أكتفيت في خلال الأسابيع الأخيرة الماضية بموقف المتفرج في مواضيع البورد، كلام كثير حصل وده كلو ما بيهمني لكن جات ظاهرة جديدة أي زول يجي يرمي لومه على الشعب السوداني .. اللي يقول ليك ده شعب ما عندو ذاكرة .. واللي يقول ليك ما عارف شنو ..
من الآخر كده .. انا واحد من الشعب ده .. ولو إستمر الحال بالناس دي تقعد تتكلم عن الشعب السوداني .. وتحديداً الناخب السوداني السجل وصوّت يبقى للأسف أي زول حيتكلم بالأسلوب ده ده زول ما إحترم الشعب السوداني .. وما إحترم خيارو .. صحيح في ناس ما سجلوا وفي ناس ما صوتوا .. وفي تزوير حصل .. وفي غيرو .. وفي أحزاب خشت الإنتخابات .. وفي النهاية بعد الحسبوه والجمعوه والطرحوه والضربوه .. لقو برنامجهم خسران .. وقاموا أنسحبوا .. وقاموا رجعوا .. وقاموا فكروا .. نحن كشعب سوداني جزء كبير مننا مستقلين .. وأنا واحد منهم .. ممكن نسكت نتفرج على الحاصل في البلد دي عادي جداً .. لكن تصل لمرحلة يجي كيان معين سوا كان حزب ولا غيرو .. ويتهم الشعب السوداني بكلام فارغ عشان ما صوّت ليهو .. ده نحن ما بنسكت عليهو هوي !!
تتكلموا عن تزوير .. تتكلم عن تعيدوا الإنتخابات ولا ما تعيدوها .. إتكلموا في الحاجه البتخص الإنتخابات .. لكن ما ممكن عشان زول ما صوّت ليك تتهموا زوراً وبهتاناً بي إنو ما عارف شنو كده .. ما عندو ذاكرة .. ولا ما عندو مُخ ..
أتمنى الناس تعي ما تقول وما تتكلموا عن الشعب السوداني بكلام سيئ في النهاية السودان ده ربانا .. إنتا وأنا وكلكم .. كان أمريكان ولا أوربيين ولا أي جنسية تانية .. في النهاية نحن كلنا سودانيين .. اللهم إلا كان في زول عندو فهم تاني !! ..
سلامـ،
04-18-2010, 02:33 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
ولكن كُنت أتمنى أن تطلعنا على رأيك فيما حدث وما يحدث ؟ ليه ولا واحد من ناس البورد إستنكر البيحصل للشعب السوداني ده ؟ معقولة البورد ده كلو عشان الإنتخابات ولا عشان أي سجم رماد يسكتوا وما يردوا للكلام الإتقال في حق الشعب السوداني ؟
ياخ حريقة في الإنتخابات لمن الكلام يصل الشعب السوداني بأسلوب زي ده ويشككوا في وطنيته .. يعني الشعب ده كلوا لازم يتغير ولا كيف ؟ والله انا مؤمن بإنوا ممكن مليار زول يكونوا غلطانيين وزول واحد يكون على صواب .. لكن كمان ما بالأسلوب ده .. وكلام زي ده لمن يطلع من خشُم زول سوداني ده عيب كبير والله !!
نرجوا من السودانيين الغيروين كلهم بكل مسمياتهم المراعاة للحتة دي .. ونرجو إيقاف العبث البيحصل ده .. حزب فاز ولا حزب خسر .. الشعب ده إحترمكم كلكم حكومة ومعارضة وواقف بيتفرج فيكم لكن للأسف بعض الناس تحت إسم بعض الكيانات قاعدين يلمزوا ويهمزوا بكلام نظام ده شعب كلو كوز يعني، أقسم بالله بس فضل واحد يكتب إنو الشعب السوداني كلهم كيزان .. وكلهم حرامية وكلهم مجرمين ؟!!! .. ﻷ ده شعب نُصو ما شغال بالموضوع ده كثير نسبة لي همومو ومشاكلو .. لكنوا شعب واعي ومثقف جداً .. وما في زول مسكين في البلد دي هوي !! .. الشعب ده السياسية الإشتغلها ما في زول بزايد عليهو فيها .. الشعب البسيط ده .. بكل فئاته شاركوا في تغيير كامل في البلد دي ..
