|
|
 خـجـيـتـو لـيـه؟؟؟ ... رسـآلـة إلـى ادروّب ...
|
رسالة إلى ادروب...
قول ليّ يا ادروب
عليك وجع السنين...
خجيتو ليه؟؟؟
خليهو يا ادروب
عشان ناساً غلآبة وكادحين...
خليهو يا ادروب
عشان ناساً بتحلم من سنين
بوطن صحيح من غير جراح
من غير ألم، من غير انين
خاجيهو ليه؟؟؟
خليهو يا ادروب
عشان شجر الأراك
يفرح يعانق ديم عرب
وترب هدل
ووطن السمآح ينسى الجرآح
ينسى الحصل...
قول ليّ بس...
خاجيهو ليّه؟؟؟
وادوّك كم؟؟؟
مبلغ بِسد رمق الصغار؟
والآ الفتات،
من بعد ما نهبوا الديار؟؟؟
خلوها خاوية على عُروشا
كما الصريم وضح النهآر
لا راعو لطفلاً
بيصرخ في الظلآم...
لا احترمو شيخنا بعد وقآر...
بمدخل الدين...
جونا داخلين التتآر...
خجوها خج...
خج السوآد...
خج الرمآد...
ما خلو شِي
ناس لابتحس، لاتختشي...
ما بين مُرآبي ومُرتشي...
وسفآك دماء نام مُنتشي
من بعد ما لعق الدماء
من بعد ما انتهك الحِمى...
جوغة ضِبآع،
وقطيع سباع متوحشة...
اسرآب نسور
تغتات على جُثث الصغآر...
خجوها خج وضح النهار...
قول ليَّ بس...
خجيتو ليه؟؟؟
وشِن دار تجيب
لي ها الوطن!!!
غير المِحن
غير التخلف والفتن...
غير الشتات
غير العذآب...
غير الكلآب
تنبح تهوهِو ليل نهار
شيخها العجوز دقولو طآر
ينقُز يهِز...
ما راعى في نفسو الوقار
ينفخ نفخ!!!
زي الورر
عامل جعيص...
عامل خطر!!!
قول ليَّ بس...
شِن دار تجيب لى ها الوطن؟؟؟
غير الضياع
غير الفِتن؟؟؟
غير ناس بتعترف النفآق...
عشرين سنة!!!
من الضياع، من العناء
من الألم والعكننة
من الوجع ومُر الضنى...
وبرضك تخُج!!!
يا زول اقيّف...
خلي الوطن
ينجمَّ من رهق السنين...
خلي الغلآبة الكادحين
يرتاحو من طول الأنين
يتنسمو الحُريّة
في الزمن الضنين...
إنصرفو، لا صفى، لا انتِبآه...
يا عُصبة الحُكم اللعيّن...
يا ظآلمين...
يا غادرين...
إلى الجحيّم...
إلى الجحيّم...
إلى الجحيّم...
إلى الجحيّمــــــــ...
معاوية المدير...
|
|
 
|
|
|
|
|
|
|
 Re: خـجـيـتـو لـيـه؟؟؟ ... رسـآلـة إلـى ادروّب ... (Re: مصعب عبدالله محمود)
|
أرجوكم إرفعوا أيديكم عن أدروب الغلبان، ليس له يد فيما يحدث، إنما هو موظف لدى جهة أعلى، وهو يؤدي وظيفته، وربما، وهذا هو الأرجح، أنه لا يعرف أن الذي يفعله جريمة، وإلا لما سمح بتصويره في مثل هذا الوضع، وهذا الكلام ينطبق على جميع الذين تواجدوا معه في مركز التصويت.
عينكم للفيل تطعنوا في ضله؟
| |
|
|
|
|
|
|
|
|
|
Re: خـجـيـتـو لـيـه؟؟؟ ... رسـآلـة إلـى ادروّب ... (Re: معاوية المدير)
|
اخي الفاضل معاويه المدير
اظنك تتفق معي بان التزوير تم بكل الدوائر
حتى ببعض دوائر الجنوب؟؟!!
المؤتمر الوطني ضم كل سحنات اهل السودان
وديناته فيشهد الله رايت مسيحين اشد تطرفا للمؤتمر
الوطني من بعض المسلمين من عضويته!
يبقى كونه اتيح لنا رؤية شيئا مما تم وبالصدفه انه التسجيل تم في قريه من قرى الشرق
ولوا انهم ادروبات بسطاء من اصله لانتبهوا لاي تصوير ولو بالموبايل!
المنافقين و الانتهازيه كان من كل سحنات بلادنا.
