|
|
 إقـــالة كامبوس .... أمبدة .... وأمبيلي ... وكونفدرالية رايح جاي
|
ده كلام دده
فريق ما عنده هداف
من كم سنة
ونحن ماشين بالجلالة
في ستة شهور
نتلقى الهزيمة الافريقية التانية في ملعبنا
وين التسجيلات بتاعة شهر ديسمبر
وين بشة
وين
وين
وين
وكامبوس
خلاص
حرق كل اوراقو
من يوم
مازمبي
ونحن نتمسك بي كامبوس
ليه ما عارف
قد اضنينا
هاليفا
هاليفا
ونحن نصدق التخريفة
كونفدرالية اريح جاي
|
|
  
|
|
|
|
|
|
|
|
Re: إقـــالة كامبوس .... أمبدة .... وأمبيلي ... وكونفدرالية رايح جاي (Re: معتصم مصطفي الجبلابي)
|
جمال و معتصم
| Quote: والله انا من شفت فرفور يغنى قبل المباراة |
و الله يا جماعة.. أنا من ما شفت كمال حامد بعمتو الشينه دي إتشأمت.... زول كجر خلاص و الله حقو يدخلوه الحكومه
...
الهلال واضح مشكلته لياقة بدنية.....
المفروض الهلال يؤجل كل المباريات المحلية و يعلن الحرب...
الهلال لازم يعمل حساب لمركز الدفاع – راقد سلطه...
الاسماعيلي كل العندو ..دفاع كويس...
و سيطر علي وسط الملعب
هجومهم تعبان
التيم كله الحضري و حمص
الناس ديل لو الهلال خت الرحمن في قلبه برشهم
| |
|
|
|
|
|
|
|
|
|
Re: إقـــالة كامبوس .... أمبدة .... وأمبيلي ... وكونفدرالية رايح جاي (Re: جمال السنوسي)
|
.
الأخ جمال السنوسى:
لايعلم ولايحسُ بألمك الامن تلظى بنار الهزيمة وأكتوى بنارها. الألم والوجعة يعتصر القلوب وبشدة منذ ليلة البارحة وأظن بأن الألم يكمن فى جوانح كل محبى الهلال العظيم لما نراه من حال معشوقنا الأوحد. تراجع مخيف ومذل يصيب بالغثيان والإشمئذاذ. يعنى ماكفاية علينا الغربة وآلامها وهمومها وإذ بمنير أمبدة وكل أشباح الهلال يزيدون الطين بلة ليلة البارحة. أُحس بآلام فى كل جنباتى ووجع يعتصر قلبى ومافى نفس لفعل أى شئ غير التفكير دون جدوى الى ماآل اليه الوضع فى الهلال. من الملام:
إدارة نحترم ونجل رئيسها لصرفه على الفريق وبمفرده صرف من لايخشى الفقر. لن نلوم الأرباب على ديكتتاوريته فهو يقاتل لوحده دون ناصح أو معين. أين باقى أعضاء المجلس؟ ومن هم؟ وماذا فعلوا للهلال غير الصراع على صفحات الصحف ؟ والى متى سيعتمد الهلال العظيم على الفرد؟
أما الصحافة الهلالية فحدث ولاحرج.. صحافة ضعيفة لاترتقى لمستوى الكيان ولالمستوى الحدث. مهاترات وتضخيم للاعبين وجعلهم أسوداً من ورق. والجيد من الصحفيين يحارب فى أكل عيشه لينشغل عن حقيقة الوضع المأساوى فى النادى ويبحث عن سبل المعيشة وفعلا المعايش جبارة.
إلى متى سيكون تخاذل محبى وعاشقى النادى عن دعم الفريق؟ حتى التشجيع وهو أضعف الإيمان تشجيع نسبى مرهون بمجري المباريات.
أما السيد كامبوس فقد شرط وفرتق وفقع مرارتنا بتنظيره الكتير دون واعز. كنت أحترم هذا الرجل ولكن أثبت بأنه يخافُ هيثم مصطفى الى حد الرجفة. فلقد كان هيثم غير موفق ليلة البارحة على الإطلاق ولكن أبقى عليه وأخرج أحسن السيئين التاج. وأنا من كبار محبى الكابتن هيثم مصطفى البرنس ولكن الحق يجب أن يقال. مدرب إستلم فريق مقصوص الجناحين وربنا لطف بيه وبنا فى الموسم الماضى . فماذا فعل فى بداية الموسم الجديد؟ تهديد بالإستقالة وفترة إجازة خلال التسجيلات التكميلية!!!! وعجبى!
أما أشباح ونمور الهلال الورقية فى الملعب فهم الآن فى نظر الكثير منا لاعبون كبار ولكن على صفحات الصحف الى أن يثبتوا العكس. ويبقى أن يظل بكشوفات الفريق الأصلح والشطب مصير الضعفاء فنياً.
وآآآآآآآآآآه ه ه ه ه........
شكراً سيدى
والكلام كمل....
أشرف الباقر
عاشق للموجِ الأزرق حد الوله
.
| |
|
|
|
|
|
|
|
|
|
Re: إقـــالة كامبوس .... أمبدة .... وأمبيلي ... وكونفدرالية رايح جاي (Re: amir jabir)
|
اخي جمال
تحياتي
في بوست سابق ذكرت يااخي جمال
انو كورتنا ذي سياستنا
وسياستنا ذي انتخاباتنا
والله قد اصبت كبد الحقيقة
نرجع للموضوع والله لانافع هلال لامريخ
نحنا ناس بنحرق في اعصابنا ونرفع ضغطنا
كل يوم نتشابا للامل عبر طموح هلال مريخ
لانجاز شي ونطلع في النهاية ملوص
وتعجبك صحافتنا الرياضية من تعصب وشحن ووووو الخ
خلينا يااخي جمال نتونس ونكايد بعض ونضحك لانو في
النهاية المحصلة صفر وصفر دولي كبير
ودي بصراحة فرق مامنها فائدة
وعسي ولعل اجيال واحفاد احفادنا امكن يعاصروا انجاز ما
اخي جمال دي طبعا مانظرة متشائمة لكن حقيقة وواقع
تقدر تقول لي اخر انجاز دولي حققو هلال مريخ او الفريق
القومي متي من اخر كاس افريقيا في سبعينات القرن المنصرم
احسب يااخي جمال دي كم سنة
يعني بااختصار شديد عايزين لينا قرن كامل
شوف الامم الجات ورانا اليوم ناهضة كروية وبتمثل
شعوبها في كل المحافل الرياضية وانحنا في نوم عميق حتي اليوم
ختاما اخي جمال خلينا في قفشات ومناكفات هلال مريخ وبس
ماتحلم بكاس ولايحزنون
ودمت
| |
|
|
|
|
|
|
| |
جمال السنوسي
وليد محمد المبارك
هجو الأقرع
حبيب نورة
مجدي عبدالرحيم فضل
تاج السر محمد حامد
معتصم مصطفي الجبلابي
طارق جبريل
Mohamad Shamseldin
أشرف محمد الباقر
عبده عوض
الصادق صديق سلمان
amir jabir
فيس بوك
تويتر
انستقرام
يوتيوب
بنتيريست