..
آسف .. نسيت إنو كلنا سودانيين .. وبديت أتكلم عن الشعب السوداني .. التقول إنتو ما بتعرفوه .. آسف في الحتة دي أنا غلطان !!
04-18-2010, 04:45 PM
عبداللطيف محجوب عبداللطيف محجوب
تاريخ التسجيل: 09-13-2008
مجموع المشاركات: 753
ياخي موضوع جميل جداً لكن لأنو فيه مساءلة وااااااضحة لك الأحزاب الحاكمة و المعارضة علشان كدا الناس حا تتهرب منو
الأحزاب ما عايزه زول يحاسبها على تفريطها في حق الشعب المغلوب على أمره و دا بيعني إنها غير قادره على محاسبة الغير
الشعب السوداني قدم ثورتين شعبيتين كانتا مثالاً للتحضر و التضحيات و الأحزاب من خيبتها لسه منتظره منو الثالثة. الأحزاب فقدت ثقة الشعب و بي كدا فقدت السند الذي يؤهلها لقيادة الشعب السوداني الواعي الفاهم. الشعب السوداني كل الأحزاب خزلتو مرتين و لن يعطيها الثقة لقيادته للمرة الثالثة مالم يتأكد من وعي الأحزاب و مقدرتها لتحمل المسئولية
الشعب السوداني يأس و أصبح لا يعبأ بمن يحكمه و من حقه أن يدعم من يريد و ليس من حق غيره أن يملي عليه خياراته
فالتذهب الأحزاب و الحكومة إلى الجحيم و ليبقى الشعب السوداني الواعي المدرك لكل ما يدور حوله من كذب و نفاق و بيع و شراء
و ليبقى الشعب السوداني حرا يختار من يريده و يسقط من يريد أن يسقطه
و تحياتي
04-18-2010, 09:18 PM
قرشـــو قرشـــو
تاريخ التسجيل: 02-05-2002
مجموع المشاركات: 11385
كما قال الاخ ابوحسين - له التحية - ان الاحزاب بلا استثناء فاقت من نشوتها الكاذبة بأن الشعب كله واقف خلفها منتظر اشارتها وادركت فجأة ان السامر قد انفض وانه لم يبقى هنالك "غشيم" يتم الضحك عليه بانشاء محفوظة ولذا آثروا نبذ هذا الشعب وديمقراطيتهم اما ان يكون الجميع معهم او يتم تصنيفهم بأنهم كيزان ومرتشون ومرتزقة ومؤتمر وطنى ..
حقا الشعب زهد فى هذه اللعبة ونسبة التسجيل ونسبة المصوتون تثبت ان الناس لم يعد يهمها من يفوز لقد زهد الشعب فى العبث واللعب بالعقول وتركوا لهم الجمل بما حمل ...
معيب جدا ان يسب احد اهله وناسه وشعبه ويتهمهم باغفلة والجهل وكيل التهم الذى لا ينتهى ابدا فهذا الشعب ابى وكريم وحليم فلا تغضبوه واحذروا غضبة الحليم ولن يمنحكم ما لا تستحقوه ابدا ..
اشكركما احبتى على هذا الوعى الكبير وليتنا جميعا نعطى لهذا الشعب ما يستحق من تقدير واحترام ...
04-19-2010, 08:50 AM
عبداللطيف محجوب عبداللطيف محجوب
تاريخ التسجيل: 09-13-2008
مجموع المشاركات: 753
Quote: كما قال الاخ ابوحسين - له التحية - ان الاحزاب بلا استثناء فاقت من نشوتها الكاذبة بأن الشعب كله واقف خلفها منتظر اشارتها وادركت فجأة ان السامر قد انفض وانه لم يبقى هنالك "غشيم" يتم الضحك عليه بانشاء محفوظة ولذا آثروا نبذ هذا الشعب وديمقراطيتهم اما ان يكون الجميع معهم او يتم تصنيفهم بأنهم كيزان ومرتشون ومرتزقة ومؤتمر وطنى ..
