|
|
 صوٌت لعدم الاعتراف بإستفتاء 2011 - تقرير مصير الجنوب
|
لهذه الاسباب لن أعترف باستفتاء 2011
1- من تجرية الانتخابات الحالية تبين أن
أ- التدخل في الانتخابات و التأثير علي الناخبيين و ترويعهم كان الاكثر في الجنوب
| Quote: There were numerous instances of the Sudan People's Liberation Army (SPLA) intimidating voters and being stationed too close to polling |
ب - و الوضع في الجنوب غير ملائم لانتخابات صحيه
| Quote: Irregularities and delays were more marked in the south of the country |
2- لن يشارك فيها الجنوبيون بالشمال
3- لن يشارك فيها الشماليون
4- تم الاتفاق عليها بين المؤتمر الوطني و الحركة الشعبية و هما لا يمثلاني..
5- ممكن تضيف اي سبب أخر.......
|
|
 
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: JOK BIONG)
|
الفاضل محمد شمس الدين
مركز كارتر الذي لم يجرأ ان يعترب بالتزوير في الشمال
لا اعترف له باي تصريح آخر.
ثم منو قال لك يا غالي انه الجنوبين حيصوتوا للانفصال؟؟!!
يا حبيب المؤتمر الوطني سيأكل راس قيادات الحركه الشعبيه
زي هو ما مكلها 3 سنوات وسيقنعوا(بانفسهم)
ناخبيهم باهمية الوحده!
يبقى انت منزعج ليه؟؟؟
| |
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: Mohamad Shamseldin)
|
الاخت تراجي
مركز كارتر و المؤتمر الاوربي قالو أن الجنوب كانت فيه عمليات غير سليمه أكثر .. و الاثنان خصو الجنوب.... | Quote: The center's report said "subtle or forceful" intimidation was reported in many states, and security agents in uniforms or plain clothes have reportedly interfered in the election process, particularly in the south |
http://www.guardian.co.uk/world/feedarticle/9035762
و ناس الاتحاد الاوربي برضو نفس الكلام
أنا لو كنت جنوبي في الظروف دي كنت حاصوت للانفصال....
التصويت يجب أن يكون في ظل سلطة ديمقراطية تمثلني و تمثلك.....
و واضح انو الدقسة دي من نيفاشا بت الكلب
بعدين البشير عاوز انفصال...من أول شهر أستلم فيهو
و سلفاكير (في رأي أنا) 70% إنفصال...
و الغرب بقي عاوز انفصال (اليمين المتطرف أكثر)....
العالم دي بتطبخ ليها في طبخه....
و السودانيين قرفو و بقت ما فارقا معاهم اي حاجه
و أنا ذاتي لو كنت جنوبي ......كنت فكيتكم عكس الهو لانو كيسكم فاضي....(وجه ضاحك)
شوفي دبي الليله قال شنو... الليله ذكرني بالراحل هيلاسلاسي الذي قال نفس الكلام سابقا و قال انه يرفض ذلك للسودان لان اثيوبيا ستتبع السودان.....
Quote: أعرب الرئيس التشادي إدريس دبي إتنو عن موقفه الرافض لإجراء إستفتاء حول إستقلال جنوب
السودان المقرر في يناير 2011 موضحا أن إحتمال تقسيم السودان سيكون "كارثة" بالنسبة لإفريقيا معربا عن خشيته من تجدد الأعمال العدائية في هذا البلد |
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: هاشم نوريت)
|
هاشم سلام....
ليس لآن السودان ضعيف يجب أن يقسم... القوة في الاتحاد.... لن يتقدم الجنوب لوحده و لا الشرق لوحده و لا الشمال و لا الغرب....
لو أتبعت كل الدول هذا المنهاج لقسمت كلها....
في كندا حاولت مقاطعه كيوبيك الناطقه بالفرنسيه الانفصال من بقيه الدوله الكنديه و رفع الامر للمحكمه العليا الكنديه في العام 1998 التي أفتت بأن الانفصال لن يتم الا باضافه ماده في الدستور توافق عليها المقاطعات الكنديه + الغالبيه العظمي للناخبين بمقاطعه كيوبيك
و بتطبيق نفس المبدأ في الحاله السودانية يجب أن يوافق علي إنفصال الجنوب كل أقاليم السودان + غالبيةالناخبين في جنوب السودان
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: Zakaria Joseph)
|
عمنا ياي كوال شولQuote: انت يا محمد شمس الدين,
انت مالك و مال الجنوبين?
انا نفسى دى اعرف انت عايز شنو من الجنوبين?