هنالك شايقيه انتهازين ظبطوا الامر بدائرة مروي لصلاح قوش
وهنالك جعليه قلبوا الهوبه لاجل نافع بدائرة شندي جنوب !
وهنالك سكوت ومحس و بطاحين وشكريه وفادنيه ورزيقات وزغاوه
وفور ودينكا وشلك....الخ ....كلهم مؤتمر وطني.....
اذن مجرد تخيل انه الامر تم بالشرق فقط هو مأساة.
| |
|
|
|
|
|
|
|
|
Re: خـجـيـتـو لـيـه؟؟؟ ... رسـآلـة إلـى ادروّب ... (Re: معاوية المدير)
|
Quote: أرجوكم إرفعوا أيديكم عن أدروب الغلبان، ليس له يد فيما يحدث، إنما هو موظف لدى جهة أعلى، وهو يؤدي وظيفته، وربما، وهذا هو الأرجح، أنه لا يعرف أن الذي يفعله جريمة، وإلا لما سمح بتصويره في مثل هذا الوضع، وهذا الكلام ينطبق على جميع الذين تواجدوا معه في مركز التصويت.
عينكم للفيل تطعنوا في ضله؟ |
أخي ود شاموق، لك مني كامل التحية والإحترام...
أخي... اوضحت الكاميرا انّ هاؤلا الأشخاص ينتمون للشرق،
لكن المقصود في النص ليس إنسان الشرق إنما كل إنسان قام
بمثل هذا العمل المشين سوا كان من الشمال او الجنوب او
الشرق او الغرب...
هل وظيفة هاؤلاء الناس التزوير؟؟؟ وإن كانوا لا يعرفون انّ
الذي يفعلونه جريمة. كيف يتم توظيفهم في هذا الموقع الحساس؟؟؟
| |
|
|
|
|
|
|
|
|
|
Re: خـجـيـتـو لـيـه؟؟؟ ... رسـآلـة إلـى ادروّب ... (Re: معاوية المدير)
|
Quote:
اخي الفاضل معاويه المدير
اظنك تتفق معي بان التزوير تم بكل الدوائر
حتى ببعض دوائر الجنوب؟؟!!
المؤتمر الوطني ضم كل سحنات اهل السودان |
الأخت تراجي، اولاً وقبل كل شئ
اشكرك على المرور ولفت الإنتباه،
وإتفق معك تماماً فيما ورد في الإقتباس
اعلآه، وازيدك إنه لم يكن لي ادنى شك
في ذلك ولو بمثقال ذرّة...
| |
|
|
|
|
|
|
|
|
|
Re: خـجـيـتـو لـيـه؟؟؟ ... رسـآلـة إلـى ادروّب ... (Re: معاوية المدير)
|
Quote:
اذن مجرد تخيل انه الامر تم بالشرق فقط هو مأساة. |
النص أُختي تراجي، لا يتحدث عن المكان، لكنه يدين العمل المشين
الذي قامت به هذه الفئة، وكل من حذى حذوهم في جميع ارجاء الوطن،
ويشير إلى مغبة هذا الفعل وما يجلبه للبلد من بلاء...
هي رسالة إلى كل من ساند هذه الفئة الباغية...
| |
|
|
|
|
|
|
|
|
|
Re: خـجـيـتـو لـيـه؟؟؟ ... رسـآلـة إلـى ادروّب ... (Re: معاوية المدير)
|
Quote:
اذن مجرد تخيل انه الامر تم بالشرق فقط هو مأساة. |
النص أُختي تراجي، لا يتحدث عن المكان، لكنه يدين العمل المشين
الذي قامت به هذه الفئة، وكل من حذى حذوهم في جميع ارجاء الوطن،
ويشير إلى مغبة هذا الفعل وما يجلبه للبلد من بلاء...
هي رسالة إلى كل من ساند هذه الفئة الباغية...
| |
|
|
|
|
|
|
|
|
|
Re: خـجـيـتـو لـيـه؟؟؟ ... رسـآلـة إلـى ادروّب ... (Re: معاوية المدير)
|
| Quote: أنه لا يعرف أن الذي يفعله جريمة، |
غايتو يا ود شاموق بصراحة دي بالغت فيها.. زول يدخل بطاقة من غير ناخب ، دي تبقى شنو؟؟
معاويه المدير
تحياتي،،
آخر التطورات.
