرطوم تقيه المدائن .. عذراء فى الليل تصلى فى محراب الهجرة الاولى .. تمدح الرسول .. تهفو للمدينة والبقيع .. مشجونة بالفراق وهى تودع الحجيج ..
يا راحلين الى منى بغيابي ..
هيجتموا ..
يوم الرحيل فؤادى
..
طارات البرعى تدوى فى لياليك الطاهرات .. أولاد الماحى يترنحون وجدا وانجذابا .. والسمانى احمد عالم – فى القبه – يسامر الحلاج , ينشده .. وأبن عربى يستأذن فى الدخول على شيوخ العركيين .. أين محمود محمد طه ؟؟ .. مدد .. يا الله , مدد
يأتى اليك المتعبون .. للزقاقات الاليفه الغباش .. لغبار شوارعك الحميم .. لاشجار اللبخ تظلل عشاقك .. لمداخل الحزن الرحيم .. يا بوابات العشق والطين والسنط .. ويا شبابيك الحبيبه .. هدهدينى بأحاديث العميرى وعلى المك .. خبرينى عن امجاد بعانخى وحرفنه كمال عبد الوهاب ومشروع الجزيره وآبار البترول .. ثم
خبئينى بين جدران المسام ..
قبلينى ... مرة فى كل عام ..
فأنا .. اشتاق ان اولد فى عينيك طفلا من جديد ..
ارتدى اللون البنفسج .. اعتلى شكل الهويه ..
ضيعتنى مريم الاخرى سنينا .. فى انتظار المجدليه ..
اه لو تأتين .. آه
من عميق الموج .. من صلب المياه
كالرحيل ..
كالترقب .. وانتظار المستحيل
رحم الله مصطفى سيد أحمد .. أى غناء نازف كان يغنيه هذا الرجل الحليق الكف .. الداكن الحنان ؟؟ , وللحنان طعمك الداكن يا خرطوم .. وشكرا حزينا عاطف خيرى اذا انبهمت علينا مسالك الحنان
( محمد المشرف )
|
يا محمد المشرف,,
كلما أنظر إلى حالنا,,
تعود ذاكرتى إلى رواية الأشياء تتداعى’’
تتداعى من حولنا الآن الأشياء يا صاحب,,
والحزن يعصرنا كل يوم,,
يغتال كل جميل رأيناه ,,
نبحث عن خيوط الأمل فى دواخلنا المبعثرة المتهشمة,,
فلا الخرطوم خرطوم ولا نحن نحن يا صاحب,,
الخمر ليست رديئة وإنما الردئ زماننا,,,
التاريخ نفسه سيخجل يوما مما يحدث فيه الآن!!
مودتى,,
(عدل بواسطة أيمن الطيب on 04-26-2010, 09:50 AM)
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: محمد حيدر المشرف)
|
كتب ودالزين :
Quote: دكتور محمد المشرف
سلمت يداك ولا فض الله فوك
أخرجنا من هذا الجنون الذى يحاصرنا يوميا صباحا ومساء ، اخرجنا من هذه الدوامة التى تعصر القلب والعقل ، اخرجنا الى رحاب هذه الكلمات العذبة الندية ، اعبر بنا على بساط الكلمات المزهرة والخيالات المجنحة الى وادى ذى زرع ، جداوله مترعة بالجمال وتغسل القبح ، اشجاره مثقلة بفاكهة الصدق ولا تعرف شوك الكذب ، كدنا نتعفن من هذا الزيف الذى يطالعنا من كل فجاج ألأثير ومن صنابير المياه ومنحنيات الطرق ، نحتاج لمثل كلماتك هذه لنغسل بها كآبة المنظر ونطهر بها الروح والعقل والوجدان ، نحتاج لمثل هذه الكلمات لكى نعيد دوزنة أعصابنا حتى لا يصيبها التلف .