العزيز قرشو .. شكراً على المشاركة ..
Quote: حقا الشعب زهد فى هذه اللعبة ونسبة التسجيل ونسبة المصوتون تثبت ان الناس لم يعد يهمها من يفوز لقد زهد الشعب فى العبث واللعب بالعقول وتركوا لهم الجمل بما حمل ...
نعم .. سيأتي يوم سيعلم الشعب السوداني فيه الأحزاب التي ما دائماً تذكره بعيوبه .. وتصفه يصفات ليست فيه .. سيعلمها معنى الوطنية .. كثيرٌ من هذه الأحزاب غرقت في سبيل الحصول على النفوذ .. ونسيت أو تناست الحصة الأولى في الوطنية .. للأسف ..
Quote: معيب جدا ان يسب احد اهله وناسه وشعبه ويتهمهم باغفلة والجهل وكيل التهم الذى لا ينتهى ابدا فهذا الشعب ابى وكريم وحليم فلا تغضبوه واحذروا غضبة الحليم ولن يمنحكم ما لا تستحقوه ابدا ..
فعلاً يا أخ قرشو .. شئ مُعيب جداً .. لكن التعملوا بإيدك يغلب أجاويدك .. وسيرى الذين أخطأوا في حق الشعب أي منقلب سينقلبون .. وانا واحد من الشعب ده وأتخذت قراري .. وللأحزاب أن تضبط كوادرها .. فهم يمثلونها ..
إحترامي يا قرشو ..
04-19-2010, 08:41 AM
عبداللطيف محجوب عبداللطيف محجوب
تاريخ التسجيل: 09-13-2008
مجموع المشاركات: 753
Quote: الأحزاب ما عايزه زول يحاسبها على تفريطها في حق الشعب المغلوب على أمره و دا بيعني إنها غير قادره على محاسبة الغير
ما في حزب بيقدر يحاسب حزب تاني .. الناس ديل كلهم ضابحينوا سوا .. ونحن بس قاعدين نسمع ديل أدوهم كم مليار دايرنو منهم وديل ادوهم كم ما عارف .. وده منو هو البيدي ده .. وده منو هو البيدوه ده !! .. الناس ديل كلهم ضابحينوا سوا .. وقاعدين يطلعوا في الجرايد يعللوا القروش دي والله جاتنا من الجهة الفلانية عشان كده .. والجهة الفلانية عاملة ناااايمة .. و المستقلين من باقي الشعب ده الذين تم تقديرهم ب 57% قاعدين بيتفرجوا في المسرحية دي ومستمتعين بيها جداً .. وبيحاولوا يظهروا إنهم ما عارفينها ولا فاهمين أي شئ .. عشان يجي واحد من الكيانات أي كانت يقول والله الشعب ده ذاكرتو مشروطة ولا مقدودة ولا ما فيشة زاتو .. والزول ده طبعاً ما بعبر عن الكيان المنتمي ليهو .. لكن بيعبر عن نفسو بس بكل تأكيد ..
Quote: فالتذهب الأحزاب و الحكومة إلى الجحيم و ليبقى الشعب السوداني الواعي المدرك لكل ما يدور حوله من كذب و نفاق و بيع و شراء و ليبقى الشعب السوداني حرا يختار من يريده و يسقط من يريد أن يسقطه
فلتذهب كل الكيانات .. وليبقى هذا الشعب السوداني المقدود الذاكرة لو ما عجبك يا فُلان
شكراً كل الشكر أبوحسين .. كلمة حق قلناها .. فليسمع من يسمع وليطنش من يطنش .. ونحن كشعب قاعدين ليكم شوكة حوت لا بتفوت ولا بتموت .. الصفقات والتحالفات والتِحت تحت ده قاعدين نعاين فيهو ونسجلوا .. ومانا شعب ذاكرتو مقدودة يا زول ..
04-20-2010, 05:53 PM
عبداللطيف محجوب عبداللطيف محجوب
تاريخ التسجيل: 09-13-2008
مجموع المشاركات: 753
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبداللطيف محجوب
ABUHUSSEIN
قرشـــو
فيس بوك
تويتر
انستقرام
يوتيوب
بنتيريست