يا اخوى استغفر ربكم و دعاهم و شانهم, يعنى الشغل الشاغلك دى استفتاء يعنى?
طيب, لو إفترضنا ان الجنوبين رفضوا ان يدفعوا الجزية و هم صاغرون و قرروا ان يبتعدوا من خير الامم التى اخرجت للناس و و كونوا اكواخ خاص بهم ماذا ستفعل انت او غيرك يعنى?
جهاد جديد ونهب و اغتصاب اخواتنا و امهاتنا و احتفالات لكم بزواج من استشهدوا من مجاهديكم و هو يحاول نشل طفلة من احضان امه? يا اخى شوف امور منطقتك و لو كلها تمام و كمال و الناقص هو الجنوب, فانت على موعد لسماع ما لم تتوقعه منى. |
انت مالك ومال محمد شمس الدين ... ومالك ومال منبر الشماليين البالعربى دا ...
نحن هنا ... أولاد عرب بيتناقشوا فى قضايا بتهمهم ..
عندنا فى الجنوب تجارة ومصالح ... ودايرين نتناقش فى مصالحنا ... وحقوقنا ...
عندنا مصالح فى ميزان الصادرات والواردات .... ومصالح فى عائدات الدولة من الضرايب ... ومصالح فى انتاج البن والشاى والتباكو ... ومصالح فى البترول والثروة الحيوانية ...
مصلحة واحدة فى الجنوبيين ... ما دايرين زاتو ...
تانى شنو؟
انت عارف وانا عارف ... انو جون قرنق كتلوهو عشان وقع على انو الإستفتاء يكون بعد تلاتة سنين من الإنتخابات ... عشان يكون فى فرصة للسلطة التشريعية المنتخبة تسن قوانين دستورية وديموقراطية ... وعشان يكون فى فرصة لى تنمية متوازنة فى نظام ديموقراطى ...
هسى كدا ... تلاتة سنين حا تمر ... عشان بس نقنع الجنوبيين وأمريكا إنو قرنق وقّع على تلاتة سنين! ... بعد داك الإستفتاء ... لا حيجيب وحدة ... لا حيجيب استقلال للجنوب ... لا حيجيب سلام ... حيجيب حرب بس ... وأنا مع انو حق تقرير المصير هو حق للجنوبيين فقط ... لاكين ما صاح تتلاعبو بى حقوق الناس ..
طالما الإنتخابات اتأجلت من 2008 لى 2010 ... أىّ استفتاء قبل 2013 أنا ما معترف بيهو ... أقولا ليكم من هسع ...
... المهم ....
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: Zakaria Joseph)
|
Quote: يا تبارك,
يا اخوى الاعتراف بوجودنا كبشر ساكت فى السودان كلفنا خمسة مليون روح و إعتراف الاخوة فى الشمال بالواقع القانونى للجنوب لن يكن من هموم الجنوبين يا اخوى.
احترامات. |
طيب ما ياها دى لغة الحرب الأنا بتكلم عنها زاتا ...
كأنك بتقول ... حا نستقل، ورايكم بلّوهو واشربوا مويتو ...
تأكد إنو الرد حا يكون: ما حا تستقلوا، وأعلى ما فى خيلكم اركبوهوا ...
ودا شكل الحوار الإتجاوزناهو بى ملايين الأرواح ... وبى إتفاقية واضحة ...
مافى أىّ مبرر نجى هسى نفرغ الإتفاقية من محتواها ونضرب بيها عرض الحائط ... ما لم نكون عايزين نرجع للحرب ...
... المهم ....
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: Mohamad Shamseldin)
|
Mohamad Shamseldin
تحياتي
اذا ما افترضنا (حسن النيه) في دعوتك بأعتبار غيرتك على الوحده يجب ان تعلم أن (حق تقرير المصير) الذي سيعبر فيه اهل الجنوب في الاستفتاء القادم رواه اهل الجنوب بدمائهم وقدموا في سبيله مهرا غاليا تمثل في 2 مليون قتيل وملايين من المشردين وضياع اجيال كامله بفعل التشرد .
لذلك فأن عنوانك مستفز لكل الجنوبيين سواء كانو يدعمون الانفصال أو يدعمون الوحده .
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: مجدى محمد مصطفى)
|
Quote: انت مالك ومال محمد شمس الدين ... ومالك ومال منبر الشماليين البالعربى دا ...
نحن هنا ... أولاد عرب بيتناقشوا فى قضايا بتهمهم ..