زدنا منها زادك الله من الخيرات |
والله يا ود الزين انا مستعمراني قرفة بت لزينا
من الحال المائل في الوطن المنحدر نحو الإنفصال
والوطن الإفتراضي المنحدر نحو الشخصي
وكل ما أدخل هنا
أقول : ماذا سيقول هؤلاء للأجيال القادمة عندما تراجع ما كتب
والبلاد على حافة التشرزم
والجبهة الإسلامية تستعد لتكريس دولتها الدينية في المتبقي من السودان القديم
وأعمى من لا يلحظ عزمها على العودة لدستور 1998
دستور الدولة الدينية واحزاب التوالي
ماذا ستقول لهم تلك الأجيال وهم منهمكين في التبريكات والبلاد بيت عزاء وميتم
دخلت هنا لأزجر الصديق العزيز محمد حيدر
فغذا به يقودني بهدوء نحو التماثل للشفاء
والعودة إلى الواجبات والمهام
كتر خيرك يا محمد حيدر المشرف
يا ولد تشهي الوليدات
| |
|
|
|
|
|
|
|
|
 Re: كلام خارم بارم .. يبدو أن الخمر كانت رديئه نوعا ما (Re: سيف الدولة كامل)
|
المشرف ياانيق الفكرة والعبارة
اكتب حتى نستشق هواء نقيا من بين,سطورك
اكتب لعلنا نغتسل من رهق الظنون التى تحاصرنا
اكتب,,,,
اكتب,,,
اكتب,,
تحياتى ومحبتى,,,,,,
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: محمد حيدر المشرف)
|
مدخل نهاري وهو كذلك خارم بارم
ثمة قبس من نور ضحكتها يضى دروب غربتى وتيهى ..يشع فى شوارع ذاتى .. تمتد خلفى ظلال عشق خرافى لانثى تتقن التوهج امام روحى .. تأخذنى انخطافا من اخمص ناظرى حتى مد بصيرتى .. وأحبها وتحبنى .. تتأنق حضورا فى مرآة روحى وحتى ترضى .. تمارس بوحشيه تامه ما توافقنا سويا الا تمارسه من المشي المؤذى جدا على حبال صوتى .. وبكعب حذائها العالى .. تدوس بسادية مفرطه على عصب الانخطاف على بعد شارعين من القلب وايغالا فى الوريد .. وهى كعادتها تمارس غناءها الهابط والصاعد بى نحو سابع سماوات العشق .. انثى من فاكهة الاستواء .. قطعة من المانجو فى تمام نضوج اللون والطعم والرائحه .. عليها اللعنه
وانادى عليك
يجاوبنى المدى الفاتح مدارج الهم
وتبقى وجيده طعنه سيف
فوق شق السما المفتوح وسادة دم
وتبقى ايدينا فى ايديك
وفى شعرك
وفى المنديل
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: غادة مكى محمد)
|
بنت الشيخ أميره .. وأنت أقرب من حبل هذه الهترشات
وتحجلين الآن فى دمى
دثرينى , دثرينى
وهذا العشقً بردٌ ووعدٌ ووعيد..
زملينى , زملينى
وهذا القلبً موجوعٌ ومفجوعٌ وموبوءٌ بالصديد ..
وأمدرمان ابعد ما يكون يا أميره ..
لاشى ليورق فى مهامه هذا الاغتراب .. لذا دوما ما اهرع اليكم فى هذا الحوش
أمارس سودانويتى فى الغلاط
ليه نحنا غالاطين كده يا اميره !!
سؤال دايما بسألو لى نفسي .. ليه احنا غالاطين كده؟!!
والغلاط عندنا انواع تتبع المواقف لا الاشخاص ..
يعنى ذات الزول بكون حامل الجراثيم المختلفه للمغالطه ..
النوع الاول الغلاط الكيدى ..