مؤتمر صحفي انعقد بكسلا امس ، اعترف فيه الحزب الديمقراطي بتبنيه لعملية التوثيق هذه عبر احد وكلائه واحضروا الشخص الذي صور الفيديو
التصوير تم بموبايل نوكيا 6020
المصدر:صحيفة السوداني
تُرى ماذا ستفعل المفوضية؟؟؟ خصوصا بعد التطورات الأخيرة.
| |
|
|
|
|
|
|
|
|
|
Re: خـجـيـتـو لـيـه؟؟؟ ... رسـآلـة إلـى ادروّب ... (Re: شمائل النور)
|
Quote:
أتفق مع الأخت تراجي
التزوير ليس من سمة أهل الشرق، بل هو من طباع أهل السلطةن أتمنى من الجميع أن يتفقوا على تحرك عملي لإستعادة حقوق أهل السودان الضائعة بالتزوير بدلاً عن إستغلال الحدث والضحك على بعض السودانيين، مثلما قالت تراجى |
إتفق معك والأخت تراجي ...
لك مني جزيل الشكر على الإفادة...
| |
|
|
|
|
|
|
|
|
|
Re: خـجـيـتـو لـيـه؟؟؟ ... رسـآلـة إلـى ادروّب ... (Re: سيف اليزل برعي البدوي)
|
قصيّدة النوكيا الصوّر الخج...
الصقر إن وقع كترة البتابت عيب
ومع الخج الحصل مابينفع الجقليب
ولقط النوكيا للخجآج
سريع زي هبرة الفرنيب...
وبرضو تقولوا فبركة يا حُماة الدين!!!
تشككو في الجهاز، يا ظلمه يا حاقدين
تقولوا ضعيّف!!!
تقولوا خفيف!!! تبخسو فيهو يا جاهلين
وعاملين فيها ما عارفين
إنو سَنيّن...
وخشمو سَنيّن...
ولقطو سَنيّن...
نغمتو جِلِد كديس وطلآق...
وكان ختيتو في الهزآز،
يدوّر خج...
وكان دورتَ كمراتو،
بيرُجّك رج...
يخلى الظآلم المغرور،
يتكهرب...
ويضهّب...
ويتوهدب...
يقول يآ رب...
يقول يآ رب...
يقول يآ رب...
تضاري علينا تذويرنا،
وتغطى على دنانيرنا،
وعلى شيخنا الحليفتو طلآق...
من النوكيا وبنات كسلآ،
ومن زولنا الِسآنو طَلق
يمرق في فضايحنا،
ويقطّع في مسابحنا...
دخلنا معاهو في مِحّنة،
ومرقنا ترانا لى مِحّنة...
اريت كان مُتنا إرتِحنا...
بركة الضآر وود الجآز
جهاز النوكيا فاضحنا
يموت لانغمة لاهزاز...
بركة شيخنا ود عثمان
جهاز النوكيا يا فتآن
يفركع فيّكَ كوم بُمبآن
تطش شبكة... تودّر بحري وأُم درمآن...
ضربنا الكآس وراهو الكآس
اكلنا المنقة والأنناس،
وجاري ورانا كايسنا!!!
بتدوّر تقطع معايشنا؟؟؟
بُكرّة بنمسكو السودآن...
آمانة نضوقك زرّة
نطردك من محلآتنا،
وماتجي تاني من برّة...
يالسببت لينا مغس
اريت يا إنت تنضرا...
هلو...
يا أهلنا يا طيبيّن
سلآم...
يا أهلنا يا صامدين،
ويا صآبرين...
انا النوكيا، البخُج الظآلم الطَغيان
تعالوا اتوحدوا اتلموا
واعلنوا ضدهم عِصيان
وروهم عزيمة شعب وكتين
ينفجر بُركآن
يزلزل طُغمة الطُغيان
يهدّم فوقهم الأركآن
يخلع كُل عميل وجبان،
والتآريخ مزابلو تلِم
كُل صاحب ضمير وسخآن...
وطننا يطيّب ويتوحد
ينعم في سلآم وامآن...
فلنهتف من الأعماق:
تسلم لينا يا سودآن،
تسلم لينا يا سودآن
تسلم لينا يا سودآن...
.
.
.
معاوية المدير...
| |
|
|
|
|
|
|
| |
معاوية المدير
حواء سليمان ابراهيم
طارق جبريل
ود شاموق
الفاتح الصادق حامد
Tragie Mustafa
الصادق اسماعيل
MOHAMMED ELSHEIKH
شمائل النور
سيف اليزل برعي البدوي
عاطف مكاوى
haroon diyab
Mustafa Mahmoud
Moneim Malik
فيس بوك
تويتر
انستقرام
يوتيوب
بنتيريست