عندنا فى الجنوب تجارة ومصالح ... ودايرين نتناقش فى مصالحنا ... وحقوقنا ...
عندنا مصالح فى ميزان الصادرات والواردات .... ومصالح فى عائدات الدولة من الضرايب ... ومصالح فى انتاج البن والشاى والتباكو ... ومصالح فى البترول والثروة الحيوانية ...
مصلحة واحدة فى الجنوبيين ... ما دايرين زاتو ...
تانى شنو؟
انت عارف وانا عارف ... انو جون قرنق كتلوهو عشان وقع على انو الإستفتاء يكون بعد تلاتة سنين من الإنتخابات ... عشان يكون فى فرصة للسلطة التشريعية المنتخبة تسن قوانين دستورية وديموقراطية ... وعشان يكون فى فرصة لى تنمية متوازنة فى نظام ديموقراطى ...
هسى كدا ... تلاتة سنين حا تمر ... عشان بس نقنع الجنوبيين وأمريكا إنو قرنق وقّع على تلاتة سنين! ... بعد داك الإستفتاء ... لا حيجيب وحدة ... لا حيجيب استقلال للجنوب ... لا حيجيب سلام ... حيجيب حرب بس ... وأنا مع انو حق تقرير المصير هو حق للجنوبيين فقط ... لاكين ما صاح تتلاعبو بى حقوق الناس ..
طالما الإنتخابات اتأجلت من 2008 لى 2010 ... أىّ استفتاء قبل 2013 أنا ما معترف بيهو ... أقولا ليكم من هسع ... |
تبارك مركب مكنه (جـلابـي) , المكنه ما عندك لكن!
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: مجدى محمد مصطفى)
|
مجدى محمد مصطفى ...
انت جايى لأنو عندك راى ... ولاّ الموضوع بالنسبة ليك للهزار والتسلية ..
لو عندك راى قولو ...
بطل نوع الكلام الإستفزازى البتقولو لى محمد شمس الدين ... مافى زول سودانى عاقل بيغالت فى حق تقرير المصير ...
حصص التاريخ بتاعتك دى تعتبر تبع السخافة ...
ولو ما عندك راى أقرا واستفيد ...
نحن ما كل يوم قاعد يتاح لينا حوار عميق مع عمنا زكريا جوزيف ... وهو من القلائل الذين يستطيعون رؤية الوجه الآخر للواقع ... بوعى نادر وبصيرة نافذة ... ايه اللى مكنة جلابى ...
ما هدا انت مركب مكنة فلكسواجن ... المشكلة شنو يعنى ...
... المهم ....
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: Deng)
|
Quote: أي حديث عن وحدة وطنية في السودان الان يعتبر حديث فارغ ومن غير معنى.
أهل الشمال قرروا في موضوع الوحدة الوطنية منذ زمن بعيد.
والذي يحدث الان هو عملية تصفية وتوزيع للحقوق . فقط ولا غير.
أهل الجنوب ناضلوا وضحوا بالغالي والنفيس من أجل هذه اليوم. |
الجلابى المغترب فى الخليج ... جورج بوك ...
بالله تعال ادى لينا الحوار دا شرعية ... بمباركة مشاركة الجنوبيين فى الحوار ...
ياخى قوم لف ...
.. المهم ....
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: Deng)
|
Quote: أي حديث عن وحدة وطنية في السودان الان يعتبر حديث فارغ ومن غير معنى.
أهل الشمال قرروا في موضوع الوحدة الوطنية منذ زمن بعيد.
والذي يحدث الان هو عملية تصفية وتوزيع للحقوق . فقط ولا غير.
أهل الجنوب ناضلوا وضحوا بالغالي والنفيس من أجل هذه اليوم. |
الجلابى المغترب فى الخليج ... جورج بوك ...
بالله تعال ادى لينا الحوار دا شرعية ... بمباركة مشاركة الجنوبيين فى الحوار ...
ياخى قوم لف ...
.. المهم ....
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: تبارك شيخ الدين جبريل)
|
Quote: لنفترض جدلا أن الاستفتاء في الجنوب سوف يقام في ظل جو حر وديمقراطي.
فماذا تعتقد أنت نتيجة ذلك الاستفتاء؟ |
الاخ دينق
الاجواء الان مسممه
لو عقدت في أجواء معافاه... ستكون نتيجة الاستفتاء لصالح الوحده.
هل كان ينتظر أهل الجنوب "الوحده الجاذبة" من النظام الحاكم ...