الهدف الاساسي منو المغالطه من اجل المغاgطه لزول بعينه .. كيدا فيه
يقول يمين تقول ليهو لا شمال .. انا متاكد شديد انو شمال
والنوع ده دايما يبتدى بلاء الغلاط
النوع التانى غلاط المثقفاتيه .. وده اسبابو راجعه لتركيبه المثقف النرجسيه ذات الانا الشاهقه
الناقشه اى حاجه وده دايما ببتدى ب جمله ( مثقفاتيه ) من قبيل ( انا بفتكر انو
.. انا بختلف معاك فى النقطه دى .. انا مقاربتى للموضوع زى فارقه شويه كده )
او لو كان طليعى شاب يبدا بى ( فى زى تفصيله غايبه هنا )
او يقلب رطانه تقيلها يبداها بى زى no no, this is absolutely wrong ,
او كان مقعر فى الرطانه يبداها بى with all that due respect ...
النوع التالت من الغلاط الغلاط الكروى تقول ليهو بنلتى طوالى يحلف ليك انها
مابنلتى ومعاها شتيمه مباشره من نوع ( انت عميان يا زول ) او يعمل فيها
زعلان ( ياخ بلاى فكنا كده ولا كده انتو الكوره ذاتا لعبتوها وين ؟ )
النوع الرابع غلاط الناس الكبار شديد اول ما تقول حاجه يقول ليك طوالى
انتو بتعرفو شنو ؟.. نحنا زمان كنا وكنا وكنا .... وعيييييك
النوع الخامس وده جديد نسبيا وسميهو هنا الغلاط ما بعد الحداثى وده بنلقاهو
فى المنتديات وميزتو الاساسيه الاهتمام بالتوثيق لدرجه التطرف .. اول ما تنزل
ليك بوست يردو ليك طوالى مقتبس والعريقين فى الغلاط يعملوا ليك هايلايت على
كم جمله ويبدا معاك دراسه مفصله لنواياك عن كل حرف واحتمالات كل شبهه قد
تكون ما بين سطر وفاصله يلى الكلام ده مباشرة القاء لائحة الاتهام وقد ينهيها
بجمله ترفع من اسهمه الغلاطيه مثل ( الساقطون لا يسقطون ) او لو خلاص
ظريف يكتب ليك ( تحياتى يا وريف )
وتحياتى يا وريفه ..
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: محمد حيدر المشرف)
|
Quote: د. محمد حسن
اكاد أجزم انك قارئ جيد لمحمود درويش .. ] |
يا ايها المشرف
الموزع بين نافذتين لا تتبادلان رسائلي
الا تعلم اني كرهت المقاومة
لماذ تريد ان تجعلني احمل صليب مسيح الشعر المقاوم على كتفي مرة اخرى
انا لم أسام التغيير
ولكني كرهت النضال
يا ايها المشرف
انا رجل مترع بكاس الشعر
تركته عند منضدة الساسة
على اقول فيفهموا قولي
وعدت كموسى بعقدة من لسان
منذ هزيمة ذات الخجة وانا
اغالب حرف واتصبر
هل اكتب الملهاة
ام اغرق في الالياذة
ولك تقديري بحجم وجع فاطنة
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: محمد حيدر المشرف)
|
يا غاده ..
تعالى النونسك شويه عن الدوش ووردى لما غنى ليهو بناديها .. ياهو حال سكاتك ده كان الحال
وهكذا هى الصوره الشعريه عند الدوش .. اكثر ما يميزها المباغته ,
بناديها
وبعزم كل زول يرتاح
على ضحكة عيون فيها
تأخذك المباغته وتلجمك الدهشة عند مدخل القصيدة .. تحس ان المفردة فى طرف لسانك , بيد انها عصيه .. قريبة جدا منك , وحايمه جواك ولكنها بعيده المنال .. وهذا ما اسميه حيوية الصوره
الشعرية , فهى تكاد تنبض بالحياة , تلامس الواقع لا بفوقيه واستعلاء ولكن بعفويه مصدرها الواقع
نفسه فهى منه واليه تنتمى
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لى شوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيها
وهنا وبعد مباغتة المدخل يدخلك الدوش فى زقاقات اليفه وشديدة الشجن , يدور بك بمفردات بسيطه بين مدارات بلاغيه ما انزل الله بها من سلطان .. يسري فيك حزن يلازم وجدانك ولن تستطيع معه صبرا .. حالة الترحال او السفر بين محطات العشق , الفرح والشوق والحنان الفيها
ثم انتظار ما قد لا يجى ..
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
هنا تشهق الالوان وتتكئ الخطوط ويسافر خاطر لن يعود فى فنتازيا الحضور الكثيف رغما عن انف الغياب ..
الترجل على صهوات الزمن ماضيه ومستقبله , والسؤال هنا وهناك , فهى تمتد تاريخا يطول وكأن
العشق ازلى الوجود وموجودا كمعنى راسخ فى القدم , ويتداعى فى مستقبل آت .. ولكن الدوش لا يجنح هنا للهروب من الحاضر فيعود سريعا لاحزان عيون الناس والحال الواقف والضل الوقف ما زاد
يا الله ..
بناديــــــهَـا
والاقيـــــهَــا
واحِس بالُلقيا زي أحلام
حتصْدِق يوم
والاقيــــــهَــا
واحْلًم في ليالي الصيف
بَسَاهر الليل
واحجِّيـــهَــا
ادوبي ليهَا ماضيهَا
واطنْبِر ليها جاييــهَا
وارسِّل ليها غنوَة شوق
واقيف مرات واْلُوليهَا
بنادِيـــــــــهَــا
وبناديــــــــهــا
وبناديـــــهــا
تري كيف يكون الحرف اليفا لهذا الحد .. كيف العشق وكيف الحنين وكيف الحنان ان لم يترقرق منسابا متدفقا عطوفا ورقيقا كهمسات خاشعة فى حضرة الحبيب المافى ..
عفوا يا غاده
سأرسل لها الان غنوة شوق ؟!
لأعود ..
لكن يا غاده شفتى الزول ده فنان كيف ؟
تحسى بى الفه غريبه بينك والقصيده ..
وزي التقول لاقيتها انا يوم فى شارع فى حلتكم او شفتها يوم فى عيون زوله دسيت منها الريده ومشيت او .. فى كتاب او زقاق جوانى او لمحتها من شباك او ..
وكأنها كائن حى و .. بتفرفر
واقرب اليك من حزن الوريد
الصورة الشعريه يا غاده مليانه بي زخم المليون ميل الفه وشجو اصيل
انا وانت والناس و الشوارع والبيوت و ..
سعاد
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: محمد حيدر المشرف)
|
الدكتور المشرف
بعيد هذا عن (لحية) الخمر الرديئة رغم (انف) "الضد يظهر حسنه الضد"
عادت بي رؤاك الي صرخات شاعر قديم يردد:
سكر السمار والخمار في حان الغرام
وانا الصاحي
اري في النور اشباح الظلام
رأيتك في صحوة تفتح نوافذ ديوانك الفسيح فيتدافع اليك الشعراء وساكني الدواوين الذين يستطعمون الكلمة ويتلمظون حروفها
حتي تمتلئ اوداجهم واعطافهم بخصائص طعمها ونكهتها .. فلا يشبعون ..
ظللت (ارمح) بينهم مثل قطار الابنودي نهاري كله .. فما ادركت أخرهم .. وانقطع نفسي ..
لو استريح يضيع مني بعضهم .. ولو واصلت ما بقي في صدري مكان (للهوي) .. وخربانه خربانه .. واليوم خمر وغدا امر ..
أدهشني هذا المولد المزركش بالجمال وبالدراويش الثمالي .. تساقطوا حول قطعة سكر .. فما تنازعوا عليها يقينا منهم بانها ليست
حكرا علي احد .. وان لكل ناهل منها رشفة تذهب الظمأ وترد الروح ..
انت ومن معك في هذا الديوان الحديقة جعلتم لهذا المنبر حلاوة تبدد الهتر الذي يلوث اجواءه ..
هذا الرواء وهذا البهاء نحتاجه ليعيدنا بشرا نحس ونسعد .. قم عليه ولا تغلق نوافذه ابدا .. وادعوهم ليخرجوا مخزون الجمال من
صدورهم فزماننا يحاجة لمسحة حسن تكسر قبحه .. ورداءة خمره ..