لذا كان المفروض أن أن تبني الدولة السودانية علي أساس المواطنه و تعطي فترة طويله حتي تبني الدولة ثم بعد ذلك يخير كل أهل السودان و ليس أهل الجنوب فقط.
ما يحدث الأن حلف بين الانفصاليين الشماليين و الانفصاليين الجنوبيين و الطرفيين high jacking إراده الغالبية
لا قدر لو انفصل الجنوب...
و بعد سنه طالب النوير بدولة لوحدهم ....ماذا أنتم فاعلون؟....
هل هكذا تحدد مصائر الشعوب؟
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: Mohamad Shamseldin)
|
Quote: الاجواء الان مسممه
لو عقدت في أجواء معافاه... ستكون نتيجة الاستفتاء لصالح الوحده. |
الافتراض ده جبتو من وين , ومتين يمكن سيادتك توفر لينا الأجواء المعافاه دي !
لا شيئ يمكن أن يجعل المواطن الجنوبي يختار الوحده لا شيئ البته , سوى بعض اوهام بان الجنوبي يعشق المواطنه الدرجه رابعه في السودان بتاعكم .
ما تحملوا ناس الحكومه براهم مسأله الانفصال صحي هم أسوا أنواع الجلابه بس الحقيقه بتقول أن مشكله الجنوب يتحمل وزرها كثيرون , كل من يدعي أو ادعى يوما زورا وكذبا بأن السودان بلد عربي واسلامي وأن الجلابيه هي اللباس الوطني لجمهوريه السودان .
| Quote: لذا كان المفروض أن أن تبني الدولة السودانية علي أساس المواطنه و تعطي فترة طويله حتي تبني الدولة ثم بعد ذلك يخير كل أهل السودان و ليس أهل الجنوب فقط. |
وسعادتك ينتظر الجنوبيين وجميع المهمشين حتي يقرر الجلابي يوما ما! أنهم بشر يستحقون أن يعاملوا كبشر وكمواطنيين في بلدهم , ما مهم متين بس ينتظروا ويتحملوا ظلم وبطش وجبروت واستعلاء الجلابي حتى يرضى عنهم انشاء الله يرضى عنهم يوم القيامه العصر صح .
دي نظره انانيه الى اقصى الحدود , يكفي الشعوب المهمشه وعلى رأسها الجنوبيين ما لاقوه من ظلم وقتل وتشريد , المسأله الان ما دايره طق حنك المسأله الان دايره فعل والفعل بالنسبه للجنوب أوانه فات , والباقي دارفور والشرق , اذا لم يتدارك العقلاء من الجلابه الامر ستذهب تلك المناطق ايضا ولا عزاء للجلابي .
اذا لم يتم اعاده صياغه عقد اجتماعي جديد يستوعب كل مكونات السودان الثقافيه والدينيه والعرقيه وانهاء السيطره الشماليه على الدوله ومؤسساتها مافي زول حيقعد , الكل حيمشي لأنو لن يرضى احد بأن يكون مواطن درجه تانيه في بلدو.
Quote: لا قدر لو انفصل الجنوب...
و بعد سنه طالب النوير بدولة لوحدهم ....ماذا أنتم فاعلون؟.... |
يعني انت الان قلبك على وحده وتماسك دوله جنوب السودان !!! والله حالتك تحنن .
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: تبارك شيخ الدين جبريل)
|
تبارك شيخ الدين
| Quote: ايه اللى مكنة جلابى ... |
كلامك للاخ زكريا ما عندو غير انك مركب مكنه جلابي , لكن المشكله انها مكنه مسيحه ونتنقط زيت (النفط) .
عدم الاعتراف بالاستفتاء البيدعو ليهو شمس الدين يمثل استفزاز لأهل الجنوب وللحركه الشعبيه وأي محاوله للتحايل (الجلابي) عليهو بي جنس كلامك بتاع مصالحنا وبترولنا وهلم جرا ده حيعجل بالحرب , والواقع بيقول أنو الجلابه تاني ما حيقدروا يحاربوا لأنهم تعرضوا لعوامل (تعريه) عديده كشفت كل المغتغت .
الحديث عن الوحده الأن كلام بتاع جلابه ساكت , طق حنك
بس الشيئ المهم الان ما نستفز اخوانا الجنوبيين اكثر من اللازم ونحاول نلعب بالبيضه والحجر (شغل الجلابه ) داك عشان على الاقل لنحصل على انفصال أخوي , على قول الأمام .
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: مجدى محمد مصطفى)
|
مجدى انت مصر تصوّر الحوار تصوير ما صحيح ...
ومصر تقول الناس آراء ما اتقالت ...
ومصر تقرا نص الكلام من البورد والنص الباقى من راسك ...
ومصر تنتقد أى زول بى حجة إنو "جلابى" ...
ومصر بعد تنتهى من نقدك انك ما تقول أى راى ...
استهدى بالله يا مان ... ويا إما شارك بى راى ... يا إما اقعد اقرى ساى ...
نحن بنحاول نطرح حلول لى مشكلة ليها عقود من الزمان وخسايرا لا تحصر بسهولة من ناحية الماضى ...
لاكين دايرين رؤى مستقبلية إيجابية وقايمة على أرضيات مشتركة ...
لو دولة المواطنة ما حتحصّل الإستفتاء؛ ألا تعتقد بوجوب تأجيل الإستفتاء؟
ولو دولة المواطنة بنيت نسبة كبيرة منها بين الآن ويناير 2011؛ هل تعتقد أنها تضمن الوحدة؟
وفى كل الحالات؛ هل هنالك احتمال لإنفصال "أخوى"؟
الأسئلة دى فى حدود الأسس الإنت قاعد تنتقد بيها ... وانشالله الإجابة عليها تمرقك بى قد إيجابى ...
... المهم ....
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: تبارك شيخ الدين جبريل)
|
الاخ زكريا...
تحيه
أنا و الاخوه الجنوبيين شركاء في هذا الوطن الاسمو السودان.... أي قرار يتخذ فيه يعنيني....
إذا تقسيم الدول يتم بهذه الطريقة... فهذه روشته جاهزه لتقسييم كل الدول الافريقيه....
هذا الاستفتاء
هو تزوير لشئ متفق عليه بين المؤتمر الوطني و الحركة الشعبيه
و صدقني المسأله لن تكون soft landing لسبب بسيط لآن الكثيريين لن يشاركو فيها و لأن نفس الروشته موجوده يمكن أن تصرف لاجزاء من دوله الجنوب نفسها....
أنا أتفهم غضبك من المأسي و الشعور بالظلم (و هذا من نبره كلامك) و أعتقد أن هذا في حد ذاته دليل علي عدم الحكمة في طرح الاستفتاء في هذا الوقت
و دمت
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: Mohamad Shamseldin)
|
Quote: الجلابى المغترب فى الخليج ... جورج بوك ...
بالله تعال ادى لينا الحوار دا شرعية ... بمباركة مشاركة الجنوبيين فى الحوار ...
ياخى قوم لف ... |
ال Crackhead تبارك شيخ الدين.
موضوع وحدة السودان ده أنت ما عندك بيهوا أي شغلة لأنك من المطبلين للكيزان ومن الذين يمسكون العصا من النصف في أحسن الاحوال.
بلاش تهريج معاك في الفارغة، وفي موضوع أصلا لا يهمك .
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: Deng)
|
الناس ديل نفسهم حار كدي مالهم ؟
يعني الداخل البوست ده يجيب معاه عكاز ؟
المهم ( على قول تبارك )
حق تقرير المصير دا حق قانوني نصت عليه الاتفاقية , مسألة النكوص والتراجع منو لا تليق بأي من
الطرفين , لو في جهود مفروض توجه لجعل الوحده جاذبة فعلا وليس قولا .
احترامي للجميع
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: البشير دفع الله)
|
انا ما عارف الواحد عندما يجلس وراء الكيبورد بيحس بشنو عشان ينزل في الناس استفزاز ما ليهو داعي
ده موضوع مهم وجادي مطروح للنقاش عشان الناس تفيد وتستفيد مش الواحد مقفول ليهو في غرفة وفي
بلداً طيرها عجم يقعد يستفز في زميله ويسئ للكل لمجرد خلاف في الرأي اعتقد حقو نكون اكبر من كده
عشان نستفيد ونحاول اصلاح ما افسده الزمن وما افسدته السياسة ...انا شخصياً ضد انفصال الجنوبيين
ولكن لو كانت دي رغبتهم فما حا اقعد اتباكى علي الاطلال وربنا يوفقهم بس حقو الاخوان الجنوبيين
يفرقوا بين السودانيين كسودانيين وبين حكومة المؤتمر الوطني التي غطت نفسها بثوب اسلامي في
الحرب الاهلية في جنوب البلاد والتي في رأيي مرفوضة من غالبية الشعب السوداني .
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: تبارك شيخ الدين جبريل)
|
تبارك
Quote: مجدى انت مصر تصوّر الحوار تصوير ما صحيح ...
ومصر تقول الناس آراء ما اتقالت ...