لك الود .
عمر علي حسن
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: SHIBKA)
|
اصعب حاجة انو الواحد
يجبر الجميع علي محبته
ماعارفك قدرت علي دي كيف.....؟
وجودك دائما يجمل المكان
ورغم كثرة الغث.....
الا ان نافذة كهذه تفتح
النفس كل صباح.....ليوم جميل جديد .
ياخي عشان الحاجات والناس الحلوة الهنا
انت والزيك اكتبو لينا وماتبخلو علينا
بالجميل الجديد دائما.....
زي ماقال اخونا امين ماعاوز اقاطعك
لكن ماقدرت ....!!!!
يشهد الله
انا قاعد احبك لله في لله
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: عمر علي حسن)
|
يااا هاشم الحسن
نعم , كان شيئا طيبا , وهواء نقيا لرئة العشق
ومزاجها الكافور يا صديق , وأغنيات الحقيبه والكوارع
.. وكانت ثم كانت , إذاك , اُنثى من ذاكرة المطر
وتنتمى للدعاش ..
وكم أعجزتنى محاولات اللحاق بخاطراتها الانيقات الحايمه جوه وما مرقت بأمر بخور التيمان والحمى
.. لذا كثيرا وكلما أعيتنى , احيلها لصالح مقالة البرغوثى
(انت اخبث مما نظن و .. احلى
فهلا ابتكرت لنا فكرة
للصعود اليك ..
سوى موتنا فى هواك )
ويا كم كانت طاعمه تلك الصبيه
كترانيم الصباح .. كدندنات العشيه
من جموح الخيل , صدارها العالى
وحجلتها الملوكيه ..
وتحجل الآن فى دمى .. تحجل الآن فى دى
-وانت
وتماما
وكما الحلم
انت
انثى فوق احتمال الوجود
وحبيبة تحس دبيبها يسرى اشتهاء وعشقا وجنون
واشياء عددا
قل لو كان البحر مدادا لكلمات عشقى
لنفذ البحر
قبل
ارتداد الحرف اليك
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: محمد حيدر المشرف)
|
أمين الذى بأمريكا ..
وعشان ما مريت ب ( العطش ...) .. سأحكى لك هنا طرفا مما كانت تفعله سلمى جهارا فى ليل منعم
عل هذا الضرع الضئيل يساقيك ما يغريك بزيارة ( العطش ) ..
_________
اخذ محمود يتمتم بما يشبه الاعتذارات الواهيه
- شربنا لينا كاسين قبل ما نجى .. كدى انت روقى
شويه ... العشا جاهز ؟..
- منعم انا حأفرض عليك حظر ... ما ممكن الببنيهو
فى شهور تبوظو لى فى ساعتين ... كدى هسع جهزوا
السفره .. حأنوم هبه واجيكم
كنا تماما كتلميذين نالهما التقريع العنيف من استاذ لغه عربيه ... شرعنا فى اعداد السفره ونحن نتضاحك سرا .. ومحمود يمارس الطنطنه التحت تحت كأجمل مغلوب على امره ... أخذنى هذا الطقس العائلى الحميم ... كان قريبا جدا لبعض ما حلمنا به انا وسلمى كثيرا .. سلمى ,
( عليها اللعنه
وعاصفة الطبول ..
وساعدى الاسمر ..
وهذا النشيد .. )*
سلمى .. تلك المقيمة الابديه .. الراحلة دوما فى الوريد .. العصيه على النسيان , تسللت - كعادتها - تلك الضحكة الواثقه لعينيها من غرفتها النائيه الموصدة خلف سهوب الذاكره وانتصبت جلية امام ناظريَ.. هنيهة وانفتحت كنوز الذكريات.
كنا فى طريقنا لحضور حفل تخريج طلاب كليه الفنون بجامعه السودان .. سلمى وانا .. محمود وساميه .. احمد ونسرين والنذير وعثمان .. كان الحفل شديد الازدحام , لكن النذير نجح وبسهولة شديده فى الحصول على بعض المقاعد الاماميه بطريقه لا يعلمها الا هو .. كان دبيب النشوة متصاعدا فى عروقي حتى اقصى حدود الاحتمال .. عيون سلمى الضاحكه .. والاصدقاء .. وتلك الخمر الجيده التى جاء بها عثمان من سوبا خصيصا لذاك المساء .. وعركى يغنى ويغنى ..
( ضحكك شرح قلب السما )
وتزداد عيناها اتساعا وضحكا .. تتصاعد النشوة وراء حدود الاحتمال .. وانا اغدو طيفا لطيفا يحلق حول ملاك .. همست باذنيها شعرا.. عشقا .. بوحا رقيق الفواصل .. همسا اقرب لصلاة روح طاهره .. غناء نازفا ما فى الوريد .. وممعنا فى عذوبته .. وشاهقا فى المقال.
.. وعركي يغنى ..
( ياريت انت تعرف ... لحدت وين بعزك .. وفى اعماقى حسيتك ..)
وانا ما زلت امارس الصلاة عشقا هامسا باذنيها .. شفتاى تكاد تلامس خصلات شعرها .. ضحك عينيها يزداد ضجيجا فى العروق .. خالجها انذاك مزيجا فريدا من الخجل والفرح والارتباك ... رجعنا مشيا حتى المجمع الطبي .. غنيت لها
( حاجه فيك )
غنت لى ..
( وامضينا باقى الليل
مشوار يطوح القام
وسرحنا متقاودين ...
نتلاقى احلى كلام )
اجتاحنى الفرح العارم وهى تودعنى ( وعم سيد ) يتظاهر بالغضب الشديد لتاخرهم وهو يفتح باب الداخليه
- منعم .. الله يخليك لى ... تانى خأخت ليك قزازه
احتياطى فى شنطتى .. ولا اقول ليك تانى اصلك ما تشرب
.. انا ما حأقدر استحمل فرح زى ده
* دعوه مجانيه لمتابعة ذاك العطش ...
| |
|
|
|
|
|
|
|
|
|
Re: كلام خارم بارم .. يبدو أن الخمر كانت رديئه نوعا ما (Re: محمد حيدر المشرف)
|
ولاستاذى حامد مراهد ... ذات هاتف ايقظنى بشأن هذا البوست .. وكأحلى ما يكون
سأخصك بحمى هذا النص لمظفر النواب ..
مازلت أذكر تماما كلمات مصطفى سيد أحمد _ ذات فرح داخلى عارم _
حينما استرسالنا حول هذا النص ... وفى مساء ربيعى ما زالت بقاياه عالقة باوردتى
- محمد ... كلمات مظفر فى النص ده وصلت حد الافراز .. افراز المعنى
وطرقع ما بين ابهامه وسبابته هكذا .......
أكاد أجزم ان لهذا النص مداده السرى ... لغة _ وفى كامل بهاءها _ تومئ للمعنى أن..
( هئت لك ) ...
اى باب سرى .. واى وجد ... وأى اجوبة تلاعبت الخمر _ وعلى بعد بضع فراسخ من هجر _ برأسها .. أتراها مشت بضع فراسخ أخرى طلبا ( للزياده )؟؟؟ ...
هو نص يزدهى بطقوسيه الازمان البعيده ... حتى ليكاد يكون اسطوره
كم طرقنا بابك السرى
فى وجد وفى خوف
لم تجبنا فابتعدنا فرسخا هجراً
فالفيناك سكراناً جوابات
فلم تغفر ولم نغفر
كلانا مدع ٍ كذاب
كل غىٍ غاب
انما غيى وغىٌ منك قد غاب
وراء النرجس المكتوب للايباب
لا تسل من عادة ..
ان تكثرالاقوال فيمن ذاق
خمر الخمر فى المحراب
لم يقع فى الشك إلا أنه
من لسعة الاوساخ
تنمو خمرة الأعناب
كل مافى الكون أيام واصحاب له
الا الهوى !