ومصر تقرا نص الكلام من البورد والنص الباقى من راسك ... |
الما صحيح في كلامي شنو!
انا بقول انو الدعوه بتاعه الراجل ده دعوه للحرب , والحرب دوله الجلابه ما بتقدر عليها تاني , واي زول متخيل انو الحرب لو قامت تاني حتكون في مريدي ويامبيو وتوريت هو زول موهوم .
| Quote: ومصر تنتقد أى زول بى حجة إنو "جلابى" ... |
انت مالك جلابي دي زعلتك ! ما هو كلامك مع الاخ زكريا واضح , كلام جلابه
Quote: لو دولة المواطنة ما حتحصّل الإستفتاء؛ ألا تعتقد بوجوب تأجيل الإستفتاء؟
ولو دولة المواطنة بنيت نسبة كبيرة منها بين الآن ويناير 2011؛ هل تعتقد أنها تضمن الوحدة؟ |
ما ياهو ده زاتو كلام الجلابه البنقولوا , دوله المواطنه دي بتتعمل بي الاماني يا تبارك ! دوله المواطنه دي قاده الجلابه ومثقفي الجلابه وقطاعات كبيره من عامه الجلابه يرفضونها ويقاومونها ويقومون بكل شيئ الا بناء مدماك واحد في دوله المواطنه فكلام طق الحنك ده ما بينفع .
الجلابه كلهم بما فيهم ناس دارفور وناس الشرق (الكانوا مركبين مكنات جلابه زيك كده) شاركوا في جريمه حرب الجنوب , وكلنا شفنا حملات الدفاع الشعبي وخروج الالاف من الشباب لحرب الجنوبيين وشفنا النساء الجلابيات يتبرعن بذهبهن (جبل الدهب) لدعم تدمير الجنوب الخ ومع ذلك لم نرى أي شيئ ايجابي لا رسمي ولا شعبي للمساهمه في محو اثار الدمار الذي احدثناه هناك وجاي تتحدث عن تاجيل الاستفتاء حتى يتم بناء دوله المواطنه ! .
انا عارف وانت عارف واهل الجنوب عارفين أنو الجلابه حيحاولو يتحايلوا بشتى السبل عشان يتهربوا من الاستفتاء والانفصال (الاستقلال) الحتمي المترتب عليه , ليس حبا في الجنوبيين ولا حرصا على بناء تواصل اجتماعي ثقافي معهم في ظل دوله واحده , بل من اجل النفط الذي يزيت به الجلابه حلاقيمهم! , ولكنهم سيعجزون لأن الاستفتاء محروس بالاراده الجنوبيه وبدعم أمريكا الصريح , وزي ما انت عارف والعالم كلوا عارف أنو الجلابه لا تقوى مؤخراتهم لتحمل العصا الامريكيه!
انا يا تبارك بتحدث معاك من منطلق واقعي جدا فأهل الجنوب لن ينسوا ما احدثناه هناك في الخمسين عاما الماضيه ولن ينسوا ايضا ما احدثه المؤتمر الوطني من تهرب من دفع مستحقات الوحده , بل ان قاده الجنوب قالوها بوضوح لا يقبل اللبس (اذا ما فاز البشير فسننفصل) واعتقد ان كل سوداني قد سمع هذا الحديث , لذلك اقول أن التحريض على التهرب من مستحقات الاستفتاء ب الحديث الجلابي ده ما بيحل مشكله وبيقى في اطار طق الحنك .
أولى لكم أن تطرحوا السؤال التالي كيف لكم أن تحافظوا على ما تبقى من السودان حتى لا تذهب دارفور والشرق ! فكما تعرف يا عزيزي أن دوله الجلابه والشمال السياسي الذي كان يقسم السودانيين الى جنوبيين وشماليين قد تعرى تماما , وظهرت سوآته للناس .
الدعوه لعدم الاعتراف بنتيجه الاستفتاء يعني الدعوه لعدم الاعتراف بخيار المواطن الجنوبي وهو بالضبط ما ادى الى تلك الحرب القذره التى خضناها ظلما ضد مواطنيين سودانيين لخمسين سنه .
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: مجدى محمد مصطفى)
|
Quote: الاخ زكريا...
تحيه
أنا و الاخوه الجنوبيين شركاء في هذا الوطن الاسمو السودان.... أي قرار يتخذ فيه يعنيني....
إذا تقسيم الدول يتم بهذه الطريقة... فهذه روشته جاهزه لتقسييم كل الدول الافريقيه....
هذا الاستفتاء
هو تزوير لشئ متفق عليه بين المؤتمر الوطني و الحركة الشعبيه
و صدقني المسأله لن تكون soft landing لسبب بسيط لآن الكثيريين لن يشاركو فيها و لأن نفس الروشته موجوده يمكن أن تصرف لاجزاء من دوله الجنوب نفسها....
أنا أتفهم غضبك من المأسي و الشعور بالظلم (و هذا من نبره كلامك) و أعتقد أن هذا في حد ذاته دليل علي عدم الحكمة في طرح الاستفتاء في هذا الوقت
و دمت |
محمد شمس الدين,
الجنوبيون ليس شركاء فى هذا الوطن الاسمه السودان و ليست الانقاذ من ابتدعت فكرة الاسلمة و التعريب و الابادة و الجهاد او الابادة التى جرت فى الجنوب. انت لن تقدر ان تاتى بسبب واحد يجعل الجنوبى يصوت لصالح الوحدة فى ظل الاجواء الحالية او فى اجواء اخرى مثالية تعرفها انت لاننا و منذا 1947 لا يعرف الجنوبى من النخب الشمالية غير الذل و القتل و النهب و حرق الاطفال احياء و احتقارنا بسبب ديانتنا او عرقنا. فليكن ال landing rough فهذا ما يرجحه اهل الجنوب لاننا نتوقع اسوء من ذلك و لكن يا محمد شمس الدين الوضع لم يعد كما هو, دارفور و جبال النوبة و جنوب النيل الازرق كلها قنابل مؤقؤتة تستدعى ان تكون العجرفة و التعالى فى الفاضى اخر ادوات يمكن اللجؤ اليها لاستفزاز الجنوبين. لم و لن يقدر احدا على سلب إرادة الجنوبين ابدا.
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: Zakaria Joseph)
|
| Quote: و لكن يا محمد شمس الدين الوضع لم يعد كما هو, دارفور و جبال النوبة و جنوب النيل الازرق كلها قنابل مؤقؤتة تستدعى ان تكون العجرفة و التعالى فى الفاضى اخر ادوات يمكن اللجؤ اليها لاستفزاز الجنوبين. لم و لن يقدر احدا على سلب إرادة الجنوبين ابدا. |
تدفعونا دفعاً للتخندق مع المؤتمر الوطني ....زول طرح موضوع للنقاش والتعايش في ظل دولة واحدة موحدة الشتارة لزوما شنو ؟؟؟
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: وليد شريف)
|
| Quote: تدفعونا دفعاً للتخندق مع المؤتمر الوطني ....زول طرح موضوع للنقاش والتعايش في ظل دولة واحدة موحدة الشتارة لزوما شنو ؟؟؟ |
وليد,
اى شتارة تتحدث عنها? و من القالك انو بتفرق مع الجنوبين ان كنت بعثى او كوز او اتحادى او منبر السلام او موتمر البجة او اخو مسلم او ناصرى او العدل المساواة?
اى طرح تتحدث عنه?
هو قال لن يعترف بنتيجة الاستفتاء و انا بقول له:
So what?
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: Zakaria Joseph)
|
| Quote: الجنوبيون ليس شركاء فى هذا الوطن الاسمه السودان و ليست الانقاذ من ابتدعت فكرة الاسلمة و التعريب و الابادة و الجهاد او الابادة التى جرت فى الجنوب. انت لن تقدر ان تاتى بسبب واحد يجعل الجنوبى يصوت لصالح الوحدة فى ظل الاجواء الحالية او فى اجواء اخرى مثالية تعرفها انت لاننا و منذا 1947 لا يعرف الجنوبى من النخب الشمالية غير الذل و القتل و النهب و حرق الاطفال احياء و احتقارنا بسبب ديانتنا او عرقنا. |
زكريا في شتارة اكثر من دي نحن جيل مختلف واعتقد بيننا من التآخي ما يفوق من سبقونا
لماذا لا نؤسس لغهم يجعلنا اكثر قرباً وقوة وحميمية ونهزم مع بعض كل العهود الظلامية التي
مرت وستمر بالسودان الموحد نعم هناك مرارات بين الجانبين وكما الجنوب يبكي مرارات
هذه السنين ايضا نحن في الشمال نبكي هذه المرارات حيث لا يوجد منزل عندنا الا وفقد عزيز
لديه علي الاقل في حرب الجنوب ...اتمنى ان نعالج سلبيات الماضي بفهم اعمق واكثر علمية ..