ما يومه يوم ولا أصحاب
ترى كم كان حجم السؤال ليوازى كل تلك الخمر المهرقة .. وهى نشوى بفعلها العمدَ فى كبد الجواب ؟؟؟ ..
____________
مساروة امام الباب الثانى
فى طريق الليل
ضاع الحادث الثانى
وضاعت زهرة الصبار
لا تسل عنى ..
لماذا جنتى فى النار
فالهوى اسرار
والذى يقضى على
جمر القضى اسرار
والذى يخفى الهوى بالصبر
يا ..بالله كيف النارتخفى النار؟
***********
يا غريب الدار انها اقدار
كل ما فى الكون ايام له
الا الهوى ..
ما يومه يوم ولا مقداره مقدار
*********
لم نجد فيما قطار العمر
يدنو من بقايا الدرب
من ضوء على شئ
وقد ضج الاسى اسرار
كنت تدعونا فاسرعنا وجدنا
هذه الدنيا محطات بلاركاب
ثم سافرنا على ايامنا أغراب
لم يودعنا بها الا الصدى
او نخلة تبكى على الاحباب
يا غريباً يطرق الابواب
نحن من باب الشجى
والزخرف الرمزى والالغاز والمغزى
وما غنى على ازمانه زرياب
***********
كم طرقنا بابك السرى
فى وجد وفى خوف
لم تجبنا فابتعدنا فرسخا هجراً
فالفيناك سكراناً جوابات
فلم تغفر ولم نغفر
كلانا مدع ٍ كذاب
كل غىٍ غاب
انما غيى وغىٌ منك قد غاب
وراء النرجس المكتوب للاحباب
لا تسل عن عادة ..
ان تكثرالاقوال فيمن زاق
خمر الخمر فى المحراب
لم يقع فى الشك الا انه
من لسعة الاوساخ
تنمو خمرة الاعناب
كل مافى الكون اصحاب وايام له
الا الهوى ..
ما يومه يوم ولا أصحابه أصحاب
***********
نبه العشاق نبه العشاق
مذنب أودى بلا هجر ولا وصل
بباب الطاق ..
نبه العشاق ...
مرهق من خرقة الدنيا على اكتافه
لم تستر الاشجان والاشراق والاشواق
مرهق مشتاق كله اشواق
نبه العشاق...
موغل فى السر مندس بنار
الوجد فى الاعماق
نبه العشاق ..
لم يفق يوما ولم يابه بمن قد فاق
مشفق مشتاق كله اطراق
قد ملته الخمر صحوا فانبرى يبكى
واطفال الزمان الغر لجو حوله
سخرية فى عالم الاسواق
قل لاهل الحى هل فى الدور من
عشق لهذا المبتلى ترياق
مشفق مشتاق
نهمة فى العشق تبقى
نبضة تكفى ..
فلا تكثر عليك الحبر والاوراق
كل ما فى الكون تنقيط له
الا الهوى
فاحذر ففى التنقيط نهوى
واسال العشاق ..
كان يأتى العمر
يقضى صبوة فيها
ويصغى للأقاصيص
التى فى آخر الدنيا
وفى عمر وفى أحباب ...
هاهنا ينهال فى صمت
رماد الموت
يخفى ملعب الأتراب
لاتسل لماذا ألف مفتاح ومفتاح
لهذا الباب
(عدل بواسطة محمد حيدر المشرف on 05-03-2010, 11:52 PM)
| |
|
|
|
|
|
|
| |
محمد حيدر المشرف
ناذر محمد الخليفة
issamel-din hamid
wadalzain
داليا حافظ
أيمن الطيب
أبو ساندرا
سيف الدولة كامل
د.محمد حسن
غادة مكى محمد
rani
عمر عبد الله فضل المولى
هاشم الحسن
أمين محمد سليمان
SHIBKA
haroon diyab
عبدالله ود البوش
خالد أحمد شطة
فيس بوك
تويتر
انستقرام
يوتيوب
بنتيريست