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: Zakaria Joseph)
|
| Quote: ال Crackhead تبارك شيخ الدين. |
دينق ... انت جلابى بالميلاد ... اتولدت واتربيت فى مركز الجلابة ... ومميز بى ميزات صفوة المركز الجلابى ... وأحلام الجلابة وصّلتك لى اتخاذ وظيفة فى قطر بى جواز امريكى ... بدون تفاصيل الوظيفة ... دا منتهى نموذج احلام اولاد الجلابة البيستمتعوا بى مميزات المركز ..
يعنى بى بساطة انت فى حقيقتك "جلابى مغترب فى الخليج" ...
بتشتمنى وتقول علىّ الما فينى ليه؟ ...
هل انا شتمتك؟ .. هل قلت عليك حاجة ما فيك؟
ولاّ داير تستعرض عضلاتك بى طريقة الجلابة؟
انا قبلان بى صفة Crackhead لأنى عارفا ما بتلصق فينى ... انت قبلان بى "جلابى مغترب فى الخليج"؟
وانا كان ممكن اطالب بكرى ابوبكر يفعّل فيك اللائحة ... لأنو دا قذف صريح ...
لاكين ما داير اديك فرصة تزوغ من النقاش هنا ...
وبدون لايحة ... بكرة لاقينى فى مكتب تاج السر الملك ... عشان نمشى نعمل Drug Test ونجى ننشر التنايج هنا ... نشوف الـ Crackhead منو ... وبالمعمل ... لا شتيمة ... لا قلة أدب فارغة ...
... المهم .....
| |
|
|
|
|
|
|
|
|
|
Re: صوٌت لعدم الاعتراف بإستفتاء 2011 - تقرير مصير الجنوب (Re: تبارك شيخ الدين جبريل)
|
هذا ما أورده بصحيفة النييورك تايمز* الصحفي المتخصص في الشأن الأفريقي أليكس بيري....
له نظره تشاؤميه لنجاح دوله بجنوب السودان.. و يشبه بصعوبه ميلاد طفل غير مكتمل النمو ..
http://schott.blogs.nytimes.com/2010/04/12/pre-failed-state
بتاريخ 12 أبريل 2010
| Quote: Pre-Failed State
Bleak description of southern Sudan, which is expected to vote for independence in a referendum scheduled for January 2011.
Writing for Time, Alex Perry offered a gloomy assessment of southern Sudan’s readiness for independence:
How can southern Sudan become an independent nation when it possesses so little of what defines one? Many aid workers and development experts in Juba doubt it can. They have coined a new term to describe its unique status: pre-failed state. In public, the international community tries to be more upbeat. But optimism is hard with so little time to prepare for separation. Southerners are expected overwhelmingly to choose to split Africa’s largest country at a referendum on independence next Jan. 9, and David Gressly, the U.N.’s regional coordinator for southern Sudan, admits, “There is a lot of discussion about whether southern Sudan will be ready for secession.” Asked whether South Sudan is sufficiently prepared to go it alone, former U.S. President Jimmy Carter, whose Carter Center promotes health and democracy in Sudan, replies simply: [B]“No.”
Any premature birth presents complications. For southern Sudan, they could be particularly severe. Sudan is already one of the least stable countries on earth. This is where Osama bin Laden lived for five years in the 1990s; where the government has waged, in Darfur, what the Bush Administration called genocide; where the President, Omar al-Bashir, is the first head of state to be indicted by the International Criminal Court; and where 2 million people died in two civil wars between the south and the northern government in 1955-72 and between 1983 and 2005, conflicts that left the entire country awash with guns.
A new country born into that environment, which, say, did not have clearly defined borders, or had weak institutions, or was split internally, could spell disaster. “[B]It could recreate the conditions for civil war,” says Gressly. Major General Scott Gration, U.S. special envoy to Sudan, describes his task as ensuring “civil divorce, not civil war,” and warns, “This place could go down in flames tomorrow. The probability of failure is great.” |
فأئده : صحيفه النييورك تأيمز بها أرشيف يحتوى علي رسائل مراسلها عن السودان أيام و قبل المهدية
التعديل : لاضافة لنك المقال
(عدل بواسطة Mohamad Shamseldin on 04-25-2010, 02:18 PM)
| |
|
|
|
|
|
|
| |
Mohamad Shamseldin
JOK BIONG
Tragie Mustafa
هاشم نوريت
Deng
Zakaria Joseph
تبارك شيخ الدين جبريل
مجدى محمد مصطفى
البشير دفع الله
فيس بوك
تويتر
انستقرام
يوتيوب
بنتيريست